2008年1月27日 星期日

自言自語(三)-周末狂熱

今日雖是周末,卻不比平時上班悠閒.
義務工作
前陣子收到義工組織call人去為一個為期一天的workshop做義務工作,魔術師觀望左一排,見好似反應冷淡,又由於今年沒有去做長期義工,好像有些過意不去,於是便報名參加.

到得今日,晨早去聽briefing,先響餐廳見到個貌似製作公司靚姐姐既靚姐姐,魔術師便懷疑佢又係義工之一.最後去到場地,果然所料不差.但係原來義工靚姐姐都同義工program manager好熟,唔知係咪佢女友呢?
結果魔術師被分派到和一位懷疑教徒嬸嬸合作,佢講野又慢又悶又離題,講埋d教會野搞到overrun仲想cut活動,魔術師想提佢但係又唔好意思,overrun係你自己造成,點解要影響到參加活動既朋友?結果納悶左好耐,到下畫有個session嬸嬸離開左,魔術師先可以開懷講野.
最後收到d參加者既comments,都幾嚇人,茲摘錄如下:
”The experience you shared is quite interesting. You conclusiion very concrete and easy to be undertood(魔按:should be "easy to understand"). I am so glad to have you to be (魔按:should be "as") my mentor.”
「你的語氣風趣,令課堂生息(魔按:生色)不少.」
***
服務態度
做完義工,見已經入黑,便急急腳在返到屋企前去樓下的水電鋪叫通浴室去水喉,點知老闆娘好似生意唔憂做咁愛理不理.結果魔術師只好行遠去找水電貓的主人.
託水電貓的福,老闆雖然在正關門,無意再開工,本想約聽日,但在得知魔術師「無涼沖」(其實不然)既「慘況」後,便毅然應承馬上幫魔術師搞掂.
結果半小時內完成,盛惠大牛一張.
錢唔係問題,最緊要係呢d咁既服務態度,先係一級棒.
***
香梘寬頻
魔術師始終唔係好想用傻記,所以今晚約左香梘寬頻上來安裝.
裝親呢d野,師傅每次都係有咁晏得咁晏先上到來.今次都唔例外,但係呢次師傅打開魔術師屋企既電話線盒後,便解釋給魔術師聽點解因為當年裝潢拉線令佢裝唔到,除非拉明線,又提供左拉明線又唔好拉到咁核突既折衷方案俾魔術師,唔似傻記果d「潮童師傅」咁真心膠.
雖然魔術師最後都係唔裝,但係印象就好好多囉.
***
最後,點番隻歌俾自己聽,1977年「周末狂熱」(Saturday Night Fever)既開場曲:

2008/01/26 22:10:30

1 則留言:

  1. 天氣咁凍,有得沖番個熱水涼,感覺好幸福。

    回覆刪除