記得上次前坐僱傭兵公司的短裙妹結婚，魔術師就送咗一粒貓銀幣俾佢做禮（見《競投貓銀幣》），今次就到包青天組的前同事L因為做 project 而識到公司另一個部門的盛女J仲拉埋天窗，魔術師自然「食髓知味」，今次就到一向買開實物金條、金塊的金拓公司的禮品部網站，搵咗粒銀幣做禮，大方又得體：
2022 喀麥隆共和國婚禮精鑄銀幣：
|
| （圖片來源：Kitco Gift > 2022 喀麥隆共和國婚禮精鑄銀幣, captured on 10 Nov 2022） |
魔術師選定心頭好後，便致電查詢有現貨，答曰有萬宜大廈門市部有現貨，仲要8:00pm先打烊，魔術師放咗工慢慢去揀都未遲。
魔術師放工去到門市，裝模作樣的睇咗幾款唔同的以婚禮做主題的禮品，再睇過上述Q版銀幣的實物與包裝盒，便直指買入。經店員妹妹介紹，原來加多一蚊仲有禮物袋，心意卡等配套物品，魔術師當然接受。
仲有就係除咗又係做會員可以儲分有折頭，真係不做白不做，無任歡迎。
另外，魔術師揀選呢個銀幣的原因就係喀麥隆並唔係米帝屬地 - 事關好多發行呢類銀幣的大國/小國/地區今例如澳洲、庫克群島（Cook Islands）、紐埃島（Niue Island）都唯米帝馬首是瞻，今年較早之前鑄造的銀幣背面都是前事頭婆的頭像...此一時彼一時，前事頭婆前陣子才入土為安，依家人哋喜事用嚟送禮未免大吉利是也。
＊＊＊
伸延閱讀：
真周到,貼返上次嗰篇,免咗我鸚鵡學舌,重覆上次內容。😄
回覆刪除事頭婆方面都關顧到真係心細如塵。
你的舊同事會請飲嗎?或是現時防疫措施關於婚宴有什麼限制?
沙士同今次疫情分別都有友人擺酒我/我哋結果都冇出席。呢次疫情嗰位友人做老爺,佢個仔場喜酒一拖再拖至不能再拖先擺到。
//你的舊同事會請飲嗎?或是現時防疫措施關於婚宴有什麼限制?
刪除全場無口罩，多過X人要分兩個廳坐，賓客要做快測，就係咁多。
不過個場的知客好7，話我做快測張相枝棒棒無寫名，「下次」記住寫返...
//呢次疫情嗰位友人做老爺,佢個仔場喜酒一拖再拖至不能再拖先擺到。
大住肚擺酒？ XD
//快測張相枝棒棒無寫名
刪除真喺想做假有冇寫名都不重要喇。
//「下次」記住寫返...
哈哈寧可收前事頭婆，就算覺得大吉利是都可以賣咗佢（或者喺黃C應該會好鍾意呢XD）真喺要比較，其實收嗰現任大嬰國王都唔好得去邊，前事頭婆起碼冇小三／前任離奇意外...
//寫名
刪除問題係個知客都唔識我，寫名又有何用？正苦都無話張相要保留幾多日，亦唔見會抽查市民的快測紀錄。
//黃 C
新娘子早幾年派駐李加坡，都無話諗住移居，我就當佢兩公婆係非黃喇。
魔兄送禮真係好有心思。
刪除//新娘子早幾年派駐李加坡，都無話諗住移居，我就當佢兩公婆係非黃喇。
的確唔少黃絲會一邊自稱追求自由民主，一邊話新加坡係理想國度。佢地明顯比較追求袓屋多D囉
- Man
//好有心思。
刪除我做嘢有強迫症，就係唔可以俾自摸 hea 做交行貨。
//的確唔少黃絲會一邊自稱追求自由民主，一邊話新加坡係理想國度。佢地明顯比較追求袓屋多D囉
李加坡的家長制唔比 grandpa 差，「自由」方面應該差過我城。
//「自由」方面應該差過我城。
刪除我城冇用藤條向pat pat打招呼，又有得買香口膠，淨喺呢兩個就豉油過我城喇。不過防疫就真喺豉油出入冇得比了
//問題係個知客都唔識我，寫名又有何用？
即喺類似以前喺餐廳寫紙仔話喺米奇老鼠住喺滴滴妮咁？
香港咁潮濕, 銀幣會否幾年後就氧化變成奶白色？
回覆刪除我自己收藏的就無氧化過。唔知你點玩法，擔心的話可以百幾蚊平平哋買粒楓葉銀幣返屋企做實驗睇吓會唔會氧化。
刪除銀器氧化唔喺變黑嘅咩？而且銀幣純度較高通常唔會點黑---如果喺話奶白點好似喺做得唔好先會出現。
刪除https://britanniacoincompany.com/blog/milk-spots-on-silver-coins/
The current thought is that milk spots on silver coins are caused by a flaw in the minting process. The silver coin starts life as a flat circular disk known as a blank or planchet. To prevent the silver coin becoming too brittle, the blank is annealed, which is a process of heating and cooling. Prior to annealing, the blank is cleaned/degreased with solvents and it is thought that sometimes not all of the solvent is removed before the coin is heated, baking an imperfection into the surface of the silver.
Thanks. 我見香土有妄民講話佢啲銀幣會變白，我都不以為然。
刪除我的 Tiffany 袖口鈕就有氧化變黑，但用洗銀水、抹銀布清理吓就得。
個銀幣好精緻好得意. 我結婚如果收到都會好鐘意. 印象中魔兄送禮比親友都好有heart, 一啲都唔行.
回覆刪除哈哈，謝謝。我慣咗做嘢唔「行」的
刪除