瞬間睇廣告 (二十三)

1. 灣灣醫生

早前用電視睇電視廣告（奇怪的說法），聽到明明旁白係講「超過100位『呆灣』醫生認可」，當中「呆灣」似係夾硬經後製 edit 入去；再用 youtube 睇同一份廣告但係就係「網上版」，竟然就只有「100位醫生認可」：

要睇清楚細字，可知道原來網上版都係「呆灣醫生認可」，只不過係無「講出聲」...咁講法有可能廣管條例要求電視版要「講得清楚啲」喎！唔知道點解會咁嘅呢？

2. 李加坡牙醫

呢個牙膏廣告，又係用李加坡醫生出嚟講解。點解唔用傷巷醫生呢？係唔係傷巷醫生出現在廣告之中就當成係「醫生賣廣告」，為我城法例所不害許嘅呢？

3. 我要做 model

魔術師唔知睇過乜嘢 post，搞到最新邪惡的 FB 不停推呢間叫「Outdoor Living」贊助的廣告帖，幾乎每個帖都係由一條「廢老」出嚟做「袋炎人」：

再睇清楚，呢位叫「飛機」的店長應該都係網店兩位創立人（攀岩教練及山藝領袖）之一：

（Outdoor Living FB 專貢）

雖然魔術師唔太欣賞呢種賣廣告的手法與及「Model」形象，但對於熟悉兩位仁兄的消費者來說可能頗有親切感，而且「一把年紀」出嚟拋頭露面，又咁 enjoy，都幾令人佩服！