2016年9月6日 星期二

垃圾會咁就選完2016

究竟魔術師今年投咗邊個?
新西好明顯,都係投返田二少。
超區就難揀啲。以刪除法論,魔術師就一定唔會投販民,呢班人永遠都係綑綁思維(Groupthink):遠少少嘅就有係唔係都支持濫用拉布自由,就算係醫痿會單嘢都唔會批評怪醫;近嘅就係呢次選舉,係人都知分散名單只會攬炒,因個個開初大大聲話唔協調,到最後先識得夾着尾巴玩棄選,對戰情不知不覺,非良將也。結果就只剩下建制派李美人、亡國卿同頂爺三揀一。
先講論述能力:三人都是海軍鬥水兵,不過頂爺是劣師,李美人亦是讀過下書之人,要求相對較高,如果佢地表現只能同亡國卿差不多就要扣分了。
再論政綱:令人驚訝的竟是亡國卿的政綱最詳細,仲要無提到全民退保;其次有少少 details 的就是頂爺;李美人的政綱實在太high level,唔知佢想講乜。
BB女神:嘉怡BB(李名單)、桂容BB(亡名單)、同琳琳BB(頂名單)各勝擅長,不分軒輊。
在魔術師面前的暴光率:頂爺稍多,李、亡二人差不多。
電郵:魔術師從未收過李美人的宣傳電郵,理應無視之。亡、頂二人都有電郵,不過去咗 spam,算係好心做壞事;其中亡國卿又因為比頂爺寄少了一次重覆電郵而稍勝一籌。
關係:唔使講,魔術師外公在參加東江縱隊前係海員工會成員,關係一直帶到落老媽子身上,所以老媽子臨老亦能在工亂會區議員辦事處覓得一份差事。回想起來,某年老媽子仲拉埋老父一齊去參加工會旅遊,兩老很少拍照,開心相片就更稀有,故此旅行照就成為魔術師家中神位的一部份。臨近老媽死忌,魔術師想起當年工會的花牌帛金和人文關懷倒也不缺,在李、亡、頂不相伯仲的環境下,工會嘅面就一定要俾(你話打關係都係咁話,販民就係少咗呢份「人性」)。
結果魔術師事前都未諗過,竟然會投咗亡國卿!
(政綱詳細資料可參考《垃圾會選垃圾2016》)

***
信報 2016年9月5日
余錦賢 香港脈搏
成晚亂打雷 配票恐錯配
立法會選舉塵埃剛剛落定,無論誰勝誰敗,也早有分析,認為今屆結局頗受選民策略性投票影響。佔中發起人之一戴耀廷主力催生的「雷動計劃」,臨時於周六(3日)晚提出棄保建議,此舉打亂了一些政黨和政團的攻防部署,有泛民中人坦言「多得佢唔少」。跟以往不同,泛民政黨於今次選舉備戰期間,已多次呼籲各方別輕信民意調查,尤其是擔心民調的高低誤差,會影響選民的原來抉擇。
事實上,上周五(2日)民主動力公布委託港大(受訪者樣本較多)的民調結果,與之前的相關結果誤差頗大,甚至一些候選人的支持度還比誤差率為小,一看便知難作參考。只是民調屬公開資料,傳媒可以報道,選民也可查閱,始終會影響選舉情況,有泛民中人對此只覺無奈,有口難言。至上周五公布的民調結果,誤差雖然收窄,但除了小部分候選人得票率遠高於當選門檻之外,其他評為有機會當選與無緣入局的候選人,兩者的支持度其實只差一兩個百分點而已。「雷動計劃」則按此民調結果,再加自身平台,周六晚列出一張「棄保」名單,當中多名現任議員(如工黨何秀蘭與民協馮檢基)均是榜上有名;即使戴耀廷強調這張「棄保」名單僅供參考,但「被放棄」的泛民候選人覺得那張名單對其選情影響甚大。此外,泛民選民也懂得自行策略配票,令原本相信有機會當選的人,到投票當天的選情變得危危乎。根據以往經驗,每逢投票日,總是傳聞滿天飛。例如得票率往往高開低收的公民黨,其九龍東候選人譚文豪昨天便不斷向外澄清——傳聞指他已經夠票,還呼籲選民改為支持人民力量譚得志;民主黨新界西候選人尹兆堅面對相同情況,要不斷向選民解釋,不要誤會他已夠票,而改投其他泛民人選。
除了傳聞,「雷動計劃」也令人質疑它的棄保或推薦準則,例如它建議放棄的工黨李卓人,民調支持度有5%,比「雷動計劃」建議推薦的社民連黃浩銘還要高出一個百分點。因此,戴耀廷昨晚調整原先建議,呼籲選民「集中投票給李卓人,多爭一席。」
雖然臨陣變招,但大家對策略投票還有頗大爭議。畢竟,「雷動計劃」和泛民主派的資源有限,與親建制和強力部門相比,真是「蚊髀同牛髀」;以民調結果而作的策略配票,可能令原本贏的變輸,與打算爭更多席位的原意愈走愈遠。這樣,泛民惟有寄望它們常說的「高投票率對泛民有利」真可應驗。
真愈嚟愈唔順呢條戴當家,唔知係咪佢當年在縮骨遮革命被架空,特衰正苦又連拉佢去任監都嫌費事,搞到佢被無視而深深不忿,於是成日以救世者自居,搞呢搞路出謀獻策,仲以為自己係A貨諸葛亮,整埋個雷聲大計劃出來扮哂嘢調兵遣將,點知無人聽佢枝笛之餘仲要怨聲載道:俾人話唔準確又話只係益自已友,戴當家憑乜嘢推薦某候選人?
不過蔫豬頭都有齆鼻菩薩,戴當家總有一些滿是頭頭巾氣的原教旨黃C,好似尋日晨咁早就鄉大物理系舊生whatsapp group便雷聲好很大地叫了起來:

結果就係俾反佔舊同學J(見舊文《反佔中火鍋巧遇一生三宅地產霸》)D返轉頭。不過J雖然都係出身自物理系,但論述能力只是藍C層次:明明係佢自己唔鍾意人地在whatsapp group講黃C,卻監人乃後代group內其他舊同學發聲(之但係好多港豬舊同學都只是無可無不可)。
更離奇的竟然接著有同學 send 錯 message ,爆料話跟某先生傾傾下生意,忽然講話投咗民煮黨,仲要大作覺醒狀;魔術見機不可失,便將「賄選」罪名套在佢頭上,即時嚇到雞飛狗走,無人再敢出聲!
***
毓民轟游蕙禎「乜都唔識」星島日報 – 2016年9月5日【星島日報報道】在九龍西民調選情中,民建聯蔣麗芸及經民聯梁美芬勝算極高,餘下相信是民主黨黃碧雲、公民黨毛孟靜、民協譚國僑、青年新政游蕙禎、新思維狄志遠、普羅政治學苑黃毓民六名非建制派爭四席,而現任議員中黃毓民因本土派兩名候選人夾擊而在多項民調都處於邊緣。在投票最後關頭,黃毓民大動肝火炮轟多人,更於facebook拍片粗口大罵游蕙禎「乜X都唔識」。游蕙禎回應時認為這是長輩對後輩的一種提醒,強調會繼續做好自己本分,對選情有信心。黃毓民昨日點名斥游蕙禎,指她「游蕙禎無錯係幾靚女,二十四歲,但議事規則又唔識,又要問隔籬嗰個………可能會有宅男鍾意佢,但都沒有所謂,對我嚟講無損害」,他希望大家明白, 選舉不是選美,要根據一個人的政績和人品而選,並強調自己是老中青嫩男女「通殺」的人,續斥雷動計畫「食咗屎呀呢個真係………我同街坊一齊咗八年,你話佢會唔會投畀一個唔識嘅人?」他亦於facebook用粗口批評游蕙禎「乜都唔識」,呼籲選民想清楚。黃毓民對自己選情直言「我哋驚都未驚過」,強調不用告急。他亦建議選民在超區投白票,稱「絕不能投建制派」。他昨日四出為其他區熱普城聯盟候選人站台,下午則到元州邨「繞場一周」,向街坊握手並報以笑容。黃又炮轟另一候選人劉小麗是「食屎教授」,並狠批《蘋果日報》寧願違反選舉條例,都要用上四版力撐劉小麗,「肥佬黎,戴耀廷呢啲全部都係……!」並指小麗老師免供退保方案充當自己方案提出,應改名做「小麗老千」。游蕙禎於上次區議會選舉以三百多票之差敗於經民聯梁美芬,她昨日下午及晚上均回到當時選區黃埔東拉票,於紅磡德民街與紅磡道交界為九龍西候選人必爭之地,游蕙禎以旗海數目大勝其他候選人。對於黃毓民對她大肆抨擊,游蕙禎認為是長輩對後輩的一種提醒,強調會繼續做好自己本分。被問到會否認為自己搶了黃的票時,她說:「每個人的票源不完全一樣,亦不完全重疊,我相信無論是我還是黃毓民,都有自己獨特的票源」。游蕙禎認為自己選情樂觀,有信心夠票入議會。她又指,最後一席屆屆都多人爭,會努力做好自己,向所有香港人不分階層爭取選票。她堅定說對選情有信心,「我只會諗贏」。被問到會否被視為「花瓶」,她直稱「我相信花瓶裝到水」,並指不覺得年輕貌美是優勢。另外、同區候選人民建聯蔣麗芸,於傍晚時分已為超區候選人周浩鼎拉票,背景疑似是在家,似乎已經「放軟拉票手腳」。公民黨候選人毛孟靜指,昨日不會有特別的拉票策略,認為選民若相信她的為人,便為投她一票,不會打告急牌。 民主黨黃碧雲則呼籲支持者不要自行配票,認為另外兩名候選人游蕙禎和劉小麗搶去不少年輕選民,譚國僑則以宣傳車巡遊區內。
有指樣貌評分高一成得票率多 4.8% 2016/09/04 16:01

今次立法會選舉,有成 84 張名單角逐,是歷屆最多,其中九西這區今屆加多一席,吸引了 15 張名單角逐,增幅是五區之中最高,面對那麼多候選人,這裡的選民到底憑什麼選擇候選人呢? 
九西這區今屆加多一席,吸引了 15 張名單角逐,花多眼亂,究竟選民憑什麼決定投給誰? 
因為一個人的樣子,而決定是否投票,聽止去不可靠,但美國麻省理工研究過,被選民評為愈美的候選人,得票率就會愈高。特別是對政治沒什麼認識,又看許多電視的選民,影響特別大,樣貌評分每高一成,得票率平均多 4.8% ,最美和最醜的候選人,最多可以相差成 35% 。 
不過如果選民好少看電視,對政治認識較多的話,美不美、影響就小好多,只有 0.8% 。 
近期本地都有此類研究,香港研究協會八月底做過調查,四分之一受訪者,最看重的、是候選人過往工作表現,其次是政綱、政黨背景等,只有約 7% 人最注重候選人形象。

見到黃郁人氣急敗壞敗壞輸波打人個樣真好好笑。正所謂港豬格言,講粗口嗰個就一定唔啱,更何況出火對象是游小三?魔術師都明白民主選舉一人一票的遊戲規則只係鬥人多鬥票數多,選民投票背後的理由話知你係睇政綱定睇樣根本唔重要,黃郁人身經百戰又點會唔知一個麻甩佬又點會係打「荷爾蒙戰術」的青春少艾游小三的對手?
黃郁人出局,最大的損失就係少咗「文化拉布」,就算拉布起碼拉得有文明有知識,而唔係好似怪醫咁低技術淨係識點人數。游小三話要推動我城能源自給自足,又話要設立移民入籍試,睇怕文化程度比較接近怪醫,為免拉起布上來悶場連連,看來游小三都係要穿低胸小背心出場(連宣誓)好了!

***
睇返咁多區的戰績,建制派似乎無寶不落,出咁多贏咁多,只要係乖乖牌(即係唔係好似候鄉長、金勞詹之類),落選的無幾人,最慘烈的當然是就算多咗魔術師呢一票都依然救唔返的亡國卿,其次就都係工亂會的鄧瓜標;反而販民大混戰,自己內部死傷慘重,魔術師最高興的就是唔使再見到李呃人,不過鄭蟲蟲就入局搵到份新工升職兼加薪,真係激氣;其餘區份如小L老C、游小三、羅37等,又睇下佢地有乜JJ新症可剌激到一眾港豬,令其覺醒囉!










