2016年9月3日 星期六

財務自由九段錦

作為一個80歲的老人,霉媽媽點樣一個月可以用到20萬真係天曉得,唔通仲要「一生N宅」做樓奴?魔術師就贊成法官將梅姐所有遺產發放出去俾霉媽媽,等佢自己財產自己管,免得佢連一日財務自由的日子都未過過,便要帶着遺憾告終。
信報 2016年8月27日
城市天眼
梅媽求一筆過領7100萬「享受」
已故歌手梅艷芳母親覃美金「梅媽」,於周五(26日)再向高等法院申請,要求遺產管理人滙豐信託,一次過發放梅艷芳餘下約7100萬元的遺產;法官聽取雙方陳詞後,押後頒布裁決。
醫生估尚有15年命
年近80歲的梅媽在親友陪同出庭,並無律師代表;她在庭上透露有2名醫生估計她分別有10至15年或更長壽命,扣除每月20萬元生活、每年120萬元醫藥費,每年使費不足400萬元,10年後只花費4100萬元。她認為,法官或滙豐扣起其生活費是不公道的做法,又多次親述自己的感受【表】,指若判決每月發放生活費「就算死也不甘心」。
法官指出,人的健康狀況每月都不同,醫療費的金額亦非固定,故醫療費用應該實報實銷,而非每月發放,這樣才能真正幫到梅媽;法官亦擔心若梅媽日後花光錢財,無法負擔生活開支。
梅媽明言不接受每月發放的方案,反駁指「我病我嘅事」,又指所有錢是屬於其女兒梅艷芳的,不要施捨,將來即使「踎街」或無錢看私家醫生,會到公立醫院求診,所有的事會自己負責,更大呼不想經常搬屋,要買地、買樓、要享受。梅媽亦投訴早前滙豐拍賣梅艷芳的遺物,「四圍話唔夠錢使,連阿梅底褲都要賣咁籌錢畀我,等全世界人都知道籌錢畀我。」
【案件編號:HCMP 2981/2004】

