2008年1月9日 星期三

三仙賀壽

(幕開)
(小教堂內,三點跪在跪在神像前,雙手抱拳,低頭唸唸有詞.)
三點:主呀主,求你寬恕我呢個罪人,賜我生日時,有小豬陪我食飯吖!(唱)
「祈求天地放過一雙戀人 怕發生的永遠別發生
從來未順利遇上好景降臨 如何能重拾信心
祈求天父做十分鐘好人 賜我他的吻 如憐憫罪人
我愛主 同時亦愛一位世人
祈求沿途未變心 請給我護蔭」



(這時門口傳來「鐸、鐸、鐸」的聲音,一個挺著大肚腩、瘸了腿的老者一柺一柺的走了進來.)
三點:咦,呢位叔叔,唔通你係馮鐵杖?
老者:嘿,當然唔係喇!你睇下呢支係咩黎先!
(老者一手撐著長椅,一手舉起鐵杖)
三點:原來呢位叔叔用既係鐵柺杖,唔通你係鑼柺李?
老者:死蠢,呢個係鐵鎚,我用個鎚頭撐係腋下,鎚柄用來拴地,仲有我個肚腩,我就係鐵柺鎚,你咁都睇唔出?嗱,講返正事,我知你係三點.我係專登黎賀你生日既!
(鐵柺鎚拿出一本叫「交叉朴」的書出來,唱)
「用心明白容易懂
勉強一定沒有好結果
我沒多的力氣去關心你喜不喜歡」


(唱畢,鐵柺鎚拿出一個缽來,想三點給一點賞錢)
三點:你明明係男人,點解會變左女聲架?
鐵柺鎚:(面紅)我...我條特硬肌肉俾人切左吖嘛!
三點:(罵)猥瑣佬!
(說著奔出小教堂)
(跑了一會,到了荷花池,只見一位仙子般的女子在嘆息)
三點:荷花加仙女,唔通你係何仙姑?
仙子:唔係喎,我叫何仙豬.我知你係三點.我係專登黎賀你生日,同你一齊食飯既!(唱)
「原諒自己 嘿... 原諒自己 嘿...
見怪不怪若然要怪只怪未能 雪你吃你變作你
原諒自己 嘿... 明白是非 嘿...
不能同遊不用遁地 仿似咬咬空氣 事不關己」


(唱畢,何仙豬便挽起三點的手,一起往火車站走去)
(二人在火車站等了一會,沒見火車來,卻見有一名男子倒騎著一頭驢子,從遠處沿火車軌直行上月台,到二人前站定)
三點:呢次呢位一定係張果老啦掛.
男子:我係就係姓張,不過唔係叫「果老」咁老土,係叫奧斯卡,全名係「奧斯卡.張」.你一定係三點嘞,你細妹有野做,託我俾呢個錄音你聽.
(奧斯卡.張取出一支錄音筆,給三點戴上耳機,按下按鈕,便有一把女聲從耳機傳出,唱)
「高興踢一腿 哀傷哭一回
她在我面前永遠是個大王」


(三點聽完錄音,取下耳機)
奧斯卡.張:三點係好人,所以一定會遇到好人的.
(奧斯卡.張跟何仙豬打個眼色,一起唱)
「仍然相信我會 有好心得好報
可能 到某日會知道 」


(三點聽到這裡,不禁感動到流下淚來)
(這時火車到站,有一名紫色頭的女生跳下車來,給了一張紙巾三點)
(大家都笑了起來)
(幕下)

2008/01/09 00:49:13

3 則留言:

  1. 嘩,今次 casting 我又有份呀,好嘢呀!

    回覆刪除
  2. Yeah!我都有份,好嘢,我當呢份係生日禮物嚟架,些些!
    好,等我同張奧斯卡練吓歌先。

    回覆刪除
  3. 傻婆三點,你呢啲唔係叫做有份,你係主角呀!!大家同你賀壽呀,咁呢份梗係你嘅生日禮物喇,晒乜"當"呀!你真係吖!!

    回覆刪除