2017年1月3日 星期二

魔術師資產配置(2016年12月結)

2016年12月,魔術師各投資組合大部份均隨大市繼續回調,尤幸仍然只係商品組合處於虧損狀態(以2016年4月組合全面更新以$100為起始值計,下同),收報$92.81,敬陪末席。2017年首要任務就係要整頓一下,以免太過側重黃金,有負「商品組合」之名。
作為合格標準的收息組合在美帝確定加息後漸見回穩,收報$103.22,排第五,再一次證明金融市場「不怕你來,唔怕你揸唔定主意唔知來唔來」的不確定性;排第六低於合格線的是MPF組合,不過因為此組合主要係用來做資產配罝時,股債轉換不涉及現金流的 buffer(即係爛頭卒),表現稍為不理想也是意料之內。
排第二、三、四位的依次為複式盈富($108.64)、房託組合($107.60)、與及生活基金($105.97),三者均呈下跌,不過複式盈富在跌市中依然能夠領先,足證其屈機之能。
第二嬴第三一個馬位,但第一的沉船基金則贏成條街($121.52),主要依然係匯控(00005.HK)繼續強勢,而組合中的宏利(00945.HK)竟然唔聲唔聲比2016年4月起始時升了40%,真係估佢唔到。不過話雖如此,但沉船基金依然有改善空間,例如在蝗國大貓內買的人仔基金,尤其內建人仔對沖(為防投資外國市場的貨幣(純粹舉例,例如澳元)兌基金結算貨幣(in this case 人仔)下跌,基金會沽外幣買 local currency)會加大損失;不過問題係人仔並非國際流通貨幣,資金調撥有難度,呢一點有待魔術師研究後再在「港燦理財」系列分享。

本月魔術師總身家變化不大,雖然流動資金(所有投資組合加上存款)繼續回落,但特衰正苦加辣令自住樓估值再向上升,足夠抵銷返投資組合下跌。但畢竟物業估值乃紙上富貴,銀行一收水便打回原形,實不足恃;而學乜 sir 話齋加按套現其實會消耗自己每月還款的現金流,而且隨着年紀增長,按揭年期亦會開始減少,所以話除非真係可以考慮完薪金、年齡、息率、加按金額等因素後,可以計啱條數,否則無謂多生事端:

長期債務為按揭貸款,以現價計為58%按揭(=5,731.23/9,879.44),尚算健康:

2 則留言:

  1. L Sir嗰種死按爛按,只能帶來短期feel good的“偽現金流”。出得嚟行,真係以為將來唔使還?

    回覆刪除
    回覆
    1. 加按再買樓, 收到的租金開頭幾年只能跟供款打個和, 一係你要等返10年8年才有比較significant的cashflow, 否則就只有望樓市升值, 沽之哉可也(但貴買貴賣,賣咗隨時買唔返)...

      刪除