睇嚟尾帝果然已經完全復常，公墓園效率似乎仲比疫情前好咗：以往6月15日截止的尾股退稅申請，魔術師好多時都係9月之後才收到退稅支票，但今年（2024年）竟然在8月頭便收到支票。魔術師拆開信封睇，claim 幾多便退回幾多，唔知係咪去年應退未退稅款金額比往年細，所以尾帝 IRS 都易話為啲。計返由5月中魔術師空郵寄申請表出開始（見《填表問美帝取回股息陀地（2023年度）（上）、（下）》），期間只花了兩個幾月時間，快到有啲得人驚。看來有點老人痴呆的尾帝大統領燈神都可以 make 尾帝 great again，不讓侵侵專美：
魔術師行禮如儀地拎張帝幣票到大貓卓越理財中心入票，認真估唔到星期六上午十二點打後已經只係得小貓三四隻官戶在等候，同以往座無虛席人人爭住去咖啡機撳返杯嘢飲的景况大不同，究竟係「消費降級」無乜人肯擺100萬我城貨幣（下同）開戶兼維持戶口，定係人人都北上消費唔得閒在銀行分行排隊？木宰羊。
魔術師只係知道順手撳咗兩杯咖啡飲，只係得咗15分鐘唔使便有櫃檯姐姐服侍，快快趣趣搞掂。
又再講多次，大貓存外幣支票唔收手續費，平絕錢莊同業，讚！！
＊＊＊
伸延閱讀：
沒有留言:
張貼留言