叉燒堂妹

新年流流，本來都唔想咁嘮嘈，但又真係估唔到，新年第一篇就係寫港女。
大年初一，魔術師照例去伯娘屋企拜年。由於伯父早在數年前過身，伯娘家裡便只剩她們三母女，即伯娘自己，再加魔術師既堂姐和堂妹各一名。

伯娘住既係新界某著名屋苑，係當年樓市高峰期堂姐怕「再唔買遲ｄ就買唔起」既心態摸頂買入，結果間屋二百幾三百萬但係就豆腐潤咁細，只係擺得一張細細既食飯檯同幾張椅子，開檯食飯都要將擺係檯既雜物搬來搬去。
話說回來，魔術師去到伯娘屋企，一按門鈴，開門的是老態龍鐘的伯娘。一問之下，才知原來堂姐去了辦年貨，卻沒說堂妺去了哪兒，而伯娘則在煮飯。
魔術師坐了一會，見伯娘正準備開飯，便問有甚麼可以幫忙，老人家當然話唔使客人幫忙。魔術師見初頭伯娘搬飯桌上的小雜物時還可以，但桌上還有一大花瓶年花，作為男人，沒理由不幫忙吧？
可惡的是，當魔術師幫手搬好東西和桌椅，堂妹才揉著眼睛，穿著一付單車競賽選手既裝束出來打招呼！伯娘叫她打給堂姐，她還不理睬呢！還不是要老人家自己去打！
不一會堂姐回來，便跟魔術師一起幫忙端好飯菜，這時又見堂妹洗完澡施施然的出來吃飯。談起來，才知原來堂妹一早便跟她那些（豬）朋（狗）友踩單車環繞新界一周，共踩百多公里，怪唔得「成身散哂」喇！
呢位堂妹，廿九幾歲人，仲係咁爛玩，幫下老媽手都唔識（可能係唔肯多ｄ），屋企野就懶到出汁，出去玩就鬼打都無咁精神．如此不識大體既港女，真係生舊叉燒好過生佢！
2008/02/08  22:54:04