睇返當選者的票數,多過法定票數(綠格)可將餘額撥給名單第二位的戰友的當選者並唔多,不過元秋、鼠王芬、田二少都只係比法定票數多數千票,而贏到開巷的朱仔同擴進乳又無副選助手,想帶多一個都無得帶。
如果要配票(原理見舊文《配票的數學》),玩得安全啲做係要起碼達到黃格的票數,但就只有孽瘤同EQ博士,真係若有若無。如果講到配票可以咁神奇配到剛剛好就好,但咁多區就只有狀棍搖係搶到末席僅勝販民老將李呃人,大將亡國卿反而飲恨,咁呢隻神之手真係返風落雨有啲關節痛唔係咁靈喎!
***
參考資料:
2016立法會選舉官方網站
***
伸延閱讀:
垃圾會選垃圾2016
「死老爺!你唔使旨意我養你呀!」
簡易數學(四)之配票的數學
反佔中火鍋巧遇一生三宅地產霸

168 則留言:

  1. 魔術師你真係…
    條友又洗唔洗嚇到退group呀LOL

    熱普城竟然唔係全軍盡墨,唔夠心凉

    回覆刪除
    回覆
    1. //條友又洗唔洗嚇到退group呀LOL

      黃C就係咁,又要威又要戴頭盔,敢做唔敢認.

      //熱普城竟然唔係全軍盡墨,唔夠心凉

      都係班新西豬搞事...

      刪除
    2. 公文袋都就玩完,港島區由上屆票王變成今屆敬陪末席

      刪除
    3. 我有兩個都屬於"維穩派"的中學老死都投咗wiki王.

      講真雖然我唔中意阿wiki,但更唔中意戲子陳,好彩今次唔係因為爭我一票輸...另外見佢(或佢d馬)寫咗99頁政綱,老實講我都好佩服的.

      http://www.am730.com.hk/column-328179

      刪除
    4. 其實99頁係「特首政鋼」

      刪除


    5. //公文袋都就玩完,港島區由上屆票王變成今屆敬陪末席
      //講真雖然我唔中意阿wiki,但更唔中意戲子陳,

      佢在城市亂彈撐巷蜀,俾台下阿伯問點對抗老解, 佢竟然回答話:「好多嘢唔係講手講腳...」淨係呢點就已經要扣到負分.

      //另外見佢(或佢d馬)寫咗99頁政綱,老實講我都好佩服的.
      //其實99頁係「特首政鋼」

      「換特首」的hidden agenda就是「我要做特首」.

      刪除
    6. //寫咗99頁政綱,老實講我都好佩服的.

      唔係懶人包冇港豬睇呢。

      // http://www.am730.com.hk/column-328179

      周顯寫塗梗身「但第三,他的野心不大,追求家庭生活多於追求事業更上層樓。」

      唔知係咪唔記得塗梗身前妻春花園跟左個村巴司機走佬,後尾娶過第二個仲生埋,當然唔想重蹈覆轍。


      刪除
    7. //都係班新西豬搞事...

      新西五個編制內的建制都入晒,算係咁嘞。怪只怪販民搶唔到熱狗d票嗻。

      刪除
    8. //唔係懶人包冇港豬睇呢。

      年輕一袋attention span 短,只識睇圖唔識睇字, 更容易流會, 下季垃圾會開會可能真係要寫懶人包,

      //新西五個編制內的建制都入晒

      基本上建制想入嘅都入到,係差亡國卿...

      //怪只怪販民搶唔到熱狗d票嗻。

      以事論事, 我在荃灣見過鄭蟲蟲不少於5次, 佢係算勤力show up的(好過李作人連影都唔見).

      刪除
    9. 新西今次真係捉蟲入屎忽.

      刪除
    10. 蟲蟲就一定唔會埋販民堆,不過販民就可能唔敢得罪佢地而唔敢唔俾面,反而俾人數少的笨土牽住鼻子走.

      刪除
  2. 小三當選後話「選到都其實唔係好開心」,我好想知投票俾佢嘅會覺得:「型呀」,定係:「知道你咁唔開心唔投你」

    回覆刪除
    回覆
    1. 小三明顯係因為自己男人(湖北琦?)俾人叮佐無得選唔開心

      將自己快樂建基系自己男人既成功之上, 呢 D 女仔娶得過 ^O^

      刪除
    2. 小三喺自戀狂女人,喺湖北琦這類自戀狂男人至頂得住,大家各自去食野味。良家宅男,娶咗游小三番嚟,真喺綠帽唔怕戴,戴極都戴唔哂!嘻嘻!

      刪除
    3. //小三當選後話「選到都其實唔係好開心」
      //小三明顯係因為自己男人(湖北琦?)俾人叮佐無得選唔開心

      佢話贏咗黃郁人好唔開心。 D, 咁in the first place,佢就唔好去郁人個區度選喇!

      //將自己快樂建基系自己男人既成功之上, 呢 D 女仔娶得過 ^O^

      痴女?

      //良家宅男,娶咗游小三番嚟,真喺綠帽唔怕戴,戴極都戴唔哂!嘻嘻!

      所以宅男只配做兵,請參看本文從有線新聞得來的截圖。

      刪除
    4. //痴女?//
      痴情女子^O^
      同類既例子見過就係蔡少芬, 張晉拎最佳男配角開心到佢呢

      刪除
  3. 我有d意外游蕙禎竟然贏黄毓民(實激死教主,哈哈!),我城開發天然氣自給自足之日指日可待,呵呵!

    投票時要投least worst而唔係the best真係可悲,有d都諗唔明點解會跌入呢個怪圈......d 人睇形象唔詳細睇政綱底子又再一次證明形象工程重要性,又從友人得知原來現時選舉決勝重點在於係街站拉d「無意見左右搖擺嘅人」嘅票,一個街站可能就幾百票,頓時令我對所謂「民主選舉」失語,marketing之術當道而唔係舌辯政綱以尋求選民支持,著實令人無奈......

    魔術兄嚇走whatsapp條友真係笑死我!XD

    回覆刪除
    回覆
    1. 民主選舉其實根本就唔WORK. 所有叻嘅人, 領導者, 都係打出嚟, 唔係吹出嚟. 可惜,民主選舉偏偏就係用吹出嚟呢個方法去揀, 點會揀到好嘢.....香港自求多福吧.

      刪除
    2. //新西好明顯,都係投返田二少。

      二少D 關公低水平咗D,口號竟然係唔玩政治(咁你選乜鬼?),只做柒事

      //熱普城竟然唔係全軍盡墨,唔夠心凉

      X2
      熱普城資源好似仲多過民記,周圍黃衫軍。一班大搞個人崇拜的法西斯主義者,輸真係抵L死
      鳩坐達無啦啦走去整架開蓬寶馬做戰車,應該趕走唔少客。

      //我城開發天然氣自給自足之日指日可待

      讀書叻少少唔使入嶺大啦,質素係咁上下,不如去堆填區開發沼氣、垃圾發電丫嘛。
      柒禎D FD果然冇幫佢改錯名。二揀一,揀小三好過俾郁人入,俾條咩都唔識既女入去做嫰版元秋笑下都好呀

      刪除
    3. //投票時要投least worst而唔係the best真係可悲,有d都諗唔明點解會跌入呢個怪圈......

      因為啲候選人水平低(入場門檻好重要!)。

      //d 人睇形象唔詳細睇政綱底子又再一次證明形象工程重要性

      Perception is your reality.

      //marketing之術當道而唔係舌辯政綱以尋求選民支持,著實令人無奈......

      咩無「舌辯」呀?能源自給自足都講得出,夠哂牙尖嘴利喇。

      //魔術兄嚇走whatsapp條友真係笑死我!XD

      呢單嘢搞笑在(1)黃C出post,(2)J發火,(3)生意人send錯mail,(4)魔術師捉住生意人痛腳做文章,(5)但退group的卻是第五人!

      //所有叻嘅人, 領導者, 都係打出嚟, 唔係吹出嚟. 可惜,民主選舉偏偏就係用吹出嚟呢個方法去揀, 點會揀到好嘢.....

      咁又唔係人人都係開國皇帝,不過學萊茵哈特話齋,要做領袖就要有隨時接受被人挑戰的覺悟;而家啲人,一見唔到路就伸膊。

      //二少D 關公低水平咗D,口號竟然係唔玩政治(咁你選乜鬼?),只做柒事

      佢嘅重點係「唔玩」,英文佢寫 Low on Rhetoric

      //鳩坐達無啦啦走去整架開蓬寶馬做戰車,應該趕走唔少客。

      財富只掌握在1%的人手上。

      //俾條咩都唔識既女入去做嫰版元秋笑下都好呀

      可惜要40歲才可以做垃圾會主席,否則一定支持游小三去做,著住件背心仔彎低腰叫人肅靜...

      刪除
    4. 第五人可能已經厭倦。

      刪除
    5. 熱血敗在全世界都屌

      雷動當然順路搞熱狗

      刪除
    6. //第五人可能已經厭倦。

      怕事的就是港豬!

      //熱血敗在全世界都屌

      你同葉吱吱一樣口徑... XD

      刪除
    7. //鳩坐達無啦啦走去整架開蓬寶馬做戰車,應該趕走唔少客。

      我平時唔多去東九,上禮拜去見到鳩坐達張紮拳頭懶型既宣傳海報,真係好惡頂...體型又唔係fit,最緊要之前有人摟佢決戰MMA佢又縮沙唔去!

      //第五人可能已經厭倦。

      我都試過兩三次因為咁quit group了。

      刪除
    8. //最緊要之前有人摟佢決戰MMA佢又縮沙唔去!

      成日扮好打,呢單嘢又係笑話來的。

      //我都試過兩三次因為咁quit group了。

      我呢招勁呢!

      刪除
    9. // 咁又唔係人人都係開國皇帝,不過學萊茵哈特話齋,要做領袖就要有隨時接受被人挑戰的覺悟;而家啲人,一見唔到路就伸膊。

      我嘅意思係, 要真係有料. 有時我想知, 佢哋連閱讀理解都有問題, 點解可以明白深奧嘅行政立法條文, 從而去分析.

      刪除
    10. 正如講整嘢食, 唔係諗住睇幾條你管, 就當自己知道落糖同落其他嘢嘅好處同壞處啊......

      刪除
    11. //佢哋連閱讀理解都有問題, 點解可以明白深奧嘅行政立法條文, 從而去分析.

      都話班一袋年輕人attention span 短, 難以留心, 玩流會易過罰留堂拉布; 而且都係文盲, 睇慣懶人包見圖唔見字, 睇怕第日開會好似小學雞上堂咁, 又要叫同學們守秩序,又要叫佢地打開圖書第X頁...

      刪除
  4. 特登走泥抬摃 :P

    >以刪除法論,魔術師就一定唔會投販民,呢班人永遠都係綑綁思維(Groupthink)

    乜建制唔係咩?

    不過經過上次Brexit,加埋今次立會選舉,我明白多左你講緊咩... 我都係時候向現實低頭。

    回覆刪除
    回覆
    1. //乜建制唔係咩?

      之前講過喇,建制派從來無講過自己係救世主、正義嘅朋友,佢地「有默契」係事實,執行力低就更加係事實(政改甩轆),我只會將呢班人當成係丑角,得閒出嚟搞下笑咁.
      但販民就相反,成日以鬧建制賣港,自己係忠嘅,係正義嘅,做嘅嘢係啱嘅(包括JR,拉布),我城靠哂佢地,佢地俾到我嘅印象就係咁。但結果版權條例如是,醫痿改革如是,販民之間都無勇氣出來D同路人(可能係怕得罪「同路人」掛),咁又點叫獨立思考,為民請命?你話建制派只係扯線公仔,但販民就唔需要有幕人扯線人,自己就已經無勇氣行自己嘅路,你話佢地係咪比扯線公仔更差?

