第三方手錶維修保養初體驗

話說魔術師持有的四：隻「名錶」之中（見《京東618初體驗：WOLF Module 4.1 Collection 自動上鏈錶盒開箱》），最先買入的一號錶「江詩丹頓馬爾他系列計時碼錶（Vacheron Constantin Royal Eagle Chronograph 49145/339A-9057）」已是於2005年8月買入，都已經是19年前的事，期間於2016年發現計時枝錶行到窒吓窒吓，魔術師疑心生暗鬼以為係因為隻錶唔載時擺得近電腦設備受咗磁，就拎咗上原廠做過一次 complete servicing，抹油兼換埋針，當時盛惠我城貨幣9,720（下同，也見《網購手錶開箱記（2023年3月）》）： 

不過維修完之後都有少少後患，就係成日都好似動力儲存不足咁，要日日戴先可以 keep 住行，如果唔戴又無放轉盒（watch winder）的話，只能捱 24 小時多啲，否則便會停。由於此錶甚舊，魔術師粗戴的話多數戴二號錶（「江詩丹頓縱橫四海系列兩地時間（Vacheron Constantin Overseas Dual Time 47450/B01A-9226」），所以也無可無不可就無再跟進。日前魔術師行過星際，見同款二手價賣緊6萬幾（未知出廠年份），心諗無理由花成萬蚊走上原廠再維修，於是便周圍查找有無可信賴的鐘錶師父可以幫手維修。

皇天不負有心人，魔術師在 FB 和 IG 見到呢間手錶維修工作室的分享帖子，軟廣告得來見到主持人的履歷和熱誠（「若有真的心 便有最高的劍道. 若有真的心 一生會自豪」），應該是在專科層面能夠獨當一面的高手；而且主持人叫 Nick 師父，接生意的 Contact Point 是 Yvonne（孟波和惠香？），間鋪就叫「Y & N 工作室」，似乎 Nick 師父都係愛妻號：

魔術師先以 Whatsapp 接觸 Yvonne 預約時間，說明要維修一隻江詩丹頓，也說明了型號；另外因為魔術師比較瘦，3號錶「朗格 A. Lange & Söhne Saxonia Annual Calendar 18K 白金 White Gold（330.026）」的原廠錶帶比較長，戴起來有點鬆，所以也順便訂造返一條錶帶。

工作室位於星光行，魔術師日前上到去，見到佈置果然跟上文 Youtube 片一樣，擺設了唔少有關鐘錶的書籍，有各種 display 用的零件和古董鐘錶，也有客戶留放在工作室寄賣的二手錶。工作室內也有幾名員工在工作，有中佬唔出奇，但竟然也見到有有青員工...在呢個時勢竟然有有青入行從事手藝工作實在難能可貴（憑自己技術做硬功夫，不嬲都唔係「傷巷精神」）：

魔術師去到之時仲有一男一女有青在揀錶，不過睇完一輪好似無買到。輪到魔術師時，從 Youtube 片知道 Nick 師父是新傷巷人，可以講到唔鹹唔淡我城方言，但原來 Yvonne 係唔識講我城方言的，於是就魔術師就要以巷式蝗話跟她溝通了。

魔術師說明來意，Nick 師父就即場將魔術師的1號錶拎去檢查，唔使好耐便以顯微鏡 show 俾魔術師睇問題所在 - 據 Nick 師父說是上次做 Servicing 時，原廠的師父換針時唔係太啱位，導致個金色個自動鉈會有時上唔到鏈，只要將隻錶拆散抹油再裝返就可以了：

至於 Yvonne 也沒閒着，在等候 Nick 師父檢查完成期間已跟魔術師選好錶帶顏色和量度好手腕尺寸。報價是維修抹油5,300，訂製錶帶1,400，埋單6,800<，一個月後取貨。如果整得妥妥當當，真比上原廠慳返一大筆：

＊＊＊

伸延閱讀：

Y & N 香港手錶維修工作室 

京東618初體驗：WOLF Module 4.1 Collection 自動上鏈錶盒開箱

網購手錶開箱記（2023年3月）