啃老擠逼戶

正苦早前話我城的生育率跌至全世界最低點，但呢個設計單位的戶主就住夠一家六口，1000呎都唔係好夠住，咁響應大家庭主義，突手使唔使頒個好市民獎俾佢？

家家有求 7月30日

一家六口一齊生活，每個人的需要都唔同。新設計除咗要滿足每個人的需要，還要保留時尚感。

一家六口住1,000呎，全部都係成年人，唔怪得切雞C的任務係「和而不同」，「住客」有如住劏房一樣只有自己的睡房才是屬於自己的：

切雞C話單位樓底有3米3，實在太高，無乜安全感（露宿者訓天橋底的感覺？），於是櫃頂和櫃底都留有空間，面料唔做到頂，加上圓角入牆櫃和風管式冷氣去減低壓迫感...至於點解高樓底有「壓迫感」，間屋細又有「壓迫感」，切雞C整色整水就可以化解到，魔術師當然係聽唔明：

大門開大細邊（左上），風水上易有二奶。大門邊有三門鞋櫃，切雞C在櫃底整咗張獅轆嘅長椅方便住戶換鞋（右上、左中、右中），但拉出拉入都幾麻煩，個轆壞咗又係唔知點算。廚方又係窄長型，仲做咗三邊工作枱記者仔咁瘦都係啱啱好，肥啲就轉個身都難：

由於戶主想要有酒店式套房，所以切雞C便削去工人姐姐的房間一半面積（所以無影工人房，左上），「打造」了書桌/梳妝枱、衣帽間等，給戶主夫婦使用（右上、左中、右中、左下）；套次自然唔少得電動次板（右下）：

可能戶主一家人都係返到屋企就各自返房，所以切雞C亦無乜點講客飯廳，只係影吓話戶主好需要收納空間但個廳卻主要係中看不中用的展示櫃（左上、右上、左中、右中、左下），記者仔便直搗黃龍看廳的另一邊的客房：

細仔睡房是碌架床（左上、右上），今次高樓底有優勢，「下格」都有1.8米高（左中）。樓梯無造櫃桶（右中），記者仔行到上去都彎哂腰（左下），話哂細仔都係「成年人」，「上格」床就只有不足1.5米，有如訓棺材房，仲有個「多啦A夢」式趟櫃（右下），剛才說好的壓迫感去了哪裡：

大仔沒有私人的「公猴洞穴」，只能跟女友屈就於客房中，仲要訓窗台床（左上、右上），十分無安全感，扑起嘢嚟都睇怕無高潮難以受孕；所以切雞C都只係幫佢哋解決儲物需要（左下），而唔係變間「酒店房」出嚟 - 電動床都只係方便儲物而唔係增加情趣（左下，你話悲唔悲？

諗諗吓，6個成年人（戶主夫婦、大仔與女友、細仔、工人姐姐）一千呎真係唔夠住。戶主房間酒店豪華式享受，對比起兩個衰仔的劏房式設計，應該係戶主一片好心想逼兩隻啃老化骨龍快啲搬出去有自己的「公猴洞穴」吧！

＊＊＊

完全版如下（00:23-10:43）：

＊＊＊

伸延閱讀：

家計會：夫婦平均不足1名子女創新低　市民：做父母要「考牌」、憂未能承責 2023年08月15日

【有線新聞】家計會調查發現每對夫婦平均子女數目跌至不足一名，創新低，建議政府加強支援配套。僱主亦可推出彈性上班時間等家庭友善政策。

要組織一個幸福家庭是否一定要有小朋友？盧先生：「（育兒）幾百萬都要有，及很難『上車』。如果教育水平未足以令小朋友有很好的教育，我認為要慎重，畢竟做父母要『考牌』，我擔心自己考試未能合格。」何小姐：「生小孩會很動氣及要花很多錢在不同方面。」

兩位的想法在青年夫婦之間似乎越來越普及。家計會去年9至12月訪問約1,500名15至49歲已婚或正同居的女性及她們的伴侶，發現平均子女數目只得0.9個，是1967年開始調查以來的新低。沒子女的夫婦佔約43%，比五年前多超過一倍，取代一孩家庭成為主流。不想生育或再生育的女性就比五年前少，但仍佔超過一半、有55%，主要原因是不喜歡小孩及養育的責任太大。

家計會說，女性覺得直接的經濟支持及僱主的支援能鼓勵生育，但要有配套配合。家計會執行總監林慧翔：「你給她一大筆錢生育，有獎金或其他獎勵，但工作上她不能請假，沒人替她照顧小朋友，不想假手於人，她想自己照顧。原來育兒、託兒有錢我也買不到，找不到託兒服務或中心，其實也不成事。」家計會又建議僱主提供更多家庭友善政策，例如在職母親可享有彈性上班時間，方便照顧子女，鼓勵她們生育。