2016年9月29日 星期四

黃C轉身

話說魔術師言出必行,日前到圖書館借書,參閱大師大作(見《拉三打四有害文》)。魔術師拿了書本搭電梯離去,電梯停在1樓(屯門公共圖書館的成人部在2樓,兒童部在1樓),進來的是一名由家長陪同、疑似在讀初中的男孩。男孩手持書本,手上拿着的是一張影印紙。
男孩站在魔術師斜前面,背對魔術師;魔術師乜斜着眼望去,只見影印紙上有張痴瘋仔的大頭相,原來是毒果日報報導痴瘋仔搞司法覆核(18歲可參選立法會?)見報導剪報,莫非是要做通識功課?
這時站在魔術師身側、男孩正後方大媽竟然忽然踮高腳,以 look over the shoulder 的方法去偷看有關痴瘋仔的報導,仲要拎轉頭望下個男仔...
魔術師就從大媽的眼神中,看出「黃C教壞細路」這一句話。

***
某日公司部門內。
小妹E:D,點解呢條友咁L煩架!
當然魔術師正在跟客戶通電,真係馬上走都走唔切,免得粗口滿天飛的「背景聲」傳入客戶耳中。
無錯,呢位小妹E,就係魔術師在《「呢條女乜X都唔識!」》中,被客席主持摩摩形容為「呢位E仲停留係人力的『復刻版』」、「講開政治好似好有選擇咁,突然一句牛頭唔搭馬嘴的『皮膚好靚』」、最近又忽然關心起689橫洲事件記者會講乜的小妹E。
查實黃C分兩類,第一類就係好似戴當家、周官人、痴瘋仔、甚至係煉穴腫呢類中剷背景的黃C,佢地普遍係比較離地同學院派,雖然都係講歪理,但論述包裝會比較體面一啲;而另一類就係基層味比較重嘅笨土派,講歪理係唔使修飾嘅,只要一眾傻粉齊心廣傳便可以了。
而小妹E就明顯係笨土一派,習以為常的「粗口爛舌」(見《上流竟是大學生?》):
中大生命科學學院副教授陳竟明在其fb轉述有關消息,並寫道:「現在的學生,我行我素,自以為是,有些更喜歡欺凌學生!尤有甚者,大庭廣眾,粗口爛舌,外人來看,以為都是黑社會!」
***
在《「呢條女乜X都唔識!」》的留言中,魔術師亦提到「今日 This is very 7 的 iPhone 7 開售, 妹妹仔們都拼命申請準備去炒(唔好短炒變長揸就好)」,而客席主持的回應係:
又係知d唔知d之作,新iPhone的溢價越來越低是常識吧?
結果摩摩一語成讖,小妹Y炒燶iphone,返到公司就講返同男朋友仔一齊出貨的經歷,在問價過程中見識都收機佬的臭串態度,反思:「點解為千零蚊而要受『那些人』的臭臉呢?」
早前小妹Y都曾真心膠地問魔術師會唔會炒iPhone,仲要俾小妹E窒:「呢少少錢,佢(魔術師)點會睇得上眼吖!」,魔術師覺小妹Y最多都只係唔識嘢,又傻又天真,心地唔算壞,而唔係好似E咁「有青」,於是便提了佢一句:「係囉,為咗少少失去自尊,何必呢?」
E即係又來了一句:「咁你俾個 number 嚟咪得囉!」
睇嚟魔術師返工「身光頸靚」不特只,月前公司為了bid個投資app,要魔術師出動俾意見「響了朵」,定是惹了小妹E不快了。
魔術師當然唔會與E一般見識,只冷笑了一聲,硬生生忍住從公事包裡掏出大師本書叫小妹E「好好學習」的衝動,當聽佢唔到繼續工作就是了。
***
今日見到佛爺篇《黃絲反黃伴侶關》,忽然想起小妹E的男伴(佢自稱有拖拍的,可能真係「講粗口嘅女仔特別吸引」)是否也是黃C,故為此文。
***
伸延閱讀:
佛爺:黃絲反黃伴侶關
「呢條女乜X都唔識!」
拉三打四有害文
上流竟是大學生?
【港姐也爆粗】講粗口嘅女仔係咪正啲?
有女仔講粗口會嚇到自己打冷震,有女仔以前會好想講粗口、而家會好驚粗口,不過亦有女仔會出粗口po鬧盡社會不平事,講緊的就係啱啱出爐的香港小姐馮盈盈(Crystal)啦!
香港小姐選完第二日,網友即刻睇返Crystal facebook嚟起底,發現佢好多po都係鬧政府,當中夾雜粗口鬼咁火爆,令到一班熱血仔女大讚Crystal夠真夠正義!馮盈盈回應話當年粗口寫出來只是私人的感受發洩,希望以後我帶多些正能量給大家。係囉係囉,講粗口唔使道歉的,而且一早就有網民大大力推,話外表斯文但會講粗口的女仔特別吸引。
我們訪問了經常在談論兩性問題的電影編劇兼愛情專欄作家陳詠燊(Sunny),佢就話講粗口的女仔會令人覺得是佢哋係一啲爽朗、直接或不介意、不需要修飾自己情感的一類型,因為男生普遍比女生溝通能力較低,所以有啲男生會覺得呢類女生好爽,不用花時間去猜度太多。不過Sunny都提醒,講粗口一定要有底線,首先唔好流利過你的另一半,之後就係唔好攞嚟鬧另一半,用來鬧政事或社會嘢發洩下無所謂,但用來鬧對方就男女都一樣會扣分啦!

