2018年5月14日 星期一

新聞雜評(一百九十四)

有線電視記者都江堰採訪時被毆打 更新:2018/05/12 19:12

本台記者陳浩暉早上在四川都江堰採訪時,突然被不明人士毆打。兩名男子其後一度企圖將他帶往派出所,整個過程持續大約十分鐘。
當地宣傳辦人員其後帶記者往醫院驗傷,驗傷報告指記者被群眾毆打致手腕疼痛麻木,引致咳嗽。
1. 睇片,有線記者稱該些打人的「不明人士」自稱「老百姓」,而這些「老百姓」指記者係壊人,所以要打佢,並搶去其拍照用的手機(!)。但奇就奇在,當宣傳辦人員到來,那些「老百姓」卻很識趣地放人,猶如黑社會毆鬥一樣;而記者問返宣傳辦人員,那些「老百姓」是什麼人,宣傳辦人員卻說不知道。嗱,呢啲就真係殺人政權唔好嘅地方:呢啲唔係班黃C有青開口埋口的無自由、無法治,而係整個國家和城市的管理混亂;可以有大批「無制服人士」(城管?)光天化日下打人搶嘢(維穩?),似乎有大批體制外的人執行「公職」(?),而不被追究。這不是法不法治的問題,而係整個社會秩序管理上,體制上的問題。如果「執法人員」各有司職,備受其相關行事守則監管,杜絕「體制外」的「外判工」,則自能彰顯法治矣。
2. 又,「兩名男子其後一度企圖將記者帶往派出所」,照計如果該「派出所」係「真・派出所」,記者應該無有怕;除非就連「派出所」也是假的。而呢種程度的「無法無天」,已並非一個文明國家所能接受的限度了。
外宣辦安排兩涉打人漢向記者道歉 2018/05/12 19:12

本台記者陳浩暉在都江堰採訪時遇襲,被不明人士毆打,頭、手受傷,有線新聞部對事件表示憤慨及不可接受。都江堰外宣辦官員下午帶同打人的兩名男子向記者道歉,他們稱當年受災嚴重、心情悲痛,見記者拍照才打人。
毆打記者的兩名男子在四川省都江堰外宣辦安排下,向記者道歉。他們一度聲稱,因為家人在地震中遇難、心情悲痛,見記者拍照才打人,但在記者追問下又改口稱沒有家人遇難。
帶他們到場道歉的都江堰外宣辦亦都再次致歉。至於會否追究兩人的法律責任,劉洪表示交由相關部門調查後再決定。

3. 這一場道歉 show,真係補鑊味甚重,明顯係因為自己打錯人而強行作個故仔來解釋:你自己有親屬遇難,你悼念都來不及,仲有閒情去打人?你鄰居受災啫,又使唔使「悲痛」到要打人呀?霉體又無訪問你,點叫揭你地個瘡疤呀?更離譜的是,如果你地有「遇難」,留得住條命都留唔住手手腳腳喇!
4. 叫個咁後生嘅記者做「老師」?殺人政權的官方用詞真係好奇怪...
5. 魔術師唔會話自己唔係「中國人」,不過就唔會承認以上呢啲「老百姓」係「中國人」嘞!
汶川地震死者親屬拜祭遭便衣監視 2018/05/12 14:10

汶川地震十周年,在當年傷亡慘重的北川,一早有死者親屬到場拜祭,大批便衣在場監視。有死難學生的家長指,十年時間過去,他們對害死兒子的豆腐渣工程已經由仇恨變成無力追究。
甫進入北川中學的遺址,現場已經有不少便衣正在監視一批來拜祭遇難學生的家長和當年的救援隊。在監視之下,有視電視記者只好帶著一班家長到遠一點的地方訪問。
其中一名家長的兒子叫李納,地震的時候十七歲,正在北川中學讀書,他和同學被埋在學校裡。直至今時今日,這片草地下仍然埋著李納和他過千個同學的遺體,未被掘出來。兒子離開了10年,李春會夫婦仍將他的遺物留在家裡,就連當年他買的海報都一直貼著。
十年時間眨眼就過,他們對害死兒子的豆腐渣工程已經由仇恨變成無力追究。作為父母,他們僅餘的唯一願望,就是希望北川中學可以跟遺址內的其他建築物一樣,立碑寫清楚遇難者名單。不過他們指,每次向政府提出時,對方都指要由官方立碑。一年又一年過去,他們至今已經不再抱有任何希望。

6. 真係見者傷心聞者流淚。你話民間不能私自立碑,要立就由官方立,以城市管理的角度看,說得也有道理;但就要拿出時間表、路線圖出來,而唔係只係將人民當做玩偶咁去耍。
川震死難學生家屬無懼打壓到場拜祭 2018/05/12 16:34

