工作雜談

最近真係忙到抽筋，成點幾鐘先做完公事加私事！

1.　近年魔術師因為經常參與大中小茶飯，本業反而似是兼職，所以老細便索性加魔術師人工，並調往她麾下的另一組，只待請到人頂替魔術師的本業職務，便可生效．
2.　老細開小組會議，講講下要在機械人座位後的牆壁上貼上flipchart協助講解，豈知機械人卻遲遲都沒有反應，直至眾人都盯著他－－背後，機械人才懂得挪開座位．果然係近乎唔叫唔郁．
3.　返工入門時有雙手都拿著東西的女同事行先，只見她站在右手面將access card放在門口的感應器上，接著又吃力地向左踏一步去開門．而後來的年青男同事卻毫無反應，只是站著看那女同事幫他們開門，卻不懂得趁女同事「哂卡」時站好位置幫手開門．魔術師若不是也是一手拿公事包，一手拿手提電腦，早便去幫手啦．入門後魔術師跟女同事說；「哎，而家ｄ後生他真係唔似樣！」女同事答：「你大人唔好記小人過啦！」
4.　放工臨走時收到某部門同事的電郵要求魔術師提供某幾份文件，係佢地要來for audit purpose．接著不夠十秒，電話便響起來，話筒的另一邊傳來的是一把年青的男聲，是電郵的寄件人，提著同一要求．魔術師頓時心生不快，使唔使出完依貓即刻打電話黎呀？魔術師便話而家走緊，可唔可以聽日先呢？點知條○靚仔仲話「可唔可以而家要？」大佬，果時六點半，已經過左工作時間，魔術師原則上可以走左，點到佢話要想點就點？結果同佢拗左幾句，先發覺佢自己係可以響內聯網下載呢幾份文件．又係ｄ自己唔先嘗試便要去麻煩別人的「青年才俊」，真係同佢講都○徒９氣！
5.　新同事要需時同公司、工作環境、和上司磨合，上司又需要時間同新同事磨合，建立信任同暸解．所以有時新同事真係會無乜野做，悶到發慌．呢個時候，就睇當事人自己點樣去主動地take up d 工作喇．
2007/09/19　02:39:56