2018年6月9日 星期六

Call師傅

話說打風前的一兩個星期,我城非常悶熱,天文台連日發出酷熱警告,本來開住冷氣訓會幾舒服,但魔術師就無福消受,朝早六點幾就熱醒!
事關睡房部分體式冷氣機壞了,只能吹出熱風,無咗制冷功能,真係天口熱,祈禱都唔掂!


由於魔術師不肯定冷氣機哪裡出錯,於是便叫原廠派師傅上來維修。師傅檢查完一會之後,發現室內分體機與及室外散熱器都運作正常,懷疑會不會是漏雪種,於是便叫魔術師找人搭棚,摘日再檢查清楚。
找人搭棚,魔術師真係無呢個經驗。上次買樓裝潢時裝埋冷氣都係電器鋪一手一腳約師傅包辨。
好在,魔術師忽然醒起,曾幾何時報章有報導過呢個 App(真係科技予人方便,以前邊有呢枝歌仔唱):

記住千祈唔好裝錯另外嗰個 app,介面差好遠的。
呢個師傳 app 都算做得用心,係上傳圖片方面有少少問題,駁唔到去 iPhone Photos,其他方面(尤其是係分類)都 okay。魔術師輸入了要求之後,兩小時內便有三個回應,可以叫魔術師做 quotation 同埋 clear choice。
本來魔術師比較屬意其中有一間比較大型的棚商,雖然收費貴少少但卻是老字號,不過由於魔術師問了細節之後,佢地到夜晚先回應,錯失了時機。魔術師已找了以下的師傅辦理:

呢一間係次選的原因是因為佢劈頭第一句就問搭幾長。魔術師跟馬大亨一樣都不是技術人員,只能籠統地回應。後來轉用 Whatsapp 傾,原來呢間棚商係個體戶,屬自僱人士,只有公司登記及買了第三保,沒有勞保,要在開工當日到管理處簽名伸報。

哎,總之管理處話無問題就無問題喇!魔術師都係想整返部冷氣啫!
真係估唔到分體式冷氣機用了四年便出事故,好在魔術師唔係鎢絲 sir 式假天花加百葉遮到實的設計,否則要維修起來就更加麻煩!
***
伸延閱讀:

馬時亨:上次可能「天口熱、無祈禱」出言得罪公眾
新聞 28 五月 2018
港鐵主席馬時亨早前回應高鐵車輪磨損事件,指同事已回應不會影響系統安全,因此無謂再給予太多資料,大家應相信港鐵管理層,又說「我哋話畀你聽OK就得㗎喇」。
馬時亨早上在一個電台節目再度解釋,指自己當日可能因為「不知是否天口熱」或「朝早可能無祈禱」。被問到會否修正或收回言論,他認為,不需要修正,即使提供更多資料,對事件並無改善。馬時亨說,在公眾知情權及員工感受之間,要有平衡。他說,希望市民明白如果凡事匯報,會為同事帶來沉重負擔及很大壓力,重申港鐵受監察、具透明度,公眾應相信港鐵管理層。
馬時亨強調,若試運時遇到不尋常情況、影響安全系統或未能如期通車,一定會公布,早前石崗列車停放處發現有高鐵列車的車輪偏離路軌事件,是不常見情況,港鐵今日會詳細交代,但試運時在無載客情況下,出現隧道漏水等情況,是無關行車安全,認為毋須公布。他重申,港鐵有高透明度,受多個政府部門高度監察,有定期向立法會匯報,希望公眾對港鐵39年的鐵路管理經驗有信心。
馬時亨以開餐館為例,指若試運時沒有顧客,餐廳地板出現漏水,無理由要向未來的顧客公布。馬時亨認為,試運期必定遇到很多問題,同事正處理,而在試運期後,仍需經法定檢測,希望可達9月通車目標,重申並無政治壓力。馬時亨說,同事很辛苦,不能事無大小交代,重申港鐵在三個情況下一定會公布,包括遇到不常見情況、安全系統出問題、或通車日期有改變。
對於前九鐵主席、立法會議員田北辰指,如果他自己做主席,會凝造氣氛,盡量釋除公眾疑慮。馬時亨說,田北辰出任九鐵主席時,大家「有目共睹」,他不作評論,又指大家作風不同,強調自己很透明亦親民。
高鐵試車馬冀大眾信港鐵管理層 更新:2018/05/26 17:01