看了森而對財務自由的新見解,咁講法魔術師可能已經早就達成「財務自由」,因為魔術師買嘢一向不問價亦不講價(男人之家咁小氣做乜?),要買就買,無需委屈自己將貨就價,只要啱自己用/食便可,好似魔術師鍾意食魚蛋粉多過食生蠔,不過(在舊公司工作的時候)就會放咗工着住套Giorgio Armani去酒店食自助餐又得,走去坐大牌檔食魚蛋河就更開心囉。
基本上魔術師師承獨孤求敗及楊威利,有招也可,無招更好,不用拘泥那些形態階段,就呢個「財務自由九段錦」,似乎都係不離「四仔主義」的框架(屋仔、車仔、老婆/公仔,BB仔),認真就無謂,用嚟笑下玩下都幾過癮嘅。
財務自由的「九段錦」 2016-08-16Text: 羅國森
為甚麼我們要策劃自己的財務?原因很簡單,因為沒有人是擁有無限資源的,但人的慾望卻可以是無窮無盡的,所以,我們必須好好規劃自己的財務,盡辦法增加自己的收入,也設法避免自己的財富流失(因病或意外導致突如其來的財務損失)。一般來說,財務策劃的終極目標是「財務自由」。
我自己給予「財務自由」的定義是不需再為五斗米而折腰,即是用更通俗和淺顯的說法就是;「做又得,唔做又得」!
最近,有朋友傳來內地網民一篇輕鬆的文章,標題是「財務自由,你到了幾段?」,作者將財務自由分成九個階段,當中最高級數不是「工作自由」,而是「國籍自由」,這可能是內地國情使然。
對我個人,又或者財務策劃的角度,我認為,去到「工作自由」這個級數已經達標了。畢竟,人的慾望是無窮無盡的。以下我摘錄了該九段的「自由」給大家參考。鑑於該文章是用內地詞彙寫出來,我想務求親切一點,所以,稍稍改了一些「本土」的字眼,希望大家也思考一下。
第一段:街市自由
去到街市,只要自己願意喜歡吃甚麼餸就買甚麼餸,不看餸菜的價格。
第二段:餐館自由
到外面吃飯,只要自己願意去哪個餐館就去哪個餐館,不理餐館的級數。
第三段:旅遊自由
只要自己想去哪裏旅遊就去哪裏,不會去想該地點的所有價格。
第四段:買車自由
只要自己願意買哪款車就買哪款車,不會計較車價。
第五段:選校自由
只要自己的子女想讀甚麼學校就讀甚麼學校(也要人家收你的子女才行),不計較學費高低。
第六段:工作自由
只要自己願意做甚麼工作就做甚麼工作,沒有這個工作就自己創造一個這樣的崗位,不計較這個工作能否賺錢。
第七段:治病自由
只要能治好自己或家人的病,不計較醫療費多少。
第八段:買樓自由
只要自己喜歡住甚麼樓就買甚麼樓,不計較樓價高低。
第九段:國籍自由
自己願意選擇哪個國家作為國籍就哪個國家,不計較成本高低。
各位,你在財務自由的奮鬥過程中,已經去到哪一個級數呢?其實,該文的作者也提到,去到哪一個級數都不重要,最重要是,如果你真的開始思考這個問題時,就證明你的理財意識開始覺醒了。
魔評
第一段:街市自由
連去街市買餸都要就住就住,咁嘅生活態度應該係另一種「財務自由」:咬正苦食老綜了。
第二段:餐館自由
魔術師就覺得去邊一間餐館並唔重要,而係該餐館的食物對不對自己口味。所以對魔術師來說,食物自由遠較餐館自由有意義得多。
第三段:旅遊自由
魔術師唔鍾意去旅行,所以無法評論,不過如果以玩樂放鬆的心情來看,下下預budget是一件很掃興的事。
第四段:買車自由
雖然話唔鍾意去旅行,但魔術師點都叫做去過下外地,但在可見將來買車就更加唔會(見《不懂駕駛》)。用幾多錢來養車唔係問題,問題係呢啲錢係咪用得其所(溝女另有用途除外);除了牌費保險之類,唔用時用來泊車的錢比揸車用的油錢更多,簡直就係荒天下之大謬。魔術師就寧願搭公共交通工具或者有需要時便截的士,就當請個私人司機好過了(唔係好想幫襯烏巴)。以魔術師自己來說,不如將「買車自由」改寫成「鳩嗚自由」更合意。
第五段:選校自由
低鬼能,層次依然停留在「不計較學費高低」。魔術師雖是單身無子女,但如果如講「選校自由」,就係講緊無需要受群眾壓力,更無需要學那些怪獸家長要子女上十八般雜耍補習班,能夠「我自行我道」選擇心儀學校的能力(或EQ)就夠。
第六段:工作自由
呢一個大概就係一般人理解的財務自由後可以唔使返工提早退休的意思。魔術師就唔明點解咁多人都好似好唔鍾意返工,揸頸就命,好難為佢地咁;查實財務自由的目的係提升你的境界,以「隨心所欲」的態度去工作而已,到時你就可以用另一種角度去睇清楚工作上的疑難,話唔定仲因為可以放膽去做一啲以前因為怕被人炒魷魚而諸多顧忌唔敢做的事情而踏上更成功之路添!
第七段:治病自由
魔術師覺得醫療呢樣嘢比買樓自由更難,畢竟都市病層出不窮,急性危疾或慢性長期病話中就中,唯有就係買保險以防萬一,再唔掂就唯有靠正苦。魔術師依然都係嗰句,保險項目以醫療保障為先,危疾次之,人壽再次之,任何有儲蓄投資成份的保單免問(原理可見舊文《點解買保險?》),所以魔術師係非常撐膠焗腸的自願醫保計劃的。
第八段:買樓自由
都係嗰句,買樓應該睇合不合用,而唔係睇錢,否則以300萬一層100幾呎細過劏房仲要收你$4一呎管理費以維持無人用的會所的studio flat毫宅來說,就算俾你可以一擲千金橫掃幾間又有何用?畢竟要買就買別墅獨立屋,不過呢類複式大宅只合大家庭居住,細家庭入住只會犯了「屋大欺主」的風水禁忌,以魔術師自己來說,呢類連車房的獨立屋就更唔啱使,住排屋或者分層複式就已經達到魔術師個人的「買樓自由」標準。
第九段:國籍自由
要移民入藉,除非你係超級富豪,否則跟本唔係錢唔錢,坐唔坐移民監的問題,而係你心儀的國家收唔收你,「人亦能選擇你」多於「莫道你在選擇人」。當然,寶島、馬拉榚、甚至獅城的移民政策比較「親民」,文化生活亦比較容易為笨土傷民所接受,不過呢啲地區是否傷民的第一選擇就不得而知了。畢竟傷民男的都是祟優,女的嘛...不是有句老生常談話「不吃洋腸非港女」的嗎?
***
伸延閱讀:
森而:談談財務自由

