四季茗茶精選（2022）

每年11月初都會收到英記茶莊（08241.HK）的FB溫馨提示，周年大減價又嚟喇，全線正價貨品八折，正是魔術師一年一度入貨的好時機：

1. 春天（正月、二月、三月）飲花茶。

由於只有香片一個選項，只需「補倉」白龍珠香片便成。

魔術師茶葉選擇：白龍珠香片

2. 夏天（四月、五月、六月）飲綠茶。

照舊都係龍井與碧螺春的選擇。基於雀舌龍井尚有存貨，於是補入獅峰龍井與碧螺春便是。極品龍井貴但唔啱飲，以魔術師口味來說，雀舌龍井最啱飲。

魔術師茶葉選擇：獅峰龍井、雀舌龍井、碧螺春 

3. 秋天（七月、八月、九月）飲青茶、岩茶。

選項有鐵觀音、鳳凰單欉、烏龍、與及白茶中的白毫銀針（維基 Mall 無售）。之前有網友介紹鳳凰單欉，的確係好嘢。由於今次個 list 隻隻都好飲，魔術師本季消耗特多，所以每隻都要入返啲貨：

魔術師茶葉選擇：貢品觀音王、鳳凰單欉、人參烏龍、白毫銀針

4. 冬天（十月、十一月、十二月）唔飲紅荼飲普洱（黑茶）。

家中已經存有「家藏普洱」（好似話係十二年陳生茶）同「頂舊普洱」（好似話係九年陳熟茶），只需補入「遠年普洱」（好似話係六年陳）；但以口味來說魔術師喜歡便宜一點的「遠年普洱」（「真．普洱」反而嚐不出分別？），CP值反而較高。

魔術師茶葉選擇：家藏普洱、頂舊普洱、遠年普洱

＊＊＊

既然英記在維基 mall 有網店，魔術師當然有買盡買，事關網購有唔少信用卡都有折扣優惠也：

(圖片來源：HKTV Mall > 英記茶莊, captured on 9 Nov 2022)

更何況茶葉呢味嘢，掃親貨閒閒地都成千蚊，又有得免運費送上門呢！

至於網店無售嘅茶葉，魔術師就要移一移玉步去荃灣買了，誰叫英記在屯門的分店早幾年就摺咗咩！

＊＊＊

伸延閱讀：

賽馬會擁抱健康中醫計劃 > 養生學堂 > 書藉 > 第二章 茶葉．譽為萬病之藥 > 四季飲茶有唔同?