2022年11月7日 星期一

瞬間睇廣告(十)

1. 投委會

雖則話個廣告劈頭第一句就話「睇吓投委會網頁先」,但相信觀眾嘅焦點都會落咗係女主角個靚靚膊頭到,變咗「睇吓女主角個膊頭先」(雖則隻唔知邊個唱嘅廣告歌都幾洗腦吓):

都唔使魔術師查找,油管已經 tag 咗呢位在廣告中帶住普羅大眾認識投資理財態度、風險、及詐騙技倆等,彷彿飾演「投委會天使」的女主角叫姜麗文(Lesley Chiang),1986年生,今年都36碎了。維基話係秦沛個女、姜大衛個姪女,原來出身演藝世家,亦係 CCTVB「小花」之一...壞消息係已嫁作人妻。

魔術師睇完囡囡先睇返「廣告主題」即係投委會網頁,本來以為一向老土設計的「錢家有道」竟然已變作相當 modern 的 look and feel,連啲標題都叫能夠追貼潮流,一啲都唔似正苦半官方機構:

(圖片來源:投委會官方網站, captured on 6 Nov 2022)

其中仲有主打有青理財觀的分頁,當然以魔術師在拉燈網所見大多數有青都係剛愎自用,想賺快錢忽視風險,投委會呢啲忠言應該逆耳,效用成疑:

(圖片來源:投委會官方網站 > 理財頻道 > 後生仔理財攻略, captured on 6 Nov 2022)

又,日前二舅父打嚟問魔術師二表弟一年前因為大病(腸臟發現有癌細胞),為咗自己唔好亂洗錢便做咗2年定期,0.1%,依家問銀行拎,但取消唔到拎唔返出嚟點算好。魔術師真係無言,拎唔出嚟就嚟當年「為咗自己唔好亂洗錢」的目的嘛,你食唔到依家加咗息就係個「機會成本」囉。

嗯,其實魔術師一向都有興趣做吓投資者教育,不過就唔會係開班L,想轉行真係無咁易。

***

2. 治敏速

話說魔術師一支公住,好多時都會開住客廳架電視播新聞台,說算唔睇都有啲聲,以免太話「死寂」;而令魔術師留意到呢個廣告說係「聽」返嚟:邊個把聲衰成咁?唔通係容祖兒?

今次油管個廣告無 tag 女主角係邊個,可能真係 assume 咗觀眾都會識得佢...但魔術師就明顯唔係「目標觀眾」。查找了一輪,終於搵到呢位廣告女主角叫陳俞希(Hailey C),號稱「VTV 一姐」(唔怪得魔術師唔識),1988年生,今年芳齡34,但係把聲仲係咁低能...不過妄民話「把聲都有戲」,諗深一層,都可以話呢位「一姐」聲演出色,感情投入嘅!

***

3. 存款保障

相對投委會搵真人拍住動畫公仔一齊上,呢個存款保障委員會的「正苦半官方機構廣告」就真係唔掂:

首先替動畫公仔配音把聲衰唔在講,仲有就係個 script 第一句「你哋咁努力賺錢,都係想儲多個錢」,一來兩句句尾重覆咗個「錢」字,二來兩個「錢」字音調完全一模一樣,缺乏平仄押韻,可謂非常之「un-耳」,跟投委會隻洗腦廣告歌真係無得比!

***

伸延閱讀:

維基百科:姜麗文

維基百科:陳俞希

13 則留言:

  1. //終於搵到呢位廣告女主角叫陳俞希(Hailey C)
    腳好似好長好大--投委會(仲以為喺投票嗰啲投)嗰個睇嚟後生過佢比較可愛---但係傷巷邊處有類似廣告背景嘅屋呢?

    回覆刪除
    回覆
    1. //仲以為喺投票嗰啲投)嗰個睇嚟後生過佢比較可愛

      燈燈應該搵返啲傷巷輕中女來拉票,肯定可以收哂侵侵班 proud boys 做兵。

      //但係傷巷邊處有類似廣告背景嘅屋呢?

      切雞C:呢啲叫希臘式簡約,俾返兩球嘢裝修費實可以無嗰樣整嗰樣幫老細你整到靚靚。

      刪除
    2. //燈燈應該搵返啲傷巷輕中女來拉票
      諗起以前嘅白T法子,冇咗呢啲囡囡而家有啲寡寡地囉。
      燈燈嗰班多數凶神惡煞牙尖嘴利,完全令人冇食慾XD

      //魔術師二表弟一年前因為大病
      喺唔喺博士嗰個?最後買咗樓未?

      刪除
    3. //諗起以前嘅白T法子,冇咗呢啲囡囡而家有啲寡寡地囉。

      建制派最叻都係得個 Joephy Chan,近期仲有鋼管女神,同法子甚至游小三都差好遠。

      //喺唔喺博士嗰個?最後買咗樓未?

