有污視聽

魔術師一向不喜所有有可能污染視聽的物事，師奶劇集如是，八掛新聞如是；而最近見得最多既，就係趁農曆年出版既，將玄學同投資混合既大眾化投資刊物．
其實魔術師一直都對大眾化既投資報章雜誌無甚好感．投資係研究經濟政治，地球資源．公司收況和財務報表既分析，本來就係曲高和寡的學問．坊間那些如好友日報、乜蛇物ｓｉｒ、軍曹美少女戰士之類嘩眾取寵既財經演員，炒輪做ＣＥＯ，怒射牛眼加之類既表達手法，美其名就係大眾化，其實說穿了只是馬經內幕貼士，響教育投資大眾「如何捕魚」卻乏善可陳，而家仲加上玄學推算，好好一門財務投資既學問俾呢班傳媒搞到人唔人、鬼唔鬼，真係情可以堪．
就以最近好友日報旗下的某雜誌為例，魔術師翻閱過一下，發現如果係以某某投資公司研究部名義寫既，大都有板有眼，但如果係雜誌自己友寫既，就真係不敢恭維：
例１．封面專題（多謝網友脫苦海提供）
該雜誌引某玄學顧問所言，「春旺木不利土，夏旺火土不利金，秋旺金忌木，冬旺水不利火」，然後指出每季投資行業私宜忌．雜誌又謂「本刊綜合投資基金、財務策劃和玄學專家的意見，戊子鼠年是世界不穩定的一年，．．．，市場近乎全面看好的樓市，甚有可能出現反高潮，現階段高追入市，投資風險甚高，只宜投機者短線炒賣．」云云．
其實中國四時和五行不嬲都係有咁樣既關係，即係每年每季都要投資返呢ｄ行業？至於一再引述玄學專家之言，跟諾氏預言「恐怖大王將從天而降」，實有異曲同工之妙也．
例２．狗股
引述該雜誌：「所謂『道指之狗』（Ｄｏｇｓ　ｏｆ　ｔｈｅ　Ｄｏｗ），是美國投資界的一套投資方法，其一原則是專買每年道指成份股中表現最落後的股份，．．．今次統計以農曆年為年度單位，從２０００年龍年開始，找出前一年股價表現最差的５隻『恆指之狗』．．．」並有附表列出．
再參看Ｄｏｇｓ　ｏｆ　ｔｈｅ　Ｄｏｗ的網頁，狗股的選股法是「select the ten stocks which have the highest dividend yield」，明顯和雜誌所言「表現最落後」有分別，而且人地係選１０隻，選５隻果個組合叫「小狗」（ｓｍａｌｌ　ｄｏｇ），雜誌所言未免有點不盡不實．
至於其他「分析」，例如貼恆指新貴等，姑物論其「分析」是否成理，如此賭博式既短炒是否適合「普羅大眾」，實在見仁見智．
2008/02/09 14:49:32