2016年9月9日 星期五

「呢條女乜X都唔識!」

(公司部門內,一眾小妹多數是80尾或90後。)
小妹A:我地下個禮拜六去XXX(地方名)玩咯!
小妹E:好呀,去邊度集合。
小妹A:我地去馬料水集合,再搭的士去。
小妹Y:馬料水即係係邊?
魔術師:馬料水即係大學站,係鄉大,唔係藍大。
***
小妹E:哎呀,我張卡俾櫃員機食咗!
小妹Y:咁點算呀?
小妹E:我打咗電話去銀行架喇!
魔術師:你係咪提款呀?
小妹E:係。
魔術師:咁你有無攞到錢吖?
小妹E:攞咗。
魔術師:咁即係你有攞返張卡喇。而家啲提款機你一定要你攞返張卡先至會吐錢出來。
小妹Y:乜係咁嘅咩?我真係無留意...
***
(投票前數天)
小妹G:嗰個頭髮好亂的女人係乜水嚟架?
小妹Y:...陳肉哦?
小妹G:哇!係呀係呀!呢個女人好難頂。
魔術師:係地梗係無睇《城市亂彈》,佢次次都拎住個牌寫住「撐CY」的。
***
小妹E:我想投Wiki,同埋皇上。
小妹Y:乜你投到皇上咩?
魔術師:Wiki都係公報私仇啫。你不如投羅37,都係搞巷蜀。
小妹E:(不屑地)妖,傷港JJ!咁我投原嚟明囉,佢啲皮膚好靚。
小妹A:(望住某民調網頁,網頁只顯示名單中第一位候選人)乜佢有選咩?
小妹E:我都係鍾意投人力。
***
小妹Y:魔術師你住係邊個區架?
魔術師:我住屯門,屬新界西。
小妹Y:我住大埔,係咪都係新界西?
***
(投票後)
小妹M:結果我都係聽從配票指示,投咗鄺神。
小妹Y:嘩!小三贏咗黃郁,小L老C又贏。
小妹E:我最後投咗俾戲子陳,同埋逃緊生。
小妹A:(見李美人咁多票)李美人係忠定奸架?

44 則留言:

  1. 哈哈,魔兄你呢篇又遠沒我想像中震撼。我通常最唔抵得頸的是層層根據一些錯誤事實去推論並大放闕詞(記住「層層」是重點),但呢班妹妹仔好似通常第一層就斷左,佢地唔接落去而聽既人亦唔知點接落去!

    //
    小妹E:我想投Wiki,同埋皇上。
    小妹Y:乜你投到皇上咩?
    魔術師:Wiki都係公報私仇啫。你不如投羅37,都係搞巷蜀。
    小妹E:(不屑地)妖,傷港JJ!咁我投原嚟明囉,佢啲皮膚好靚。
    小妹A:(望住某民調網頁,網頁只顯示名單中第一位候選人)乜佢有選咩?
    小妹E:我都係鍾意投人力。
    //

    我懷疑呢位E仲停留係人力的「復刻版」:皇上仲係人力成員。
    另外「巷蜀」呢個話題對佢地可能太深,正如之前所言原來好多人撈亂晒「巷蜀」、「自決」、「自治」....
    至於講開政治好似好有選擇咁,突然一句牛頭唔搭馬嘴的「皮膚好靚」,俾我會當堂啞左,睇佢地平時講野都係咁的,係魔兄你先會同呢班人搭爹!佩服佩服

    回覆刪除
    回覆
    1. //我懷疑呢位E仲停留係人力的「復刻版」:皇上仲係人力成員。
      //另外「巷蜀」呢個話題對佢地可能太深,正如之前所言原來好多人撈亂晒「巷蜀」、「自決」、「自治」....