20 則留言:

  1. 哇,仲乜今日我咁多出鏡呀~等我臨訓都拿拿臨履行下客席主持職責:

    //早前小妹Y都曾真心膠地問魔術師會唔會炒iPhone,仲要俾小妹E窒:「呢少少錢,佢(魔術師)點會睇得上眼吖!」,魔術師覺小妹Y最多都只係唔識嘢,又傻又天真,心地唔算壞,而唔係好似E咁「有青」,於是便提了佢一句:「係囉,為咗少少失去自尊,何必呢?」
    E即係又來了一句:「咁你俾個 number 嚟咪得囉!」

    好明顯秉承笨土派“憎人富貴厭人貧”之作風。

    “點會睇得上眼吖!”

    港產片之王贈個絕招來回應:“普通睇唔上眼啦”

    https://youtu.be/dCp_iEpdOFQ?t=1h33m30s

    唔好睇少偉仔呢招,聽者無心者會覺得你極度風趣,有心者會俾你吹到啤一聲!

    不過對住呢d人,實在不知道同佢講人緣會有乜野得著。

    //「講粗口嘅女仔特別吸引」
    //話外表斯文但會講粗口的女仔特別吸引。

    我只是覺得其他語言粗口好難講,但我城粗口太strong,講得好笑恰到好處不是一件易事,大部分港女講得唔單只odd,而且好匪類。

    回覆刪除
    回覆
    1. 哈哈,講廣東話粗口要做到畫龍點睛、恰到好處,仲要唔核突,又真係幾難既...

      "而且好匪類"~我諗起李嘉欣的粗口電話錄音XD

      刪除
    2. https://www.youtube.com/watch?v=SjuKwgQb5As

      捧紅佢啦、捧X紅佢啦

      刪除
    3. //“普通睇唔上眼啦”

      哈,我都係會咁串的, unapproachable吖嘛!

      //講得好笑恰到好處不是一件易事,大部分港女講得唔單只odd,而且好匪類。
      //我諗起李嘉欣的粗口電話錄音XD

      因為個verb又唔適用, 淨係得個noun又變成無甚contextual meaning的純助語詞.

      刪除
  2. //基層味比較重嘅笨土派

    所見學生好似越來越多呢類,離地學院派真係少左。黃C水準都下降了,理論都唔多講喇。

    //「講粗口嘅女仔特別吸引」

    呢個唔同意。改成「識講dirty talk」我就同意.

