有樓萬事joke（一）：有樓有真愛？

好嘞，終於有時間睇咗第一集...其實，都唔係咁爆啫！


第一位出場嘅，當然就係高潮女：

１. 尤記得ＣＣＴＶＢ首播時，即將結婚唔知道有無買樓的小妹Ｙ在午飯時睇呢集，睇睇下忽然怒罵：「Ｄ，２２歲？有無咁Ｘ大波呀！」

魔術師失笑，謂：「呢條女，３２就似...」
小妹Ｙ：「我覺得佢老過你（魔術師）囉！」
２. 睇返呢位高潮女的profile，佢報稱２２歲，畢業５年，讀酒店旅遊？係咪即係剪翅傑青？
３. 又話識過一個愛爾蘭男友，「拍咗好耐拖」（可以有幾耐？），諗住結婚（咁細個？），文化背景唔同（佢梗係只係識用 body language 溝通），買樓結婚靠女人（洋腸不嬲都不善理財，唔信問下塘人）。
４. 「有樓有高潮，有高潮至易啲生仔，女人要在安全的環境安胎」有樓有高潮的原理是有安全感？但係偷情車震打野戰都可以有高潮架喎！夠刺激吖馬！有高潮又同易生仔有乜關係？退一萬步來說，即使有高潮係生仔的必要條件，但有樓唔係有高潮的必要條件，所以受精的一刻是不需要一定在「有樓」的環境下進行的。至於「女人要在安全的環境安胎」，魔術師係同意的。
５. 高潮女話佢對「樓」的定義是「2000零尺，好似何文田恆信園的舊樓都唔錯，雙連單位」，「無樓咪白墥」。魔術師覺得都算 okay 喎，人各有志啫！起碼佢肯接受舊樓；而且一家三至四口加工人，２,０００呎算係啱住。不過俾着魔術師就會揀獨立屋嘞，分層結終爭啲貴氣，反正層樓都只係 wish list 而已。
６. 「錢唔係問題，都唔係我俾」高潮女話送層樓俾佢係「誠意金」，魔術師就覺得只係家家在求，佢有本事咪搵個老闆囉。唔明班妄民做乜咁大反應？唔通佢地又想「上馬播種」？
７. 「公猴搶地盤，母猴揀個條件好嘅，繁衍下一代。住嘅洞穴唔可以太細，萬一母猴入到去，公猴入唔到，點算？」魔術師對猴子世界就真係唔多認識，究竟猴子係住係樹上定係住係洞穴嘅呢？百萬富翁問呢條問題就真係考起嘞（魔術師淨係識貓科動物獅子族群係一夫多妻，雄獅守住地盤趕走入侵者，母獅分工合作負責捕獵及照顧一眾幼獅，儼如社會主義雛型）。不過高潮女下下都講到自己好似隻豬咁做生仔機器都幾有趣，本地地產霸的息影女星媳婦應該係佢偶像！

８. 呢位２１歲的大學生，個樣一樣係比較老成。為咗 dream house，做咩嘢都願？咁做Ｇ願唔願？
９. 「理想係２６歲買樓，所以做多份兼職，包括便模特及賣保險等，平均一個月可以搵到４、５萬，好景時１０幾萬都試過。」嘩，果然係有ＪＪ就係罪，睇怕呢位港女的男同學做十年都應該搵唔到咁多！

１０. 睇返呢位兼職港女大學生的柒青男同學，又真係幾令人唔開胃的。唔怪得港女話「可以考慮４字頭的追求者」，貪佢地成熟識諗，有樓事業有成喇！
１１. 又，上面袖圖個背景係保你大的食Ｘ大？

１２. 三位港女之中，都係呢位３０有２的盛女個樣最正氣，唔係話好靚，但起碼順眼（高潮女同兼職港女對眼都有啲邪氣）。旁白話佢「貌似杜如風」，同事話話佢係「軟飯王的好選擇」，未免太刻薄。
１３. 「男人無樓唔緊要，我有吖嘛！」呢句夠豪氣！盡顯母性的表現！
１４. 而且，盛女又不是買了什麼豪宅，只係一層由叫價３４８萬鋤到３０３萬的小窩居，起碼知足常樂，睇佢個樣都好似幾開心，唔似係裝出嚟（相比之下就睇唔出高潮女同兼職港女大學生有呢種笑容）。
１５. 盛女報稱係在單親家庭中成長，從１６歲開始便要自已搵錢養自己，呢種人生唔係人人都撐得過，所謂「自己搵到錢，自己交學費」的成就感，就算係魔術師，都一樣未試過（當年老父死過返生都係為了供魔術師讀書，見《深切治療》）。

１６. 之但係，細個時可以係慳妹，享受「肚餓的存在感」，但係大個啲過得３０歲，就唔需要下下講價；對金錢的態度，應該係不亢不卑，應使則使，可以俾人賺的就俾人賺，太過守財反而會限制了自己的眼光也。
＊＊＊
伸延閱讀：
深切治療