      妹妹仔們都係笨土fans,小妹E係會話「我最憎共慘黨」的,不過複雜啲嘅議題都係知啲唔知啲,連「蝗國歷史比傷港短」的歪理都唔識。

      又,今日 This is very 7 的 iPhone 7 開售, 妹妹仔們都拼命申請準備去炒(唔好短炒變長揸就好),小妹A就一個人抽咗8部,我講咗句:「咁同走水貨有乜分別?」

      無人出聲,E回咗句:「咁點同呢?」之後 dead air。

      //但呢班妹妹仔好似通常第一層就斷左,佢地唔接落去而聽既人亦唔知點接落去!
      //睇佢地平時講野都係咁的,係魔兄你先會同呢班人搭爹!

      以前妹頭話我unapproachable,黃C上司依家又叫我social啲,都係因為我不屑同班語言無味的前/現任同事打交道。點都好喇,我咪有一句沒一句的睇心情加兩句嘴囉。

      刪除
    2. //層層根據一些錯誤事實去推論並大放闕詞
      摩兄有冇d親身經歷分享下呀?

      //iPhone 7
      今日老婆同我講話有條片,講有人幫個鬼妹upgrade 部iPhone 6去7(但事實上係呃佢的), 個鬼妹試過部偽iPhone 7後即刻大讚,速速提款買.

      /叫我social啲。 不屑同班語言無味的前/現任同事打交道。
      叻人好多都唔鐘意social, 個性獨來獨往.

      刪除
    3. //妹妹仔們都係笨土fans
      //不過複雜啲嘅議題都係知啲唔知啲

      四眼鄭是皇上同黨,在港島的街頭廣播其中一句是"港島唯一本土派",擺到明連傷港JJ都唔放在眼裡,E話自己係笨土派fans卻走咗去投wiki或人力,睇嚟呢個fans對自己擁戴既派別都非常"知d唔知d"。

      //又,今日 This is very 7 的 iPhone 7 開售, 妹妹仔們都拼命申請準備去炒(唔好短炒變長揸就好),

      又係知d唔知d之作,新iPhone的溢價越來越低是常識吧?

      //以前妹頭話我unapproachable,黃C上司依家又叫我social啲
      //我咪有一句沒一句的睇心情加兩句嘴囉。
      //我講咗句:「咁同走水貨有乜分別?」

      你唔講好過講嘞,唔講最多被人話沉默寡言,但你句句窒住晒仲顯得更加unapproachable。

      或者一d唔使企邊的話題可以搭幾句廢話,立場有conflict的就沉默是金算嘞。

      //摩兄有冇d親身經歷分享下呀?

      政治反而一時諗唔起例子,但曾經面對得最多的就係耶撚。

      成個理論架構經常都穿鑿附會,先一個歪理開始滑坡,滑到無可再滑就用另一個歪理滑去下一層。

      團契的宣傳刊物通常無咁hardcore,以上通常發生在耶撚defend自己信仰,每個人講既都唔同(所以我一時quote唔到實際用詞),但架構都是一樣的。

      刪除
    4. 一些演員和營業員是內向性格或害羞的,非工作須要,就會獨個兒做自己的事,他們很少跟其他人Socialize的。

      至於unapproachable,佛洛伊德和行為心理學之父屈臣氏也是如此。屈臣氏退休之後,瑟縮在自己的農莊,與動物為伍。

      刪除
    5. 無想:

      //講有人幫個鬼妹upgrade 部iPhone 6去7(但事實上係呃佢的), 個鬼妹試過部偽iPhone 7後即刻大讚,速速提款買.

      問題:
      1. 個騙子係西人定華人?
      2. 個鬼妹是否胸前偉大?

      //叻人好多都唔鐘意social, 個性獨來獨往.

      我啲舊文都有寫過我的性格似貓.

      摩摩:

      //四眼鄭是皇上同黨
      //E話自己係笨土派fans卻走咗去投wiki或人力

      E有提過四眼,不過話佢樣衰投唔落(同皮膚好靚相呼應),一句起兩句都無.不過成個部門最關心正字就係佢,返緊工仲睇緊開票,好似跑馬咁,又好關心戲子陳贏唔贏到.

      //又係知d唔知d之作,新iPhone的溢價越來越低是常識吧?
      //你唔講好過講嘞,唔講最多被人話沉默寡言,但你句句窒住晒仲顯得更加unapproachable。
      //或者一d唔使企邊的話題可以搭幾句廢話,立場有conflict的就沉默是金算嘞。

      層次唔同,真係唔講好過講.