    回覆刪除
    回覆
    1. //所見學生好似越來越多呢類,離地學院派真係少左。黃C水準都下降了,理論都唔多講喇

      所以我都寫少咗反黃文, 連歪理都無(或者仲係停留在舊時的論述), 根本就連評的價值都無.

      //改成「識講dirty talk」我就同意.

      好多H-game的女角都有「淫語」呢個屬性.

      刪除
    2. //離地學院派真係少左

      而家「講理論」已經變成左膠嘅標籤。而且我覺得理論於佢地嚟講只係包裝而唔係真正需要嘅嘢,否則佢地應該對健吾陶傑之流覺得反感先係。

      刪除
    3. //而家「講理論」已經變成左膠嘅標籤。

      所以王on9成日話痴瘋仔已經變成「革命家雄仔」,被收編了.

      刪除
  3. //「講粗口嘅女仔特別吸引」

    我睇只係毒撚一廂情願地認為講粗口既女仔會揀毒撚/唔會無視毒撚o者

    事實係人地港姐個男友係十優醫生囉

    回覆刪除
    回覆
    1. //我睇只係毒撚一廂情願地認為講粗口既女仔會揀毒撚/唔會無視毒撚o者
      我諗起被稱為「人民王妃」的戴安娜。
      可能係藍血人只要比較「親民」(貼地),一眾基層草根就會覺得佢地肯「紆尊降貴」(其實只係自己的奴性作祟),唔嫌棄自己「出身寒微」,便大受歡迎。
      心態,同落難的延慶太子跟刀白鳳有一手一樣。

      刪除
  4. 回覆
    1. 書評都唔會喇, 可能scan 一兩頁當case studies喇...不過唔會有咁快出到呀.

      刪除
  5. 的確有研究話粗口爛舌,兼而經常破口大罵的女生,對男生的吸引力超強。因為男生覺得她們性格直率、爽朗、無虛假、有自信、聰明、伶俐、平易近人等。

    即喺咁,我唔知呢啲實驗搵咗乜嘢男生來研究,肯定我無份。嘻嘻!

    小妹E的男友,可能是娘娘腔的裙腳仔。小妹E喺黃絲,裙腳仔就喺黃絲囉!佢地嘅三角嘜平衡圖,平衡過三角褲呀!嘻嘻!

    回覆刪除
  6. //「咁你俾個 number 嚟咪得囉!」

    以前我個電話留言嘅 greetings 『請係嘟一聲之後留低下期六合彩中獎號碼。』

    回覆刪除
    回覆
    1. 佛爺:

      //小妹E的男友,可能是娘娘腔的裙腳仔。小妹E喺黃絲,裙腳仔就喺黃絲囉!佢地嘅三角嘜平衡圖,平衡過三角褲呀!嘻嘻!

      有咁嘅可能架. 強悍女只要間唔時撤下嬌唔講粗口就會電到條仔暈, 有時我係公司都聽見佢扮溫柔講電話的.

      C嬸:
      咁你有無俾人DLM?

      刪除
    2. //有時我係公司都聽見佢扮溫柔講電話的
      係我 in-laws 之中有一個咁嘢。佢一撤嬌,嘩!我想嘔!

      //DLM?
      冇啦啦做咩雕那馬?

      刪除
    3. //佢一撤嬌,嘩!我想嘔!
      我有時聽見佢會話「咁~~咁~你係咪唔順(信??)我吖~~」

      //冇啦啦做咩雕那馬?
      『請係嘟一聲之後留低下期六合彩中獎號碼。』

      刪除
    4. 想像下一隻燥底河馬扮小兔!嘔唔嘔?
      有冇睇 L得脷糖 廣告?魯芬 ⋯⋯

      哈哈哈哈!冇。但我老媽就留言之前亂噏咗 6 個號碼!
      有啲人就 cup 線,有啲就完全唔理直接留言。然後我就話,我叫你留中獎號碼,我都冇叫你留言。
      呢句先最抵 D! XD XD XD

      刪除
    5. 伯母不嬲都「好正」架喇,真係有其母必有其女!

      刪除