      //不過經過上次Brexit,加埋今次立會選舉,我明白多左你講緊咩... 我都係時候向現實低頭。

      今次到我唔係好明你講乜,欲言又止咁。你好似「向現實低頭」咗好耐架喇(sorry,「網交」多年,在我眼中你從來不是一個有節氣有情操的人)。
      同埋,又做下語理分析,「向現實低頭」呢句好玄,咁即係話你有某種價值/理想,本應是排在現實之上的,但現在因某些原因令人無奈地以「現實」行先。以呢種思維做人,氣勢早就輸咗9成。

      刪除
    2. >但販民就相反,成日以鬧建制賣港,自己係忠嘅,係正義嘅,做嘅嘢係啱嘅

      https://www.facebook.com/hashtag/%E7%AB%8B%E6%B3%95%E6%9C%83%E9%81%B8%E8%88%89%E7%89%B9%E8%BC%AF%E4%B9%8B%E5%9C%8B%E9%9A%9B%E7%9F%AD%E8%A9%95?source=feed_text&story_id=285878508453173

      //左翼之「膠」,有結構性原因。其一在他們的信念從理想出發,無論是經濟上的均產,或是觀念上的文化共融,均是建立在超然現實的理念上。欲「以理殺人」,但卻擺脫不了自己也是人;欲道德綁架,但卻綁埋自己。其次則在左翼(理論上)深信人致善的可能性,卻將他們認為被壓逼的大眾視為聖人,即便罪犯亦會有自身的「故事」。然而,一旦對大眾失望(例如有不入教的人),便會指斥為痴愚無知,為使他們走上正路(即跟從左翼知識分子的指導過活),隨時無所不用其極。說到底,口說尊重眾生平等,寧聽不同「故事」的人,事實上自視為社會的菁英與先知,打從心底裏鄙夷別人。Karl Popper說“Those who promise us paradise on earth never produced anything but a hell”,就是講這種好為人師的偽君子。//

      >欲言又止咁
      >你好似「向現實低頭」咗好耐架喇(sorry,「網交」多年,在我眼中你從來不是一個有節氣有情操的人)。

      無欲言又止喎;亦無需sorry,我個人而言的確係向現實低頭好耐啦。

      但我都覺得自己好consistent既:我成日覺得點解我要向現實低頭,只係因為我自己能力低,我期望/以為,响外面個世界係有好多高人,係可以將大愛平等呢啲理想實踐出泥。

      以炒股打個比喻,我最初係相信『炒股不炒市』可以發達/係投資皇道;到之後自己選股炒完一輪之後,我自己損手爛腳,唯有認輸轉左買2800(即係你口中既『向現實低頭』)。但當時既我仍相信『炒股不炒市』其實係啱既,只係自己能力低唔識選股,梗有啲好叻既fund manager原來真係好叻咁『炒股不炒市』而發左達。而家呢,就終於發現原來嗰啲fund manager都係只係吹水,實質佢地主張既『炒股不炒市』,以performance計,重差過2800。

      我今次寫既『向現實低頭』,意思就即係終於同意無(乜)人可以將所講既大愛平等呢啲原則响現實社會實踐出泥。

      刪除
    3. 有統計...唔係老屈...見link : http://www.inmediahk.net/node/1

      //值得留意的是,主流泛民甚至比建制派的投票取向更為相近。而建制派方面,土共勢力與工商界各自分開,但仍與泛民的取向大致不同。//

      所以建制唔係冇綑綁思維,只係泛民的綑綁思維更嚴重,更阻礙每人黨員的個人意志。

      刪除
    4. 米:

      //只係因為我自己能力低,

      以傷港的世俗觀點看,你外國大學畢業,專業人士,有老婆有仔女,公司上司又睇得起你,已經算是「成功人士」.
      另一個人辦係博士K.

      //我期望/以為,响外面個世界係有好多高人,係可以將大愛平等呢啲理想實踐出泥。

      希望有聖人/英雄來打救自己,無疑是懶惰的思維(跟伸手黨freerider)一樣.

      「民眾所喜歡的並非自主性的思考及隨之產生的責任,而是命令、服從及責任免除。魯道夫的登場,就是一大歷史見證。在民主政治中,該為政弊負責的是選擇不合格的從政者當政的民眾本身;專制政治則不然,民眾不願自我反省,而喜歡偷偷且不需負任何責任地大肆抨擊為政者。」

      Eric:
      //所以建制唔係冇綑綁思維,只係泛民的綑綁思維更嚴重,更阻礙每人黨員的個人意志。

      建制各黨派明顯係有focus, 有明顯within自己scope的利益要維護,所以只能稱為默契;而販民,工黨名義上都叫做為工友爭取利益,民煮黨/公文袋/辛同萌/熱狗/爛民/拳頭力量等有乜「各自利益」要維護?唔硬性綑綁協調就只有窩裡反,今次碎片化只係爆出來的表徵.

      刪除
    5. // 另一個人辦係博士K.
      扑士K 官能組別係投孽建緣?

      刪除
    6. 博士K應該唔係官能組...有都只會係IT界...

      刪除
    7. // IT界...
      何謂IT界? 賣老翻算唔算?

      刪除
    8. 賣老翻係批發及零售界, IT界係set server俾人download.

      批發及零售界
      Y 1 區諾軒 1,231
      Y 2 邵家輝 2,290 當選

      刪除
    9. 怪不得靈壽業不景啦...

      刪除
    10. //今次碎片化只係爆出來的表徵.

      我自己私底下計過,反對派和建制得票是58:42,計比例40席直選應該是23:17,而家建制只是配票配多一席返來,所以配票威力也不是想像中大。

      不過反對派雖然少一席,但最大問題是根本無辦法預計到邊個會贏,到最後又要亂打雷亂q咁計配票。

      刪除
    11. //建制只是配票配多一席返來,所以配票威力也不是想像中大。

      誤差都有喇,係前幾年販民輸咗唔岔氣屈人地神之手講到點石成金咁之嘛。

      刪除
    12. >以傷港的世俗觀點看,你外國大學畢業,專業人士,有老婆有仔女,公司上司又睇得起你,已經算是「成功人士」.
      另一個人辦係博士K.

      你講嗰啲都係表面嘢,平時要揾食,用呢啲表面嘢呃吓人無所謂;自己有幾多料自己係知的。

      >希望有聖人/英雄來打救自己,無疑是懶惰的思維(跟伸手黨freerider)一樣.

      不斷回帶,係能力既問題;extreme啲講,就算俾我做特首,我都唔會有能力改變到香港。

      講到尾,其實我係認同你既最終信念--精英主義管治。

      我同你唔同既係,咩嘢既人先係叫『精英』?係點選呢班『精英』出泥?

      我最buy 既制度係『善良的獨裁者』,所以我係buy李光耀既;問題係,『善良的獨裁者』係一個人治既制度,人一去就大鑊,所以唔sustainable。而獨裁者logically亦tends to be (or grow into) 不善良。這是我未完全想通既問題。

      刪除
    13. //賣老翻係批發及零售界, IT界係set server俾人download.

      賣老翻仍然係超區﹐因為不被承認。XD
      IT界? 俾幾百蚊年費入會就得。做IT support 或i.t. sales 應該都唔會審查。

      //你講嗰啲都係表面嘢,平時要揾食,用呢啲表面嘢呃吓人無所謂;自己有幾多料自己係知的。

      中年危機而已

      刪除
    14. //自己有幾多料自己係知的。
      //中年危機而已

      問題係有限料煮有限飯. 雖然負擔唔起飽參翹肚, 但也不等於日日要捱麵包的, 閒時食下日韓越泰, 貴少少無所謂的.

      //係點選呢班『精英』出泥?

      只能由「可信的精英」選出,而唔係豬一樣的民眾,而如果現在的統治者就是「可信的精英」,由佢去欽點無問題, 即係類似古時的襌讓制度...

      //問題係,『善良的獨裁者』係一個人治既制度,人一去就大鑊,所以唔sustainable。而獨裁者logically亦tends to be (or grow into) 不善良。

      無錯, 就算有百年一遇的善良獨裁者,也不sustaianable;而民主制度的角色, 就只係適量的制衡 (權力者可以濫權, 制衡者亦可以濫用制衡的力量). 權力者是號令天下莫敢不從的屠龍刀, 但散落在民間的倚天劍卻可以有很多把.

      刪除
    15. //只能由「可信的精英」選出,而唔係豬一樣的民眾,而如果現在的統治者就是「可信的精英」,由佢去欽點無問題, 即係類似古時的襌讓制度...

      折衷辦法是層層間選,即是以現在傷港架構的話,全民選區議會,區議員選立法會,立法會選特首。類似英日制度,但更間接。

      這是對"民眾的豬性"作層層過濾

      刪除
    16. 由全民選區議會做起, 層層遞進, 咁最後就會無限倒退成為「蛇齋餅糭治港」...

      刪除
    17. 低層選舉有實際嘢派,總好過越高層次的派唔到咁多唯有口惠而實不至,兼仲要搞埋煽動撕裂呀。

      況且選到入去的人點都豬唔晒,上一層的候選人只需要lobbying呢批不太豬的人,點都唔使講"免供退保"呢類唔經大腦的說話的。

      刪除
    18. //總好過越高層次的派唔到咁多唯有口惠而實不至

      原來至理名言係, XX財務:「Show me the money!」

      //況且選到入去的人點都豬唔晒,上一層的候選人只需要lobbying呢批不太豬的人

      又來馬屎撈金字塔...

      刪除
  5. 我係睇呢套歷史節目 識黃毓民
    https://zh.wikipedia.org/wiki/%E9%BB%83%E6%AF%93%E6%B0%91%E4%B8%AD%E5%9C%8B%E6%AD%B7%E5%8F%B2%E8%A9%95%E8%AA%AA%E7%B3%BB%E5%88%97

    講真,佢有文化背景,有才學之人

    回覆刪除
    回覆
    1. 撇開政治立場不論,佢的確係有料之人,就算拉布,其含金量都高好多.好似怪醫咁低技術點人數拉布, 係人都識喇, 佢仲要衰到被人D完以後以poker face面無表情咁面對鏡頭, 即係「我係咁架嘞,你吹咩?」呢副德性,你話俾我聽佢係非常有「社會地位」的醫生?

      刪除
    2. //呢副德性,你話俾我聽佢係非常有「社會地位」的醫生?

      賢臣奸臣 都可以有才學,有料

      醫生可治病, 可害人

      刪除
    3. //賢臣奸臣

      咁我又唔會話人忠定奸, 否則就會好似部門小妹咁低層次了 XD

      //醫生可治病, 可害人

      咁呢個世界又真係不乏視醫德如無物的「醫生」嘅.

      刪除
  6. // 講真,佢有文化背景,有才學之人

    Vincent 兄, 郁民係泛民入邊, 算係有料到之人.

    回覆刪除
    回覆
    1. 水能載舟,亦能覆舟。

      刪除
    2. 「敵軍」中要有勁人,咁先至值得尊敬.

      刪除
    3. 佢係唯一一個我覺得值得尊重嘅泛民人..... 講真, 叫佢泛民人, 有啲貶低咗佢.

      刪除
    4. 掟杯事件斷正,仲要死雞撐飯蓋,算係佢少數的失誤(好明顯佢都預料唔到會飛玻璃)...

      刪除
  7. 朱西敵竟做咗票王,佢咩料子? 好古怪喎...

    回覆刪除
    回覆
    1. 其實咁多人投瀆派,係咪因為想佢地將巷蜀付諸實行?以前得個講字只因未夠人backup,依家有幾十萬票ready 出來搞革命?

      照計如果巷蜀仲係齋講應該sustain唔到架喎!