      //但曾經面對得最多的就係耶撚。

      耶撚就係讀鄉大時見得最多,依家街上傳教的已經很少了。有一次我坐在公園看書kill time,給幾條中女走來傳教:「先生,你咁有文化係度睇書嘅?」我即時一句:「你地要傳教就免問。」
      佢地仲要7到問:「你點知架?」
      我沒有回答,自行離去,心想你地個造型咁7,無端端哄埋嚟,係人都知你想做乜喇。

      //每個人講既都唔同(所以我一時quote唔到實際用詞)

      即係有一個懶人包template,由各信眾各自insert自己的見證。

      佛爺:
      //一些演員和營業員是內向性格或害羞的,非工作須要,就會獨個兒做自己的事,他們很少跟其他人Socialize的。

      即是個性使祭,強迫別人去socialise,其實也不是尊重diversity的表現.

      刪除
    6. //個鬼妹是否胸前偉大?
      冇乜料到.

      http://9gag.com/tv/p/aMdYvy/first-look-apple-iphone-7-jimmy-kimmel?ref=fbl9

      刪除
    7. //佢地仲要7到問:「你點知架?」
      因為我係上帝嘅神! XD XD XD

      "unapproachable" 係呢件事意思係「唔認同我哋嘅低能」。Approach 係佢哋主動過去 social 而只係佢哋想 approach 嘅目標佢哋冇能力 social 到,並唔係目標故意自閉。
      喜歡一個人,同唔界意一個人,係有分別。

      刪除
    8. //因為我係上帝嘅神! XD XD XD

      上帝不是三位一體的嗎?

      //Approach 係佢哋主動過去 social 而只係佢哋想 approach 嘅目標佢哋冇能力 social 到,並唔係目標故意自閉。

      即係打機過唔到關就賴個game太難打一樣.

      刪除
    9. //三位一體
      幾多位一體,佢都係 under 我! XD XD

      //賴個 game 太難打
      呢個係事實,不過佢哋美化原因做 「unplayable」!

      刪除
    10. //呢個係事實,不過佢哋美化原因做 「unplayable」!

      咁係佢地手腳慢腦筋壞啫.

      刪除
    11. 無想:

      //冇乜料到.

      原來Steve Jobs 是被氣死的.

      刪除
  2. 我以前讀過一些選舉策略,內容沒有去研究政綱的,因大部份選民唔知政綱講乜,但就要去爭呢班唔知政綱喺乜嘅選民嘅選票。咁,心理學家就作了研究,一直用到今天。

    這個策略不只是用在敵對政黨,就算自己黨內都咁樣用。美國共和黨或民主黨的當權派,若果見到某個候選人民望高企,但他不是當權派心儀的,該名候選人就突然會有八卦報刊爆出佢坐名模大腿之類的照片,咁,該位民望高企的候選人就玩完。喺自己黨內做低佢。

    但今次共和黨總統候選人特朗普就唔同,共和黨當權派搵唔到令他足以致命的瘡疤,唯有發動傳媒狂鬧佢,尤其是共和黨黨報華盛頓郵報,日日狂插特朗普,因為萬一佢贏咗,兩年後的國會選舉,共和黨將會大敗,所以,共和黨的華盛頓郵報,對民主黨的希師奶讚不絕口,寧願希師奶做總統。

    有興奮可以看一下「陰道邁出選舉路」

    http://forbiddenfruitnews.blogspot.com/2012/03/blog-post.html

    回覆刪除
    回覆
    1. //我以前讀過一些選舉策略,內容沒有去研究政綱的,因大部份選民唔知政綱講乜,但就要去爭呢班唔知政綱喺乜嘅選民嘅選票。咁,心理學家就作了研究,一直用到今天。

      豬真係好使好用.

      刪除
    2. 魔術師,借你呢到用。
      佛爺!佛爺!你個 blog 好肚餓,食咗我個留言啊!

