冥冥主宰

尋晚響Ｙｏｕｔｕｂｅ睇左個舊得黎好好笑既有味電視錄像．對住個ｍｏｎ笑左一餐之後，發覺自己好耐都無笑得咁開懷，就諗下究竟係咩野引領到自己去睇呢段片既呢？

原來始作俑者，係阿媽．

１．阿媽

魔術師仲係讀初中既時候，阿媽好鍾意響禮拜六下畫睇亞視既賽馬直播．

２．林尚義

當時賽馬直播前，中午十二點鐘之後，亞視會有德國甲組足球聯賽既精華睇，由林尚義評述，當時人地係叫佢「林ｓｉｒ」，而唔係降格左既「阿叔」．

３．拜仁慕尼黑

數德國波既班霸，當然就係拜仁慕尼黑．聯賽精華自不然多數都係播強隊既比賽，睇睇下魔術師就成為左拜仁既粉絲，一做就做左成廿年．

４．亙聯網

由於日前德甲有榜首大戰：拜仁對雲達不來梅，魔術師雖然已知戰果，但係都想上某些足球吹水新聞組睇下網友既評論．

５．求婚

點知睇下睇下，睇見有一段係講「德甲奇遇結良緣」：

回應：

魔術師就即時諗舊年所見到既求婚事件，不過果次連伯母都出動埋，搞到個女仔無得用阿媽做擋箭牌啫．

６．球彩台

魔術師雖不賭錢，但係有時睇波睇到悶時會不停轉台，所以對有線球彩台果兩位女主持Ｗｅｎｄｙ同Ｒｉｔａ都有ｄ印象，結果就響睇完求婚事件之後，見到Ｙｏｕｔｕｂｅ既ｒｅｌａｔｅｄ　ｖｉｄｅｏ有Ｒｉｔａ，於是乎就ｃｌｉｃｋ黎睇下．

睇見Ｒｉｔａ「又傻又天真」個樣，真係笑到碌地，直程係新一代冷面笑匠（要睇埋最尾）：

ＰＳ：不喜物播，唔好打頭．

2008/02/12 22:14:09