      信報 2016年9月6日

      王岸然
      世代交替 本土抬頭
      數一數,地區直選的35席中,建制有16席,非建制有19席。傳統的民主派退步了,但民主在進步中。執筆時超區直選結果尚未終決,若然有3席,直選議席是22與18之比。六四比例基本上有好無壞,直選有利民主,但民主派內勢力改變,本土抬頭,港獨勢猛,是改不了的趨勢。本土派與大中華派此消彼長,更是明顯。

      原來的本土派興起於陳雲的「城邦論」,今次直選,陳教授披甲上陣,未能功成;他依附的本土黃線的所謂「熱普城」團隊,只有鄭松泰一人跑出,相對於成立不足一年的青年新政與本土民主前線能順利爭奪兩席,成績不算理想,合起來泛獨只有3席,看似未成氣候,這只是以議席數字看得失,十分不確。

      泛獨未能取得更大勝利,與內部不協調、爭逐位置固然有關;較有名望的政客不能領導本土派打一場互惠互贏的選戰,臨危更互罵內耗,更是敗筆之所在。雖然如此,筆者走到街上觀看選舉活動,完全感受到新世代年輕人那種敢把皇帝拉下馬、決心取代年老政客那份氣勢,實平生所未見。

      我絕對認為這是「雨傘革命」帶來的覺醒作用,年輕人不單不聽不信那些民主路上行了幾十年的前輩,更是從心裏看不起並否定他們,這是為何我堅稱前年那次事件是革命而非運動。幾十年來有無數次的社運,並無一次帶來這樣改變。

      給本土派稱為左膠並視為死敵的對手竟然亦有3人當選,分別是朱凱廸、劉小麗和羅冠聰,3人的勝出令人意外之餘,必須理解他們雖然不自稱本土派,只是不勇武的本土派,而不能視他們為傳統泛民路線的傳承者或是同路者。在未來的時刻,他們走向本土路線的可能遠大於走回傳統泛民的舊路。

      純看議席十分不確

      認識朱凱廸已經是9年前的天星皇后事件,那段時間適逢韓農來港示範勇武抗爭手法之後,今天的青年以為好勇武,其實「傘革」期間出現的勇武,早在反世貿韓農來港示威時出現過,天星皇后時的抗爭用上同一手法但打了折扣,及後的反高鐵運動也不能在勇武方面有所突破,社運者才會退化為今天的左膠。

      更特別之處是,當年的天星皇后保衞戰的道德基礎不是爭民主,而是要保護香港的本土文化、歷史建築,抗拒特府藉拆除歷史建築而去刪除香港的殖民地歷史和記憶。他們的組織叫本土行動,要保護的正是香港本土文化。近年朱凱廸搞的土地正義聯盟、保衞菜園村等,其實是本土不過的訴求;亦所以,朱與本土派、甚至獨派並不欠缺共通的政治語言。

      記憶中,朱曾有多次參選,但皆無影無蹤,今天參政不單是鹹魚翻生,而且突成票王,這才是令所有人驚訝和深思之處。如果要問原因,是他身體力行本土主義,要比其他本土派更深入民間,而這個時代需要本土。

      劉小麗也非傳統泛民,她也關心本土小市民議題,成名之作倒是她急於劃清關係的「魚蛋革命」。羅冠聰是借助黃之鋒一派的氣勢,多於什麼學聯老鬼的傳承,也算是泛民繼承者,但他也肯定是以新世代的人自居,也強調了港人有權命運自主,前途自決。在中共的定義之中,他們一樣不愛國、一樣入了泛獨之列。那正正是由於他們的本質與傳統泛民不同,今天選戰才有突圍而出的空間。

      傳統泛民今次只是打了一次成功的保本之戰,傳統上泛民佔的六成選票優勢已經分了兩成以上給泛獨派,而差距明顯走向縮窄。

      保守的泛民皆吃過六四的人血饅頭,但民協完結了,李卓人身為前支聯會主席也清楚敗落了。六四(及所謂的大中華情意結)開始成為從政者的負擔多於紅利,這當然也是由於本土主義的抬頭。

      要麼放棄民主效法民建聯與中共結盟,接受其領導,要麼泛民未來4年必須大幅調整路線,就算不敢倡議港獨,也要事事去中國化,要與本土派爭議題、爭表現;原來的本土派無論在理論或行動上,皆要走向激進路線、更激進的實質行動,以滿足源源不斷增加新世代年輕人的訴求。

      事實上,港獨議題絕不會隨選舉過去而過去,筆者可以預言連特首選舉,新人類也並不關心,因為新政客一趨溫和就必然受淘汰,議會內外的抗爭將會全面激化,新世代並不追求、也不應追求社會的安寧和諧,要的是變革。

      有兩件事泛獨派應馬上進行,一是要為梁天琦的DQ事件提出司法訴訟,這一方面似需傳統泛民的法律支援,而他們為己為人也不得不支援。梁天琦在未來時間經補選而加入議會,令獨派氣勢更盛的可能性不低,補選可以源於對選舉的JR,也可以因為有議員因公職行為不檢的官司罪成而要離任。

      二是要支援中學生最近因為在校內談論港獨而受打壓事件。選戰期間本土派無暇兼顧,大家明白,選後還是沒有作為,則不能原諒,也會馬上失去支持。畢竟港獨的戰場是在街上、是在民間,而不是在議會,當選是革命的開始,若視之為終結,視之為最大目標,只會走回今天泛民的舊路。想想,黃色的本土派經營多年時間,但一年間就給新興的藍色獨派越過了頭,取代了氣勢,革命的路上,是從來沒有停下來看風光、享受人生這一回事的。

      刪除
    2. 好老實, 當年新加坡獨立, 李光耀係獨裁, 新人決心與大馬分離, 做唔到呢步, 肯定冇今日的 Republic of Singapore

      一個國家有幾多人有治國的才能? 如何培養活國者?

      而家係香港 真係見唔到

      刪除
    3. 本港冇可能, 也不可以巷蜀

      有能者 可選國藉 (移民)

      冇能者 幻想自瀆

      刪除
    4. 當年新加坡係被迫獨立, 咪攪錯啊.

      刪除

    5. //一個國家有幾多人有治國的才能? 如何培養活國者?
      //有能者 可選國藉 (移民)
      //冇能者 幻想自瀆

      班有青自然會去搞農耕,海水化淡,能源自給自足...到時嚇到班怪獸嘉獎通通移民, 樓價大跌, 有青自然飲得杯落.

      //好老實, 當年新加坡獨立, 李光耀係獨裁, 新人決心與大馬分離, 做唔到呢步, 肯定冇今日的 Republic of Singapore
      //當年新加坡係被迫獨立, 咪攪錯啊.

      當年獅城係軟性革命,挑動民族鬥爭,自己申領紅牌出場, 光耀大叔只是學在暗角偷笑.

      刪除
    6. 大馬人攪唔掂, 又爭唔贏你啲華人, 唯有用大紅花轎抬你走, 送水送電送地送錢.

      刪除
    7. //當年獅城係軟性革命,挑動民族鬥爭,自己申領紅牌出場, 光耀大叔只是學在暗角偷笑.

      一說是李光耀劍指全大馬,馬拉佬怕咗佢,就煽動民族鬥爭,逼獅城脫離大馬.

      當然這可能是互扯貓尾之作,你既然唔受我玩我亦唔想埋堆自討沒趣,結果就一拍即合搞場大龍鳳好來好去。

      // 李光耀係獨裁

      雖說大馬根本唔要獅城,但其後多年大馬一直對獅城不太友善,枉論合作了。如果唔係李光耀一言堂話乜就乜,而家可能比大馬更落後也說不定。

      所以我一直覺得笨土瀆派一直對獅城呢個例子顧左右而言他,是因為本質上獅城是"被趕走"(這和傷港面對的可能情況完全相反),而且成功之道絕非民主(雖然笨土中其實個個都係Pol Pot,但寧被人知莫被人見嘛).

      況且人地有個馬六甲海峽可以收買路錢,你個維港由命名當日就是為了"通向珠三角",自廢武功唔係唔得,不過廢咗後隨時連自瀆都唔得了--平時無咁好營養過你,你點性幻想呀。

      另外王on9的膠文真係好煩...

      刪除
    8. //巷蜀派正想如此.

      但不會成功

      刪除
    9. 如前文所言(暫時落咗spam,但魔兄好快會撈返),雙方母國取態和地理位置都完全不同,這就是不會成功的原因。

      問題是搞的中途會整亂晒自己屋企,甚至引起火災...而且你周圍的你睇唔起但以前好look up你的隔離鄰舍會全部當睇戲,見死不救之餘更不會被煽動...

      刪除
    10. >班有青自然會去搞農耕,海水化淡,能源自給自足...

      這是價值觀的分岐;有人認為不應為錢而活,有人認為無錢不行。最底層的分岐是理想vs現實。

      這樣的分岐全世界都有:麥克爾的難民政策(開放邊境讓難民進入歐盟)道德上很有大愛精神(『理想』);但以理性及現實角度分析,無限制地收容一窮二白的難民,很有可能拖垮社會。(『現實』)

      以理性分析的話,她的難民政策可以歸類為『不切實際』(亦即是,和以上留言所提的『搞農耕,海水化淡,能源自給自足』同樣『不切實際』),以機率來計,失敗的成數很高。

      但不要忘記,同樣的辯論在東西德合併前也有過。

      再舉一例,乃是以色列,强敵環繞的小國,卻得以生存發展;六日戰爭的結果,在發生以前誰估到?

      當然,以上所舉兩例,都有獨突的背景,正常情況下的確不會發生(i.e.德國人的團結民族性,以色列背後的美國計算及支持);但完全抺剎理想的可能性,真的是所有人想要的嗎?

      『無理想,同條咸魚有咩分別?』



      刪除
    11. //『無理想,同條咸魚有咩分別?』

      你有你理想係你既事,但請不要以別人成為咸魚做代價.

      刪除
    12. >你有你理想係你既事,但請不要以別人成為咸魚做代價

      同意呀。所以用咩方法/點去實現你既理想,有無辦法响實現你既理想同時唔影響到其他人,係一個好重要既問題。

      刪除
    13. 最大鑊係, 啲成年人以為無咩事, 講吓之嘛.

      刪除
    14. 朱西敵應該係地產嗰邊嘅人.....

      刪除
    15. //大馬人攪唔掂, 又爭唔贏你啲華人, 唯有用大紅花轎抬你走, 送水送電送地送錢. //

      我比較同意自由人兄既睇法

      當年大馬人係怕Q佐李光耀
      因為李光耀可以號召到全馬華人
      佢有可能動搖到大馬全國既政權
      先要踢佢走

      一處地方亂唔可怕
      可怕既係有號召力, 可以影響大眾既政治人物

      引申泥到香港現況
      香港人亂亦唔可怕
      中央怕既會係一個可以號召全國既政治強人
      當年華叔支聯會同民運份子內外呼應
      佢地要建立民主新中國
      大陸都有支持者
      中央都尚且怕你三分
      唔排除賠錢送賊既可能性

      但係現今香港無
      甚至香港既小政棍劃地為牢
      只守香港三分地
      話自己係香港族, 唔認自己係中國人
      要獨立
      踢大媽O急
      大陸人對香港政棍只有惡感無好感

      香港再亂再自爆
      加重管治負擔既只係特區政府同警察
      呢班頂唔順O米下班
      中央食花生之嘛, 不痛不癢

      中央又何來會割地, 俾香港獨立?

      刪除
    16. 摩摩:

      //如前文所言(暫時落咗spam,但魔兄好快會撈返)

      客席主持真知我心。

      //是因為本質上獅城是"被趕走"(這和傷港面對的可能情況完全相反),而且成功之道絕非民主(雖然笨土中其實個個都係Pol Pot,但寧被人知莫被人見嘛).

      殺人政權出紅牌的機會微乎其微,而游小三等提倡的「移民入籍試」已不是「寧被人知莫被人見」,問題係班有青幾時可以奪到權啫(有青會唔會變有中、有老),游小三在任期內又會唔會結婚生仔做人妻啫。

      //問題是搞的中途會整亂晒自己屋企,甚至引起火災...

      呢個真係「過程比結果」重要的絕佳示範例子。

      //另外王on9的膠文真係好煩...

      佢下下都講到班一袋有青係救世主咁,仲要面不紅氣不喘先至勁。



      米:

      //但完全抺剎理想的可能性,真的是所有人想要的嗎?

      咁點解你又要向現實低頭?

      //所以用咩方法/點去實現你既理想,有無辦法响實現你既理想同時唔影響到其他人,係一個好重要既問題。

      如果無實際方法去address呢一個問題,咁就唔應該去行動,但係依家班黃C/有青就有理無理亂咁衝試咗先.

      Freelancer:
      // 啲成年人以為無咩事, 講吓之嘛.

      呢句由縮骨遮革命開始講架喇:「我地都好愛護學生」,不忍深責, 總之年輕就大哂,乜都可以試,影響到其他人都無所謂.

      dogdogchi:

      // 香港再亂再自爆
      加重管治負擔既只係特區政府同警察
      呢班頂唔順O米下班
      中央食花生之嘛, 不痛不癢
      中央又何來會割地, 俾香港獨立?//

      同意. 其實班瀆班都心知巷蜀實行唔到, 所以先話獨立係同北京談判嘅籌碼. 問題係,你自稱話要跳樓,要生要死,但阿爸阿媽不癢,擔心不耐煩的只會是其他人(成班警察消防記者四處行來行去,萬一真係跳咗落嚟就會變凶宅.)...

