本月巷股又跌10幾個巴仙，痕指收報14,687點，已經低過1997金融風暴價，但市況係咪又係咁差呢？又好似唔係。起碼周圍都話要搶人才，即係工搵人，唔係失業率高漲人浮於事的環境（除非所謂「搶人才」又係商界葉公好龍式人講佢又講的「口號」）。尾股方面就主要受加息影響，本月跌後靠穩，令以尾股為主的沉船基金本月「只」較上月大跌7.61％，每單位收報＄128.89（我城貨幣，下同）依然佔第一位。黃金、鈀金同樣靠穩，輸少當贏，商品組合每單位收報＄＄121.63，較上月跌2.29％，依然佔第二位。防守性的生活基金同樣受惠於尾股及我城公用股靠穩，每單位收報＄＄115.06，較上月跌1.02％，升一位佔第三位。
合格線現金（存款除外）及債券組合亦受惠於尾帝國債息率回軟，都算是跌後靠穩，每單位收報＄＄116.90，較上月跌1.78％，佔第四位。第五位係強積金組合，每單位價格收報＄97.72，竟然只較上月微跌0.28％，真係全靠上一份工離職後由永盲強積金整合至大貓，「幸運地」將恒指基金低價沽出更低價買入也。房託組合雖受惠於尾帝房託反彈，但我城繼續腳軟，攬炒次下每單位價格收報＄89.43，較上月大跌5.81％。
至於包尾的就是複式盈富，本月再大跌13.96％。每單位收報87.58，真係差到一個點，表現令人氣餒。
魔術師屋企估價出奇地輕微反彈，稍稍減少身家縮水程度。本月資產淨值（身家）埋單每單位收報＄15,619，較上月跌2.38％，淨流動資產較上月亦下跌2.81％（較2016年3月31日基數升42.85％)：
資產負債表照例都係正資產，相當健康，由於魔術師投資唔做槓杆，在跌市之下心理衝擊亦較少，能夠保持平常心面對。不過，最近尾帝銀行又 call 魔術師搞信用卡現金分期，月平息0.10％，唔怕加息，諗諗吓不如又出去格吓價有無平錢好借？但借錢總要還，都要睇吓還款能力先（其實借平錢存 Mortgage link、定存、甚至短期尾帝國債都可以賺息差，是不太需要理會還款能力的）。先睇吓按揭比率由上月 46.23％ 微跌至 45.95％，物業淨值佔總資產淨值39.31％，反映肯定有空間借少少錢玩吓：
最後，本月魔術師身家跟我城指數的 beta 值微跌至 0.35，跟痕指關連不變為 58.19％；standard deviation of rate of return (month-on-month) 一樣不變為 3.18％：
REIT 都跑到好尾, 真係令人不勝稀虛
回覆刪除無辦法，當無風險利率都去到成4厘，企業債劵同 REITs 下跌係必然。如果有信心將來減息時可以 recover 的話，趁低入返啲優質債劵同 REITs 都未嘗唔係好主意。
刪除真係估唔到我都覺得差過97,咁都比我在壯年遇到,真係玩死我
回覆刪除貓
//咁都比我在壯年遇到
刪除如果臨退休先遇到就更麻煩，唔係咁多人有足夠 EQ 低賣低買趁機轉多啲優質 REITS 同債劵的。