2017年1月6日 星期五

覆讀者來信:有關 Interactive Brokers (IBKR.NASD)及其他

讀者來信問魔術師做開期權點解要收山。查實魔術師後生時人工低,就係用雙龍閃加動態對沖來搵每個月的生活費,再之後的目標就係供樓;但做咗幾年之後,發現唔係賺唔賺到,而係呢啲係辛苦錢,加上升職加薪後財務壓力稍減,覺得唔值得再咁費神去做,便收山而去。
後來 paper trade 玩下靜態雙龍閃(見《虛擬雙龍閃長倉(2014—16)》),唔係無得賺而係始終唔敢揼大錢落去,細細地一至三張細期玩下又覺無謂,以絕對值來說難以撼動魔術師現有的財富,故此亦唔起勁去做。
世界各地期指期權
讀者亦問到 Interactive Brokers(簡稱IB)能否買賣世界各地的期指期權。答案是可以的,只要自己剔就可以了(點入呢一頁可以睇截圖的 navigation menu):

剔好後系統會依所選國家提供相應的文件給用戶確認(例如傷民買帝股便要填W-8BEN),填好後等IB approve 即可。下圖就係 Desktop version 的 TWS 買賣 E-mini S&P 500 Futures(ES)的畫面:

手機程式操作介面
讀者問魔術師覺得IB的手機應用程式好唔好用。IB介面以複雜見稱,魔術師作為數怪當然不懼,但對大部分「只識加減乘除」的港豬傷民來說,太多資訊太多選擇只會加深其選擇困難症。當然港豬傷民面子猶關,唔會話自己唔識嘢,而係會話個軟件「太專業」,layman 睇唔明自不然係「專家的錯」。好似呢個買賣 GLD Jan options 的介面,係咪有好多 terms 睇唔明呢?

結算貨幣
讀者有用 demo account 試玩,但卻只能以帝幣結算。其實 IB 是容許用戶自訂結算貨幣的:

如果觀察力夠強兼有留心聽書的話,《自己結單自己睇》一文已示範了同一張賬單顯示了帝幣與我城貨幣的等值轉換。
提存款項
IB 的往來銀行是美帝銀行,基本上銀行集團內跨國轉帳係不收手續費。魔術師亦試過經美帝銀行存款入IB,我城貨幣和帝幣都試過(Global Transfer 不適用於好似IB咁嘅商業客戶,帝幣做 wiring 要用 security device add overseas merchant account),一日之內見錢,無手續費;另外亦試過從IB提款存入大貓,帝幣收10元,我城貨幣就未試過(見《伸手黨免問》及舊文《尋找1042-S的故事》)。不過要記住,IB每個月只提供一次性免手續費提款,其後提款是要收費的
另外有個小貼士,如果賬戶總資產少過100,000帝幣,IB會收10帝幣一個月服務員,手續費可以先在這10元中扣除,多除少補,亦可以話係每月首10帝幣手續費係「sunk cost」,不用白不用;所以如果本月交易量低,trade 唔夠數的話,可以做貨幣兌換,手續費每次2帝幣,而且匯率係以 currency contract 形式進行,spread 應較銀行牌價低。

***
伸延閱讀:
虛擬雙龍閃長倉(2014—16)
自己結單自己睇
伸手黨免問
尋找1042-S的故事

5 則留言:

  1. 硬係覺得期權勞而少功,得個窮忙。

    回覆刪除
    回覆
    1. 我都覺. 不過trade option係可以帶來滿足感(覺得自己係另一個層次),呢樣嘢就不能以錢銀量度了.

      刪除
  2. 魔術師師兄,
    請問可以在IB借錢買value partner的基金嗎?我上網搵唔到資料。謝謝指教!
    Bonnie

    回覆刪除
    回覆
    1. IB Mutual Funds 唔support Asia Pacific 的 fund house:
      https://www.interactivebrokers.com/en/index.php?f=products&p=mf

      你大概只可以用孖展形式withdraw cash出來,再放入其他有代理惠理基金的銀行(例如恆生)或其他IFA(例如Apex)去認購吧.

      刪除