之前講過，魔術師是天梁坐命，即係俠士性格，解卮扶危，主原則和紀律，喜歡監察，挑剔、批評別人，，有自己的見解主張，不隨波逐流，所以不容易受歡迎，加上對宮太陽落陷，故主孤，朋友不多．
所以魔術師喜愛的活動，除行山外為安全計需要結伴同行之外，其他樣樣野都可以單獨進行．尤其喜愛獨個兒購物，貪其不用理會友伴意見和感受，免得同人（尤其是女人）一齊買野，平又嫌低俗，貴又話大洗，行公司行得兩行又話攰，響街邊檔睇野買野又要講價，對款式又易有唔同見解，一旦買錯左買貴左又要搵人出氣，行老半天都買唔到野．
不過單槍匹馬出動，最怕搵食，尤其是係食快餐店同美食廣場之類既地方，有人幫你霸位係好幸福既事，所以魔術師免得過都唔會同人迫，盡量都係搵有侍應服侍既餐廳用餐．
＊＊＊
前幾日，怕貓港女同事情商魔術師去幫某活動影相，搞到魔術師要周圍搵人撲飛．
結果，而家魔術師有兩張飛．．．
2007/09/28 23:12:49
真係獨家村o既煩惱…最麻煩係買完o野攞住一袋二袋去d人多要等位o既foot court或快餐店開飯。捧住個餐又要攞住d袋，仲要企係枱側邊等位。睇住人地食飯，自己要等食，又要小心d唔帶眼o既人撞埋黎。麻鬼煩！
回覆刪除所以係獨家村o既時候，免得過我都係會就去d餐廳開飯。我去開味千，或d cafe仔，貪佢價錢ok又唔會有人吹你走。