2007年7月26日 星期四

巴士女孩

魔術師每天在總站坐巴士上班,都會見同一班熟口熟面的乘客,魔術師雖然不認識他們,但都會暗自在心中替他們逐個改上名字,有肥肥啦,大舊啦,頭髮蓬鬆啦,靚女啦,靚妹妹啦,傻妹啦,LV女,化妝妹啦等等.有時有「新人」出現,魔術師自會留意上了,看看下次會否再見;而一旦有「舊人」,魔術師也會暗自納罕,想像一下他/她是放了假?是轉了工?還是搬走了呢?

鑑於痴漢例猖獗,連名校生也不例外,所以女生坐公車時多會選擇與同性共坐,自可理解,同時有好多大舊和肥肥為怕不小心觸及旁邊既女乘客,也選擇與同性共坐.咁,可憐既魔術師由於斯斯文文,衣著整齊,又唔「婭乍」,所以便成為眾大漢既欺凌對象:或有夏天汗臭攻鼻,或有冬天厚衣擠擁,又或V字形張開雙腿壓過來,又或粗粗魯魯大大聲講電話腦揩油,總之唔衰相果樣野唔做,俾著魔術師係港女都驚左佢地啦.

係少數情況,同女生坐都會幾尷尬:

1. 睡在肩上的女孩

2. 無故把屁股和大腿拼命往魔術師靠攏的熱褲妹妹

3. 跟魔術師一樣眼訓,結果兩人像情侶一樣頭靠著頭睡的女生

等等.

早年見過一位「化妝妹」,特技是可以在屯門往荃灣的二十多分鐘車程內化好個全妝.即使車身如何顛簸,眼線口紅永不過界,實在神乎其技.

而近來令我留心的,便是那個魔術師心裡暗稱「傻妹」的女孩.她樣子也算標緻,起碼看上去不是中環白領儷人,也不是三尖八角的mk女,沒有用緊身T恤裹出一副誇張的身材.傻妹不像一般女生,並不避忌跟男士一起坐.每次坐定後都用梳子把一頭順直的秀髮梳直.

今天「傻妹」第一次坐到魔術師的身邊,照常梳起頭來.梳子把一縷秀髮帶到魔術師的衣襟上,彷彿還殘留著一股洗頭水的芳香...

2007/07/25 22:54:18

6 則留言:

  1. 哈哈,我都試過有個女仔真係大昏迷,全程成個人訓左過來,好重。到我真係要落車,拍左佢幾下先至可以叫醒佢呀,我諗我大可以拎佢去賣。
    不過在巴士度梳頭...

    回覆刪除
  2. 有段時間坐極速隧巴返工,有位姐姐全程30分鐘食早餐、潤膚兼化妝,坐響佢對面(我中意坐倒車位)真係嚇死。
    妝前妝後,個樣真係好唔同啊~~~

    回覆刪除
  3. 其實坐巴士是挺有趣的,特別是遇到漂亮女生,不過我絕少坐巴士,而是坐火車.在火車上看見女生化妝,已覺神奇,能有女生在巴士上化妝,真是一山更有一山高,有趣:)

    回覆刪除
  4. 我試過瞓落人哋度,又試過畀人哋瞓左過黎。坐巴士真係幾多過癮嘢架,不過都好耐冇坐過嚕。

    回覆刪除
  5. 呵呵,你一定得女歡心才可獲此厚待!
    另外,我也愛女生的髮香,很爽的 ^^

    回覆刪除
  6. 不敗的魔術師2011年12月6日 下午6:29

    講開我都想再試呀!

    回覆刪除