1. 無處不服務
古老板又幫正苦說好傷巷故事（見《瞬間睇廣告（十五）》），無處不服務！
Whether you’re the server or diner, let's go the extra miles!｜今時今日，侍應定食客，都可以做多一步，好客之道！💁♂️❤️
果然，俾着班刁民妄民，就一定係百彈齋主，話無理由「服侍」返個侍應轉頭：
俾着魔術師，基本上見到拎住大碗湯水的侍應，幫佢搬開揀攔住條路的凳仔、幫佢執開亂放在枱面的碗碟都係舉手之勞，甚至應有之義...講得唔好聽，萬一有乜意外，成碗湯倒落自己身上，蝕底嘅都係自己 - 當然俾着做慣大爺的刁民，一定會捉住個侍應要佢賠償吧？
又，呢個廣告最唔真實之處就係：1. 海鮮大排檔真係愈來愈難搵；2. 最尾一幕侍應真係會催你埋單，打烊乜都無情講，幫你影相都係想你快啲走啫！
2. 第八奇蹟
以前在舊blog都寫過，魔術師小時候睇校際常識問答比賽電視節目，見有位來自名女校的參賽者叫「古映雪」（據谷歌神說現已移民），頓覺呢位同學的父母好厲害，竟然給女兒改了個咁古裝味重、甚有古龍風格的名字（「傅紅雪」？）。而近年我城都有位名人叫「謝影雪」，不過用個「影」字就顯得時裝味重好多，無乜詩意亦唔夠典雅了。
言歸正傳，早前奧運熱潮，大貓都搵咗一眾運動員拍了攝廣告宣傳大貓強積金（個別「低薪」運動員只係剛好跌入老強金門檻，見伸延閱讀），其中影雪BB就面尖尖化咗個靚妝企C位，在中環站到傷巷站的長隧道鬼迷咁大個頭，好不壯觀（不過魔術師無影到相）：
|
| （圖片來源：謝影雪 Tse Ying Suet Facebook > 全力拼盡 因為擁有最強後盾, captured on 22 Aug 2024） |
再睇返奧運賽後被訪，影雪BB淚崩一幕個樣真係完全唔同咗。美圖果然係世界第八大奇蹟呀！
|
| （圖片來源：巴黎奧運｜「鄧謝配」負南韓8強出局 謝影雪負傷淚別五環 稱感謝鄧俊文沒放棄, 有線新聞 2024年08月01日） |
又睇返影雪BB的FB，原來佢都接拍咗唔少廣告（通常都係以「靚樣」示人），但就無個係保險話「已存在傷病」都保的廣告（畢竟克服傷患是運動員要面對的難關）；亦唔見有保險公司送「包已存在病症」的醫保俾金牌運動員，「在傷巷做運動員真係好幸福囉！」（旻憓BB腔）...
3. 吸睛大法
同樣是「地下鐵碰着她」，近期呢個黨鐵廣告實在太吸睛，鄉下妹（？）又白又滑大露背（P圖後？）去到 pat pat 咁滯，實在叫人想同佢打個招呼。魔術師為免在俾人見到在黨鐵對住牆上硬照影相咁變態，都係 quote 返官網算數！
|
| （圖片來源：YUTAKANA SEIKATSU 豐盛生活 官方 FB 專頁, captured on 20 Aug 2024） |
＊＊＊
伸延閱讀：
強制性公積金計劃管理局 > 強積金制度 > 強制性供款 > 一般僱員
//竟然給女兒改了個咁古裝味重//
回覆刪除我見過最古風既名係: 邵凌風
令我想起梅超風。 :D
刪除//邵凌風
刪除//梅超風
有啲似黃人專欄作家筆名就真。
//運動員只係剛好跌入老強金門檻
回覆刪除天下第8 菜某不如效法 女劍神 咁把人壽代言同卡地亞手鐲舉出嚟為後學做D嘢。一於預埋「卓不凡」啦! 佢都有600萬馬(會獎)金。
//無個係保險話「已存在傷病」都保的廣告
保險: 我只係想收保費，盡可能都唔想賠保費囉
WILL
//卡地亞手鐲
刪除//卓不凡
配飾、獎金好難當成係「月薪/Bonus」的一部分 XD
//我只係想收保費，盡可能都唔想賠保費囉
人言報又有關於保險的有趣專欄文章，遲啲寫。
//影雪BB就面尖尖
回覆刪除唔講真喺唔會覺得廣告嗰個喺佢，面形P成咁---其他亦都好似AI人咁
//基本上見到拎住大碗湯水的侍應，幫佢搬開揀攔住條路的凳仔、幫佢執開亂放在枱面的碗
去飲茶都會將啲吉咗嘅籠整頓一吓讓啲位出嚟。
其實啲刁民出嚟食餐飯咁容易忟憎為乜呢，食咩都唔消化喇
//面形P成咁---其他亦都好似AI人咁
刪除係，膠膠地，人面 key 落個身度，好似 Terminator 咁。
//刁民出嚟食餐飯咁容易忟憎為乜呢，食咩都唔消化喇
所以刁民成日都覺得餐廳啲嘢唔好食，諗嘢負面，自然對食店劣評如潮。
影雪BB本來唔靚, 就話要整膠面, 好似相澤南咁靚都要變膠, 先難明
刪除亞力士
//似相澤南咁靚
刪除等我研究吓先！