結了婚的情侶屋

２００幾呎的市區３０幾年樓齡、一梯兩伙的舊樓，兼且係低層單位，用４６萬有房變無房，點先做到 Staycation（３７：１２—４７：４０，有線已開放給非用戶收看）？

樓盤傳真 2020/10/03　2020/10/03 22:13

山頂超級豪宅地皮身價縮水，傳統豪宅區亦出現劈價、急讓放盤及「多按盤」，業界認為，入門級如千萬元豪宅蝕讓個案將會較多。另近日傳出有發展商財困而重現「爛尾樓」討論，律師講解香港法例已足以保障買家資金，一旦出事，小業主又可以追討甚麼？

作為首個「置安心」項目的青衣綠悠雅苑，兩房戶未補地價叫價逾 700 萬元。屋苑在過去數年的樓價升幅跑贏大市，若計已補價的樓價，甚至媲美區內私樓。

白石角新住宅區入伙進程步入倒數階段，當中新地雲滙2期較第1期遲半年交樓，質素維持上一期水準，惟靠近公路的各項減音裝置令人不解。

在繁忙都市中開拓出喘息空間，設計師把港島市區傳統單幢樓的 300 平方呎開則化為開放式單位，以「乾濕分離」為概念大刀闊斧重整布局，幾個空間漸進排列，區間更分明。

單位本身約３００呎，但平台就成４００呎，呢個就係將納米舊樓變城市綠洲的關鍵位喇！

原則係兩房設計，但單位只係得３００呎，搞到廳房俱細（左上），於是設計Ｃ便將全屋房子拆去，轉為開放式（右上）。設計Ｃ只保留次所，一入玄關轉右推開暗門便是（左下）。次所走黑色型格路線，企缸設計，洗手盤底留空，方便儲物（右下）：

設計Ｃ將原先廚房搬至玄關左手邊，成開放式（左上）；但問題是一來廚房會對正次所，二來開放式廚房明火煮食仲要近大門口，似要屋宇署批准？廚次與生活區以玻璃趟門分隔，一來可以引入光線，二來可以做到「乾濕分離」的效果（右上、左中、右中）。記者仔話戶主喜歡下廚（唔知係自稱「喜歡」抑或係「真・喜歡」），所以廚櫃雖小，五贓卻齊全（左下）。廚房面對天井窗，設計Ｃ便將之封了，以掛畫遮掩（右下）：

設計Ｃ利用玻璃趟門與牆身間隔將廚次與生活區分開（左上），順便整個 display 櫃擺 figure（右上）。生活區又係又係睡房，床尾有梳化可睇電視，床頭櫃亦係書枱，有需要的話可以遙控電動捲簾分隔（左中、右中）。睡床地台當然可以用來儲物（左下）。單位連接平台，採光充足，故此可以唔用咁多天花燈；設計Ｃ反而在廳中造了橫樑，可以放置連接搬了位的開放式廚房的喉管、與及電動捲簾等（右下）：

平台有成４００呎，設計Ｃ話戶主喜歡招呼朋友上納米家玩樂（左上），於是安放些戶外餐桌餐（右上），種些殘花敗柳（左中），便可以用來呼朋引類兼溜狗了（右中）！不過，狗仔在戶外地板木縫中開大又點清潔呢？衣帽間是原來的廚房，設計Ｃ十分貼心，唔劏戶主訂造傢俱，轉而買現成的層架，慳返啲筆直（左下、右下）：

單位位於低層，在平台上做乜都會俾人睇到哂，睇怕戶主呢「一對結咗婚嘅情侶」（設計Ｃ語，４４：５５—４４：５７）都唔能夠將平台當陽台，要扑嘢都係反開放式睡房搞算了。

＊＊＊

精華版如下：