簡易數學（六）之反智生果

問：　３８年前存款１元，現在在９７．５元，平均年回報是幾多？
答：　平均回報率為　９７．５／３８　＝　２．５６倍
不要驚訝，上述計算法可在生果日報2007年2月5日財經版的中環在線找到，仲有作者李華華的大大隻字畫押作實：

中環在線：長渣優質樓變千萬富翁股神畢菲特發達之道係長渣優質股，用呢個方法投資物業一樣掂，依家就有辦畀你睇。西半山旭龢道10號清暉大廈，67年落成，有個用家係兩年後，用11.8萬連車位買入一個兩千呎既中層C單位用黎自住，期間樓市出現幾個大升浪，佢都不為所動唔肯賣。最近趁豪宅狂潮，沽貨賺錢鬆人，約1150萬賣出，呎價5750蚊。業主渣住個單位38年，勁賺1138.2萬，升值96.5倍，平均一年升超過2.5倍，咁既回報去邊度搵？係咪同股神有得揮？呢個業主冇投資物業，只係靠渣住個豪宅單位，就變成千萬身家；不過，都要佢識揀至得既。利嘉閣柯遵標話，依家大廈僅餘兩個放盤，叫價高到9000蚊呎。

魔術師對大部份香港的記者都無甚好感，太多誇張失實煽情的報導不在講，人云亦云不用腦去思考所寫的報導亦見怪不怪．撇開那些無聊娛記不說，地產財經報導亦能充分反映其不學無術的特質，呢篇係計上次信報羅某人計log後又一傑作．而最最可悲的是，正如網友脫苦海所言，係連個編輯都無睇過或者唔識，又或者無sense；同埋，恆指６９年時１００幾點，而家２００００幾點　（資料可在恆指服務公司找到），樓宇仲要扣除管理維修雜費，咁又點計數？

至於正確答案：
11.8*(1+r)^38 = 1150
38*ln(1+r) = ln97.5
r=12.8%

在此多謝網友脫苦海和sjbean提供資料．

2007/02/06　10:54:47