汶川地震十周年,在都江堰聚源中學舊址,大批死難學生家屬無懼官方打壓到場拜祭,並要求當局徹查豆腐渣工程。有家長指,一日未有人出來承擔責任,他們都不會放棄。
在都江堰聚源中學舊址,大批死難學生家屬無懼官方打壓,掛上大批橫額,要求當局徹查豆腐渣工程,為遇難學者伸冤。他們在地上點蠟燭、燒祭品,又準備大型悼念牆,貼上學生遺照,沒有照片的就寫上死者名字。
十年前聚源中學在地震中完全倒塌,超過二百師生遇難。家屬堅信學校是豆腐渣工程,因為當時附近其他建築物都沒有完全倒塌。不過,周興容指,今年當局對她們的監控算較鬆,沒有阻止她們悼念,但阻止她們接受採訪。
7. 殺人政權的問題是不肯面對過失,尤其是係遇上群眾事件,就只會用打壓監控的手法,而唔係用疏導的方法,從善如流去面對。以風水命理的五行生剋角度去睇,化煞好過鬥煞:鬥就是硬碰硬,老鯀障水是也;化即疏導,大禹治水是也。疏導者,將有關官員商賈拎出嚟祭旗,以警效尤,自然能夠息民憤。呢啲已經唔係唔係好關咩專政或民主的問題,而係管治國家的手法的問題了。
***
信報 2018年5月12日
滴滴順風車停業一周息眾怒
司機涉姦殺空姐 輿論轟壟斷生亂
河南省鄭州市近日發生一宗空姐乘坐「滴滴順風車」疑遭司機姦殺案,事發後,滴滴捲入輿論風暴,被指「野蠻生長」壟斷網約車市場又漠視管理亂象,引發社會強烈不滿。鄭州運輸管理部門周五(11日)約談滴滴並下發整改通知書,滴滴宣布由12日零時起,其順風車業務在全國範圍下架,停業自查整改一周。
兇嫌接單賬號屬於其父
滴滴承諾會對司機全面審查,用一切手段清理平台上可能的人車不符情況,以及全面整改營運及客戶服務體系。
滴滴表示,透過自查發現,案中疑兇劉振華的接單賬號屬於其父,並通過了「滴滴順風車」註冊時的證件驗證、犯罪背景篩查和接首單前須進行人臉識別等安全措施。
此外,滴滴承認原有的晚間安全保障機制不合理,導致晚間的人臉識別機制沒有被觸發。此外,疑兇在案發前曾有一宗言語性騷擾投訴記錄,客服5次通話聯繫不上疑兇,由於判責規則不合理,後續沒有對投訴作妥善處理。
乘客個人資料一覽無遺
在此輿論風口,滴滴的種種管理亂象紛紛被揭發。澎湃新聞網報道,通過實測發現,滴滴順風車平台的車主註冊環節存在安全隱患,女性司機即使上傳男性司機的一系列證件,平台也顯示「實名認證成功」,而且,人臉識別和信用認證等並非必須完成的步驟。
財新網亦發現,滴滴順風車乘客的性別、職業、公司和家庭住址等個人資料一覽無遺,而通過頭像、滴滴設置的車主之間評價,還可直接評價乘客的顏值。
《華商報》報道,一名經常光顧網約車的西安女性直言極度恐慌,因為她發現自己的個人標籤被網約車司機標註為「顏值爆錶」,評論中亦有很多「美的不要不要的」等字樣,但滴滴平台客服表示「標籤無法刪除」。
澎湃新聞網指出,順風車並不屬於網約車服務,而被定義為「合乘車」。兩者最大的區別,在於前者屬於經營服務,後者是基於用戶自願的共享行為。目前只有網約車服務受到相關法規監管。
內地輿論關注網約車這個行業的無序發展問題,也對滴滴產生嚴重信心危機,認為該公司只求發展,不負責任。
當局發懲戒通知意見稿
國家交通運輸部10日發布通告,直指部分網約車平台公司在被約談時,態度很誠懇,承諾很到位,但約談後,就將承諾拋諸腦後,視約談為耳邊風。中國交通新聞網翌日發表評論稱,一些網約車平台公司僅僅將網約車作為增加流量和公司估值的工具。
同時,交通運輸部發布《關於加強和規範出租汽車行業失信聯合懲戒對象名單管理工作的通知(徵求意見稿)》,其中提及「網絡車司機」無證上崗、「網絡車企業」無牌照經營、線下車輛與線上登記車輛不符、違法使用或故意洩漏乘客個人資料等6種違規情況的企業與司機,將視情節輕重,被列入「重點關注名單」或直接列入「失信聯合懲戒主體名單」。



8. 「滴滴表示,透過自查發現,案中疑兇劉振華的接單賬號屬於其父,並通過了「滴滴順風車」註冊時的證件驗證、犯罪背景篩查和接首單前須進行人臉識別等安全措施。此外,滴滴承認原有的晚間安全保障機制不合理,導致晚間的人臉識別機制沒有被觸發。此外,疑兇在案發前曾有一宗言語性騷擾投訴記錄,客服5次通話聯繫不上疑兇,由於判責規則不合理,後續沒有對投訴作妥善處理。」「女性司機即使上傳男性司機的一系列證件,平台也顯示「實名認證成功」,而且,人臉識別和信用認證等並非必須完成的步驟。」蝗國這些賺大錢的手機 app 的背後,管理上又有幾混亂,幾咁唔可靠呢?有幾多嘢又係無做但又扮做咗呢?即刻就諗返馬老大拍哂心口話「掏保上都沒假貨」的情境。
9. 「滴滴順風車乘客的性別、職業、公司和家庭住址等個人資料一覽無遺,而通過頭像、滴滴設置的車主之間評價,還可直接評價乘客的顏值。」呢個究竟係 call 車 app 定係約會 app?有需要評論「顏值」嗎?
10. 「順風車並不屬於網約車服務,而被定義為「合乘車」。兩者最大的區別,在於前者屬於經營服務,後者是基於用戶自願的共享行為。目前只有網約車服務受到相關法規監管。」D,玩埋呢啲定義,即係存心走法律罅喇!又係嗰句老生常談:「一亂就管,一管就死,一死就放,一放就亂」。
11. 好在魔術師「鄉下」在深圳鐵路沿線,除咗港版 WeChat,魔術師乜QQ都無裝啫!如果唔係都幾危險...話哂當年都有人話魔術師個樣似陳錦鴻...
***
信報 2018年5月12日
吳歷山
兩文三語作母語具優勢
近來對香港人的母語爭論又被炒熱,事由中文大學學者4年前一篇文章指:「粵語是母言,並非母語」、「香港漢族人的母語是漢語」;而特首林鄭在立法會答問大會上,被問其母語是什麼時回答:不想回答「無聊問題」,因此招來輿論狂轟,有指政府有巨大陰謀要改變「兩文三語」政策;有以粗口「一個字」回敬;更有評論把母語爭論與港獨掛鈎,有人還主張在今後遊行中打出「捍衞粵語」的標語。可見政治炒作可以很離譜,容易失去理性。
母語可多種並存
維基百科對「母語」的定義是:「為一個人出生後,最早接觸、學習並掌握的一種或幾種語言。母語一般是自幼即開始接觸,並持續運用到青少年或之後;並且,一個人所受的家庭或正式教育中,尤其是早期,有相當部分是通過母語傳授的」。香港在民國初期只有20萬人,現在增加到700多萬人,其中絕大部分是華裔移民,多數來自廣東、福建、蘇浙及北方省市。傳統上,他們多數在家裏代代都保留家鄉話交談,但在社會和學校,又有不同語言(包括粵語、英語)的接觸和教育,這種「多母語」現象在西歐和東南亞非常普遍。貼切地講,大多數港人不止有一種母語,粵語是香港人的其中一種母語。過往港人因能熟練應用中英文和多種方言,曾是港人的優勢之一。
中國是一個多民族、多方言的國家,各地的方言不下百種,但國家必須有統一的文字和語言。孫中山先生百多年前定下以「北方話」為國語,是在全面周詳考慮下作出的決定。經過百多年的實踐和演練(在內地稱普通話,台灣稱國語)已經根深柢固,難以逆轉。香港既然回歸祖國,就必須學會全國共通的語言──普通話。況且,內地改革開放40年,國家日益昌盛,全球影響力急速上升,學習漢字和普通話逐漸成為世界潮流,此一勢頭,在可見的未來只會加強不會減弱。然而,由於百多年來殖民統治的緣故,普通話的流行和應用在香港遠遠落後,至今能講流行普通話的比例嚴重偏低,在普通話的普及和推廣上進展也不大,為兩地交流合作造成障礙。這與香港和內地共融發展的形勢不相匹配,香港必須與時俱進,放下歧見迎頭趕上,否則就會與時代脫節,被時代淘汰。
近20年,香港政府推行「兩文三語」(兩文指中文、英文;三語指普通話、粵語、英語)的教育政策以來,香港的家長和學校為了讓孩子有更好的學習和適應能力,早已在採用「多母語」教育,刻意在孩子幼年開始營造「兩文三語」的培養和訓練條件,其中普通話教育廣為家長接受和歡迎。切忌討論政治化
筆者有一個姪子是土生土長的華裔法國人,因家庭從小堅持漢語教育,他就憑流利普通話優勢,獲公司提拔派駐中國主管內地業務。
當然,提倡和推廣普通話並非所謂「倡普抑粵」或「推普貶粵」。粵語歷史悠久,底蘊深厚,全球有近億人使用,尤其是在詩詞的演藝有其獨特的功能和優勢。粵語和嶺南文化是中華文化的重要載體和瑰寶,必須弘揚和傳承。
筆者一貫支持母語教育,因為只有用學生最熟悉和最能理解的語言教授,才能達到最佳學習效果,學校可根據多數學生對語言接受程度來選擇是以粵語、英語或普通話來教學。至於中文科,鑑於現代漢語以白話文為主,自然要以普通話教中文較為合適。
吳歷山_香江智滙主席
12. 「維基百科對『母語』的定義是:『為一個人出生後,最早接觸、學習並掌握的一種或幾種語言。母語一般是自幼即開始接觸,並持續運用到青少年或之後;並且,一個人所受的家庭或正式教育中,尤其是早期,有相當部分是通過母語傳授的』。」D,一講就露咗餡。就算唔理你用維基來解釋夠唔夠嚴謹,以我城有青的英語及蝗話流利程度來看(見伸延閱讀),無可能係「自幼即開始接觸,並持續運用到青少年或之後」囉!如是者,英語及蝗話又點能夠算係「母語」呢?
13. 「傳統上,他們多數在家裏代代都保留家鄉話交談,但在社會和學校,又有不同語言(包括粵語、英語)的接觸和教育,這種『多母語』現象在西歐和東南亞非常普遍。」西歐還西歐、東南亞還東南亞,但在大部份我城家庭,按道理都係以我城方言為母語作為溝通(少數偽ABC除外);就算好些真假中剷(包括博士K之流)喜歡同自己仔女以蹩腳英文或蝗話溝通(「我每晚都同阿囡 read a book」),都只係「搵食」(包括考試)導向,跟文化傳承丁點兒關係都沒有。英語和蝗話,又點可能係「母語」呢?
14. 佔中時期黃C歪理多人 buy,主因係佢地嘅寫作手法得人心,就算係講歪理都唔會咁容易被人發覺。好似呢位建制派咁,寫嘅嘢完全係當讀者係智障,連用些許技巧去遮掩自己的歪理都唔去做,完全令人感覺唔到佢嘅誠意,真係睬佢都有味。
***
伸延閱讀:
笑笑小電影(三