      刪除
    17. //踢大媽O急
      //大陸人對香港政棍只有惡感無好感

      正解。唔好以為大陸人乜都唔知,如果香港因為巷蜀而大規模混亂,人地唔會受煽動之餘仲只會心涼,反而令殺人政權的統治更穩定的。

      (有無發覺近來班友少左提「支爆」?好似講左一大輪,點知越來越發覺無希望,就又開始剩係講「自吸自篤」、「散佈巷蜀思潮」了。乜咁就得架拿?就當你「深耕」成功,但連民主國家西班牙,加泰羅尼亞非正式公投80%話要獨立,馬德里政府都係一句「唔合憲法」,睬你都傻喔?)

      //佢下下都講到班一袋有青係救世主咁,仲要面不紅氣不喘先至勁。

      我星期六上健身堂,個健身教練突然問我係咪選民,我即刻警覺唔好陷入政治爭拗,只係簡單話唔係...原來條友仲未係選民,更話d候選人好騎尼,選左唔出席又唔使扣糧...而家氣氛咁撕裂,都仲有160萬人唔投票,再加埋呢批隨時近200萬連選民都唔做的豬...你班瀆撚計盡得果30幾40萬票,唔好話投賤制果90萬人唔啃過你,呢300幾萬唔投票的豬未必好大中華膠,但你郁到佢地飯碗佢地係唔會理你什麼理想一定同你死過的!

      //而游小三等提倡的「移民入籍試」已不是「寧被人知莫被人見」,問題係班有青幾時可以奪到權啫

      基本大法講明,蝗民入籍傷港是殺人政權管的事,如果佢郁到呢個權,就直情已經獨立左了。

      不過d好多蝗女係搶到港男結婚來港的,鍊得贏你港女,都算過到「入籍試」吧? XD

      //香港再亂再自爆
      加重管治負擔既只係特區政府同警察
      呢班頂唔順O米下班

      我覺得殺人政權係吸取左文革時的經驗:只要唔郁到軍隊,出面亂到pk都總可以收拾殘局的(果然是槍桿子下出政權)。

      所以只要軍營仍然正常換班,就由得你黑警搞掂,反正佢都係當你香港搞緊文革。

      刪除
    18. sorry typo:簡單話「係」選民

      刪除
    19. //正解。唔好以為大陸人乜都唔知,如果香港因為巷蜀而大規模混亂,人地唔會受煽動之餘仲只會心涼,反而令殺人政權的統治更穩定的。

      再下一篇寫下部門班妹妹仔點「討論投票」先,佢地先係「乜都唔知」...

      //有無發覺近來班友少左提「支爆」?好似講左一大輪,點知越來越發覺無希望

      佢地啲話題一時一樣,好講fashion的.

      //馬德里政府都係一句「唔合憲法」,睬你都傻喔?

      係班有青「但願長醉不願醒」啫.

      //原來條友仲未係選民

      後生一輩又真係好少唔去做選民咁豬架喎!

      //鍊得贏你港女,都算過到「入籍試」吧? XD

      張晉搶到蔡少芬,直程係優材添喇!

      //我覺得殺人政權係吸取左文革時的經驗:只要唔郁到軍隊,出面亂到pk都總可以收拾殘局的(果然是槍桿子下出政權)。

      縮骨遮革命時出到催淚彈可能已經「震動朝野」: 殺人政權係expect黑警以城管手段打7班刁民的。

      //所以只要軍營仍然正常換班,就由得你黑警搞掂,反正佢都係當你香港搞緊文革。

      班有青連軍營都唔敢去, 真係連蕉蜆蔥都不如.

      刪除
    20. 影響其他人, 要正面囉, 成功既人, 心態上係, 想身邊既人, 都成功, 佢地唔會, 輕易樹敵, 亦都唔會, 一己之慾, 強加於, 他人身上上善若水, 有容乃大, 最大的自由, 來自, 最大的包容, 鄺神mode, off

      刪除
    21. //影響其他人, 要正面囉, 成功既人, 心態上係, 想身邊既人, 都成功, 佢地唔會, 輕易樹敵

      其實我唔明黃郁人點解好似好proud of四面樹敵咁...

      又,你啲標點咁奇怪嘅? XD

      刪除
    22. //再下一篇寫下部門班妹妹仔點「討論投票」先,佢地先係「乜都唔知」...

      我不嬲好唔抵得頸d人連基本事實都搞錯的,不過既然傷港而家搞到咁既田地,就睇下呢筆早就要還的債是因為d人如何無知而累積返來,當笑下都好。

      //後生一輩又真係好少唔去做選民咁豬架wo喎

      佢睇樣都過30,唔會細我好多年,唔算好後生架嘞。

      刪除
    23. // 其實我唔明黃郁人點解好似好proud of四面樹敵咁...
      自戀, 佛爺話齋縮番去自己熟悉有安全感嘅環境, 例如睪丸

      刪除
    24. //我不嬲好唔抵得頸d人連基本事實都搞錯的

      最攞命係以訛傳訛,亂噏當事實.

      //佢睇樣都過30,唔會細我好多年,唔算好後生架嘞。

      咁嘅年紀應該飽受公民教育的洗腦,一早就政治覺醒咗.


      //佛爺話齋縮番去自己熟悉有安全感嘅環境, 例如睪丸

      果然係傳說中的「縮陽神功」.

      刪除
    25. 嘩,你呢度啲留言增長得好快,揾唔返自己嗰段咁滯...

      >咁點解你又要向現實低頭?

      人貴自知,能力有限,對世界有大改變,留返俾其他高人做啦;我只能盡力做好自己可以幫到個世界既嘢,例如一路有捐錢俾慈善機構,遲啲有時間咪去做吓義工。

      >如果無實際方法去address呢一個問題,咁就唔應該去行動,但係依家班黃C/有青就有理無理亂咁衝試咗先.

      我呢幾年睇講做生意既書又唔係咁喎;好少成功既生意係一開始就諗到一個必剎既生意模式,大部份係邊做邊改。你唔開始,就唔會知道要做啲咩/改啲咩。

      刪除
    26. 根據佛洛伊德嘅理論,黃郁民可能在嬰兒戒奶時,仍然想吮奶,但就被逼斷奶,導致成長後,口臭,經常罵人。我覺得佢仲有得醫,只要搵游小三幫手,同佢餵奶。一年半載之後,佢把口會變得彬彬有禮,向公眾宣佈:「吾魯莽以粗言穢語辱罵小三,今向她鞠躬致歉!」

      刪除
    27. // 正解。唔好以為大陸人乜都唔知,如果香港因為巷蜀而大規模混亂,人地唔會受煽動之餘仲只會心涼,反而令殺人政權的統治更穩定的。

      所以, 我早幾年就覺得, 根本香港就係一個試驗場. 老毛成日講, 實踐是檢驗真理的唯一方法!

      刪除
    28. 米:

      //我只能盡力做好自己可以幫到個世界既嘢,例如一路有捐錢俾慈善機構,遲啲有時間咪去做吓義工。

      其實我覺得捐錢/做義工唔能夠話無用, 但係如果以身作則(唔係好似班政棍咁)來感召其他人會仲好. 例如你唔想向現實低頭的話, go ahead, 做你覺得應該要做的事, 而唔係事後縮在一角將責任賴到「現實」身上.

      佛爺:

      //只要搵游小三幫手,同佢餵奶。

      唔係懷孕好難有奶架喎.

      Freelancer:

      //根本香港就係一個試驗場.

      做實驗來有乜用呢? 又唔係用來收回寶島?

      刪除
    29. 米:

      //我只能盡力做好自己可以幫到個世界既嘢,例如一路有捐錢俾慈善機構,遲啲有時間咪去做吓義工。

      其實我覺得捐錢/做義工唔能夠話無用, 但係如果以身作則(唔係好似班政棍咁)來感召其他人會仲好. 例如你唔想向現實低頭的話, go ahead, 做你覺得應該要做的事, 而唔係事後縮在一角將責任賴到「現實」身上.

      //
      我呢幾年睇講做生意既書又唔係咁喎;好少成功既生意係一開始就諗到一個必剎既生意模式,大部份係邊做邊改。你唔開始,就唔會知道要做啲咩/改啲咩。

      做生意贏輸都係自己(或認同自己的partners/investors),所以可以勇往直前,試咗先再改;搞政治贏就自己,輸就連無相關嘅人都牽連在內,唔能夠將其他人都拿來做實驗品.

      佛爺:

      //只要搵游小三幫手,同佢餵奶。

      唔係懷孕好難有奶架喎.

      Freelancer:

      //根本香港就係一個試驗場.

      做實驗來有乜用呢? 又唔係用來收回寶島?

      刪除
    30. // 做實驗來有乜用呢? 又唔係用來收回寶島?

      試行民主制. 如果可行嘅, 國內自然會推行.

      刪除
    31. 睇唔到明顯誘因推行民主... 民主選舉(無論係真定係假普選)都係利是餅:請得你食,就要請哂所有人食.

      刪除
    32. 西方一些不育夫婦、中年夫婦、身體健康不適宜生育的女性,他們領養嬰兒前,希望餵哺母乳,男伴就會為她每天定時吸吮乳頭和擠乳,大約三個月時間,就可以吸出乳汁,跟著便可收養嬰兒了。但這幾乎是全時間工作,因每隔兩三小時就要吸吮十分鐘。

      刪除
  8. 亡國卿輸左真係冇得賴, 好多中資公司係背後已經做左好多手腳, 我自己當日都收到公司電話"建議"我投4號同806, 唔係吹水,我立刻回應"收到收到", 不過, 本身自己住係舊區, 已經多蛇蟲鼠蟻, 唔想多隻鼠王,另外我揀左功能組別,幫唔到亡國卿┐><┌
    老老實實, 你叫我投咩就投咩, 真係當我傻的嗎??? 我估佢地都係想吸啲冇獨立思考的游離選民,btw, 頂爺同容麻麻入左去,下屆應該好多笑片睇

    回覆刪除
    回覆
    1. //亡國卿輸左真係冇得賴

      所以佢係「亡國卿」,「公卿」個「卿」.

      // 我估佢地都係想吸啲冇獨立思考的游離選民,

      豬先係大多數.

      //容麻麻

      我記得睇有線,有一段訪問係要各候選人講出「自己邁過最大的大話」...容恩恩話「我講過最大的大話嘛...咪係話自己靚囉!」 XD

      可惜我一時搵唔返段片...

      刪除
    2. // 老老實實, 你叫我投咩就投咩, 真係當我傻的嗎???

      老老豆豆啦, 佢哋都知咁做唔WORK, 點解仲要做? 真係當佢傻的嗎?

      刪除
    3. 你呢句留言好鬼「碎片化」,我唔識覆 XD

      刪除
    4. 亡國卿其實又真係投唔落. 佢嘅論述, 對住啲高學歷嘅對手,或者選民, 只係會顯得無力和重複而已.

      刪除
    5. 建制派一向弱點都係論述,老一輩人係差啲呢點我接受,可惜新人如頂爺都係咁貨色就真係唔掂.

      刪除
    6. // 你呢句留言好鬼「碎片化」,我唔識覆 XD

      我嘅意思係, 其實嗰邉啲人都唔係傻嘅, 呢個方法, 大家都無法保證有效, 點解仲要做, 同埋授人話柄呢?

      刪除
    7. //曾鈺成論述 ok

      學蝦餃話齋,佢地傷港王金平嘛。

      //大家都無法保證有效, 點解仲要做, 同埋授人話柄呢?

      我兩個舅父未退休前都在中資銀行工作,都係有上司叫佢投XXX。我都問過佢地,話可以唔聽話架,點知佢地都係話寧可相其有,反正又唔係唔投YYY唔得,無謂違逆意旨,便依言去投XXX吧。

      刪除
    8. //我嘅意思係, 其實嗰邉啲人都唔係傻嘅, 呢個方法, 大家都無法保證有效, 點解仲要做, 同埋授人話柄呢?