      刪除
    3. 搵番親人。呀,唔係,係搵番啲文。 XD XD

      刪除
    4. //搵番啲文

      哈,你呢句真係萬能key.

      刪除
  3. 摩摩, 佢哋嗰一代, 碎片化得好緊要,同佢哋講嘢, 話題係跳嚟跳去, 講兩句三句, 就會轉話題, 又講兩三句,轉去第三個話題,又係兩三句,可能返去第一個話題, 又或者第四個話題出現. 好難傾到啲深入嘅嘢.

    回覆刪除
    回覆
    1. 當然有例外啦, 永勝兄. XDDD

      大部份只睇港媒,非死不可嘅, 都以為自己知道天下事啦.

      刪除
    2. 而家啲人係咁講嘢:

      我:食咗飯未?
      人:飯。

      我:A 定 B?
      人:係。

      我:唔好困住啲野生動物,所以我唔去海洋公園。
      人:我鐘意去迪士尼。

      我:有 A 餐,B 餐,C 餐。食咩?
      人:Great idea!

      人:揀呢個就錯!
      我:點解錯?
      人:因為揀呢個囉!

      人:(好細聲)1 2 3 4 5
      我:聽唔到。
      人:(解釋)即係唔用 A B C D E

      人:1 2 3 4 5
      我:唔明。
      人:(大聲)1 2 3 4 5

      點解呢?冇科學研究,只係大膽假設。
      初初係為求快。譬如啲售貨員,經常亂猜,一般人會問 A,所以你問 B 佢照答你 A。
      上一代唔認真,同下一代溝通時亦好隨意冇要求。過程中冇更正方式同時 enhance 咗壞習慣。
      少咗面對面溝通,少咗離開學校認識世界,埋堆埋到宅。冇正確 role model 示範,冇練習,冇從錯中學習嘅機會,唔認真,對話技巧係零!

      刪除
    3. //話題係跳嚟跳去

      因為佢地attention span短,好難不斷咁講同一個話題,一接唔到落去,就會轉台.

      //上一代唔認真,同下一代溝通時亦好隨意冇要求。

      最真幾十歲人學人講BB話, 例如「便便」...

      //冇正確 role model 示範,冇練習,冇從錯中學習嘅機會,唔認真,對話技巧係零!

      我呢排係公司做咗寫信佬:班電車男寫email係可以堀到好似鬧返個客轉頭咁, 一啲修辭都無.

      刪除
    4. //寫email係可以堀到好似鬧返個客轉頭咁
      嘩哈哈哈!寫!寫!寫!寫!

      刪除
    5. 做testing, 個客問我地啲software係咪有bug,條金毛飛電車仔可以一句得返埋去please check XXX at your side...

      就算真係個客的incoming data錯,搞到「好似」我地出錯咁,都唔好咁直接呀!

      我真係幫佢兜都兜唔切.

      刪除
    6. 可能講中文都會咁倔。
      但係啲人投訴人哋時又識話人哋態度唔好㗎喎。
      真係妙!

      刪除
    7. //可能講中文都會咁倔。
      //但係啲人投訴人哋時又識話人哋態度唔好㗎喎。

      可能啲人而家覺得講嘢婉轉少少就係語言偽術, 同埋唔去諗我含蓄地講一啲嘢背後其實係俾面你:例如婉拒, 大家好來好去,生意不成仁義在;同大大聲鬧鬼你叫你過主係另一回事.

      不過依家好多人面皮幾丈厚, 明明唔係做sales都好似做緊sales咁,死纏爛打, 唔喝走你唔make you look bad都唔得。

      刪除
  4. 佛爺:// 因大部份選民唔知政綱講乜

    最L慘係, 佢哋唔知, 又唔認, 以為自己知哂. 嗰下大能鑊嘛.
    有人話朱敵唔係本土, DIU, 佢個政綱一條標題, 咪就係本土囉. DKLM.