40 則留言:

  1. //4. 叫個咁後生嘅記者做「老師」?殺人政權的官方用詞真係好奇怪...
    源於內地網民稱呼蒼井空為「蒼老師」,自此網上「老師」漸漸取代「先生」作尊稱。
    可能鄉官讀書唔多,不過點睇都係網絡用語,見到官方都用真係不知所謂。

    BTW,唔知魔術師有冇留意香港crypto界,同當年馬sir俾人斬嗰單嘢有得揮喎。

    回覆刪除
    回覆
    1. //源於內地網民稱呼蒼井空為「蒼老師」,自此網上「老師」漸漸取代「先生」作尊稱。
      可能鄉官讀書唔多,不過點睇都係網絡用語,見到官方都用真係不知所謂。

      真係有失斯文!「語言無味,面目可憎」就係呢類人。

      //同當年馬sir俾人斬嗰單嘢有得揮喎。

      我覺得係城管見有人影相就打咗先,點知打着我城記者,鬧大咗出哂事。

      刪除
    2. //叫個咁後生嘅記者做「老師」?//

      方言的特色嘛!習慣咁叫啫


      Re: 重慶話和成都話有什麼分別
      https://www.youtube.com/watch?v=axGL-asWh9g


      至於打Now 記者, 重慶鄉下人的性格就係直腸直肚兼火爆, 又係小事, 傷講人少見多怪啫

      Re: 成都和重慶的差别
      https://youtu.be/FUOONLsF7N8

      拗下頸

      刪除
    3. //直腸直肚兼火爆
      下?咁就可以隨便打人?

      刪除
    4. 入鄉隨俗, 入境問禁, 唔瞭解異地風土民情和政治氣候就當正係笨土採訪有第四權, 碰釘囉! 講多無用, 唔信就試吓去中東九反地採訪試吓, 睇吓第四權點發揮效用, who cares? Now 記者試過有命返嚟至講

      拗下頸

      刪除
    5. // Now 記者

      Now 同 Cable 不分,低質。


      //方言的特色嘛!習慣咁叫啫
      //重慶鄉下人的性格就係直腸直肚兼火爆, 又係小事, 傷講人少見多怪啫

      同樣的邏輯,也可以說成是:
      「港霉的習性就是為銷紙譁眾取寵, 乞人憎, 仲要在特大災難製做話題挑火頭」,咁你又可以批評佢地乜嘢呢!
      香港某些記者佬為銷紙譁眾取寵, 有時真係好乞人憎, 仲要在特大災難製做話題挑火頭, 爭唔落手!

      //入鄉隨俗, 入境問禁, 唔瞭解異地風土民情和政治氣候

      咁四川嘅俗是「隨便打人」,禁是「不准採訪」? 這是「拗下頸」君說了算的嗎?你咁喜歡旁徵博引,唔該今次又俾啲佐證出來介紹一下四川鄉下的「習俗」有無「打人」呢一項?

      刪除
    6. 我屋企興最輕嘅懲罰係打爆缸,最重係死刑,家規,邊個入嚟就要瞭解清楚先。法律都管唔到。

      刪除
    7. 呢條「拗下頸」,只是有如 Roger 一樣,專門來找碴的,跟他認真就輸了。

      刪除
    8. 唔係拗, 亦唔係亂噏!see! 先見之明, 經驗之談, 點到你地唔服. 昨日講Now 記者今早就賴嘢.

