2021年4月11日 星期日

貓店長(一)

水電貓少出嚟蒲頭,但佢附近的鄰居就相當活躍。有日行過就近的士多,見到士多貓蹺埋對手好嘆咁享受貓生,其實人類營營役役成日講財務自由為乜呢?

之後數天又在街市後巷發現類似士多貓的蹤影。後巷呢隻條尾比較短,但士多貓「惜尾如金」,無法比較。究竟係咪同一隻呢?

更離奇的是,過了數天,士多貓竟然一開二變成兩兄弟,在士多門口探頭探腦,充滿好奇心...究竟之前的士多貓係兩兄弟其中之一,抑或係一隻係貓媽媽,仲有兩隻貓仔呢?

當區仲有另一隻新晉貓店長,下一篇再寫。

***

原來香港開電視都有個節目叫「貓店長」,共有兩輯,可以在網上免費收看,無需入會,實在十分療癒:

香港開電視 > 貓店長

香港開電視 > 貓店長2

23 則留言:

  1. 黃白色虎紋貓真係好靚

    回覆刪除
    回覆
    1. 睇額頭花紋好似三隻都喺唔同嘅貓,好相似應該喺一家人

      //見到士多貓蹺埋對手好嘆咁享受貓生,其實人類營營役役成日講財務自由
      魔兄應該夠可以蹺埋對手喇XD

      刪除
    2. //睇額頭花紋好似三隻都喺唔同嘅貓,好相似應該喺一家人

      應該係貓媽媽同兩個囝囝 XD

      刪除
    3. //下一期有藥材貓, 仲靚...

      今朝去開附近外勤,順手去睇貓貓:

      士多舖的,有啲嫩口XD

      藥材舖的,好靚、好肥、好想摸同抱!

      水電貓今早無緣份 >_<

      刪除
    4. //藥材舖的,好靚、好肥、好想摸同抱!

      藥材貓坐直係度, 成隻企鵝仔咁, 好得意.

      貓店長(二)將於本周末出版.

      刪除
    5. 想睇企鵝仔相♡

      -Z

      刪除
  2. 已經打完2針科興
    第2針真係會有d反應,第2針果個姑娘有病,打針掉飛鏢咁,我都好痛囉
    有少少低燒, 打第2針要預返休息時間同埋唔好做重要既工作
    我比較都係弱d,其他同事第2針沒什麼反應

    至於同事打第2針復必泰仲勁,直頭病左2日,佢話全身頭,頭暈眼光
    打復必泰既人更要注意第2針既休息時間

    至於本身肝有病的話,可能要先問醫生或不去打針,有同事本身有肝病,打了針後肝指數不好要入醫院,但該私家醫院既醫生話同疫苗無關

    回覆刪除
    回覆
    1. 我仲等緊覆診, 睇埋醫生先決定打邊隻.

      刪除
    2. 真係因人而異喎,小的第一針只是較攰,第二針零反應....

      刪除
    3. 打針呢啲又唔急,有長期食藥或者有疑慮,我都贊成同醫生傾左先決定。

      至於打邊款針就睇自己需要,打算去歐美、鄉下咪打biontech lor,會上大陸嘅咪去打科興。

      我諗我上深圳機會大過人地「返鄉下」,又怕mRNA呢個技術太新會有啲未知副作用,所以就揀科興了。

      刪除
    4. 如果無特別 concern 我都會打科興, 畢竟我有蝗親戚呀!

      刪除
    5. 我打針無考慮過旅行呢個問題,我係因為公民責任同消滅今次既病毒而去打針,(雖然講出黎好多人O咀)
      因為我都會去日本旅行,但我係打科興,主要原因係舊技術,所以揀科興,係好科學架
      其實打BIONTECH都無所謂啦,我都唔覺得打科興=親中,好似我老豆咁因為約唔到都打左BIONTECH佢求其咋嘛

      刪除
    6. 都唔係嘅,遲啲真係有疫護照都要考慮認受性。
      我知一啲外籍人士都係揀biontech, 應該係考慮佢地本國同埋出trip時認受性問題。
      其實香港已經算好好了,有得揀打邊隻,供應又充足。只係班友反中反上腦啫。

      我覺得兩隻都ok, 不過主要都係對傳統技術信心大啲,先揀科興。

      刪除
    7. //都唔係嘅,遲啲真係有疫護照都要考慮認受性。//

      我係傾向唔駛理 - 除非係工作或其他需要, 必需疫苗護照一行就即時去某歐美地區

      首先中國既旅客消費力有追上森姆大叔既氣勢
      歐洲名店都要請普通話店員, 俾中國大叔大媽有賓至如歸既消費體驗
      吖, 好似中東都有國家打大陸疫苗
      唔認國產疫苗? 大陸爆買大叔大媽同中東土豪通通都趕走?
      我唔信歐洲窮國, 比如意大利之類唔向人民幣跪低

      發展到衣家, 牛精液苗出佐事
      本來就無疫苗既中/東歐國家就更無可能拎到,
      一般話疫苗有效期只有半年到九個月, "等到發達國家打晒就輪到窮國"係奢望
      最後只能東望大陸
      可以預見歐盟內既會有國家"變節"要打中國疫苗

      個人愚見係, 疫苗護照放風唔受中國玩只係吹政治風
      最終都要向現實低頭

      --Dogdogchi

      刪除
    8. //消滅今次既病毒而去打針
      //遲啲真係有疫護照都要考慮認受性
      //對傳統技術信心大啲

      為己為人都係應該打針嘅, 只係無講效用有幾耐, 如果一年後再打係咪仲係免費.

      //唔認國產疫苗? 大陸爆買大叔大媽同中東土豪通通都趕走?
      我唔信歐洲窮國, 比如意大利之類唔向人民幣跪低//
      //可以預見歐盟內既會有國家"變節"要打中國疫苗

      當然出入境認受性都係考慮重點, 正如 dog 所言, 各國個 approval list 任佢地噏, 無理由趕走財神.

      刪除
    9. hk人少供應足真係好,大陸省城我呢邊,上月初吉一針而家話第二針量有限要等通知先有得打,呢鋪真係搞到要排隊拿籌><

      刪除
    10. 傷民對打針唔多踴躍,真係「有人無針打,有針無人打」。

      刪除
  3. 應該係三隻唔同嘅貓來的:
    第一隻同最後幾幅相瞓地下隻貓是同一隻
    第二隻頸有白毛仲四腳踏雪
    第三隻係最後幾幅相坐橙色箱的,佢的花紋類似美國短毛貓

    總之,黃貓大多數都性格熱情開朗活潑,仲好為食!我鍾意!

    回覆刪除
    回覆
    1. //黃貓大多數都性格熱情開朗活潑,仲好為食!

      哈哈, 住係士多啱哂 XD

      刪除