2018年6月1日 星期五

魔術師資產配置(2018年5月結)

5月份最大件事,當然就係大貓宣佈贖回HSBC HOLDINGS PLC. 8.125% Perpetual Subordinated Capital Securities (HSEA.NYSE) 及 HSBC HOLDINGS PLC. 8.00% Series 2 Perpetual Subordinated Capital Securities (HSEB.NYSE)。立竿見影的就是表現佔第六位,作為合格線的債劵及現金組合即時下跌,收報$112.54,比上月下挫1.33%;日後魔術師再重組投資組合,其表現亦有待觀察。
表現唯一不合格的依然是商品組合,佔第七位,受金價下挫所累,收報$105.68,比上月趺 0.85%。
睇返領頭份子。第一位的依然是沉船基金,比上月微升0.70%,收報$166.42;複式盈富比上月輕微下跌2.24%,收報$156.39,緊守第二位。
生活基金又開始甩開房託組合。排第三位的生活基金收報$135.90,比上月升1.09%;房託組合亦穩步上揚,收報$132.15,比上月升1.52%,排第四。
最後要提的就是強積金組合,由於既有等同於盈富基金的恆指組合,與及環球債劵基金「亙相牽制」,表現尚可,收報$119.01,微升1.48%,排第五。


可惜直至月尾,保險公司仍然拖住魔術師十幾萬,唔知係唔係仲係度搵緊藉口唔賠(見《Claim 完保險再食雞》、《續・天敵(四)之保險佬》);搞到由於保險賠償未能入賬,本月淨流動資金只係微升了1.10%,相比淨身家$16,402一單位(比上月升2.92%),流動資金「跑輸大市」,其實即係「跑輸樓市」:

工作方面,本月又忙又做得唔太開心:隨住連月來個 project 愈來愈 global,引入的西人愈來愈多(一係就係米帝洋腸,一係就係印度腸仔),位位大帝淨係識手指指得問進度(人人都係 project manager),實事又唔做,搞到魔術師甚為激氣,開始又返到去要望住自己份身家來安慰自己的程度...唔好話班有青成日嫌辛苦轉工,都叫做經已「財務自由」的魔術師,有時都會因為「窮到只剩下錢」而考慮係唔係又係時候諗下 take a break 或轉工(唔使鬥錢多,只係份身家夠自己使就夠了):

***
伸延閱讀:
Claim 完保險再食雞
續・天敵(四)之保險佬

22 則留言:

  1. 作為pm,我都想只係問進度. Dsponsors 走數,賭白頭片,烦乸到乜。
    唯有睇住自己個倉安慰吓。

    回覆刪除
    回覆
    1. //作為pm,我都想只係問進度

      個 plan make sense 都話問來有道理;個 plan 無logic (前後 dependency 顛倒)的話,神仙都唔會有 progress.

      刪除
  2. 聯合國團隊的結果就是香港人永遠係做野果個,鑊氣重時通常靠頭位,但領功時又常常不見影...
    但恰巧到裁員時,CXO們又想起了香港人...
    這種事獅子銀行最精通此道...

    回覆刪除
    回覆
    1. //聯合國團隊的結果就是香港人永遠係做野果個
      //這種事獅子銀行最精通此道...

      只能夠話係乜嘢公司搵埋啲乜嘢人返嚟...

      刪除
    2. 總之係非我族類,其心必異...

      刪除
    3. 哈哈,啱啱寫咗 email 俾個原先個艇仔獵頭,問佢有無路數。

      刪除
    4. 外國一樣。以往香港華人在外國資訊科技行業,行就行先、死就死先、企就企兩邊,皆因多是埋頭苦幹,而不甚talk得。有舊同事戲稱「華工血淚史」!

