年輕刁民

魔術師呢兩日上左個座談會，其中有一個案例研究，係講一個媽媽同佢個女關係疏離，原因係因為個媽媽小時候飽受她爸爸極度暴力既體罰虐待，所以在細時無人愛佢的童年陰影下，而家生左個女就將自己投射落去，就算無話狠狠咁打個女，潛意識都唔會去鍚佢．
其原理，同ｄ新晉中產父母自己細時無機會學琴，就猛咁要ｄ仔女去學呢樣果樣一樣咁無聊．
響魔術師同與會者討論其間，竟然有人（同魔術師同一個ａｇｅ　ｇｒｏｕｐ）話從來無俾阿爸阿媽打過．魔術師自忖自己都係乖小孩一名，印象中都試過俾爸媽打過屁股，對於有人咁話，實在十分驚訝．
回想係讀小一時，魔術師曾試過因為無帶功課簿，便被班主任用康樂棋既ｃｕｅ棍一野篤埋黎，仲要好準繩咁篤正魔術師既左眼眼袋，然後再轉幾轉，錐幾下．當時魔術師真係好驚，以為眼珠會被挖出來．呢個經驗真係好深同好驚，以後亦都唔會唔記得帶功課簿．
講開體罰，魔術師今年較早前幫中學同學做戥穿石，響飲茶灌水時同新郎哥仲有其他中學同學講開細時被罰既遭遇，先記起原來有好多種唔同既體罰方法：

• 坐無影凳（基本野）
• 手拿書本，平舉一整堂（舉到手軟）
• 用鐵間尺垂直剁手板（諗起都痛）
• 老師抓住學生既耳朵，將其提起（耳仔會唔會俾佢扯甩？）

奇就奇在新郎哥一ｄ都唔怪個阿蛇，仲要多謝佢既教導，自己先唔會誤入歧途．
而做老師既新娘子呢個時候就插咀，話而家ｄ細路超難教又勁惡，佢有同事被學生用椅子「車」中背脊，同訓導主任投訴，訓導主任仲話唔好搞大件事．嘩，咁都得，佢知唔知呢ｄ叫蓄意傷人？
響現代呢ｄ咁中產既價值觀（同唔講道理既小朋友講道理），自不然縱容左唔少「霍克准將」出黎，依魔術師響公車地鐵酒樓餐廳所見，打罵菲傭不特止，對住阿爸阿媽一樣呼呼喝喝，而阿爸阿媽就聱都唔敢聲．
又，忽然又想起呢篇舊聞：

好好過日子——刁民年輕化
頭條新聞　2007年10月9日
朋友每次聽到點新鮮事，喜歡告訴我，為我提供寫作材料。
這天又說兩宗。
一位警察朋友說，有一天，一個十來歲的男孩在家不聽話，他爸氣急了，摑了他一巴。
小子不得了了，立即報警。父子倆就被帶到了差館。報案室的警察勸那小子，你爸不過一時衝動，其實也打得不重，這種事情，父子回家好好談談，很容易解決。
小子一味搖頭，堅持要告他父親，還要他坐監。
警察叔叔又勸，你爸是家裏經濟支柱，他坐了監，誰養你？
小子理直氣壯回答：「唔怕，我去攞綜援！」
另外一次，一家人和朋友周日在茶樓喝茶。那家有兩個男孩，十幾歲，態度囂張，沒有禮貌，對着家中老人橫眉立目，動不動就說諧音粗口。那位朋友看不過眼，突然用正宗粗口喝了過去。兩個小子呆住，不敢再吭聲。
總說新一代的人朝氣蓬勃，有大志有理想。但今天再說這話，明顯落後於時代。
時代富裕了，下一代卻愈來愈不見年輕人的朝氣，反倒是社會上的刁氣，沾染得愈來愈重。
縱觀香港社會，也是這樣，以往愈是艱苦的歲月，成材的人愈多，隨着財富積累，社會富裕，生活愈來愈好，社會福利愈來愈佳，努力打拼的人愈來愈少，刁民愈來愈多，愈來愈年輕。
李純恩

2007/11/14 00:22:48