17 則留言:

  1. 呢篇嘢都多9餘,我如果擠壓某條件去達成另一條件得唔得?例如前幾年好多自由蝗住廉價賓館食杯麵換取"廣東道鳩烏自由"?"國籍自由"就仲搞笑,你識整核彈隨時你身無分文都可以個個大國排隊俾護照你啦!

    根本就同馬屎勞分層一樣咁多9餘,一個人有無本錢物質自由,純粹睇兩項:

    -擁有之可變現物質資本
    -工作能力高低及市場對能力之需求

    以上兩者綜合的總評分,僅此而已!

    回覆刪除
    回覆
    1. //呢篇嘢都多9餘

      我雖不知道作者楊鐵心是誰,但佢痴埋低智華一齊寫嘢,質素真係有目共睹的。

      //如果擠壓某條件去達成另一條件得唔得?

      唔得,以苦行僧式生活換取來的不算是「自由」。

      //你識整核彈隨時你身無分文都可以個個大國排隊俾護照你啦!

      財自派就是這樣反智,不學無術,窮得只剩下錢,只識看financial capital而不看human capital。

      //-擁有之可變現物質資本
      //-工作能力高低及市場對能力之需求

      正解。前者乃financial capital,後者就是human capital。

      刪除
  2. 魔兄其實早已超越財自,鍾意做乜就做乜,不用跟班港豬一般見識呢。

    "細家庭入住只會犯了「屋大欺主」的風水禁忌"~
    我在風水書及現實生活中也見過,屋大而人少,嗰家庭就真係會愈來愈少人,冷冷清清咁...

    回覆刪除
    回覆
    1. //魔兄其實早已超越財自,鍾意做乜就做乜,不用跟班港豬一般見識呢。

      心態決定境界, 「若有真的心,便有最高的劍道」嘛!

      //我在風水書及現實生活中也見過,屋大而人少,嗰家庭就真係會愈來愈少人,冷冷清清咁...

      買咗層樓,無咗個家(或者係賓賓姐姐比屋主有更多時間享受間屋無敵海景),咁又何必呢?

      刪除
  3. 洗乜咁麻煩? 小X老X開左張Holland bank cheque俾傷港人,4個字,免供退保,到時你想幾自由都得
    仲唔投票選佢? XDD

    回覆刪除
    回覆
    1. 免供退保? 錢從何來? 莫財時係咪由小L老M錢債肉償?

      刪除
  4. 有好多"段"錢唔喺limiting factor,的確有啲多餘。

    梅媽都喺想快啲過啲錢俾嗰仔嗟,咪俾晒佢兩仔乸囉。

    回覆刪除
    回覆
    1. 佢兩仔乸咁鬼煩膠,好心法庭同大貓就唔好咁多事管人地家事喇!

      刪除
    2. https://zh.wikipedia.org/zh-hk/梅艷芳#.E9.81.BA.E7.94.A2

      "2003年梅艷芳死後,其遺產由滙豐信託管理。由於梅艷芳擔心其母覃美金胡亂花費,因此成立信託基金,每月提供七萬元生活費給其母,另外資助其二哥及姐姐的兒女讀書至大學畢業及把兩個物業贈予好友劉培基。他日覃美金死後,剩餘遺產會捐贈給妙境佛學會。"

      梅姐都係睇死自己d直系親屬全部都洗腳唔抹腳之輩,俾梅媽慢慢搣係盡孝道義務,供d姪d甥係盡長輩之責,另外兩個阿哥(根據ec所言,係咪一個死咗?)可能同阿媽都係當佢搖錢樹,生前已經嬲9咗佢地,仲點會有錢分?

