名C切雞要成球嘢手工費，廢老夫婦係太古城「大屋搬細屋」(但係「細屋」都有成700呎，唔知「大屋」有幾大呢？)，褪咗一筆錢出嚟益切雞C，定係戶主係公墓園，退休仲有咁多錢派（00:14 - 11:04）？
夫婦未雨綢繆大屋搬細屋｜太古城700尺單位空間重塑。
所謂「空間重塑」，當然又係拆牆又起返，水電都鑿唔少：
大門旁設有輪椅泊車位，位於玄關的高身櫃和矮櫃（加埋換鞋椅和擺拖鞋的吉位），兩者都以圓角修飾，令廢老夫婦出入都較多空間，唔會墥親（短裙妹主持話戶主「未雨綢繆」要家居安老，認真厚道）。切雞C為擴闊空間感，玄關位都加咗直身鏡，背後滲光，令玄關位增添明亮（左上、右上）。切雞C話單位缺點在於樓底矮，不適宜做假天花，所以主要用燈槽滲燈補光（左中)。玄關與客廳之間以長虹玻璃屏風加闊牆身，令到客廳可以放大梳化（右中）；加上梳化背後的條子和窗戶上的風琴式窗簾，微微透光，即時帶出寧靜氛圍（左下、右下）：
切雞C將梗廚拆除變開放式廚房（左上、右上），廚房對出設置餐枱，但微波爐對廢老而言似乎太高（左中、右中）。廚房工作枱面用上雲石紋，廚房周圍設有高櫃增加收納量，雪櫃也擺了出來，頗有公屋 feel（左下、右下）：
切雞C將三房改成兩房（左上）。女戶主分戶自己訓，要求切雞C整個小小的套次；於是切雞C做如女戶主所願，以長虹玻璃間咗個小次所（唔肯定有無淋紅浴間），仲有電動次板添（右上、左中）；幸好次所內嘅櫃唔係長虹玻璃（右中）。次所對出係衣櫃同埋無影到嘅「衣帽間」，延伸出去就係梳妝枱，有唔少豬寶首色可供扮靚靚（左下）。梳妝枱隔離就係小小的單人床，頗為寒酸。床頭設有壁燈，床頭板背靠亦疑似係高身櫃，但就唔知點開。睡房另一面牆亦設有全高衣櫃，並放有電視，但要睡在床上側身睇（右下）：
男戶主廢老一名，需要被兩名工人姐姐照顧（都話唔係「未雨綢繆」居家安老㗎喇），所以一王雙后訓一間房，只是廢老在後，兩位工人姐姐碌架床在前（左上、右上）。衣櫃設於廢老床尾，以長虹玻璃打造櫃門（左中）。房門加闊，以趟門設計，方便輪椅出入（但輪椅不是泊在玄關嗎？右中）。同理，次所設有斜台、扶手，地板以馬賽克鋪成，一格格加上掃口粉增加摩擦力，以防廢老滑倒（左下、右下）：
＊＊＊
精華版如下：
完全版如下：
沒有留言:
張貼留言