話說上一部 Sony 真無線藍芽耳機 WF-1000XM4（見《嚴選影音產品（九）之升級真．無線藍芽耳機》）用咗年半，右手邊的 headset 電量已經虧虧哋唔係叉得好足，但左手邊就叉得滿，似乎係單邊 headset 出咗問題。捱住捱住終等到 Sony 有部新一代耳機公佈，魔術師便馬上將部舊耳機退役改訂新耳機：
要訂機當然唔會去 Sony 官網 - 魔術師通常都去友和（02347.HK）買貨，貪佢會員積分幾好用（購物每一蚊賺一分，每200分可減$1）：
|
| (圖片來源：友和 > 數碼娛樂 > 耳機 > 藍牙耳機 > Sony 索尼WF-1000XM5 真無線藍牙降噪耳機 黑色 WF-1000XM5/BCE 香港行貨, captured on 4 Aug 2023) |
除了信用卡網購自帶折扣，星期五、六用 Mastercard 買滿＄1,500用惠惠碼仲可以減＄80
|
| (圖片來源：友和 > 信用卡優惠, captured on 12 Aug 2023) |
訂咗貨，官方推出後兩日已送到貨，仲要係用貴價嘅順豐 (002352.SZ)，成7點幾送到魔術師屋企。魔術師返工未返到，由管理處代收。
返到屋企，從管理員接過件貨，估唔到友和竟然有自家紙盒，上咗市真係唔同啲：
輕手輕腳揭開包裝紙，開箱後只見同上一代的包裝無大分別，只係多咗一對XS（超細碼）的耳膠給用戶。仲有就係，嘔疊紙並唔係說明書（說明書早說變咗網上版，所以唔識上網真係做定廢老都得），而係 technical spec：
魔術師今次揀黑色，黑屬水，配返魔術師水命的命格（上一部係銀色屬金，金生水仲好，但嫌佢個銀包充電盒太容易污糟）。
唔少得的當然仲有 Sony Headphone app，可以幫手設定唔同嘅功能：
其實，魔術師對部舊耳機真係無投訴，新一代增強的功能如降噪魔術師亦唔係好用得着（最有用的應該係再改善左右連線功能，些其實上一代已經很少斷線了），如果唔係舊機壞壞哋，魔術師都未必會換機（所以以企業或投資者嚟講，產品太好用未必有利）。
＊＊＊
伸延閱讀：
推介睇大陸劇
回覆刪除起初有少少悶,以一個數學天才同一個有熱誠既人去解決無人想解決的問題
我覺得劇情峰迴路轉,中後期唔悶,而且內容擺到今時今日都一樣適用
例如,師爺只是為了當時人的利益,而不管對錯 / 向自己上一級投訴不果,於是再搵上上級的人才成事
另外我自己一向都對於古中國(清以前)既各方面技術感到驕傲,只係無人認識
古中國數學方面其實都好勁, 我對於其中一條比較有印象
公元4世紀的[孫子算經]
今有雉、兔同籠，上有三十五頭，下九十四足。問雉、兔各幾何？
咁我只係識用X代表雞,Y代表兔去計,應該係中3左右程度
貓
//我自己一向都對於古中國(清以前)既各方面技術感到驕傲
刪除因為古中國的「學問」，一係就偏理論而少應用，一係就偏應用而少理論（知其然不知其所以然），跟西方科學以實驗驗證是兩個方向。
而且考科舉都係讀八股文，理科算係「偏門」，文化歷史都唔鼓勵數學發展。
//今有雉、兔同籠，上有三十五頭，下九十四足。問雉、兔各幾何？
形象化計法：
35頭即係起碼有70隻腳，現在有94隻腳，即係多咗24隻腳，每隻兔仔多兩隻腳，即係有 24/2 ＝12隻兔仔，雞就有 35-12 ＝23 隻。
但我都係唔明點解用多左既24隻腳去除多左既2隻腳囉
刪除反而用X同Y好慢咁我就計到=0=證明左我數學有幾差
唔知點解我讀理科就只識BIO,都唔知點解只有文OR理
大個左覺得自己語文好似好D,不過一切已成過去了
//證明左我數學有幾差
刪除應該係你未能打通左右腦，數學和圖像 link 唔埋一齊。
上代xm4電先天有缺陷， 單邊耳會強制放電無法充滿， 災情相當嚴重。
回覆刪除一是有保養拿回原廠最接換新給您
二就是找信得過的修理店訂專用電池再幫忙換， 這個就真是賭運氣， 好多得把口唔識扮識俾完錢完全無好轉。
小弟用緊edifier Neo buds, 貪性價比高。
而我竟不知道 Sony XM4 有此嚴重 bug！多謝告知！
刪除Youtube 用keywords ”Sony xm4 battery drain issue”, 有高手一步步教您如何維修， 不過魔術師這情況， 右耳電已經GG, 找維修店幫換電唯一出路， 我自己半桶手唔敢俾意見。
回覆刪除而我已經有咗第二個 - 最新的XM5；舊機就連做後備機都唔使了。我有另一對 Zorloo Zophia 耳機做後備了。
回覆刪除