      Now 記者賴嘢
      https://m.mingpao.com/ins/instantnews/web_tc/article/20180516/s00001/1526442518416

      拗下頸

      刪除
    9. 用詞不當。明明係叫馬後砲!

      刪除
    10. 拗下頸:

      唔該對題. 我呢段明明係 cable news, 你走去講 NOW 已經係犯咗事實上的錯誤, 不容抵賴. 胡扯去另一單 NOW 新聞記者的事件只顯閣下辯論質素, 就如維園阿伯一樣.

      另外, 「拗下頸」係你自己用的 nickname. 我花在你身上的時間已經夠多(所以唔需要去睇你的 reference, 我唔係要從事呢一方面的研究), 現在黃牌警告, 你再係度顛三倒四, 下場就如 Roger 一樣, 見字即殺.

      C 嬸:

      呢條友擺明係度搞事, 想整蠱我, 不用理會. 以為 quote 一大堆link 要我睇可以浪費我時間, 佢自己就連 citation 同 summary 都無, 我才不上當呢.

      刪除
  2. 內地危機管理冇負數都只有零!真係要多多學習。加上政府部門多用自己人,冇經過呢方面嘅專業訓練,做嘢講面子唔講效率,公私不分,非常至命。

    滴滴,又係管理問題。唔會 proactive 去搵漏洞,出現問題又冇 contingency plan 又唔認真處理。的士都出現過林過雲,的士都大把服務問題。市場就好現實嘅。唔理唔理,去到一個點就冇人幫襯。

    母乳問題係。1)如果話方言畀語言高級,班友又會唔會嘈喧巴閉? 2)推廣一種語言就係打壓母語?咩邏輯? 3)母語係咪只可以得一個? / 成鬼日鬼殺咁嘈話撐廣東話,畀個 plan 睇下?有冇料撐呀?你撐母乳,整個系統睇下都要啩?除咗大學有幾丁友會做呢方面嘅研究可以話係撐,其他人只會講,但又講到亂七八糟。頂盡出一兩本 randomly 講下D廣東話 expressions,撐乜鬼?徙氣啦!嘈就大大聲,做就有心無力~

    回覆刪除
    回覆
    1. //除咗大學有幾丁友會做呢方面嘅研究可以話係撐,其他人只會講,但又講到亂七八糟。頂盡出一兩本 randomly 講下D廣東話 expressions,撐乜鬼?//

      Totally agree. Everyone of these people is pretending to be a linguist. And when these people hear something from second hand or third hand sources, which are contrary to their views, all they do is to attack.

      Old BJ

      刪除
    2. 聯合國承認粵語為offical language既fake news 。我收左幾年都仲收緊, 就證明大部分人根本連文法書都無睇過幾頁, 岩聽就當真, 連上聯合國網頁求證下都懶。

      刪除
    3. //做嘢講面子唔講效率,公私不分,非常至命。

      愛面子是主觀為上, 故此容易判斷失誤.

      //唔會 proactive 去搵漏洞,出現問題又冇 contingency plan 又唔認真處理。

      可能一朝得志, 語無倫次, 滴滴以為自己雄霸市場, 所以無任何incentive去改善.

      //母語係咪只可以得一個?

      我覺得係老豆老母自細同你溝通的語言, 就係母語; 就算你長大咗去外國做偽ABC, 日日只講英文, 你母語都係廣東話.

      //你撐母乳,整個系統睇下都要啩?

      班笨土邊有 plan 吖! 頂!

      //And when these people hear something from second hand or third hand sources, which are contrary to their views, all they do is to attack.

      俾呢班人當家作主, 效果咪同殺人政權一樣囉!

      //我收左幾年都仲收緊, 就證明大部分人根本連文法書都無睇過幾頁, 岩聽就當真, 連上聯合國網頁求證下都懶。

      所以懶人包才會大行其道吧!

      刪除
    4. //我覺得係老豆老母自細同你溝通的語言, 就係母語; 就算你長大咗去外國做偽ABC, 日日只講英文, 你母語都係廣東話//
      呢個就係學術上經常出現 defining terms 嘅事。人哋响學術平台討論,笨土就要搬佢去佢哋 comfort zone 政治平台討論,高下立見。好似劉燁D仔女母語就3種:中、法、英,勁 code-switch,搞到講嘢嘅時候亂晒大龍。所以母語可唔可以只得一種?你可以 argue 贏在射精前父母用嘅語言先叫母語又得,最 comfortable 用嘅又得,講出個理論來就得㗎啦!阿鬼婆話我英文 near native,咁我話所以英文係我偽母語都得咯!Who freaking cares? XD XD

      刪除
    5. //呢個就係學術上經常出現 defining terms 嘅事。

      無錯,李天命思考三式,第一式就係要講定義;大家講嘅嘢唔 align,討論也只是浪費時間。

      刪除
  3. 好笑,嗰班鬼殺咁嘈咁鐘意撐廣東話,當年老董母語教學又咁反對?咁同嗰啲高官送仔女去外國讀書又有咩分別?唔好再笑人"身體很誠實"喇,自己都喺啦!

    回覆刪除
    回覆
    1. //當年老董母語教學又咁反對?

      母語教學同八萬五,呢啲都係老墓當年的「德政」,點知俾販民同港豬日日遊行遊到佢腳痛...

      //咁同嗰啲高官送仔女去外國讀書又有咩分別?唔好再笑人"身體很誠實"喇,自己都喺啦!

      高等華人同偽ABC的母乳是洋腸話,當然係唔同喇!

      刪除
  4. 「老百姓」搶有線記者手機,應該係向許Gphone致敬。
    拿,人地道咗個歉,唔係唔接受啊? 定係要學保皇黨送官究辦追究到底?

    母乳問題,明明係13年論調,18年又攞出黎返炒再返炒? 輿論咁就黎個大轉向,冇人再理Gphone搶手機,黃媒轉移視線手段,低章但有效 XD

    回覆刪除
    回覆
    1. //應該係向許Gphone致敬。

      今次真係「反攻大陸」喇!

      //拿,人地道咗個歉,唔係唔接受啊? 定係要學保皇黨送官究辦追究到底?

      有線做下樣都要追究下,然後咪交個波俾777囉!

      //輿論咁就黎個大轉向,冇人再理Gphone搶手機,黃媒轉移視線手段,低章但有效

      都要教肉焗腸配合先有戲唱!

