2016年7月22日 星期五

逆工管思維(十九)之 No question is silly question, but many questions are lazy questions

見池兄寫《有問題》,魔術師都忍唔住要參上一腳,講返幾句廢話。
工管科一向教做leader嘅管理人,最緊要就係要熟讀一啲名人雋語,仲要琅琅上口,例如:"No question is silly question" ,"Stay hungry, stay foolish"等正能量用語來鼓勵同事不恥下問,千祈唔好怕羞去問; make 太多 assumptions,反而會做錯嘢,「無人會識得哂所有嘢架馬」。
係,無錯,「無人會識得哂所有嘢」;但當你hungry的時候,你可以自決自煮食自己,而唔係攤係屋企做大爺 foolish 地要別人煮俾你食的。
***
1. 米豬
米豬女同事乜鬼都唔識,乜都打爛沙盤問到底,貌似好challenging但其實只係無知。例如要做某事,魔術師寫instructions話先做A再做B,於是米豬女同事便問點解唔可以做咗B先做A。魔術師答,基本上做A先又得,做B先又得,不過做B先就易做錯,風險大;做A先成件事就會安全啲。
其實,魔術師唔係關心班米豬做啱定做錯,反正高等白人米豬一向都係咁 arrogant,俾塊板佢墥又何妨?但問題就係萬一班米豬搞唔掂叫救命,佢日頭就係我城夜晚,豈不是又要魔術師開夜車幫佢救火?魔術師咁好聲好氣答米豬同事的問題,其實潛台詞就係「你衰還衰,唔好累人先得架!」就真。
2. 懶豬
魔術師幼承庭訓,阿媽教落做嘢不嬲都好好手尾。呢樣嘢好多同事朋友都知,例如係舊公司,無論在妹頭組定係美顏組,魔術師都係組內的「考古專家」:即係只要有經過魔術師手的訊息,魔術師都唔會遺漏,兼且file得有條不紊,什麼時候發生了什麼事、內容是什麼、點解要咁做、誰誰誰下決定等都可以在短時間內找到相關證據,所以好多同事一有疑難就來問魔術師。
年初為魔術師提供兼職機會的老友亦清楚暸解魔術師呢個特性,不過魔術師就稍嫌佢唔係太過 attentive to details,編輯公司網頁系統(Content Management System, CMS)個密碼佢就周不時問魔術師,即使現在魔術師已「離職」達數月之久,佢都依然係照問。無他嘅,佢無手尾,要搵返魔術師俾佢的資料,搵成粒鐘都未必搵到,一個whatsapp問魔術師就易得多。非不能也,實不為也,懶惰之過囉。
又即係咁,雖然呢位老友幫過魔術師,不過魔術師又真係有幫佢做嘢交貨,就連份糧都打咗折(佢細公司養唔起魔術師),算係等價交換,大家無拖無欠。佢咁不時諗起就問魔術師真係唔掂,魔術師亦睇唔出答咗佢之後佢就會好好保存個密碼,日後唔再問。所以,好人難做之下,都係叫佢自己搵算了,又唔係無俾其他同事...

