腿

這天魔術師吃晚飯的時候，一瞥眼間只見斜對面有個短裙／褲妹妹，不期然順勢往她雙腿瞧去．不看尤可，一看之下魔術師只好暗叫一聲不好，果然是「香雞腳」，跟美腿女王、有「驅魔娘娘」之稱的藥師子涼子差上那麼的一大截．

不知為何，跟一般青少年不一樣，魔術師自少年時期開始，便會欣賞女生的腿．可惜近年雖然流行短裙熱褲，但魔術師見過的美腿卻寥寥無幾．

魔術師認為美腿要有以下條件：
1.大腿和小腿長度比例要適中．當然修長便更好，但縱使不是高個子，只要長度比例合適大腿和小腿，依然不損美感．
2.肌膚結實要有彈性．
3.從背後看，轉折位－即由腳跟到小腿，小腿到膝彎，大腿到臀部－的曲線要圓滑優美．

魔術師審美，會分妹妹組和姐姐組，分野就是絲襪．「懂得」穿絲襪的是姐姐組，否則便是妹妹組．

妹妹組呢，青春活力是先天的competitive edge．不過就是這樣，條件2就變成是必要條件，達不到的便嚴重扣分．

奈何香港妹妹們唔係無腿形（過肥過粗和長度不合比例）偏要無厘頭地瘦，唔變香雞腳都唔安樂，但又愛穿短裙短褲和boot，搞到貼身裙就好似好空虛咁，傘裙就似倒轉古法茶樓啫喱杯，小腿同對長boot就「朗下朗下」．

其實魔術師都覺boot，尤其是長boot，係好蝦人著，過肥過瘦唔掂唔在講,甚至用對boot包埋條牛仔褲墊住都未必好好睇,所以著得結實而又豐滿，又fit又好睇就真係要讚．

姐姐跟妹妹的分別是「懂得穿」（即不是亂穿）絲襪．絲襪可以令腿線顯得圓滑優美之餘，更可以配搭當日的衣著款式和顏色，呢一點非一般小妹妹可以做到．所以跟「肌膚結實」是妹妹組的必要條件一樣，「不懂得穿絲襪」在姐姐組是絕對會扣分的．

一般來說，姐姐組比妹妹組優勝的地方是她們懂得「收放」，人無完人，知道自己的優點和缺點，適當的「隱惡揚善」絕對是優點，正是亢龍有悔．

至於魔術師留意到的騎呢著法有:
1.氣溫得果十度八度係都要著短裙，又唔穿絲襪或者襪褲，結果成隻腳起哂雞皮．
2.超低腰短裙短褲，即係露股溝果隻，呢d唔係性感，而係cheap．Sorry，魔術師不是瞥伯，反而覺得你性騷擾我，令我感到不安．呢點如果係姐姐組就更加唔得.
3.腳背瘦到見青青藍藍的血管，卻又要穿涼鞋．
4.著超厚同過長的絲襪／襪褲，搞到近膝蓋的地方打哂摺，好似d阿伯著左虧佬褲咁．
5.專登著穿了洞的絲襪，好似「出來做」咁．
6.唔剃腳毛，情況如同「山孱」高舉奧運金牌時露出的加拿大一樣．

而魔術師見到最騎呢的一次是和同事K小姐開會，魔術師跌了支筆落地，烏低腰執返之時，見到佢係竟然無剃腳毛之餘，d腳毛仲篤穿了絲襪一支支咁簪出來！佢女生男相都還罷了，好好一個OL，真係情何以堪？

2007/02/11 02:10:34