巷女西養屋

呢一集其實係系列之一，之後一集同一個切雞C會幫同屋屋苑同一幢樓樓上樓下操刀(00:00 - 07:30)，不過後一集無乜嘢好睇（見伸延閱讀），魔術師就只係寫第一集嘞！

樓盤傳真 23/7/2022 第四節

設計廊：同一個開則，可以有兩款設計方向。一連兩集到麗坪路富豪·山峯，先看一個高層單位的設計，如何分別切合互助兩位小朋友的需要。

裝修解密：新一系列〈裝修解密〉帶大家深入裝修地盤，講解不同階段的進度，作為消費者應該如何判斷進度。第一個主題先留意來水喉。

戶主夫婦同兩隻巷孩囡囡住九肚山麗坪路富豪山峰2000呎四房套...一講麗坪路，魔術師就諗起赤泥坪附近的暴大，唔通戶主想趁囡囡細細個就培養佢地做充滿仙氣的天使？

單位長形客飯廳十分方正好用，景觀優美望翠綠山景，無需要改動（左上、右上）。切雞C只需要在客廳擺好電視牆、梳化和鋼琴；飯廳擺飯枱，仲掛上女戶主喜歡懶 grand 的吊燈（左中、右中）。飯廳後方造 display 櫃加上懶有品味的掛畫（左下）； display 櫃隔離的卻是隱藏式雪櫃（方便一家人拎嘢飲！）與及通往睡房的隱藏門（右下）：

主人房床尾望山，今次最叻滿足巷婦要求的靚靚切雞C在落地大玻璃整前遙控升降投影幕，比另一位毒男切雞C咁在睡房整條電視柱（見《在睡房跳鋼管舞》）得體（），不過又係嗰句，呢啲電動嘢一壞就好麻煩。床頭之後是男女戶主的「步入式衣櫉」，又係懶 grand 的設計但係就偏窄，女戶主梳妝枱要屈到最入暗角，只能靠打燈補救（左中、右中）。本單位所有房間都是套房設計，有套次浸浴，十分疏乎（左下、右下）：

走廊第一間就是大女房。8歲大女喜歡白鬼概念的樹屋概念（應該唔係印第安人美洲原住民的樹上暸望台掛？），十分浪漫，於是切雞C就無端端整個碌架床，囡囡訓樓下，樓上就係「秘密基地」（左上、右上、左中、右中）。書枱超長係為咗方便同補習老師一齊用（左下、右下）。8歲就要補習，無哂童貞真，睇怕都可以提早上CCTVB表演：

再等長腿記者妹帶我哋上去參觀下間樹屋：

（網上圖片）

（網上圖片）

最後就係位於主人房隔離的1歲BB房，只係得床BB床同衣櫃，仲有個唔知做乜的帳幕（左上、右上）。由於長走廊關係，切雞C將主人房房門移走，令四間房門分佈在長走廊兩邊，避免直沖，同時又偷了BB房位做主人衣櫃，所以主人衣帽間也顯得窄長（左下、右下）：

至於仲有一間房點用，記者妹說無介紹了。

精華版如下：

＊＊＊

伸延閱讀：

在睡房跳鋼管舞

樓盤傳真 30/7/2022 第四節