二手市場

魔術師一向都不喜歡那些如「咪爛站」之類既二手店，認為佢地既顧客都係一ｄ無錢又要追名牌追款式既「潮童」，就係呢ｄ毫無品味既人搞cheap哂ｄ名牌．好彩呢班人搞極都係LV，　Gucci， Prada之類，好彩大部份魔術師用開既牌子都無份，咁先無咁驚．

＊＊＊
記得年前有位同事，問人６５蚊一隻滑鼠要唔要．魔術師心諗，話哂我地都係大公司，你份糧唔係真係咁唔夠用下話，窮到要變賣家當連６５蚊都殺？呢位同事後來竟然仲有港女嫁俾佢，結婚擺酒洗一筆；後來生埋仔仲要成四百萬．嘩，呢位同事咪賣身都唔掂？
＊＊＊
股票期貨既二手市場，交易既係intangible既股權同standardized既合約，無需驗貨；但係實物交易就唔同，以消費品來說，好多時係買家市場，個買家真係會將件貨驗屍咁驗，又會極盡壓價既能事去數落賣方，以求得到好價．
所以話，要賣野，都係賣ｄ保值野，唔係話要做收藏家拿收藏品去蘇富比拍賣咁遙不可及，即便是好似黃金，好幾年牛市，絕對可以等到岩價先沽．
＊＊＊
那天看見某流行攝影雜誌介紹轉賣二手器材的店舖，魔術師見那支入門鏡頭已無用武之地，但又完好無缺，棄之未免可惜，又不環保，造成浪費，於是便去某二手店問問價，都叫做多一個經驗．
魔術師見那入門鏡頭有新型號推出，料來二手需求應該不大，對價錢亦無大寄望，只係本著唔好浪費既心情去那二手店舖．
魔術師到達後說明來意，老闆果然將支鏡驗屍咁驗，又問魔術師想賣幾錢？
魔術師：我呀？唔知價架．．．我諗千幾蚊啦！
ｘ老闆：（以不屑的神情搖頭）咁你諗都唔使諗喇！
魔術師：（唔使咁串下話？）哦，咁我都話我唔知價架啦．咁你睇應該幾錢呢？
ｘ老闆：（嘆了一口氣）唉，一千啦，俾到盡架啦！
魔術師：（你當我好等錢使乎？或者當左自己係朝奉定當我係乞兒？）係呀？哦，果一千幾百我都未放係心上啦，我又唔等錢使既，唔值錢既我咪掉左佢羅．．．
說罷便執拾好離去，我呢個「客仔」，同佢平時果班，係好唔同既．
最後決定，把鏡頭拿回公司，看看有無同事要，象徵式一千幾百賣左佢，總好過受人閒氣．
嗯，果班「咪爛站」既「潮童」客仔，係咪又會在賣野既過程中被人串既呢？其實咁樣，對自尊心會唔會有打擊？
2007/07/17 18:17:17