3. 桃谷六仙
有睇開魔術師個 blog 的讀者都知道,除了廣告同 spam 之外,魔術師係唔會刪留言的,如有攻擊辯論的話,魔術師隨時奉陪。不過,原來都曾有個別人士係俾魔術師刪過留言的,呢位係一位現在仍然 active 的 blogger,被刪留言的原因是佢夾纏不清,有如桃谷六仙一樣。事緣係魔術師當初講國教事件,
(見舊文:《國民教育@周日不講理》
http://magician__yang.mysinablog.com/index.php?op=ViewArticle&articleId=3647028)
呢位 blogger 話有新聞報導過「同學聽國歌後要流淚,否則便要自我反省」,魔術師說都曾有聽說過此事,不過去教慾局找到的課程綱領卻沒有「流淚、反省」的說法,故不知此說的真假,但該blogger 竟要魔術師「澄清」。魔術師都說找不到,有甚麼可以澄清呢?要澄清便應該找那些抱持「流淚、反省」說法的傳霉才對吧?提供文件的哪一個 version、哪一段哪一節,可以看到「流淚、反省」的說法,是傳霉的責任,不是魔術師的責任啊!
問錯問題問錯人,自已又唔去找答案,魔術師答你才怪!
4. Google 黨
雖則話無論係電郵來信定係網誌留言,魔術師都很樂意為網友解答問題,就算唔識答,在能力之內的都會嘗試找尋答案,在過程中自己都會有所得着;不過對於某些「態度惡劣」的網友提問,魔術師真係唔係好想理佢地。所謂「態度惡劣」,當然唔係淨係指無禮貌唔客氣嗰隻,而係只係路過當魔術師係免費「打電話問功課」咁拋下問題老奉希望魔術師回答的人。呢類欠缺交流誠意的人,魔術師有心機就答,無心情就串下佢便算。
至於咩叫「有無誠意」,「有無意圖想交流」?係,雖然真係好主觀,不過都唔可以話完全無證據,大概可以從發問者的遣詞用字之間都可感覺到一二,好似以下呢位在舊 blog 《覆讀者來信:開心大發現!叫美帝稅局回水!?》留言的盲毛:
[11]
請問版主, 拿護照到美國領事館做公證是不是每年搞退稅都要去一次? 因為自己退的款項不多, 如每年都要付50美金搞公證, 條數不化算。感謝解答。
[引用] | 作者 W | 19-Jul-16 08:34 | [舉報垃圾留言]
魔術師極度懷疑呢位仁兄係「Google 黨」,即係查 keyword 得網址再 click 入來,只睇內頁 inside page,見人就問,睇都唔睇魔術師主頁一早寫咗已經搬 blog,叫讀者唔好再留言的搬遷啟示,更加唔好話佢連舊 blog 已經幾個月無 update 都無留意,觀察力差又唔細心,魔術師真係睬佢都傻。
其實盲毛條問題的答案很簡單,只要佢肯睇下該文的參考資料就搵到答案。去美帝領事館為護照副本做公證的目的,是用來申請Individual Taxpayer Identification Number (ITIN):
Individual Taxpayer Identification Number (ITIN)
H.R. 2029, Consolidated Appropriations Act, 2016, Division Q Protecting Americans from Tax Hikes (PATH) Act of 2015 (P.L. 114-113) was signed into law on December 18, 2015. It includes Section 203 which outlines new specific rules relating to the issuance of ITINs. This legislation will ultimately modify the approach for ITIN issuance that was previously communicated in IR-2014-76 on June 30, 2014. We are still evaluating the changes required to implement the new legislation. Further details will be posted on irs.gov in the coming months. Until then, ITINs will continue to be issued using existing policies and procedures.


再 click 入去 IR-2014-76
Unused ITINS to Expire After Five Years; New Uniform Policy Eases Burden on Taxpayers, Protects ITIN IntegrityIR-2014-76, June 30, 2014
WASHINGTON — Individual Taxpayer Identification Numbers (ITINs) will expire if not used on a federal income tax return for any year during a period of five consecutive years, the Internal Revenue Service announced today. That is, the IRS will not deactivate an ITIN that has been used on at least one tax return in the past five years. To give all interested parties time to adjust and allow the IRS to reprogram its systems, the IRS will not begin deactivating ITINs until 2016.


答案不是很清楚了嗎?
不過,對於又蠢又懶又盲的豬來說,要求佢識得做 research,click 來 click 去,仲要睇英文,難度又未免太高了吧?

37 則留言:

  1. 受教了, 會反省這次伸手黨的行為。W

    回覆刪除
    回覆
    1. 我很樂意跟各方網友交流,三人行必有我師,只是「伸手黨」的確令人不快。

      Thanks for your understanding.

      刪除
  2. //stay hungry, stay foolish

    這只包括虛心學習之態度,用問題叉能廚人的不在此範圍內.

    //桃谷六仙

    通常呢d都係X撚(X可以係耶或其他),因為只有X撚先會要求「證明一樣野唔存在」的廢問題

    回覆刪除
    回覆
    1. //「證明一樣野唔存在」
      哈哈哈哈哈!無法證明一樣野存在咪證明佢唔存在囉!
      成日要證明唔存在嘅嘢唔存在,咁我咪好唔得閒?