      刪除
  5. //呢啲就真係殺人政權唔好嘅地方:呢啲唔係班黃C有青開口埋口的無自由、無法治,而係整個國家和城市的管理混亂

    如果從“威權政體的正字show”嚟講,今次真系唔合格。

    首先,from another source呢兩條友都系體制中人(一個好似話屬維穩辦,一個系唔知副村長定副村委書記),我相信佢地應該系負責睇住現在哀悼百姓同現場傳媒唔好出亂子的(當然,境內傳媒自然好識趣唔會到現場採訪、採訪咗亦唔慌出到街),但打人應該不是既定劇本;至於為何外宣辦官員又講唔出佢地身份,我相信阿劉小姐應該系知的,不過我亦頗肯定佢系啱啱知--根本就系兩個編制,隨時發生咗事補鑊時先搵地方官員起底,再挖呢兩條友出嚟洒冧。

    先不論殺人政權作為威權體制啱唔啱(好不正字正確地,我不嬲認為小蔣或李家坡式威權體制系在本世紀20年代或之前系最適合蝗國),但你想俾百姓哀悼又唔出亂子、又要俾境外傳媒採訪、又要大家和和氣氣,就唔該暗地裡整個“跨部門合作小組”出嚟統籌,唔好各有各做想維穩但結果仲無面。

    不過後來搵呢兩條友真係體制中人、而且記者亦應該認得出佢兩個,咁都算有啲進步--起碼唔會求其搵兩個人頭出嚟認咗佢就算。唔系講少,以前真系會咁做,完全當人地系傻既...

    //殺人政權的問題是不肯面對過失,尤其是係遇上群眾事件,就只會用打壓監控的手法,而唔係用疏導的方法,從善如流去面對

    其實殺人政權不是不肯面對過失的,好多時都會暗啞底自己改善,例如幾年前高鐵追尾,結果就即刻降速,到現在系統越嚟越複雜都無出過大意外,甚至個別路線重新再提升速度--不過系“曹操式認錯”,心裡面知道自己衰但系都要口硬,好似高鐵追尾現場一定唔會俾人悼念亦唔立死難者紀念碑。

    本來“維穩”兩字系中性的,蝗國的“維穩辦”亦不是什麼秘密強力部門而是堂而皇之立晒牌位的衙門(我曾親眼見過有正苦部門有“維穩”兩字);但主旨本來就是藉理解民情疏導民怨去“維持穩定”,但殺人政權好似從來好怕有一個正苦有不是而聚集到一班群眾的議題,所以“堵截”都是慣常手段。

    至於地震引起的豆腐渣工程問題,其實大可推落周老虎身上(周老虎於01-02年間為時任四川省委書記),不過咁大件事好難完全撇除江胡呢兩個前任的關係(即使是正字責任都好),而殺人政權除咗鄧伯夠膽稱老毛“七分工三分過”之外,系從來唔敢話前任最高領導人不是的,所以只能一直正確落去...

    //4. 叫個咁後生嘅記者做「老師」?殺人政權的官方用詞真係好奇怪...
    //源於內地網民稱呼蒼井空為「蒼老師」,自此網上「老師」漸漸取代「先生」作尊稱

    都不一定,超過十年前我都在salon親耳聽過一個洗頭小弟稱呼一個有號碼既飛髮佬做“X號老師”...雖然我平時都比較少聽到人咁講。

    我相信意思應該系尊稱有學識讀過書、或比較有經驗既人。

    //滴滴順風車停業一周息眾怒

    去到即使00年代中期,在珠三角俾黑牌車(即是在打車熱點兜客的私家車)司機打劫系時有聽聞的,據聞是首先兜咗你唔知去邊然後突然幾條友衝上車挾持你,如果你身上錢唔夠就要你講出身上提款卡密碼。在早年乘客被殺是經常的事,因為賊人會以為搶到幾千蚊系巨款要殺人滅口;但後來知道一死人就搞大件事、再加埋好多賊人都開始見過世面,就開始善待受害人--如果搶到你一萬幾千,隨時“回贈”返幾百蚊俾你當路費也!其實無非系搏你怕麻煩唔去報警嗻。

    不過隨著經濟發展,10年代後呢類事情已經絕跡,就算滴滴面世,都無聽過司機打劫乘客既事--否則就呢件事之前已經爆鑊勒!不過唔知系咪飽暖思淫欲,而家反而系以風化案形式出事(其實我認為點都同全國出力掃黃有關,近年蝗國風化案的確多咗,反而以前社會仲亂得多的年代,殺人越貨既事就無日無之,但好少聽聞有風化案...)

    //有需要評論「顏值」嗎?

    我相信應該系司機對乘客的文字意見,寫乜都得,不過“無得刪除”...

    //好在魔術師「鄉下」在深圳鐵路沿線,除咗港版 WeChat,魔術師乜QQ都無裝啫

    我自己都唔系經常用滴滴,而珠三角一帶除非是較偏僻的工業區和鄉郊,隨手打的亦不是太難(但明顯比以前未有滴滴時難咗),而通常我呢類跑開漿糊既總有幾個司機既contact...不過據聞江浙一帶滴滴已經完全將的士淘汰,呢一個禮拜無得用滴滴都唔知點算...

    //母乳問題

    呢個問題我只有兩個意見:

    1)用“母語”呢個感性詞彙而唔用“(社會)第一(流通)語言”,本身就係捉蟲入seafood之舉,因為“母語”是主觀的東西,亦不一定是當時人現在最純熟的語言(我總唔信現在的阿諾舒華辛力加既奧地利德語會流利過美式英語),“第一流通語言”才有客觀標準,亦最需要大家熟習,當然世上好多地方可以多過一種語言並排成“第一語言”。李家坡就系巧妙地將英語升格為“第一語言”而排除咗各家族裔語言的爭議。系都要將“母語”擺到咁高,咁又使唔使夾硬話河國榮既母語系我城方言?

    2)“雅言”

    //好笑,嗰班鬼殺咁嘈咁鐘意撐廣東話,當年老董母語教學又咁反對?

    http://linepost.hk/index.php/blogger/902-yn180510b08

    回覆刪除
    回覆
    1. //好似呢位建制派咁,寫嘅嘢完全係當讀者係智障,連用些許技巧去遮掩自己的歪理都唔去做

      俾返篇正面教材你。

      姑勿論內裡資訊是否符合實情,但我第一次睇到最後是真有“恍然大悟”既感覺。

      http://linepost.hk/index.php/blogger/895-yn180510b01

      刪除
    2. //我相信佢地應該系負責睇住現在哀悼百姓同現場傳媒唔好出亂子的
      //你想俾百姓哀悼又唔出亂子、又要俾境外傳媒採訪、又要大家和和氣氣,就唔該暗地裡整個“跨部門合作小組”出嚟統籌,唔好各有各做想維穩但結果仲無面。

      其實班百姓都只係悼念死難親屬,哭哭啼啼,情緒激動,甚至高呼徹查元兇等梗有;等佢地宣洩完,自然會和平散去,睇佢地個款亦唔會係滋事份子。實際上只需一些公關人員(最好係女士)來協助統籌就夠,搵埋啲賤肉橫生嘅土佬去睇場,只會得到反效果。

      //-起碼唔會求其搵兩個人頭出嚟認咗佢就算。唔系講少,以前真系會咁做,完全當人地系傻既...

