2018年5月9日 星期三

鎢絲 sir 的大茶飯

無見鎢絲 sir 咁耐,原來去咗食大茶飯(36:25 - 47:25)!
樓盤傳真 2018/04/07 2018/04/07 22:55

二手公屋成交創十年新高,價位一再突破500萬,同時預示下一期綠置居即使以市價六折訂價後,大有機會貴過今期七折訂價居屋,關乎綠置居選址優越,但供款佔入息比率亦會超出金管局限制,房委會資助房屋小組內,有委員贊成綠置居定價與市價脫勾。
樓價連續創出歷史新高,當中反映豪宅指數更是領頭帶上。今集以半新豪宅盤畢架山一號為例,談談豪宅市道。
宏安馬鞍山薈晴,驗樓單位是全盤最平單位之一,當日買家入票搶購,但會否平得有道理?
680 萬裝修費,將2600呎空間大改造,三層高獨立屋,除了單位外牆,基本上全屋改頭換面。
鎢絲 sir 話係呢間屋自己最滿意的作品之一,梗係喇!有得將間三層獨立屋反轉再反轉任佢玩唔在講(好地地又現水泥工業風,仲屈係戶主想要的效果),收費仲哈哈哈添!唔向屋主講返聲多謝都唔好意思喇!

鎢絲 sir 先由 nice to have 做起:將地庫有蓋停車場原來的門拆去(左上),再向停車場偷位造了一個玄關(右上),玄關附有到頂鞋櫃和地台,方便屋主換鞋(左下、右下):

鎢絲 sir 將地下客廁1拆去改細(左上),搬去廳中心變黑廁,間屋咁大都要在客廁偷位擺鋼琴,同埋無厘頭整個閣仔在客廁上面(右上)。於是從地庫停車場行上一層到地下,便見到了由新客廁1打造出來的走廊(左中),轉到客廁1背面是鋼琴(右中),頭頂是閣仔(左下),沿着飯廳旁的樓梯可以到達呢個在廁所頂的「休閒區」(右下),臭唔臭就真係住落先知:

鎢絲 sir 又將原來的客廁2、廚房及書房全拆(左上),變成特大開放式廚房(右上);又將無窗的雜物房改建(左中),變成極度刻薄兼唔合規例的工人房(住人的房一定要有窗!)及工人廁(右中)。加上懶豪華的樓梯及六大雲石餐桌(左下、右下),「朱門酒肉臭」五個字早就刻在牆上。

客廳有特色吊燈(左上),梳化後落地玻璃可以直通花園(右上);但奇怪的是另一邊的梳化背後竟然有張椅同摺枱,逼逼狹狹咁,拉開來可以做小書枱(左下、右下)!原來拆咗個書房變廚房,「新書房」就小家到咁:

鎢絲 sir 再將二樓所有房間拆去(左上),間成三房(右上)。主人房套廁用磨砂落地玻璃趟門分隔,若隱若現(左下);馬桶例牌以水泥風格打造,縮埋一角同痴瘋仔個「次格」差唔多:

三間房都偏細。主人房同客房都係黑白灰加張綠色椅,配返個客廳的用色(左上、右上);反而仔房就正常得多,包括埋個套廁都無玩水泥風(左下、右下):

三樓最無嘢改,又係 nice to have 咁間一間洗衣房出來(左上、右上),其餘地方又係休閒空間(下)。但,三個人住要咁多休閒空間做乜?

係咪發覺仲有好多位未睇?原來係屋主唔俾影。2600呎三層獨立屋,一家三口,兩公婆一個仔,明明係住開14年(當年買入價為720萬,現價為2,100萬),點解會忽然間發覺唔夠住,仲要住屋拆哂來個空間大改造?唔知又有無僭建成份呢?唔怪得屋主神神秘秘,唔肯透露地址喇!

12 則留言:

  1. 嘩六百幾萬烏絲SIR呢吓發囉!
    不過業主使得咁多就唔好搵啊烏絲SIR啦,寒寒酸酸四處偷位,又要冇品到三層高獨立屋嗰工人住雜物房,即喺當人喺一件雜物塞喺一邊。
    將廁所擺喺屋企正中心(風水一流),嗰黑漆漆閣仔配埋嗰長扁窗,外觀上就好似打仗時起嗰啲碉堡瞭望台咁監視敵人,爭在冇機關槍喺嗰扁窗伸出嚟。。。

    回覆刪除
    回覆
    1. //將廁所擺喺屋企正中心(風水一流)

      照計呢一家人唔會係一般打工仔, 無論係做生意定係撈偏, 都會信風水的, 無理由任得鎢絲sir亂咁舞...

      //冇品到三層高獨立屋嗰工人住雜物房,即喺當人喺一件雜物塞喺一邊

      呢一家依家都無工人...阿仔細時都唔使工人,無理由大咗反而要, 可能又係鎢絲sir靠把口 sell 返嚟.

      //嗰黑漆漆閣仔配埋嗰長扁窗,外觀上就好似打仗時起嗰啲碉堡瞭望台咁監視敵人,爭在冇機關槍喺嗰扁窗伸出嚟。。。

      哈哈, 德軍地堡...要攻破就要有敢死隊衝上去掟炸藥包.

      刪除
  2. 老僭居多
    面數係俾設計費, 底數係俾老僭

    回覆刪除
  3. 設計好好笑,唔通有地下皇宮,應該冇,除非有?

    回覆刪除
    回覆
    1. 地底皇宮要起在泳池下面的說!

      刪除
    2. 仲要有條隧道,兩邊放滿紅酒,簡稱"紅隧"

      刪除
    3. 哈哈, 估唔到現代我城都有「酒池肉林」XD

      刪除
  4. 真係好普通...自己設計都靚過佢
    真係工業風的話應該地板清水混凝土, 無吊頂全做射燈+軌道燈
    可能設計慣香港典型單位, 咁大間屋都當左600尺來設計

    回覆刪除
    回覆
    1. //可能設計慣香港典型單位, 咁大間屋都當左600尺來設計

      以本案分開4層來計, 其實每層都只係600-700呎,唔算「大單位」, 所以鎢絲sir以600呎X4 來做,都無可厚非 XD

      刪除
  5. 幾層夾埋二千幾尺就收人六百幾萬, 真係好搵.
    鎢絲 sir 做開細單位, 到屋仔都係咁細眉細眼到處偷位. 雖然我都明收左人咁多錢就要做d 野出黎俾人睇, 不過好多時如果情況許可, 留白同放空都係設計一種, 也許中國人就係咁, 側重計算而少左一點藝術觸感; 或者, 都可能係迎合顧客口味吧.

    桑梓

    回覆刪除
    回覆
    1. //留白同放空都係設計一種, 也許中國人就係咁, 側重計算而少左一點藝術觸感; 或者, 都可能係迎合顧客口味吧.

      土豪去到邊都係土豪...書房都無個真係唔得囉!

      刪除