      因為佢地有班冇政治立場而且死忠既下屬, 可能你會覺得唔可信, 但事實係發生緊,
      http://www.hk01.com/%E7%AB%8B%E6%B3%95%E6%9C%83%E9%81%B8%E8%88%89/40676/-%E7%AB%8B%E6%9C%83%E9%81%B8%E6%88%B0-%E4%B8%AD%E8%B3%87%E6%A9%9F%E6%A7%8B%E5%93%A1%E5%B7%A5%E7%88%86%E6%96%99-%E5%85%AC%E5%8F%B8%E5%88%86%E6%89%B9%E5%8F%AC%E5%85%A5%E6%88%BF-%E6%8C%87%E5%B0%8E-%E6%8A%95%E7%A5%A8-

      刪除
    9. //因為佢地有班冇政治立場而且死忠既下屬, 可能你會覺得唔可信, 但事實係發生緊,

      同我阿媽同舅父一樣, 就算明知投邊個唔會有人知,但人地叫到,無理由唔跟,反正佢地無乜preference。

      刪除
    10. 其實最緊要咁樣有無犯法。

      如果無叫你拍照核實投左邊個,咁最多只違返「選舉廣告」條例...但戴當家唔係都公開叫人配票咩?

      刪除
    11. // 無理由唔跟
      講個信字架嘛

      // 戴當家唔係都公開叫人配票咩
      寫在手掌上同印在腦海裏一樣啫

      刪除
    12. //拍照核實投左邊個

      拍照嗰個就真係犯法嘞!

      //戴當家唔係都公開叫人配票咩?

      照計佢係推薦,走咗邊條法律罅就真係未能深究...

      //寫在手掌上同印在腦海裏一樣啫

      Clockwork orange

      刪除
  9. 怪醫其實有無連任?佢真係對得住自己選民,保護醫生權益。

    回覆刪除
    回覆
    1. 我尊重佢嘅立場,不過只係希望佢做嘢「文明」返少少,配合返自己個身份咁啫。

      怪醫無去參選。

      2016年香港立法會選舉 5 不再競選連任之議員

      刪除
    2. 其實我覺得如果個個議員都似怪醫咁為選民做事,可能宜家既環境會更好。

      刪除
    3. 另一方面講, 怪醫的poker face也可以解讀為唔怕得罪non-target audience,傷港就係無人有呢份堅持。

      刪除
  10. //班有青自然會去搞農耕,海水化淡,能源自給自足...到時嚇到班怪獸嘉獎通通移民, 樓價大跌, 有青自然飲得杯落.

    細個睇TBB膠劇,以為古代用磚築城,點知後來才知強如唐代,京師長安城(大過鴨脷洲少少?)都只能用夯土建造,當年未有煤,造磚要靠燒柴,盛唐都消費不起。

    香港六百萬人(另外果百三萬唔計架喇到時),想搞農耕自給自足,係咪要畝產萬斤,戶戶衛星田?32.5 一個鐘最低工資,一斤菜要賣幾錢好呢?

    海水化淡,起緊啦,建成後夠5-10%用量,起多幾座咪得囉....用大陸貨都要92億 (咁錢同地呢?)

    //黃毓民..講真,佢有文化背景,有才學之人

    冇氣量,冇品果度死。

    回覆刪除
    回覆
    1. // 細個睇TBB膠劇,以為古代用磚築城,點知後來才知強如唐代,京師長安城(大過鴨脷洲少少?)都只能用夯土建造,當年未有煤,造磚要靠燒柴,盛唐都消費不起。

      時代科技進步,不可同日而語

      // 香港六百萬人(另外果百三萬唔計架喇到時),想搞農耕自給自足,係咪要畝產萬斤,戶戶衛星田?32.5 一個鐘最低工資,一斤菜要賣幾錢好呢?

      本地供應的確有難度

      // 海水化淡,起緊啦,建成後夠5-10%用量,起多幾座咪得囉....用大陸貨都要92億 (咁錢同地呢?)

      呢樣我覺得值得起, 總不能夠因為困難就唔向前行, 另外大型基建,保養維修工作可養活好多家庭

      刪除
    2. 學太空人 尿液循環再用 自給自足 夠環保未

      刪除
    3. //冇氣量,冇品果度死。

      惱羞成怒,方寸大亂.

      //香港六百萬人(另外果百三萬唔計架喇到時),想搞農耕自給自足,係咪要畝產萬斤,戶戶衛星田?32.5 一個鐘最低工資,一斤菜要賣幾錢好呢?
      //呢樣我覺得值得起, 總不能夠因為困難就唔向前行, 另外大型基建,保養維修工作可養活好多家庭

      一陣又俾人話係大白象工程.


      //尿液循環再用 自給自足 夠環保未

      《127小時》, 斷臂自救.

      刪除
  11. // 結果魔術師事前都未諗過,竟然會投咗亡國卿!
    君王便回答他們說:我實在告訴你們:凡你們對我這些最小兄弟中的一個所做的,就是對我做的。

    回覆刪除
    回覆
    1. //然後他又對那些在左邊的說:可咒罵的,離開我,到那給魔鬼和他的使者預備的永火裡去罷!

      國師:XXX要落地獄!

      刪除
    2. // 熱普城
      熱抱城夜總會

      // 條友又洗唔洗嚇到退group呀LOL
      // 黃C就係咁,又要威又要戴頭盔,敢做唔敢認.
      你踩到黃C佢 DLLM, 黃C 踩到你叫你唔好咁認真

      // 「換特首」的hidden agenda就是「我要做特首」.
      // 可惜要40歲才可以做垃圾會主席,否則一定支持游小三去做
      遲早 J 姐選特首你睇

      // 著住件背心仔彎低腰叫人肅靜...
      造比肩黎改用五塊星形布還多出兩塊來

      // 只係泛民的綑綁思維更嚴重
      老譚在前, 老涼在後...推

      // 不乏視醫德如無物的「醫生」嘅
      送塊「正大光明」俾佢

      // 曾鈺成論述 ok
      咁佢幾時返去做主席哩啲瑣碎工作?

      // 問題是搞的中途會整亂晒自己屋企,甚至引起火災
      佢地就係要引老解出黎, 偏偏老解只會交番俾城管

      刪除
    3. //你踩到黃C佢 DLLM, 黃C 踩到你叫你唔好咁認真

      核心價值.

      //造比肩黎改用五塊星形布還多出兩塊來

      唔似里約奧運用錯旗,今次每粒星的角都指住丹田(即子宮)位.

      //佢地就係要引老解出黎, 偏偏老解只會交番俾城管

      學領展(00823.HK), 都係外判啫.

      刪除
    4. // 學領展(00823.HK), 都係外判啫.
      家長將教育子女外判左俾社會

      「民生書院的本土關注組表示,有學生向同學派發宣傳港獨的物品後,校方要求同學不要給予校方麻煩,又要求不要用校名作公開宣傳。
      多間中學及大專本土關注組發表聯合聲明,指若再有學校打壓同學,會將行動升級,但不便透露行動。」

      刪除
    5. 鄉大嬸早搖以國歌侮辱豎周仔喎!

      信報 2016年9月6日

      中大理大聲明 絕不支持港獨
      香港中文大學昨早舉行開學禮,校長沈祖堯出席典禮後被問及有關港獨問題時明確指出,大學不贊成港獨。

      中大發聲明表示,絕不支持港獨,盼學生交流意見時必須和平理性、互相尊重、遵守法律,以及為自己的言行負責。

      沈祖堯昨天上午出席開學禮時強調,中大不贊成港獨,非以利益為主要考量,而是按《基本法》為依據。至於學生能否在校園內派發涉及港獨議題的宣傳品,他認為須按情況決定,而大學一向支持捍衞言論和學術自由,大學成員可以就不同課題討論。

      對沈祖堯之言,的中大學生會會長周竪峰回應稱,沈祖堯所重申的立場雖可接受,但校方在敏感時刻作評論是火上加油。至於校方視乎情況決定學生能否宣傳港獨,他形容是保留秋後算賬權利,做法不當。

      周竪峰認為法律是為人民服務,當法律不再符合人民的福祉時,人民便有權要求修改,不應被《基本法》束縛;他又對在開學禮上播國歌感到侮辱,認為是「在一個莊嚴場合被迫向欺壓我的國家行肅立禮,我也有問新生有沒有同一份受辱感覺。」周竪峰又說,會視乎人手及時間,考慮籌備論壇討論港獨。

      另外,理大昨亦發聲明表示,《基本法》清楚列明香港是中國不可分離的一部分,反對一切違法行為。

      刪除
    6. // 國師:XXX要落地獄!
      陣間國興做左江華副手, 搵十九幾萬一個月, 果班餐肉 bully 黨又要自摑了

      刪除
    7. 係喎, 仲可以行江華條舊路!

      刪除
    8. // 塗梗身前妻春花園跟左個村巴司機走佬,後尾娶過第二個仲生埋,當然唔想重蹈覆轍。
      反而塗滾身對兜風耳越發嚴重, 成個豬八戒咁

      刪除
    9. 咦,我又未學過蘇師父咁睇法喎!

      http://www.masterso.com/classroom/classroom6_2_04.php

      四 . 兜 風 耳

      耳 朵 位 置 並 不 與 頭 骨 緊 貼 , 反 而 像 兩 個 雷 達 插 於 頭 的 兩 側 。

      這 種 耳 朵 的 人 少 年 時 遭 遇 極 為 極 端 , 一 就 是 出 生 很 窮 的 家 庭 ; 一 就 是 出 生 富 足 , 且 家 人 對 其 寵 愛 有 加 。

      這 種 耳 形 思 想 新 潮 、 作 風 大 膽 , 每 每 憑 個 人 喜 好 而 行 事 , 所 以 如 出 身 貧 窮 , 其 特 質 會 令 到 他 踏 上 成 功 之 路 ; 但 如 出 生 富 足 , 則 一 般 都 是 俗 稱 之 為 敗 家 子 。

      刪除
    10. // 反而塗滾身對兜風耳越發嚴重, 成個豬八戒咁

      入到美使館, 俾人擰耳仔.....

      刪除
    11. 老師教落,得閒按摩耳仔嘅穴道,例如拉下耳珠咁, 可以令人容光煥發.

      刪除
    12. // 著住件背心仔彎低腰叫人肅靜...//

      小三飛吻

      https://youtu.be/5An1TL1zvhQ

      http://sina.com.hk/news/article/20160907/1/8/1/%E5%81%BD%E8%AC%9D%E7%A5%A8-%E7%B6%B2%E5%8F%8B%E6%88%AA%E5%9C%96-%E6%B8%B8%E8%95%99%E7%A6%8EKISS-KISS%E8%AC%9D%E7%A5%A8-6273819.html?cf=hp-hilite

      亞力士

      刪除
    13. 「卸咗妝後仲認得叫做化妝,認唔嘅叫做喬裝,化妝叫make up,女人唔單止俾個make up 你睇,仲要俾埋個making of你睇」

      妄民大獲全勝喇!

      刪除
  12. D!小L老C竟然當選。本來覺得佢諗野柒,但都仲敬佢係有心人。但佢真係令我好失望...話冇申報$10攪到保你大要紀律聆訊個單野冇左下文既??? 扮被欺壓既政棍有時真係更乞人憎。

    回覆刪除
    回覆
    1. //話冇申報$10攪到保你大要紀律聆訊個單野冇左下文既??? 扮被欺壓既政棍有時真係更乞人憎。

      傷民最鍾意扮中剷,核心價值係人文精神,「鋤強扶弱」, 有責任去改革,所以扮弱者有著數.

      又,好似話毒果日日撐小L老C, 唔知道第日「免供退保」走數時會唔會狙擊佢呢?

      刪除
    2. 最正都係早前奧運, 李宗緯對林丹, 唔記得D100定熱血報, 有條旦散話一定支持李宗緯, 原因係要「鋤強扶弱」, 小L老M, 條旦散真心膠唔知道李宗緯係世界第一, 再講, 李宗緯洗L你條旦散扶?

      「免供退保」數已走, 推落義工到話佢整錯, 唔知投左票俾佢既人, 可唔可以話佢投錯收返當無數?

      刪除
    3. //「免供退保」數已走, 推落義工到話佢整錯

      https://www.facebook.com/siulai.hk/posts/654665984710448

      不過我唔係好信個解釋囉!

