通識教育

魔術師唔係變態，基本上人地既床第之事，閨房之樂，無興趣去理，以已度人之下，所以真係唔明解，呢單野可以賣成兩個禮拜頭條，仲咁多人有興趣．結果有呢資訊爆炸既年代，被迫接收左好多關於呢單野既新聞．
最搞笑既係，魔術師睇到以下既新聞片段之後，實在忍唔住要錄落黎，作為通識教材：

１．滿口懶音
唔使多講，睇片就知．
２．邏輯混亂
咩叫「選擇性執法」？即係如果你高買，俾警察捉到，就話香港地好多人高買，點解警察唔拉其他人？人地有無犯法，犯咩野法，同你有無犯法，有何關係？
３．窮病發作

蘋果日報　２００８年２月１１日
在醫院工作的劉先生帶7歲兒子上街。他認為警方有必要拘捕陳冠希，「要拉源頭，點解唔拉影個？點解由 得佢搵律師同你（警察）對話？唔通有錢人大晒？」

只要係你情我願既情況下影既，大家成年人，又有乜問題？即使陳總係相片源頭，只要佢唔係「發佈源頭」，又何罪之有？人地有錢請得起律師代表自己權利，係正當不過，又眼紅人地ｄ乜野？唔通唔抵得心中女神被人搞左？總之，而家好多香港人就係憎人富貴厭人貧，無產階級大哂就最啱．
４．賊喊捉賊

星島日報　２００８年２月１０日
疑似藝人裸照風波愈鬧愈大，被謔稱「新世紀賤男」藝人陳冠希繼續「潛水」，其辛苦建立的潮人及CEO形象亦大插水，令廣告商及電影商醞釀飛「希」潮，可能令他損失逾千萬元。

魔術師即使在少年十五二十時，都唔知「潮」值何價．見到潮人用成幾千蚊買猩猩頭，就諗點解唔買Ｈｅｒｍｅｓ，Ｃａｒｔｉｅｒ？至於「ＣＥＯ形象」，咳咳，魔術師都見過幾位跨國公司高層，人地做ＣＥＯ，舉手投足，同行出黎個氣勢，仲有語文程度，同陳總比，真係．．．
其實呢ｄ「潮人及CEO形象」又係邊個賦與佢既呢？而家要喊打喊殺既，又係邊個呢？
５．天真瀾漫

蘋果日報　２００８年２月１２日
家長撰公開信：不要扮可憐
對於阿嬌的「天真說」，有巿民以「一群被欺騙的家長」名義向傳媒發公開信回應，「請阿嬌不要再流眼淚扮可憐博同情，不是你天真，而是我們天真，竟然以為你是天使，讓孩子們封你做偶像，以你為榜樣。你傷害了我們的心，我們將永遠成為陌路人。」

呢班家長唔係未聽過「娛樂圈係大染缸」下話？如果真係咁天真，就真係ｓｔｒａｎｇｅ　ｏｒｄｅａｌ了．
＊＊＊
天真家長教出天真小孩，再進化成「大唔透」既港女同「拒絕長大」既電車男．銀包無產，腦袋更無產，所以滿口懶音，同潮人偶像一樣「中文程度欠佳」（蘋果日報　２００８年２月１３日），講野滿口懶音，再受ｄ神係佢鬼又係佢既賊喊捉賊既傳媒影響，周不時窮病發作，終日望政府打救．１２３４５，實乃因果業報也．
2008/02/13　23:19:46