英記（08241.HK）一年一度的週年大減價又在10月尾開始，魔術師自然行禮如儀一次性掃返一年之內要補充的貨：
由於尾帝錢莊網購信用卡逢星期四落單有95折、而 Grandpa 錢莊網購卡就幾時落單都有5%回贈（不過回贈有上限），啲貨有得網購就自然幫襯維基 TV Mall，買夠$400（買茶葉好難唔夠）仲有得送埋貨添！
＊＊＊
魔術師盤點打開廚櫃盤點一下，都要行禮如儀入返啲貨：
春天（正月、二月、三月）飲花茶。只有香片一個選項。去年「補倉」過剩，今年唔使買。
買入：無。
夏天（四月、五月、六月）飲綠茶。照舊都係龍井與碧螺春的選擇。茶呢樣嘢唔係愈貴愈啱飲，魔術師就覺得英記比較便宜的雀舌龍井啱飲過獅峰，另外碧螺春更是另有一番風味。雀舌龍井及碧螺春尚有存貨，只需補入獅峰龍井便可
買入：獅峰龍井（網購）
秋天（七月、八月、九月）飲青茶、岩茶。選項有鐵觀音、鳳凰單欉（維基 Mall 無售）、人參烏龍、與及以白茶中的白毫銀針（維基 Mall 無售）。檢視過存貨之後，鐵觀音、鳳凰單欉、和人參烏龍都有足夠存貨，只需要去實體店買入白毫銀針就夠了。
買入：白毫銀針（實體店）
冬天（十月、十一月、十二月）唔飲紅荼飲普洱（黑茶）。家中已經存有「家藏普洱」（以前睇過網上話係生茶十二年陳，但文章已不復見）與及「遠年普洱」（同上網上話係只是熟茶六年陳）。遠年雖然係熟茶，但相當對魔術師胃口、甚至覺得好飲過舊年份。電在只需補入「頂舊普洱」（同上網上話係熟茶九年陳）即可；其實，都飲唔晒咁多，純粹補充存貨而已。
買入：頂舊普洱餅（網睛包裝散茶，唔使一個大餅咁貴）
＊＊＊
伸延閱讀：
Citibank Hong Kong > 信用卡 > Citi HKTVmall 信用卡
沒有留言:
張貼留言