      呢啲咪叫「無誠意」囉!真係唔知當地政府係點諗嘅,你係想化解件事,唔係想搞大佢嘛!

      //其實殺人政權不是不肯面對過失的,好多時都會暗啞底自己改善
      //不過系“曹操式認錯”,心裡面知道自己衰但系都要口硬,好似高鐵追尾現場一定唔會俾人悼念亦唔立死難者紀念碑。

      D,呢啲咪係追唔上世界囉!依家世界各國領袖,道歉當食生菜喇!

      //主旨本來就是藉理解民情疏導民怨去“維持穩定”,但殺人政權好似從來好怕有一個正苦有不是而聚集到一班群眾的議題,所以“堵截”都是慣常手段。

      可能係班地方官員太過 risk adverse,唔夠膽「搏」,唯有樣樣看到實。好似李旺旺咁,幾乎都係一個廢人,又何必處處防住佢呢?

      //殺人政權除咗鄧伯夠膽稱老毛“七分工三分過”之外,系從來唔敢話前任最高領導人不是的,所以只能一直正確落去...

      習大大仲係逗留在「十全老人」的級數,跟鄧總工程師差得多了。

      //洗頭小弟稱呼一個有號碼既飛髮佬做“X號老師”

      同我叫鎢絲 sir 做鎢絲 sir 一樣 XD

      //據聞是首先兜咗你唔知去邊然後突然幾條友衝上車挾持你,如果你身上錢唔夠就要你講出身上提款卡密碼。

      我都聽講過呀!

      //如果搶到你一萬幾千,隨時“回贈”返幾百蚊俾你當路費也!其實無非系搏你怕麻煩唔去報警嗻。

      哈哈,真係「盜亦有道」。

      //10年代後呢類事情已經絕跡,就算滴滴面世,都無聽過司機打劫乘客既事

      打劫呢個行業已經式微喇 - 見《樹大招風》...

      //我認為點都同全國出力掃黃有關,近年蝗國風化案的確多咗

      蝗國樣樣都禁,下下以為禁絕(包括民眾悼念,包括黃色招牌)就能成事,結果往往適得其反。真係唔知幾時殺人政權先學識「疏導」呢兩個字點寫。

      //“無得刪除”

      奇怪的 system behaviour.

      //不過據聞江浙一帶滴滴已經完全將的士淘汰,呢一個禮拜無得用滴滴都唔知點算...

      如果無淘寶同順豐就真係世界末日都似 XD

      //因為“母語”是主觀的東西

      意見同上。我覺得係老豆老母自細同你溝通的語言, 就係母語; 就算你長大咗去外國做偽ABC, 日日只講英文, 你母語都係廣東話.

      //當然世上好多地方可以多過一種語言並排成“第一語言”。

      法定語言有成為母語的優勢,但卻不是成為母語的充分條件。

      //小孩去學校唸書,其中一大重點,就是學雅言。大家抗拒普教中,卻不抗拒學英文,說穿了,就是普通話中文不夠「雅」

      咁又係,北方話,受女真韃子的蠻夷話影響不少,當然是不夠「雅」(以我城方言去唸《詩經》風雅頌,都唔知幾易上口)。

      //正面教材

      咁建制派中能人總是有的, 但現在浮上水面的大都是不值一談之輩。

      刪除
    3. //雅言
      我就真係啞口無言!Formal language is my native language. 咁呀?咩鬼嘢「挨雕牙」嚟㗎?XD XD
      果個中大儍佬係想講「語言」同「方言」嘅分別,然後結論「粵語」唔屬「語言」,所以唔可以話「粵語是母乳」。
      講真,乜鬼語言唔係多方言結合而成?唔單止在漫長嘅演化中吸收其他方言(同語言)亦同時影響其他方言(同語言),將來亦會吸收方言又影響方言。我唔會演化互動嘅語言好快會被淘汰。將語言方言外語都分等級同類別都不過是虛榮。

      刪除
    4. //呢一個禮拜無得用滴滴都唔知點算...

      係「順風車」用唔到而已,其他快車專車服務照常運作。

      刪除
    5. //等佢地宣洩完,自然會和平散去
      //可能係班地方官員太過 risk adverse

      我有個損友一言蔽之:“總之見到啲人聚埋一齊,個正苦就會好驚...”

      //呢啲咪叫「無誠意」囉

      今次呢兩個唔系人頭嚟的,算系有啲進步勒。

      //依家世界各國領袖,道歉當食生菜喇

      因為嗰啲系民選領袖,道歉唔使死的,你地屁民唔受大不了下台俾你地再選過;但威權(或以上程度的集權統治)管治,有時認錯系要人頭落地的。

      //習大大仲係逗留在「十全老人」的級數,跟鄧總工程師差得多了

      習帝暫時未肯定會否變「十全老人」(我睇法是「十全老人」是貶義,因為這純粹是乾隆自吹自擂之舉),但肯定無鄧伯既勇氣同權威性夠膽否定前任--尤其前任是變咗做“神”的老毛

      //真係唔知幾時殺人政權先學識「疏導」呢兩個字點寫

      同一個損友話:“而家東莞管得咁嚴,唔通啲友真系唱下量販式KTV就得,連手作仔打下飛機都唔使?”

      //係「順風車」用唔到而已,其他快車專車服務照常運作。

      原來如此.

      刪除
    6. //將語言方言外語都分等級同類別都不過是虛榮。

      可能真係有人將「我城方言」當成係身份認同。

      //總之見到啲人聚埋一齊,個正苦就會好驚...

      仲話自己有「底氣」,唉!

      //但威權(或以上程度的集權統治)管治,有時認錯系要人頭落地的。

      諗諗下,殺人政權真係好鬼《三國演義》版的曹操。

      //係「順風車」用唔到而已,其他快車專車服務照常運作。
      //而家東莞管得咁嚴,唔通啲友真系唱下量販式KTV就得,連手作仔打下飛機都唔使?

