港女是怎樣煉成的（一）－港婦

先回顧下山孱既講話先:


再睇下而家ｄ港婦媽媽點樣「愛護」自己的子女：

從傳媒得黎既印象係，而家香港既新一代父母，真係愈來愈不知所謂，其不知所謂主要係在於其「偽」，即係作狀、扮野，尤其是係「偽中產」．就好似訪問中果位港婦，睇佢屋企既裝潢，點都唔似「豪宅」（唔排除屋苑個名有個「豪」字呢類「偽豪宅」），但係佢既思想行為，完全係旨在同個女扮ｃｕｔｉｅ，亦都係「偽」．
買二百幾件衫，廿對鞋，成個「小馬可斯夫人」咁，所以，育成港女，四百萬隨時未必夠．平均每套衫著唔夠兩日，而且小朋友大得快，ｄ衫便好易唔啱著．港婦媽媽呢類對物質「不在乎天長地久，只在乎曾經擁有」（Ｔｈａｎｋｓ朱生，ｓｏｒｒｙ紅姑）既意識形態，絕對係令個女將來踏上港女之路既奠基石．
港女（其實可以引伸到所有人）中令人不快既特性中，強烈既物慾同貪慕虛榮都係次要，最惹人厭的是「偽」．
嗯，學「小霖秘笈」話齋：「若有真的心，便有最高的劍道；沒有真的心，得到也是無．」

2007/09/23　00:30:17