然後係一張行貨香港島夜景明信片。
跟住到正題，一盒十多隻顏色的粉彩。本來木顏色會有更多選擇，但木顏色要刨，ｄ非洲窮鄉僻壤會唔會連鉛筆刨都無？雖然老父話過佢當年學美術時係用刀仔削炭筆既，但係叫個得幾歲既細路用刀仔當鉛筆刨會唔會危險左ｄ？所以都係蠟筆或者粉彩安全ｄ。以前魔術師小學都係用粉彩，就一於咁話喇！
咁，有畫筆又豈能無畫紙？所以又買多本小畫簿，貪佢細細本易收藏，唔使咁揚．不過，ｄ粉彩又會唔會粗得滯，響本小畫簿畫唔到咩野呢？哎，話知啦，畫唔到畫咪當算術草稿囉！
好嘞，買個小熊維尼禮物袋，將所有野入好佢，再貼好封口．死啦，魔術師從來都唔會買小熊維尼產品架喎！
再放入郵政局ｐｏｓｔｐａｃｋ，填好掛號表格，貼好郵票和空郵貼紙，便寄之去也．
2008/02/04 23:23:42
數怪哥哥:
回覆刪除係喎，寄粉彩都好喎，我仲只係寄左簿同筆添，Melody嫁，小妹妹多數鍾意粉紅色。但係你唔寄自己既相比佢既？我有寄我媽媽同我既相比佢，human touch。
果張紙好細既，你可以另外加紙寫，不過唔好寫咁長，譯死local宣明會既人。