      所以「順風車」應運而生。

      刪除
  6. 嚴格地説, 粵語也不能說是香港人的母語, 香港還有為數不少的客家人, 潮州人, 汕頭人, 上海人等等堅持說自己的"母語"。問題出在"母語教學", 如認同用母語教學是教導學生的最有效方法, 香港豈不是要為客家人, 潮州人, 上海人, 尼泊爾人, 巴基斯坦人等等少數族裔提供母語教學和考試?

    如認為"母語教學"是好的, 便應推及至所有少數族裔, 因為大家都是香港人, 應獲平等看待, 特別是教育, 資源可重新分配, 不是大問題, 否則便是歧視少數族裔和剝奪他們應有的"母語教育"的權利。

    只因為1967年以後, 港英政府推行粵語政策, 所以其他的"母語"如客家話和潮州話等等便順理成章得不到教肓界的重視, 那請教肓界别再用什麽"母語教學"的藉口來捍衛粵語教學, 根本沒什麽關係. 正如新加坡的教育政策和制度定了英語是所有的科目(除母語課外)的教學媒介語, 不見得新加坡的學生有嚴重負面的學習影嚮, 也不見得新加坡政府刻意貶低其他種族的語言和文化。

    參考:新加坡語言
    https://zh.m.wikipedia.org/zh-hk/%E6%96%B0%E5%8A%A0%E5%9D%A1%E8%AF%AD%E8%A8%80


    中国历代语音变化 Phonetic Change of Chinese
    https://www.youtube.com/watch?v=KUIEuG5Ox6A

    早期中古汉语,晚期中古汉语,早期近古汉语,老国音,粤语广州话,普通话的对比 青玉案 元夕
    https://www.youtube.com/watch?v=L4UwKgwlIH4


    方言音韻誦讀活動 之 青玉案·元夕【漢語方言、域外方音、古音構擬】古河洛、客家、西南官話、江淮官話、湘語、晉語等等
    https://www.youtube.com/watch?v=efzK3zhEF9k


    唐朝的普通話
    https://www.youtube.com/watch?v=SgHoLAk-kDQ


    重慶話和成都話有什麼分別
    https://www.youtube.com/watch?v=axGL-asWh9g


    搞笑小品四川方言《聽不懂》
    https://www.youtube.com/watch?v=o5HdseC00DM

    重慶 四川話諸葛亮罵馬謖
    https://www.youtube.com/watch?v=cSYgwrMA01c



    //總括而言,小孩去學校唸書,其中一大重點,就是學雅言。大家抗拒普教中,卻不抗拒學英文,說穿了,就是普通話中文不夠「雅」,因為「雅言」有兩個意思,一個是本國的通用敬體,另一則是國際通用語言,英文是後者,因此非學不可。

    換句話說,中國無 Q 用,學好普通話也沒有用,所以又何必學中文呢?君不見,高官權貴的子女都唸國際學校,去外國留學,英文好過中文嗎?//

    睇呢條儍佬發噏風不如睇以下位亞哥寫的仲有些譜:

    無風即風:粵語是唐宋話?普通話是胡話?沒那麼簡單~
    http://www.guancha.cn/wufengjifeng/2017_02_08_393124_s.shtml

    拗下頸



    回覆刪除
    回覆
    1. 呢個就係我覺得黃絲嘅"普世價值"好核凸嘅原因
      因為一將佢地講嘅"普世價值"apply落非佢地自己人嘅時候
      佢地就會立刻搬籠門

      刪除
    2. //香港還有為數不少的客家人, 潮州人, 汕頭人, 上海人等等堅持說自己的"母語"。問題出在"母語教學", 如認同用母語教學是教導學生的最有效方法, 香港豈不是要為客家人, 潮州人, 上海人, 尼泊爾人, 巴基斯坦人等等少數族裔提供母語教學和考試?

      呢個就系我覺得“XX人既母語系XX語”呢句說話好恐怖既原因(除非XX地人口流通量非常低),甚至比當年黃C有青用馬屎撈塔將傷民分類更恐怖,因為“母語”的主觀標籤化非常強,而且比馬屎撈塔啲廢up易入腦得多。

      詳細原因我有空再寫。

      刪除
    3. //粵語也不能說是香港人的母語, 香港還有為數不少的客家人, 潮州人, 汕頭人, 上海人等等堅持說自己的"母語"。

      只能夠話當時有唔少人的母語是自己的方言, 而到了阿董年代, 相信大部份港孩的母語都係廣東話.

      //如認同用母語教學是教導學生的最有效方法, 香港豈不是要為客家人, 潮州人, 上海人, 尼泊爾人, 巴基斯坦人等等少數族裔提供母語教學和考試?

      認同如果有資源的話, 為少數族裔提供以佢地母學的環境, 的確較為理想.

      //無風即風:粵語是唐宋話?普通話是胡話?沒那麼簡單~

      呢一篇比較有質量.


      //因為“母語”的主觀標籤化非常強,而且比馬屎撈塔啲廢up易入腦得多。

      其實只要定義做得好,便無咁容易被人主觀標籤.

      刪除
  7. //至於地震引起的豆腐渣工程問題//

    "豆腐渣工程"?中共自1949年立國後好富貴?起左好多新樓和新學校?梗唔係喇!特別係四川的窮鄉僻壤, 點頂接 7.9級淺層大地震, 頂得住唔冧算係奇蹟!那時國際民房建築的一般標準最多都係頂7級, 香港不在地震帶, 很多舊民房只頂4級, 四川窮鄉僻壤的舊民房點頂?

    香港某些記者佬為銷紙譁眾取寵, 有時真係好乞人憎, 仲要在特大災難製做話題挑火頭, 爭唔落手!反而外國的專家評論比較中肯, 笨土專家去左邊, 唔出嚟澄清?

    Why the China Quake Was So Devastating?
    https://www.livescience.com/2527-china-quake-devastating.html

    Are We Prepared for an 8.8 Quake?
    https://roomfordebate.blogs.nytimes.com/2010/03/01/are-we-prepared-for-an-8-8-quake/

    Experts' Views on Sichuan Earthquake
    http://www.eeo.com.cn/ens/syyd/2008/05/23/100661.html

    有片睇, 比較下:


    2016鳥瞰新重慶
    https://www.youtube.com/watch?v=62dotawwmHw

    80年代的重慶,那時它還不是直轄市,它叫四川重慶!
    https://www.youtube.com/watch?v=A8xdmdVHMW4


    拗下頸

    回覆刪除
    回覆
    1. 呢位「拗下頸」君,旁徵博引嘅寫法之前都留過言,有啲啲似高深版的 Roger 又或者係「親中的」。

      不過,通常片我真係無時間亦無與趣睇,因為成條片咁長都唔知佢重心放係邊;文字版較好,但與其一股腦兒無差別地以 Google 塞俾人叫人自己睇,道義上你都要點下題叫人留意啲乜。否則 quote 一堆資訊出來,又唔寫重點,就好難叫人睇落去。

      //四川窮鄉僻壤的舊民房點頂?