    回覆刪除
    回覆
    1. 選舉志在贏,選民喺咪自認非凡嘅白癡,喺唔緊要嘅。無人關心選民嘅智商,越蠢就越好。

      刪除
    2. 港豬仲有一種技能, 叫"我睇唔到"
      做冒險野既時間就扮傻
      到舐佐野就賴"你又唔早講"

      刪除
    3. //有人話朱敵唔係本土, DIU, 佢個政綱一條標題, 咪就係本土囉. DKLM.

      年輕一袋唔識睇字,只識睇圖.

      //選舉志在贏

      有啲人明知無支持度(仲要連按金都輸埋)都要去選,真係唔知係乜原因.

      //做冒險野既時間就扮傻
      //到舐佐野就賴"你又唔早講"

      米豬都一樣.

      刪除
    4. 「有啲人明知無支持度(仲要連按金都輸埋)都要去選,真係唔知係乜原因.」

      想出下名,或中年危機,突然覺得要不枉此生,去幹一番偉業。

      刪除
    5. 即係好似我當年無端端走去出本書咁.

      刪除
  5. 我都話㗎啦!大部分人係點投票:
    1. 跟身邊人投
    2. 睇眼緣
    政綱?潮語嚟啫!
    就好似餐牌咁。有相嗰項特別多人叫,但唔一定特別好食。

    回覆刪除
  6. 咁一眾小妹有無好崇拜魔術師?XD

    話說呢種女仔好聽叫「天然呆」,唔好聽叫「白痴」,做朋友我覺得還可以(得閒食飯嗰種),做女朋友應該會激死。

    回覆刪除
    回覆
    1. //崇拜

      唔係掛?咪搵啲咁嘢玩!

      //做女朋友應該會激死

      佢地好多都自稱有bf,係乜質素就唔知喇!

      刪除
  7. // 最真幾十歲人學人講BB話, 例如「便便」...
    唔通講痌屎咩? 藍血人覺得唔夠高尚馨香
    怪獸嘉獎用二三十蚊買套玩具掃把垃圾鏟俾個千金, 我同佢外母講去雜貨舖買支真·掃把 真·垃圾鏟都係二三十蚊
    真·掃把 真·垃圾鏟係俾賓賓用架嘛
    咁當然賓賓同便便都係一個文雅啲嘅稱呼啫, 不過人地想加到五千就冇得傾嘞

    // 我真係幫佢兜都兜唔切.
    「你知唔知你鞋面踩到我鞋底?」

    // 我講咗句:「咁同走水貨有乜分別?」
    「我咪話左我最憎共慘黨的囉!你聽唔明?」

    // 我咪有一句沒一句的睇心情加兩句嘴囉。
    「優衣庫秋冬裝上左架, 老細你有冇去揀兩件?」

    // 佢地好多都自稱有bf,係乜質素就唔知喇!
    「個鬼妹試過後即刻大讚,速速提款買.」

    回覆刪除
    回覆
    1. //藍血人覺得唔夠高尚馨香

      人地西人都係shxt前shxt後...

      //咁當然賓賓同便便都係一個文雅啲嘅稱呼啫, 不過人地想加到五千就冇得傾嘞

      Oh, bad luck.

      //「優衣庫秋冬裝上左架, 老細你有冇去揀兩件?」

      尋日開team meeting 我又窒親佢喇.

      開會講緊某個用意大利文做名稱的客仔,賣緊某一些現成products,佢話呢個名都唔知點講(其實都唔係第一次,有些保險公司客的名佢又係唔識讀,又係由我糾正).
      今次我又口快快咁讀咗個名出來,話呢個brand我有用過,佢呆一呆似乎估唔到...
      佢做介紹時無講呢間除咗賣現成之外,仲有design services,而我就係幫襯佢個design services,忽然發現在我面前佢係幾無知的,我再插嘴落去只會繼續make him look bad...

      //「你知唔知你鞋面踩到我鞋底?」
      //「個鬼妹試過後即刻大讚,速速提款買.」

      你真係好鬼抵死嘅啫.

      刪除
    2. ermenegildo zegna?
      well, uniqlo does design too. it can shorten trousers length...

      刪除
    3. 唔係真意大利品牌,係港版扮高級嗰隻。

      刪除