      刪除
    2. //通常呢d都係X撚(X可以係耶或其他),因為只有X撚先會要求「證明一樣野唔存在」的廢問題
      //無法證明一樣野存在咪證明佢唔存在囉!

      前兩日先係巴士車箱坐係我後面的爺撚傳教:

      「你都睇唔到空氣,但空氣存在;你都睇唔到主,但你不能否則主的存在。」

      刪除
    3. 其實「證明一樣嘢唔存在」係可以嘅,例如嗰樣嘢嘅特質互相矛盾,自然唔可能存在(典型教科書例子:五條邊嘅四邊形、大過又細過拳頭嘅足球etc.)。

      //「你都睇唔到空氣,但空氣存在;你都睇唔到主,但你不能否則主的存在。」//

      「係啊,係不能否定,但不能否定唔等於證明咗存在,否則超人同孫悟空都存在了。」

      刪除
    4. //否則超人同孫悟空都存在了。

      「超人真係同蝙蝠俠打過啊!」

      刪除
  3. 那位blogger 似乎不懂得burden of proof 這概念.

    //要求「證明一樣野唔存在」的廢問題

    「你證明唔到唔存在咪正係存在囉!」

    回覆刪除
    回覆
    1. 個blogger借左我10M未還,證唔證明到冇欠?冇嘅話唔好眼望望,速速傍水。:P

      刪除
    2. //「你證明唔到唔存在咪正係存在囉!」
      //個blogger借左我10M未還,證唔證明到冇欠?冇嘅話唔好眼望望,速速傍水。:P

      證明唔到隻股會減派息,咁即係佢會年年增加派息或起碼不變.有資產就有希望,財務自由我來也!

      刪除
  4. 師兄,剛剛又來一個下滿......主人翁表示對德國斬人案既調查報告感到不滿,德國佬無詳細交代警察係先救人並話係先追狂徒。
    傷港人以自已為世界中心,個個要就晒你,嗰處係德國,其家人仍留醫中,依家糾纏响冇意思既問題上,有x用磨。德佬如果話追兇先,因要避免更多傷害,咁又點?

    回覆刪除
    回覆
    1. 我都係啱啱睇新聞睇到,真係覺得好可笑。將傷民的投訴文化擴展到out萌大佬德意志?唔敢講話個個係,但有d日耳曼人真係識你傷港係老鼠,我是親耳聽到有日耳曼人問我傷港係咪皇国治下(讓魔兄葡萄一下,當時是07年,小弟再往安聯球場睇拜仁對AC的路上)

      刪除
    2. //日耳曼人問我傷港係咪皇国治下

      「皇国興廢在此一戰」果個皇国? 君不聞「日円升, 返鄉下貴好多。」乎?

      該對曰︰「香島是在皇軍治下, 正如貴国是在CUT 唔倒有線果條友治下一樣。」

      P.S. 在独国如此說是犯法的

      刪除
    3. // 真係覺得好可笑
      當佢係情緒嘅宣泄囉

      // 將傷民的投訴文化擴展到out萌大佬德意志?
      救人先就投訴做乜唔捉恐怖份子, 捉恐怖份子先就投訴做乜唔救人, 總之做乜都是錯的

      // 社會福利署向受傷的2個家庭批出10萬元作緊急援助
      // 德國當局早前向2個香港家庭發放34萬港元援助
      // 保險公司亦為傷者家屬發放應急費用,支付醫療費、酒店及機票開支
      // 無他嘅,佢無手尾, 非不能也,實不為也,懶惰之過囉。
      又憶起一件事, 朋友的朋友在好遠的地方遇車禍身故(冇出新聞), 朋友在慰問聚會做左帛金, 之後話(住公屋)家屬去到打點, 回報說想運回來火化, 前後左右大概要二三十萬
      咁我問佢有沒有買保險, 佢話家屬話事主自己上網買, 填錯左資料, 冇得賠, 咁我話搵議員試吓囉
      應該沒有找議員, 也不知後事如何, 只知朋友就做了第二次帛金
      為什麼不可以在當地火化呢?
      政府施政困難, 可能源於鼓勵人讀書增值, 有啲人亂增值、增錯值, 便會出現一些「我讀書多過你」的情況
      書上沒有教人自救, 自己不會想想可不可以自己搞掂, 傳統價值受到挑戰, 原來走精面嗌救命可以更易得到更多