      "覃美金兩度敗訴之後,在2010年10月7日終於獲得上訴庭批准,可上訴至終審法院。[22]2011年5月9日,終審法院判覃美金敗訴。[20]同年梅啟明和梅德明,入稟高等法院指遺產信託人,疏忽處理梅艷芳生前簽署的遺囑和信託書,導致遺產損失而索償15億元,卻被高院將案件剔除,反被下令要支付訟費。"

      以前已經都過咗終審庭,梅媽都係慳返啖氣兼堂費算啦(無劣師肯同佢打,應該都知道打嚟都嘥gas,又R唔到乜嘢錢)。

      刪除
    3. //好心法庭同大貓就唔好咁多事管人地家事喇!

      無計的,大貓要跟遺囑做跟到完全執行為止(即係梅媽瓜柴+姪同甥某年齡前大學畢業+過埋數俾佛教基金會),大貓有收管理費架。法庭就要跟遺囑做,法治精神嘛!

      刪除
    4. //梅姐都係睇死自己d直系親屬全部都洗腳唔抹腳之輩,俾梅媽慢慢搣係盡孝道義務,供d姪d甥係盡長輩之責
      //咁搞法唔湯唔水,

      一係一筆過叫佢地過主,一係就全數捐Q哂佢,咁搞法唔湯唔水,婦人之仁是也.

      //係咪一個死咗?

      http://www.metrohk.com.hk/?cmd=detail&id=271392
      梅媽育有兩子兩女,兩位女兒梅愛芳和梅艷芳,同樣罹患子宮頸癌,先後於00年和03年離世,兩人同樣終年40歲,前日離世的二子梅德明,亦同樣患癌離世,令梅媽十分傷心。
      自03年梅艷芳去世後,梅媽不滿女兒的遺產由滙豐國際信託管理,最初每月由信託基金提供七萬元的生活費,雖然其後一度調整,但她多次提出法律訴訟,望取得全部遺產。梅媽曾上訴至終審法院,卻敗訴收場。梅啟明和梅德明於11年,入稟高等法院指遺產信託人,疏忽處理梅艷芳生前簽署的遺囑和信託書,導致遺產損失而索償15億元,卻被高院將案件剔除,反被下令要支付訟費。12年梅媽因拖欠230萬元律師費,被法庭頒令破產。而梅啟明亦於13年,同樣不能支付17.7萬元訟費,而被法院頒令破產。

      //大貓要跟遺囑做跟到完全執行為止(即係梅媽瓜柴+姪同甥某年齡前大學畢業+過埋數俾佛教基金會),大貓有收管理費架。

      我梗係知喇! 不過公義面前,法律第二吖嘛! 阿媽臨老無20萬一個月唔過得世,做女嘅又點忍心阿媽咁受苦呢?

      刪除
  5. et篇九段咁一睇就知係呃稿費之作,真係好多餘,冇現實意義。

    回覆刪除
    回覆
    1. 佢呃稿費之餘我都呃咗一篇quota, 呢啲叫「界外效應(Externalities)」. XD

      刪除
  6. 咁,陳振聰而家都有幾憶身家,佢豈不是有九十段自由?

    回覆刪除
  7. 估唔到一篇呃稿費文章都引起魔術師兄回應,其實羅生都係引述強國網民既文章,國強人質素係點心裡有數,金錢物質主義掛帥,唔係點會咁多土豪。

    回覆刪除
    回覆
    1. 信報 2016年8月30日
      凌通 中環解密
      籲年輕人訂立「小目標」 王健林:先賺一個億
      年輕人如何致富?內地首富、萬達(03699)老闆王健林日前出席電視清談節目《魯豫有約》時,就提供一個小貼士,首先要制訂「一個能達到的小目標」,例如「我先賺它一個億(人民幣.下同),你看看是規劃5年還是3年,到了以後,再奔10億、100億。」
      被批評「堅離地」
      身家超過2000億元的王首富此言一出,立刻惹起熱議,不少人覺得他「堅離地」,畢竟賺一億人仔很難說是「小目標」,尤其是在仍屬發展中經濟體的內地。然而,王健林原意其實是勉勵創業者要把目標放大,除了自己致富,還必須對世界有貢獻,就像股神畢非德和微軟創辦人蓋茨等國際級富豪;相比之下,一億人仔就確實是「小目標」了。

      刪除