      博士表弟(重讀中七修藍大)係大表弟。以二舅父的蛇qure 格,佢一生在生都唔會俾大表弟買樓(97 買咗黃埔變負資產,一朝被蛇咬,一生怕草繩)。
      二表弟係負學士,畢業後做 CSO,真係「人生勝利組」

      刪除
    4. //同法子甚至游小三都差好遠。//
      無得比O者,
      小三地鳩叫幾聲就有票
      法子直頭只係黃洋達搵出泥既O靚模, 鳩叫都唔駛
      選材上純以樣掛帥

      Joephy Chan,近期仲有鋼管女神應該同小麗老千, 陳熟裝們比
      --Dogdogchi

      刪除
    5. //Joephy Chan,近期仲有鋼管女神應該同小麗老千, 陳熟裝們比

      真係令人沮喪!

      //靚模
      //選材上純以樣掛帥

      所以這建制派唔識玩「炆煮選舉」,才招致大敗要 grandpa 打救(打9)!

      刪除
    6. Joephy Chan冇乜點派福利,反而鋼管歡一開波就派"福利"資源錯配..

      //佢一生在生都唔會俾大表弟買樓
      自住應該OK吖,而家息高又錯過了

      刪除
    7. //選材上純以樣掛帥
      信GRANDPA嗰套係本市真稀少呀

      //才招致大敗要 grandpa 打救
      若果GRANDPA真係打9佢地,仲要打到雞飛狗跳嗰種,都可以促成我市大和解,然後對付賣國「看更」

      WILL

      刪除
    8. //所以這建制派唔識玩「炆煮選舉」,才招致大敗要 grandpa 打救(打9)!//
      保皇黨(執政黨)既天然劣勢
      反對派無論面對乜質疑, 都可以背訟民主神教教義應對, 門檻只係背到教義
      反觀保皇黨講錯半句, 甚或只係俾全霉扭曲, 就"國際醜聞"--人辦係容靚靚, 已經係律師....側面反映出只要有鈔能力, 律師都唔係都係叻人

      阿爺身受其害, 都唔會太苛求
      係對住忠誠廢物豬隊友先開口D
      --Dogdogchi

      刪除
    9. //信GRANDPA嗰套係本市真稀少呀//
      美帝洗腦全世界通行, R周都行緊正(美)邪(俄)不兩立割肉養鷹
      信GRANDPA嗰套全世界, 特別係"發達國家"都稀少
      --Dogdogchi

      刪除
    10. //信GRANDPA嗰套係本市真稀少呀

      Will兄,信GRANDPA係一個神奇的量子叠加態,19年暴動那時,他們就是估到阿爺唔會出老解才咁放肆,但同時間,一大班反對派又估唔到阿爺可以係基本法和香港法例下,將他們一舖清袋。

      Yau

      刪除
    11. //他們就是估到阿爺唔會出老解才咁放肆//
      佢地係信美帝。
      因為美帝"關愛", 所以阿爺唔敢出老解
      因為美帝"關愛", 所以阿爺唔敢清佢地袋
      信美帝得永生, 阿們
      --Dogdogchi

      刪除
    12. //鋼管歡一開波就派"福利"資源錯配..

      應該係個鋼管舞摵匙吸引啲。

      //自住應該OK吖

      二舅父一家人應該無咁嘅IQ/EQ/FQ 分得清自用同投資的分別。

      //若果GRANDPA真係打9佢地,仲要打到雞飛狗跳嗰種,都可以促成我市大和解

      忠誠(?)廢物水鬼陞城隍都應該係本市兩派撕裂的原因之一。

      //保皇黨(執政黨)既天然劣勢

      保皇黨的「天然劣勢」在於佢地要不分黑白咁保皇,問題係好多時正苦真係幫唔落,跟車太貼只會車毁人亡。

      //反觀保皇黨講錯半句, 甚或只係俾全霉扭曲, 就"國際醜聞"--人辦係容靚靚, 已經係律師...

      但容靚靚唔使人找碴,佢自己都不斷地出醜。

      //信GRANDPA嗰套全世界, 特別係"發達國家"都稀少

      發達國家通常鼓勵人民自己顧自己,小正苦唔會好似 grandpa 咁生養死葬都服侍埋。

      //他們就是估到阿爺唔會出老解才咁放肆,但同時間,一大班反對派又估唔到阿爺可以係基本法和香港法例下,將他們一舖清袋。

      777拍哂心口話唔會出老解。
      三軍未動,糧草先行;只會切斷反對派米路,黑暴自然漬敗。《國安法》加完善選舉剩度令到黃營不能自給自足,更不能日日做伸手黨問美帝攞錢,遲早被陰乾。

      //信美帝得永生

      美帝要你十一奉獻。

      刪除