      刪除
    5. //行就行先、死就死先、企就企兩邊

      以傷港人性格照計一定唔會咁,可能真係電車宅男比較容易受人欺負。

      刪除
    6. 那些是老一輩香港人,是在九十及零零年代在加拿大工作,現在都已是五十多六十歲了(我年青很多 :) )。他們也不是太「宅男」,但太過抵得惗,加上英文只是第二語言,他人就得寸進尺。之後的一輩華裔IT人是大陸來,較能不平則鳴。
      不堪回首 :D

      刪除
    7. 哎呀, 我都四張幾了... 算係「夾心階層」吧 XD

      //他們也不是太「宅男」,但太過抵得惗

      「唔好怕蝕」吖嘛!不過依家新一袋人唔 buy 了,佢地知道「抵得諗」等於「被人欺負」,班老餅自嘲「華工血淚史」即係佢地自己都唔服氣喇!在「平權主義」下出生的一袋人又點會認同呢?

      刪除
  3. 轉會啦轉會啦轉會啦 ~XD
    鑊係要黎爆架嘛 幫人補鑊係無人會欣賞的
    最多你同定上頭講,當件事發展到XXXX既時候,咪他日先約出黎食個high tea再研究下囉

    回覆刪除
    回覆
    1. //鑊係要黎爆架嘛 幫人補鑊係無人會欣賞的

      不爆的炸彈, 就係 not doing its job 喇!

      //最多你同定上頭講,當件事發展到XXXX既時候,咪他日先約出黎食個high tea再研究下囉

      今個 weekend 等我諗下點做好...

      刪除
  4. 即時辭工.

    買張機票, 識外地女仔去!!

    記得放FB/IG, 等一眾新舊同事恍然大悟!

    回覆刪除
    回覆
    1. 無錯, 當放假時會諗係公司的洋腸同事係幾咁乞人憎時, 就已經係要走的時候. 不過女,我就無乜異性緣嘞, 同埋我又唔會加唔算係friend 的同事落FB.

      今日忽然收到洋腸同事 email,叫咗另一啲 working level 的同事搵我, 因為我係 XXX team 的... 問題就係, 我從來都未被告知我已加入XXX team, 又無 briefing 過, 而我手頭上仲有大量first priority 的工作要幫包青天上司完成. 洋腸都唔知係憑乜嘢 assign 我做呢樣嗰樣(只係包青天上司唔fight back而已), 當我係低端人口咁(其實洋腸自己都係僱傭兵), 真係嬲咗我成晚.

      刪除
    2. 米帝洋腸比較衰,尤其傷巷嗰啲;以為自己優越,又多數喺米帝國撈唔掂,辦事心態就唔平衡,就算冇料都幻想自己可以指點江山。

      刪除
    3. //米帝洋腸比較衰,尤其傷巷嗰啲;以為自己優越,又多數喺米帝國撈唔掂,辦事心態就唔平衡

      係呀,呢件係駐我城米腸。本來做嘢無問題,就算我唔係 reporting to 佢,大家 teamwork 幫下手又點話。最弊佢係下下以老馮態度來講嘢,問都唔問我有乜嘢做緊就推新 job 過來,又無 briefing,態度實在太差。

      駐米洋腸仲 arrogant,要寫一篇分享下。

      刪除
  5. 其實份份工都會有煩心事,只是程度不同而已,魔兄用呢個角度諗或者可舒緩一下。

    回覆刪除
    回覆
    1. 係嘅, 去咗第二度又未必係想像中咁好, 但叫我做開公司做老闆我又無呢種魄力.

      刪除
  6. //哈哈,啱啱寫咗 email 俾個原先個艇仔獵頭,問佢有無路數。//

    性騷擾你個位?

    亞力士

    回覆刪除
    回覆
    1. //性騷擾你個位?

      No la, 嗰間唔成事,怕怕!

      刪除
  7. 同感,以前幫公司請IT人,外籍IT出問題的機會比本地多,除了同事相當熟悉而介紹回來的外籍。

    回覆刪除
    回覆
    1. //外籍IT出問題的機會比本地多

      洋IT 多吹水PM 嘛!

      刪除