      // 乜都打爛沙盤問到底
      我會用問題回應番佢, 然後話俾佢知佢問嘅野佢自己都識

      刪除
    4. 匿名2016年7月22日 上午8:22 :

      //傷港人以自已為世界中心,個個要就晒你

      君不見外地有乜天災人禍, 傳霉必不可少的報導就係「有無港豬受傷」?

      摩摩:

      //我是親耳聽到有日耳曼人問我傷港係咪皇国治下

      Sony:

      開心死陶藝才子!

      //當時是07年,小弟再往安聯球場睇拜仁對AC的路上

      講咗咁耐,我都唔知摩摩係邊隊球隊粉絲...

      DY:

      //救人先就投訴做乜唔捉恐怖份子, 捉恐怖份子先就投訴做乜唔救人, 總之做乜都是錯的

      「同時救人又捉壞人得唔得? 乜咁大個人唔識multitasking?」

      //事主自己上網買, 填錯左資料, 冇得賠

      你話細心,attention to details係幾重要呢?

      //書上沒有教人自救, 自己不會想想可不可以自己搞掂, 傳統價值受到挑戰, 原來走精面嗌救命可以更易得到更多

      因為現代社會安全了,一般人真係要面對生死關頭的機會少之又少,所以「看起來」真正的解難能力就不重要;反而在生活上職場上呢啲唔死得人的環節叫救命,自然就有「服務至上」的人去幫你。

      //我會用問題回應番佢, 然後話俾佢知佢問嘅野佢自己都識

      佢只會扮唔明你講乜。

      刪除
    5. //講咗咁耐,我都唔知摩摩係邊隊球隊粉絲...

      小弟其實成日變的,由83年的南華,跟住around90年時又反南,94年開始捧快譯通(我屋企仲有三件快譯通波衫),然後98-99年後放棄笨土波主力睇英超就開始擁阿仙奴,06年後雲加開始越來越令人失望就開始追捧摩連奴教的球隊,但覺得摩佬去左皇馬呢個領隊黑洞之後有d失去光環,二進宮車仔第一年其實後半季已經食緊上半季d老本,第二年仲被球員逼供下炒埋。總覺得佢去左皇馬後對球隊的控制力明顯減弱,睇下而家去曼聯又點嘞。

      你會發覺我除了人生第一隊南華之外,其他都系有d特質我先會追捧(起碼我覺得有,例如當年覺得快譯通是傷港足球商業化的先驅)。其實睇甘多年波都化化地,覺得一場波贏果隊通常系比較值得贏的那隊,球證由輸幫到你變贏的例子其實很少,死符碌地贏的就更少見,所以都轉向欣賞球賽及追逐高質素賽事(例如歐冠)。對追捧球隊呢...我很現實的,你令我admire的元素消失了,我就唔再捧了。

      實不相瞞,因為12年上過廣州睇過兩場亞冠(當時純粹覺得歐冠無乜機會現場睇,去睇亞冠頂下都好,反正水準一定高過笨土波),慢慢竟然變左恒大球迷,直到現在仍是:因為Even though they always put 3-4 foreign players on field, they are playing soccer in a way that no Chinese can play before(呢句好似用英文寫形d,同埋Chinese在此不指國籍而指血統). 另外我仲有d隊是好中意睇但不計較勝負的,例如摩佬1期至摩佬2期头半季呢十年的車仔,和施蒙尼帶的馬體會.

      刪除
    6. //慢慢竟然變左恒大球迷

      以摩摩對恆大的留言相關性來看, 都知道你「心存偏頗」的.

      //另外我仲有d隊是好中意睇但不計較勝負的,例如摩佬1期至摩佬2期头半季呢十年的車仔,和施蒙尼帶的馬體會.

