偽持續發展屋

戶主夫婦買入大西北指標屋苑，話想由二人世界到生兒育女都係度住，即係個裝修預咗用十年八年。呢啲咁嘅「無回頭客」，究竟切雞Ｃ會斬佢一頸血，定係反正無肉食，揸流灘 hea 做算呢？

樓盤傳真 9/7/2022 第三節

設計廊：戶主夫婦想過二人世界，設計師選擇灰白色的北歐風格，舒適而著重現代感。

呢個 shot 嘅重點明顯係黑絲達人女主持，唔會有人理切雞Ｃ講乜的：

Grand YOHO 789呎三房單位，樓齡只有５年，可以保留原裝廚廁，節省成本（左上）。而家新樓都係着重高樓底，懶有氣派但唔起閣仔就用唔到呢啲「在半空」的空間，今次切雞Ｃ就整咗假天花加黑鐵吊燈（右上）。其實間屋本來就好「現代」，唔多明點解切雞Ｃ話要以北歐風格（即係點？）營造現代感（左中、右中）...辦法好簡單，就係在客飯廳的牆身及傢俱用上唔同深淺程度的灰色與及黑鐵元素云云（左下、右下）：

唔知點解差唔多８００呎的單位都要用摺疊餐枱，仲要專登搵長腿記者妹示範拉出拉入，將餐枱中間部份反嚟反去，真係我見猶憐：

客飯廳至睡房以條子暗門分隔（左上）。切雞Ｃ打通主人房與其中一間客戶，擴大主人房，並設有同衣櫃沒啥分別的衣帽間（右上）。為防房門直沖睡床，切雞Ｃ打造了長虹玻璃分隔，近門口的一邊是梳妝枱和衣帽間，然後才到睡床（左中、右中）。話說呢個所謂「長虹玻璃」並非什麼開心大發現，魔術師記得小時候就在政府健康院（屯門新墟？）中見過呢種「長虹玻璃」，真係見過！主人睡床可以三方落床，四周有吊櫃衣櫃，中間留空，延伸至床頭櫃（左下）。不過，最弊的是冷氣機垂直吹向睡床訓入面個位（右下）：

最後，書房就只係得一張可升可降的書枱，牆上貼有女戶主特別喜歡的罌粟花紋。切雞Ｃ話呢間房特意無裝修係為將來做ＢＢ房而設，可以彈性加添儗傢俱。究竟將來的ＢＢ見到罌粟花紋會否 high high 地就不得而知，不過如果生咗阿Ｂ，睇怕呢間懶 decent 的北歐現代風佈置都應該會被巷孩玩具破壞哂個氣氛：

＊＊＊

精華版如下：