      又,睇下「當選之後捐一半人工」會唔會走數。

      刪除
    4. //最正都係早前奧運, 李宗緯對林丹, 唔記得D100定熱血報, 有條旦散話一定支持李宗緯, 原因係要「鋤強扶弱」, 小L老M, 條旦散真心膠唔知道李宗緯係世界第一, 再講, 李宗緯洗L你條旦散扶?

      哈哈,呢段真係睇到我笑左!

      其實佢咁講最侮辱林丹,一個同佢鬥足一世互相推動既人竟然係弱者!不過寫果個都係體育盲,識x呢d gag位咩!

      刪除
    5. //有條旦散話一定支持李宗緯, 原因係要「鋤強扶弱」

      鋤「強國」?

      //免供退保」數已走, 推落義工到話佢整錯,

      義工真是好東西.

      //又,睇下「當選之後捐一半人工」會唔會走數。

      完全無視咗佢, 咁又講過啲咁嘢?

      D, 乜呢件粉絲可以咁肉麻!

      毅龍戴 錯左,認,然後堅持用翻正確的方法做,而且一直做下去,不管是不是選舉,日子有功,只要目標一致,同路之人總會理解,見著妳由街頭教室一路走來,絕對相信妳是堅毅不屈之人
      讚好 · 回覆 · 86 · 9月3日 18:53

      //其實佢咁講最侮辱林丹,一個同佢鬥足一世互相推動既人竟然係弱者!不過寫果個都係體育盲,識x呢d gag位咩!

      講起髒育盲,球千仞今日轉死性唔撐大笨土意識...

      信報 2016年9月6日

      球千仞 場內場外
      禁區範圍 朗尼勿進
      立法會選舉的結果令人欣慰,熱狗派只得鄭松泰當選,可見年輕人並不盲目,希望有個理性的社會。英軍周日晚在首場歐洲區世盃外作客斯洛伐克,在對手少打1人下憑拉爾拉拿(Lallana)補時入波贏1比0,但隊長朗尼(Rooney)的表現卻為人詬病。

      朗尼之前已大發狂言,稱2018俄羅斯世界盃決賽周後退出國家隊,盡顯其狂妄和不知進退;今夏歐國盃決賽周表現已不濟,周日世盃外對斯洛伐克再次敗家。這位隊長擔任4231中的進攻中場一職,但全場均遠離大禁區,既支援不了單前鋒哈利卡尼(Kane),也無助中場組織。

      朗尼太自戀

      不少網友都邊看這場大戰,邊關注立法會的點票形勢,但仍忍不住批評英軍打法走回頭路;阿仙奴名宿李迪遜(Dixon)等評述時也批評戰術單調,靠中堅大腳踢向前場,連控波、傳波都做不好。朗尼理應協助組織攻勢,但卻經常出現在防中位置。

      朗尼已膨脹到自比美斯(Messi)了,但對方在巴塞扮演的自由人,既能長程突破入禁區攻門,又能與隊友配合入滲,這位肥佬卻毫無爆發力。領隊艾拿戴斯(Allardyce)賽後貫徹「大儍」作風,「不是我讓他打什麼位,他可自由走動。」《太陽報》聞言馬上批評朗尼自把自為。

      朗尼也不否認:「你給我聽好!是我為英軍披甲,我是球隊的隊長,我自覺今晚打得很不錯!我很開心!」「大儍」也把球隊100%交託給朗尼,「我覺得他的國際賽經驗比我還豐富,他也贏盡球會的錦標,他能用自己的經驗帶領球隊!」這簡直是比港獨還要荒謬的言論!

      朗尼曾幾何時能帶起整隊波?他何時是美斯、基斯坦奴朗拿度(Ronaldo)的級數!艾拿戴斯怎會儍得如此徹底?英足總選帥時何以如此糊塗?曼聯領隊摩連奴如何評價朗尼?「也許大家覺得他不再是前鋒或9號仔,但在我看來他根本不會是6號球員!不可能遠離禁區50米!」

      大儍太天真

      摩帥把朗尼看成影子前鋒,應利用經驗和射術,在中鋒身邊支援,等機會一劍封喉。朗尼的體能和速度,已不足以應付粗重的防中,出波慢也起不到鋪橋搭路的工作,更不能在前線衝鋒陷陣!今仗英軍表現之差,即使在對方中堅史卡迪爾(Skrtel)領紅牌出場後,也未見似樣組織。

      64分鐘,熱刺中場迪利阿里(Alli)入替佐敦軒達臣(Henderson),為卡尼供應彈藥,朗尼移後與艾歷迪亞(Dier)組雙防中,雖然阿里用突破和短傳威脅對方,但球隊整體戰術未能配合,效果乏善足陳,至補時階段才由拉爾拉拿射入奠勝球。

      球星和政治人物都要看清大勢,千萬別阻住世代交接,朗尼此刻應淡出英軍的大舞台,像田北俊、梁家傑那樣,為年輕一代站台支持,惟有這樣才能發揮餘熱。

      刪除
    6. //完全無視咗佢, 咁又講過啲咁嘢?

      老實講,唔係勉強叫做識佢,我都唔會留意佢D野。
      https://www.facebook.com/D100HK.M/photos/a.287105994734995.60822.287013041410957/1025244624254458/?type=3&theater

      刪除
    7. // 最正都係早前奧運, 李宗緯對林丹, 唔記得D100定熱血報, 有條旦散話一定支持李宗緯, 原因係要「鋤強扶弱」, 小L老M, 條旦散真心膠唔知道李宗緯係世界第一, 再講, 李宗緯洗L你條旦散扶?

      最攪笑係, 李宗緯都無忘記自己都有中國血統, 都有唱中國國歌啊. 啲人膠到呢.....

      刪除
    8. //老實講,唔係勉強叫做識佢,我都唔會留意佢D野。

      社企? 十萬人工一個月,拎一半出來可以搞到啲乜生意?

      // 李宗緯都無忘記自己都有中國血統, 都有唱中國國歌啊

      笨土只係講意識形態 - 唔係睇對方的意識形態係乜, 而係睇自己主觀認為對方身意識形態係乜.
      此之謂 perception is their reality.

      刪除
  13. "黃毓民大動肝火炮轟多人,更於facebook拍片粗口大罵游蕙禎「乜X都唔識」。"

    哈哈佢嬲黎都冇用啦,根據高登仔既definition, 其實一出世有j的就已輸咗㗎啦XD

    回覆刪除
    回覆
    1. // 「乜X都唔識」
      J姐乜X都識, 係唔識佢果條, 得唔得?

      刪除
    2. 俾個乜X都唔識的小三擊倒,黃郁人仲好意思咁大聲?

      刪除
    3. 我唔信小三乜X都唔識, 學林衣衣話頭, 點都會識黃台瓜個條.

      亞力士

      刪除
  14. 新東選區
    為咗對抗黃絲
    只好投黨唔投人,乖乖聽從配票,投咗俾容大狀同周大狀
    每論呢兩條友喺選舉論壇表現得多麼不堪入目

    點解阿爺唔喺香港攪香港共產黨呢
    咁我就唔使煩了

    回覆刪除
    回覆
    1. 好多人邊會花咁鬼多時間看沉悶的選舉論壇

      這個世代選新人就是看臉 容大狀靠臉就得

      刪除
    2. 因為賤仔的擺明配票策略,我在港島是完全見唔到頂爺的任何海報,只有李美人(真係一張都無!呢樣紀律性不得不服).

      不過大欖隧道轉車站果張同涼至長既大海報真係影得頂爺幾型仔下

      刪除
    3. // 不過大欖隧道轉車站果張同涼至長既大海報真係影得頂爺幾型仔下
      的士青馬撞瓜收費員都貼左佢張大海報

      刪除
    4. //點解阿爺唔喺香港攪香港共產黨呢

      有人問曾前主席係咪黨員,佢都仲係支吾以對.

      //好多人邊會花咁鬼多時間看沉悶的選舉論壇

      我一集都無睇過.

      //我在港島是完全見唔到頂爺的任何海報,只有李美人(真係一張都無!呢樣紀律性不得不服).

      「就連貼海報,都唔可以有自由意志!」

      //不過大欖隧道轉車站果張同涼至長既大海報真係影得頂爺幾型仔下
      //的士青馬撞瓜收費員都貼左佢張大海報

      掛住睇頂爺...

      刪除
    5. 功能組別我有睇, 新西真係頂唔順...浪費我時間

      所以, 我重申, 選舉論壇要谷收視, 就要條條女都事業心重, 最少都要好似果個低能咁問小三:「果100粒偉哥係唔係同你用?」

      刪除
    6. //選舉論壇要谷收視, 就要條條女都事業心重

      最弊10個有9個都係墮lin娜...

      刪除
    7. //所以, 我重申, 選舉論壇要谷收視, 就要條條女都事業心重, 最少都要好似果個低能咁問小三:「果100粒偉哥係唔係同你用?」

      個個都抽水, 個個都玩政治

      刪除
    8. 玩政治 係要high on rhetoric,呢樣嘢郁人超哂班,小三拍馬都追唔上。

      刪除
    9. 幾得意...

      http://www.hkgolden.com/articles/article.aspx?id=23015

      刪除
  15. //能源自吸自足//
    就算做得成,咁就要獨立㗎啦咩?咁就獨立到㗎啦咩?

    //看來游小三都係要穿低胸小背心出場//
    不是性感就靚女的。

    //唔使再見到李呃人,不過鄭蟲蟲就入局搵到份新工升職兼加薪,真係激氣//
    冇錯。不過食得鹹魚坻得渴,民主社會多豬唯有忍下。

    //L老C、游小三、羅37等,又睇下佢地有乜JJ新症可剌激到一眾港豬,令其覺醒囉!//
    選呢班騎尼怪同脫勾意味一樣,發晦氣就倒後行。They don't know what they're doing.

    //「民眾所喜歡的並非自主性的思考及隨之產生的責任,而是命令、服從及責任免除。⋯⋯專制政治則不然,民眾不願自我反省,而喜歡偷偷且不需負任何責任地大肆抨擊為政者。」
    大部分人在人面前都冠冕堂皇大義凜然,只攪形象,而背後的實力就不必花心機,以形象頂住。

    //有料之人//
    有料都可以賤格㗎!睇下啲學者!學者喎!

    //這是價值觀的分岐//
    算吧啦!用 $200 買咗杯超難飲 expresso。Type A 人會飲埋佢,Type B 人立刻停飲冇謂貼錢買難受。Type A 係有唔同嘅價值觀定 7 咗? XD XD XD 佢實話係價值觀咯!
    況且呢個關乎 1. 可唔可行 2. 點樣實行
    呢啲係需要 knowledge,而唔係坐响樹 up up 頭拍拍手掌聲鼓勵,口噏噏咩理想咩價值觀囉!
    攪咁多嘢,然後又番去 square one:Why the fxxk we want to go independent? Because someone has a fxxking dream?

    //影響到其他人都無所謂//
    而家唔止影響,而係剝奪其他人嘅權利去爭加籌碼,係勒索!

    //農耕自給自足,係咪要畝產萬斤,戶戶衛星田//
    工廠式機械化耕作。
    再遲啲 3D 機印出嚟!
    不過,邊個 pioneer 呢又?

    //另外大型基建,保養維修工作可養活好多家庭//
    車會自動駕駛,維修有機械人,咩最低工資,最高工時可以慳番!
    李呃人早啲收皮係好事!

    大陸買新鮮菜,早上 order 下晝收貨,market 大,幾蚊雞都照執,集埋集埋一樣有肉食!麥記,炸雞都新鮮好食過香港。咩大公司大機構唔响中國插旗?除咗中國 kick it out 嗰啲。試新科技有市場。你咪獨立囉!快啲去死冇眼屎乾淨盲!你要鬥氣扭計,人哋根本忙到唔 duck hen 啋你!Who are you? 不過一個租霸!同下下叫 CY 落台一樣。不過係一開波 CY 冇當飯民 尊貴嘅 VIP,唔同飯民玩小學雞俾面浱對 social。飯民嬲嬲豬,以為自己真係好把砲,玩 bully 玩過咗籠,玩到鬥阿公玩殘自己!然後又係面子問題收唔到科!死撐!

    回覆刪除
    回覆
    1. //能源自吸自足//
      //就算做得成,咁就要獨立㗎啦咩?

      能源自吸自足係獨立的必要條件,而唔係充份條件.