      車仔OK的, 第一代「土豪」球隊, 但又叫做打得出水準,又有成績(摩佬功不可沒),仲可以sustainable,曼12h,利阿等,吹水就叻。

      刪除
    7. //「心存偏頗」

      哈哈,做得粉絲,心存偏頗就一定,但最緊要是唔抵得頸球千仞之類黃C球迷經常連事實也搞錯(我相信其中有d是刻意的,並以此作挑撥;到好似笨土球迷情緒過左頭,又叫人理性,其實由頭到尾都系你呢d搞屎棍黃C傳媒搞出來的)。

      我唔夠膽講現在中超發展勢頭一定可長期持續,但起碼現在是在往一個好的方向發展,起碼全國多返好多人關注,多人關注先吸引到細路仔踢波(未來是年輕人的嘛),而恒大作為先行者的確起了標桿的作用(近年廣州的足球氛圍強得不得了);06年羅傑承入主南華,其做法也是想為笨土波做標桿的,許家印隨時系抄佢(10年入主廣州),可執行力真系天淵之別.

      當然下一步是睇12強賽踢成點嘞,9月1號對韓國,就算輸,起碼都要輸得好好睇睇,道“氣”先有得繼續。

      另外雖然我無幸認識球生,但當佢話什麽“發展足球要隨心,有計劃果d系政治”,我即刻醒起前幾年傷港搞過個什麽而家唔提就唔存在的“鳳凰計劃”,想象下當面對其反駁會令其口啞啞都幾過癮...好彩我呢個叛徒對笨土波儲埋甘多年的認識都唔弱!

      //車仔OK的, 第一代「土豪」球隊, 但又叫做打得出水準,又有成績(摩佬功不可沒),仲可以sustainable,曼12h,利阿等,吹水就叻。

      車仔在摩一代後其實條軸心:施治、泰利、林8同杜奧巴一直留系度,踢法從而相對穩定,所以在摩二代之前,摩佬的影子根本揮之不去,也可說摩佬的最大貢獻。

      利記一直是只講激情感性而唔講理性的球隊,我認識幾個利記球迷都有相同傾向。

      06年前雲加唔系吹水的,但之後就口話成績,誠實的身體就表露出賺錢最重要--尤其是年年歐冠16強出局,能用最少的成本賺最大的marginal effect(歐冠獎金及提成,邊際效應最大是小組出線),你都不能不服槍手董事局甘buy佢。

      以前我好反獌的,但人老左就覺得費sir其實絕對有可敬之處,起碼佢一走左,暫時都無人舞得掂隊波,而且英超亦因其離去而明顯失色了。

      除了admire一隊波會根據其特性轉變外,我反一隊波也是,會睇其元素而改變立場,最好例子是從00年代中期慢慢變有青圖騰的龍獅軍.

      刪除
    8. //最緊要是唔抵得頸球千仞之類黃C球迷經常連事實也搞錯(我相信其中有d是刻意的,並以此作挑撥;到好似笨土球迷情緒過左頭,又叫人理性,其實由頭到尾都系你呢d搞屎棍黃C傳媒搞出來的)。//

      黃C就係咁! 搞到出咗事就唔認數, 推卸責任落689度.

      //06年羅傑承入主南華,其做法也是想為笨土波做標桿的,許家印隨時系抄佢(10年入主廣州),可執行力真系天淵之別.

      傷港民族的持久力真係唔夠,唔怪得要食偉哥.

      //但當佢話什麽“發展足球要隨心,有計劃果d系政治”,我即刻醒起前幾年傷港搞過個什麽而家唔提就唔存在的“鳳凰計劃”

      N年前有可口可樂贊助的兒童暑期足球訓練班....

      //利記一直是只講激情感性而唔講理性的球隊,我認識幾個利記球迷都有相同傾向。

      我真係唔明利有乜咁吸引.

      //我反一隊波也是,會睇其元素而改變立場,最好例子是從00年代中期慢慢變有青圖騰的龍獅軍.

      鬼叫蝗豬隊唔爭氣, 下下被龍獅隊拖住後腳咩! 如果蝗豬在小組賽一放絕塵,派班副選同你龍獅隊打, 咁班有青即刻無哂聲出喇!

