可唔可以

小茶飯回來，又要回顧一下有咩鑊氣．

呀高級經理，你既然黎得做評判，可唔可以精神ｄ，留心少少聽下魔術師既briefing，而家講你又唔聽，錯左就我地執鑊算點先？
呀機械人，你既然留守大本營，可唔可以醒少少，唔好拖累我地，連點樣強硬熄電腦（即係長按Power掣）都要問我地好唔好？
呀第二組，你地黎得參加，可唔可以投入ｄ，著重個過程，而唔係練精學懶，成日諗住早走得唔得？
呀第二組，大家一場同事，可唔可以自律ｄ，而唔係成日諗住早走同用ｄ古惑招去算其他人得唔得？
呀與會者，有嘉賓致緊辭，你地可唔可以尊重下人尊重下自己，唔好訓覺得唔得？
呀學生仔，你地唔識唔緊要，可以學，但係可唔可以唔好好似食左十擔豬油咁，俾ｄ衝勁做野得唔得？
呀新左都成半年既女同事，妳可唔可以用下個腦做野，俾ｄ聲屎，唔係人地講乜你就做乜得唔得？
呀酒店，你地上網速度慢到完全不可接受，可唔可以唔收錢？
呀酒店，你地ｄ野食可唔可以整得好味少少？
呀魔術師，你可唔可以發少句勞騷？
2007/09/06  23:51:48