      依家係話有個別房屋特別易倒塌,而周邊的建築物卻損失較輕。唔通只係得幾間學校特別老舊,其餘的都是新型建築?如果係咁簡單,又唔見官方解釋?

      //香港某些記者佬為銷紙譁眾取寵, 有時真係好乞人憎, 仲要在特大災難製做話題挑火頭, 爭唔落手!

      點樣譁眾取寵、挑火頭法?難道當地家屬係比我城傳霉利用?

      我反而覺得維基呢段比較中肯喎!


      https://zh.wikipedia.org/wiki/汶川大地震中倒塌学校列表

      都江堰:向峨乡师生几百人被埋。都江堰新建小学,4层高的教学楼坍塌,六七百名小学生在该校上课,而垮塌新建小学教学楼后面,同一年建的城关幼儿园却安然无恙,墙上甚至很少有裂缝。而与新建小学相隔200米路程的北街小学,只是墙体部分受损学生毫发无伤。都江堰市聚源镇聚源中学也造成大量伤亡。[8][9][10][11][12]

      有關學校質量問題受到輿論強烈關注。其中工程抗震專家、中國科學院周錫元院士解释,校舍房间大窗子大,建築抗震能力差是世界性的普遍問題。[43]有专家指出砖混结构是在地震中非常脆弱的。香港学者在考察綿竹市五福鎮富新小學及都江堰聚源中學后指出校舍结构松散,抗震能力极差[44];住建部亦承認不排除有偷工減料[45],5月16日住建部召开新闻发布会,解释四川省国家规定的抗震建设标准是按照7度烈度来设防的。而地震的烈度达到10-11度,大大超出了规定的建筑抗震设防标准,震中的房屋绝大部分都会倒塌,而对于确实有质量问题的房屋会严肃处理。[46]而日本地震學者亦認為中国建筑抗震标准偏低、中国一般建筑物的支柱较细、混凝土质量较差、钢筋数量较少、建筑技术过旧[47]。
      有当地民众认为,教育投入经费不足是重要的原因,2000年之前农村中小学的教学资金主要由乡镇自己投入,而贫困的乡村常常连民办教师工资都发不出,更别提校舍建设。90年代普及九年制义务教育的达标工程,其中一个重要指标就是要有标准的教学楼,财力不足也得上,比如聚源中学修建当时只有一万多元教学经费,建筑价格在400元/平方米,极度压低成本建筑质量可想而知。这种搞“普九”欠账低价建校舍的情况,在国内经济欠发达地区均不鲜见。[48]

      刪除
    2. 當地受害家屬大部份都唔識咁technical 的乜嘢seismic wave, soil liquefaction, 深層/淺層地震的分别等等, 只知人死了便向政府追究責任, 仲有維權律師加把口, 又怎會聽政府的解釋, 人之常情! 政府解釋完便算, 災後重建大把嘢做, 畀我係官都會咁做, 讓時間沖淡一切, 集中精力做好災區重建是正路.

      很多口痕友以幸災落禍和鄙視的心態講"豆腐渣工程", 你唔知咁多又跟住講, 忍唔住多口更正你又唔聽, 畀外國的專家料你又唔睇, 唔睇又誤解, 便有點那過. 我已盡量就住就住揀的無咁techical 嘅料, 即係畀layman睇嗰種, 但你無興趣想知與我無關, 就算我多口唔識趣, 無謂拗, 打擾晒, 係咁先!

      拗下頸

      刪除
    3. 我問學生『功課呢?』成個書包畀我。
      『咁即係係邊呀?』
      「咪係書包入面囉!又唔睇!」
      『宜家你交功課定我幫你搵功課呀?』
      搵到份報告。
      『下?得個書名嘅?』
      「我驚深得滯你睇唔明吖嘛!人哋外國專家嚟㗎!」
      『中文姓名嚟喎!中資刊物嚟喎!話打疫苗會變自閉嗰位都係醫生嚟㗎喎!』

      刪除
    4. //只知人死了便向政府追究責任, 仲有維權律師加把口, 又怎會聽政府的解釋

      受害家屬在當地住了一輩子,難道不知道「入鄉隨俗,入境問禁,政治氣候」?

      //政府解釋完便算, 災後重建大把嘢做, 畀我係官都會咁做, 讓時間沖淡一切, 集中精力做好災區重建是正路.

      商業機構可以對謠言唔解釋,以免愈描愈黑, 但災後調查可以係科學性, 問心無愧怕乜人知? 調查和重建,也不見得是同一班人做,不會分薄了資源.

      //畀外國的專家料你又唔睇, 唔睇又誤解, 便有點那過.

      我就係睇咗 Why the China Quake Was So Devastating 覺得唔對路, 先來 challenge 你, 結果你又係抄一兩個 header terms 了事, 十足上次那位「親中的」.

      老實講, 寫論文都有 extract 和 summary, 你乜Q都無, 自己有無睇過都唔知, 隨時只係 google headline 找出來, 我仲花時間去睇豈非是冤大頭? 況且我個題目係「老百姓」隨意打人,而唔係豆唔豆腐渣工程, 你咪係度 distract and then hit and run.

      刪除
    5. //「我驚深得滯你睇唔明吖嘛!人哋外國專家嚟㗎!」
      //『中文姓名嚟喎!中資刊物嚟喎!話打疫苗會變自閉嗰位都係醫生嚟㗎喎!』

      笑咗!!

      刪除
    6. //政府解釋完便算, 災後重建大把嘢做, 畀我係官都會咁做, 讓時間沖淡一切, 集中精力做好災區重建是正路.

      災後調查同重建可以一齊做,而且調查結果可以幫助點樣重建如何監督管理重建唔好再有違規偷工減料等等,都好顯淺道理。

      點都好,都冇理由無啦啦打人。仲要做得咁核突遮遮掩掩咁。就算copy and paste一百篇古今中外專家料都無助呢個事實。

      刪除
    7. //災後調查同重建可以一齊做,而且調查結果可以幫助點樣重建如何監督管理重建唔好再有違規偷工減料等等,都好顯淺道理。

      呢啲係係人都知嘅嘢, 偏就有人以桃谷六仙方式亂扯一通.

      //點都好,都冇理由無啦啦打人。

      有人話要「入鄉隨俗」喎! 簡直就是不知所謂.

      刪除