      //不是性感就靚女的。

      小鮮肉總好過依家垃圾會裡面班阿嬸.

      //They don't know what they're doing.

      They know voters will vote for not knowing what they are doing.

      //而背後的實力就不必花心機,以形象頂住。

      因為選戰唔係打仗, 輸咗走數唔使輸命. 如果好似古時春秋戰國, 吹水怪領兵打仗就只會被人坑殺.

      //Why the fxxk we want to go independent? Because someone has a fxxking dream?

      因為人地無dream 肯出聲, 而你無 dream (或唔肯出聲) 所以你就被代表了, that's why 佔派係誰也不服誰,一旦出少句聲就被人牽住鼻子走的了.

      //係剝奪其他人嘅權利去爭加籌碼,係勒索!

      係剪徑大盜

      //再遲啲 3D 機印出嚟!

      印出來都要material, 不會從空氣裡變出來的吧?

      //不過係一開波 CY 冇當飯民 尊貴嘅 VIP,唔同飯民玩小學雞俾面浱對 social。飯民嬲嬲豬,以為自己真係好把砲,玩 bully 玩過咗籠,玩到鬥阿公玩殘自己!然後又係面子問題收唔到科!死撐!

      689未上台就被販民叫下台, 梗係唔俾面喇.

      刪除
  16. 魔術師先生, 你篇文 excel cap 圖有兩張新界西. 葛珮帆那係新界東啊.

    桑葉

    回覆刪除
  17. 好多,又搭下咀先。

    //民主選舉其實根本就唔WORK. 所有叻嘅人, 領導者, 都係打出嚟, 唔係吹出嚟. 可惜,民主選舉偏偏就係用吹出嚟呢個方法去揀, 點會揀到好嘢.....香港自求多福吧

    「在人類的歷史上原本就沒有永久的和平。所以我也不會有如此的期許。但是卻可能會有數十年和平的歲月。如果說我們必須為下一代留下某些遺產的話,我想和平 就是最好的禮物。而把前一代遺留下來的和平維持下去,那就是下一代的責任了。如果每一代的人都能夠牢記自己對下一代的責任的話,那麼大概就能保持長時間的 和平吧。如果忘記了過去的教訓而把先人的遺產坐吃山空,那人類就得再從頭開始了。也好,那也不算是壞事。」-- 《銀河英雄傳說》黎明篇 第五章 伊謝爾倫要塞攻略戰

    我以前真係唔明呢段野,不過依家睇住香港個局。哦,原來如此。

    //只能由「可信的精英」選出,而唔係豬一樣的民眾,而如果現在的統治者就是「可信的精英」,由佢去欽點無問題, 即係類似古時的襌讓制度...

    美帝總統都係間選出來,但係啲精英呢,缺乏「可信」呢2個字囉!

    //佢係唯一一個我覺得值得尊重嘅泛民人..... 講真, 叫佢泛民人, 有啲貶低咗佢.

    我係啲熱狗面前都係咁講,佢係泛民入面最有料嘅,跟住就「隱惡」啦!跟住講多句,公民袋完全冇理念。

    //當年新加坡係被迫獨立, 咪攪錯啊.

    在不斷變化的環境中,新加坡的總體戰略是,確保即使搭上中國非凡的經濟成長列車,也不切割與世界其他國家的聯繫,尤其是美國。-- 《李光耀觀天下》第2章 美國 p.79
    班有青後邊句做足,前邊句冇咗。
    新加坡的軍隊經常去美國本土訓練,其實好清楚新加坡的本質係點。

    //所以, 我早幾年就覺得, 根本香港就係一個試驗場. 老毛成日講, 實踐是檢驗真理的唯一方法!

    同感。03年前香港係一個窗口,而呢個窗口係雙面的,既係俾歐美觀看中國的一個渠道(尤其是落實所謂的一國兩制),亦是中國接觸外界的其中一個接觸點。但03年之後,變成示範所謂的民主選票制度的優劣。現在問下內地,除咗公知之流,仲有幾多係向往所謂的選票制度?

    //做實驗來有乜用呢? 又唔係用來收回寶島?
    //試行民主制. 如果可行嘅, 國內自然會推行.

    現在香港的管治亂象,就是收回台灣時要考慮的情況,武統台灣已經在內地有不少的討論,其中一個觀點,收回唔難,但管治是大問題。
    唔太肯定,但據說在村委層次試行過一人一票選村委,但買票賄選嚴重,又或者選出來的能力不足,根本無法治理。

    //學蝦餃話齋,佢地傷港王金平嘛。
    03一役,佢變咗做「選舉動物」,所言所行都係選票導向。同埋好多年前,已經話佢其實好想做「突手」

    //係喎, 仲可以行江華條舊路!
    劉先生幾討厭佢,不過以佢酷吏之人,先治得到班公墓員,暫時佢的工作比佢上一任做得好。

    回覆刪除
    回覆
    1. //我以前真係唔明呢段野,不過依家睇住香港個局。哦,原來如此。

      有人話香港60年大運就嚟行完...如果由1967年計,唔,應該差不多了。

      //新加坡的總體戰略是,確保即使搭上中國非凡的經濟成長列車,也不切割與世界其他國家的聯繫,尤其是美國。-- 《李光耀觀天下》第2章 美國 p.79
      //班有青後邊句做足,前邊句冇咗。

      星洲位處馬六甲海峽中心,系“萬能插蘇”,加埋地緣政治,根本與萬國聯繫一定是主菜;香港價值就是位處珠江口,地理上已注定主菜是作為萬國與中國之間的hub--革命只能放棄這個價值,而不能改變這個地理位置,正如革命不能令香港鑽出石油。

      //現在香港的管治亂象,就是收回台灣時要考慮的情況,武統台灣已經在內地有不少的討論,其中一個觀點,收回唔難,但管治是大問題。

      所以要繼續出口多d《小蘋果》...

      習帝主力搞軟實力,唔系玩玩下的.

      //唔太肯定,但據說在村委層次試行過一人一票選村委,但買票賄選嚴重,又或者選出來的能力不足,根本無法治理。

      買票賄選呢樣嘢,同阿差一樣。

      我記得唔知邊條右膠定左膠講過,阿差雖然勁貪污,但仲好過蝗國多多聲,話買票賄選最尾都系選民收錢,受益都系人民喔...


      刪除
    2. //跟住講多句,公民袋完全冇理念。

      佢地只係為反而反.

      //確保即使搭上中國非凡的經濟成長列車,也不切割與世界其他國家的聯繫,尤其是美國
      //班有青後邊句做足,前邊句冇咗。

      後面嗰句呢, 美帝都唔係認真理會佢地吧?

      //所以, 我早幾年就覺得, 根本香港就係一個試驗場
      //但03年之後,變成示範所謂的民主選票制度的優劣。現在問下內地,除咗公知之流,仲有幾多係向往所謂的選票制度?

      調轉來想,就係故意搞衰我城, 讓蝗民得知民主選舉的可笑, 更加能夠鞏固政權.

      //其中一個觀點,收回唔難,但管治是大問題。

      天然獨嘛, 人心無可能回歸的.

      //如果由1967年計,唔,應該差不多了

      風水來說20年一個運, 2024年行下元九運, 2044年 就返去上元一運了. 時近「二次前途」死線, reset 從頭開始其不出奇.

      //正如革命不能令香港鑽出石油。

      http://paper.wenweipo.com/2016/08/31/HS1608310039.htm
      游蕙禎昨晨在電台選舉論壇上,被其他候選人圍攻,不知她是否知道自己理虧,顯得毫無招架之力。民主黨候選人黃碧雲首先揶揄她的政綱竟提倡「透過開發香港專屬經濟區內的天然氣」,令香港可以在能源方面「自給自足」,質問她是否要香港年輕人去南海開採天然氣,「游蕙禎你係咪諗住叫香港年輕人去南海開採天然氣呢?投奔怒海開採天然氣?呢個係你政綱嚟㗎,游蕙禎。我想問香港邊度有專屬經濟區,邊度有天然氣可以開發?」游蕙禎選擇拒絕回應。

      //仲好過蝗國多多聲,話買票賄選最尾都系選民收錢,受益都系人民喔...

      蝗國人鍾意做agency嘛,大判收賄款後抽水再分丁咁多俾村民做嘢。

      刪除
    3. 摩摩: // 我記得唔知邊條右膠定左膠講過,阿差雖然勁貪污,但仲好過蝗國多多聲,話買票賄選最尾都系選民收錢,受益都系人民喔...

      信嗰個真係真心膠.

      刪除
  18. 請問那裏可以download 2016 Legco Election Excel file like above ?

    回覆刪除
    回覆
    1. 官網copy 網頁table, 有名字有票數, 其餘自己table自已整.

      刪除
  19. 咁多位前輩好呀~返工真係唔好講得閒兩個字~
    上個月頭講過一次~就忙足成個月...因果報應,屢應不爽...

    我就最可恥O既港豬...連選民都唔係...
    原因好簡單~泛民一味反對搞民粹...我反對將利己主義包裝成民主自由...
    另一邊建制本來可以因為佔中呢類行為好好咁還拖...但係佢地選擇大綱係狙擊泛民...
    乜乜乜羸返香港...又點樣重回正軌....咁呢樣好難幫佢...
    雖然克勤當年真係冇回報地幫我救貓...但理性去睇禮義廉...其實都唔抵幫...

    想請教魔術師兄點解會揀新民...
    個人愚見~~二少其實都幾唔掂...雖然我D朋友話佢O係一地兩檢有提出解決辦法....
    但一地兩檢本來係偽議題~同機場禁區差唔多...根本冇必要去爭論...老實講~佢同做火車主席時期差唔多...
    容...唔靚...把聲唔得...唔出聲...
    孽瘤係少數有承擔O既官員...由AO到入境都見到...不過呢幾年差左...講多錯多....

    話題一轉...又可以講一講泛民班人O既假民主....
    有D舊同事~又係70後..自稱親眼目擊64O既一代....呢D人係撐傳統泛民上哂腦
    選舉日除左借D倚抽你水話你左仔之外~連小弟唔投票都唔放過...又咩愛國點點點...
    其實我唔投票咪就係幫左佢地law~反正我係唔會揀泛民....
    而家呢d自稱民主o既人好多都唔可以接受其他立場...扮哂講笑咁抽水...
    我一句~你班叔父係咪背住大婆投小三~跟住潛哂水....

    到選舉日之後~唔服輸o既仲勁~賴唔投票o既港豬...
    大佬~你棄選配票都輸仲有得賴...唔見佢地賴耶穌....
    跟住又黎果d~今日你唔行出黎~第時有事冇人幫你....
    確實~今日d流浪貓狗有事都冇人幫我~咁我點解要行出黎?
    跟住呢幾日又見巫婆~鄺低分果幾個牛鬼蛇神去抽nvp水...
    一日到黑為權利為錢嘈...都幾醜陋....

    回覆刪除
    回覆
    1. //雖然克勤當年真係冇回報地幫我救貓...但理性去睇禮義廉...其實都唔抵幫...

      蛇齋黨就係差在鬼鬼祟祟、乜都迴避一餐的形象,佢地缺乏一班能夠拋開顧忌(怕阿爺唔鍾意),有足夠口才以論述對論述跟販民鬥嘴,堂堂正正擊倒佢地嘅人,新人如狀棍搖、頂爺、容靚靚等都做唔到。

      //想請教魔術師兄點解會揀新民...
      //個人愚見~~二少其實都幾唔掂...

      唔揀販民,唔揀笨土,又唔揀啲貌似無乜學識嘅,查實無乜得揀:街工本來marginally okay,不過佢地倡議全民退保,No way;剩下的就只有狀棍搖、田二少、同...張闊太!答案很明顯了吧?

      //孽瘤係少數有承擔O既官員...由AO到入境都見到...不過呢幾年差左...講多錯多....

      可能年紀大咗,轉數無可避免地會下降。

      //而家呢d自稱民主o既人好多都唔可以接受其他立場...

      我一向都話港式民主係民主獨栽制。

      //到選舉日之後~唔服輸o既仲勁~賴唔投票o既港豬...
      //大佬~你棄選配票都輸仲有得賴...唔見佢地賴耶穌...

      依家有雷動苦主大聯盟...

      //今日你唔行出黎~第時有事冇人幫你..

      同「今日你唔歸依主,他日你就要落地獄」一9樣。

      刪除