      刪除
  5. 我遇到嘅「怪問人」層次比較低,低到我都唔知講咩好。

    1. 少與人相處,牌亂出
    我去一間餐廳食嘢,好好食,post 幅相留言 “好食”。K 仔 reply「你想食?」。而大家都明白我正在食,只有 K 仔停留咗係 square -1!難道我係 openLice 到 copy 張相俾大家睇咩?你話佢唸乜吖?

    2. 敷衍
    果頭講完 A 就問「咁 A 單嘢究竟係點㗎啫?」
    !+%}?£•!xyz

    3. 以問題當反駁
    T 同 Y 不停批評工作上制度上的不公,不過我聽嚟聽去就覺得係:佢覺得自己好得,但得唔到想要嘅嘢,所以就不工嘞。
    於是我問『你其實只為呻下?定你期待會有改善?甚至乎參與改善當中?』
    T 同 Y 答非所問,只係更仔細講述工作上制度上出現咩問題。
    於是我問『咁你究竟只係想發洩下呻下?定係想係當中 [體制] 擔當一個角色去改善佢?』
    T 就好唔耐煩反問「其實你心目中想我哋擔當一個咩角色?」
    即係我問佢想食飯定食麵,佢反問我我想佢食乜。Errr... 屎吖!我鬼知佢想食乜咩!我又唔係佢老母。

    係咪啲人慣咗被「餵食」?乜鬼嘢問題嚟㗎?成件事連基本邏輯都冇。每次我都好想講 : It is not a stupid question. It is a wrong question. It's YOU who are stupid! 但係會俾人話人身攻擊~

    回覆刪除
    回覆
    1. 佢哋好CRITICAL THINKING架嘛..... 個樣....

      刪除
    2. //成件事連基本邏輯都冇。每次我都好想講 : It is not a stupid question. It is a wrong question. It's YOU who are stupid! 但係會俾人話人身攻擊~
      //佢哋好CRITICAL THINKING架嘛..... 個樣....

      咁咪鬥critical 囉!

      呢期又有獅城同事問: we need your inputs to make things happen...
      魔: We are happy to help. Could you please be more specific on your question? What kind of input you need us to offer?
      獅:(顧左右而言他)...

      刪除
    3. 我有個朋友, 成日講, 我哋要CRITICAL THINKING. 但佢成日都問埋啲好低能嘅問題. 咁多年都進步過. 哈哈.

      刪除
  6. 突然間諗起快思慢想呢本書

    回覆刪除
    回覆
    1. 識睇一定睇留言!

      《今年狀元特別少》
      https://magicianyang.blogspot.hk/2016/07/blog-post_14.html

      刪除
    2. // 我反正都會打撈呢,唔使不停paste.
      不如你留個電話, 我地 call 你撈啦, 嘻嘻

      刪除
    3. http://www.smartone.com/jsp/services_and_apps/7star_services/Add-on_Numbers/tchinese/index.jsp

      刪除
  7. 淘個寶,一樣。
    而家仲日日有人申手問點淘。。。
    如我做過申手黨,請多包涵。你知我唔太attention to detail 架啦

    回覆刪除
    回覆
    1. 淘寶? 會泄漏個人豬料架喎, 信用卡會被盜用架喎, 信用卡要收年費架喎(哈哈哈), 都係咪啦, 不如你幫我淘啦
      真係仲有啲咁嘅人架喎

      刪除
    2. //家仲日日有人申手問點淘

      我都唔識掏,亦無興趣去學

      //不如你幫我淘啦

      「死道友不死貧道」,港豬柒心價值也。

      刪除
  8. 有哋伸手黨,仲要冤鬼咁痴住人狂問野,但問完又問、聽完從不會有實際行動。

    佢哋最叻既,就係浪費其他人既時間、同自己既人生囉~

    回覆刪除
  9. 伸手黨,小兒科啦,伸手唔成功轉身變「伸腳黨」,仲煩。

    回覆刪除
    回覆
    1. //伸手唔成功轉身變「伸腳黨」

      唔好話俾我聽呢個係最近某散戶blog王大暴走的原因喎!

      刪除
  10. "問錯問題問錯人"
    令我想起別一句: 落錯鞋油擦錯鞋.

    回覆刪除