高鐵試車近期接連出現問題,港鐵主席馬時亨被問到會否公開更多資料時指,希望大家相信港鐵的管理層,他們指沒問題就是沒問題,又指大家都不是技術人員,要那麼多資料都沒意思。
由隧道滲水影響信號系統,到列車車輪磨蝕較預期多,近期高鐵測試出現連串問題,港鐵都是在傳媒查詢下才證實,主席馬時亨表示,試運就是想找出問題,港鐵透明度已經相當高,那可否公開更多資料,例如車輪磨蝕了多少?
他重申如果試車出現不常見的情況,或影響到九月通車的目標,或影響到乘客安全,港鐵一定會第一時間公布。
至於通車時有沒有一地兩檢,立法會將於下月六日恢復二讀有關法案,政府會否為表決設下死線?運輸及房屋局局長陳帆表示,法案委員會已經召開十七次會議,討論了四十五小時,條文亦只有三個部分、合共八條,有信心可以盡快通過。
未來在西九龍站買高鐵內地段車票要付手續費,馬時亨表示相關安排仍在處理,有消息會再公布。

12 則留言:

  1. 一兩星期前,就有親戚睡房冷氣壞了。相熟師傅一個受左傷,一個做唔切。。。
    似乎要下載定魔兄介紹個App傍身。。。

    回覆刪除
  2. 回覆
    1. 要檢查完知道出事故的原因先, 再決定是否在保單保障範圍之內.

      刪除
  3. 師兄貼嗰個廣告,短裙妹唔知點解要垃高條裙?依家加騰腥些都落戶TVB廣告了。av普及化乎?

    回覆刪除
    回覆
    1. //短裙妹唔知點解要垃高條裙

      好似係因為裸男轉pose,身水的汗水整濕了短裙妹條裙 XD

      刪除
  4. 其實, 好多小型水電, 用呢個APP 好過落街搵. 鋪個班大雞唔食細米.

    不過你搭棚咁大舊肥肉又另計.

    回覆刪除
    回覆
    1. 同意,小型水電搵個體戶搞好過。

      //搭棚咁大舊肥肉

      千幾兩千有幾肥呀?

      刪除
    2. 魔術師兄,我多口答句咀,唔一定準確:

      1. 搭棚理論上要簽棚紙俾勞工處check,不過呢啲飛棚應該唔會check,係唔知您大廈管理處要唔要您預備,不過照上文睇似乎唔駛;(棚紙=http://www.labour.gov.hk/text_alternative/pdf/eng/CSSR-F5.pdf)

      2. 搭飛棚即係要在外牆釘最少2隻狗臂架,每隻狗臂架最少釘2口鏍絲,在拆了飛棚後在外牆最少有4個洞,如不處理會導致積水,嚴重的可能造成牆身滲漏,同埋唔知您屋企外牆是紙皮石、瓦仔定油漆,前兩者會好煩去處理的;

      3. 我識的師傅,講分體式冷氣機,個個都係講大金最好。

      刪除
    3. 謝提點!

      //搭棚理論上要簽棚紙俾勞工處check,不過呢啲飛棚應該唔會check,係唔知您大廈管理處要唔要您預備

      管理處規定要14日內完工,所以「每十四日一次或在其他場合執行的檢查結果報告」便不適用了.

      //在拆了飛棚後在外牆最少有4個洞,如不處理會導致積水,嚴重的可能造成牆身滲漏,同埋唔知您屋企外牆是紙皮石、瓦仔定油漆,前兩者會好煩去處理的;

      管理處另有 notes 通知要處理, 我會再同師傳跟進, 多謝提醒.

      //個個都係講大金最好。

      同意. 我買三菱的原因是因為大金當時沒有啱匹數的變頻冷暖機。

      刪除
  5. 原來係變頻冷暖機。
    冬夏都用,用咗四年,其實以冷氣機既角度,應該係用咗八年,差唔多要換啦XD

    回覆刪除
    回覆
    1. 其實我冬天除咗最涷嗰幾日(應該都無十日)要開暖氣之外,部分體機其餘時間都係 idle 的說。

      刪除