2019年2月6日 星期三

解車公靈簽(2019己亥豬年)

回顧去年《解車公靈籤(2018戊戌狗年)》,車公勸勉傷民不要連過個「灘頭海」都要怕濕身,否則蘇州過後無艇撘。尢幸無論是膠鐵通車,抑或是港豬噢大橋開通,起初雖有亂象,但也能很快 settle,更沒有泛民所害怕的「洗頭列車」發生,777 總算沒有辜負了車公的一番心意。至於沙田區,一句「勸君勿論多或少,寸土原來一寸金」,以經預示了樓價見頂一事了!
咁,超神準的車公,今年又點講呢?
鄉議局主席劉業強為香港求得中籤 更新:2019/02/06 14:07

年初二車公誕,鄉議局按傳統到車公廟求籤,主席劉業強為香港求得一支中籤,劉業強指籤文是說政府施政需要得到市民支持,才會成功,有解籤師傅就指,籤文暗示市民有很多怨言。
新一年香港運程是怎樣?車公可能可以給予啟示,鄉議局主席劉業強為香港求到一支中籤,「石田為業喜非常、畫餅將來未見香、怎曉田耕耘不得、那知餅食不充腸」,解曰出入謹慎.家宅不吉.自身平安.求財不遂。不過這位解籤師傅就有另一番見解,有市民都指籤文說出他們的心聲。
沙田鄉事委員會就為沙田求到一支下籤,「心中日復自思量、時運未通怎主張、進退難為無定處、恐防患禍與災殃」,解曰出入謹慎.凡事小心,求到這支下籤的首副主席李志麒表示,只要凡事小心謹慎,自然可以化解。
魔術師覺得呢支籤其實係下籤先啱,劉公仔話乜鬼「政府施政需要得到市民支持,才會成功」,簡直就係胡說八道。
(圖片來源:術數縱橫 - 玄空掌派 > 車公靈簽
籤文雖然貌似簡單直接,但其實內有深意。「石田為業喜非常」:業者,家業也;也可以解作遺產承受。第一句描述的,就是講一名柒頭,忽然得到了一片「石田」為家業,於是便「喜非常」。至於點解只係得到塊「石田」都可以咁開心?味就係因為呢條友係條不學無術的柒頭囉!
「畫餅將來未見香」都係講緊呢條柒頭的為人,只會吹水大隻講,畫餅充飢;得到塊石田,都可以吹到大一大。又,「畫餅將來未見香」中的「畫餅」,出處為《三國志·魏書·盧毓傳》
選舉莫取有名,如畫地做餅,不可啖也。...名不足以致異人,而可以得常士。常士畏教慕善,然後有名,非所當疾也。
三國時代的古人已知「選舉」(!)只能選出有虛名的「常人」,不足以幹實事,更不是在才能的「異人」;奈何二千年後的傷民依然迷信「票王」,真係自作孽!
第三句「怎曉田耕耘不得」,重點在於「怎曉」:亦即是旁人在第一句已知道「石田」係有問題,但主人公不學無術,到後來才知道「石田」是不可能耕作的,所以才是「柒頭」囉!
第四句新聞報導有錯,籤文係「郎知」,而唔係「那知」。「郎知餅食不充腸」中的「郎」字,指「丈夫」、「情人」(「郎情妾意」、「郎才女貌」),又或者是別人的兒子(「令郎」)。描述的,正正就是呢名主人公「柒頭」,其實只係一條柒青,明明知道石田唔 work,都要吹到將來有幾美好;到頭來諸事不順,最後便只能「攤攤手」,對住鄉親父老作個無奈的苦笑了!
整段來看,成件事以「家業」作為起始。「畫餅」出處為「畫地為餅」,放諸我城的近期議題,有關土地的,當然就是「大辯論」了。由此路進,作為前人留下來的「家業」,當是粉嶺高而富球場了。土地供應專責小組提議粉嶺高而富球場,正合了好些販民、保育派、與及黃C本土的「可持續發展」理念,上述人士自不「喜非常」了。但其實粉嶺高而富球場周邊發長配套久奉,如果將「不能耕作」當成係「不能發展」解,球場自不然就係「石田」矣。當然,大 sell 理念的保育柒青(朱仔?)會大派定心丸,將未來講到點好點好,但其實只係「畫餅充飢」,係人都知在可能將來都係「未見香」也(事業:未見成就,財運:未到)。但 sell 吓 sell 吓,班柒青自己都信以為真;到真係發長遇上困難時(生育:較難),就只會講句「認真你就輸」,拍拍屁股走路了(家宅不吉,自身平安,求財不遂)。
唯一值得安慰的是,好在「占病頑疾不畏」,「婚姻波折不畏」,係就係有病有波折,但點都會安然度過的。
至於沙田支籤:
(圖片來源:術數縱橫 - 玄空掌派 > 車公靈簽
今次車公講得再明白也沒有了,「心中日復自思量,時運未通怎主張」即係話港鐵沙中線依家洗濕咗個頭,日度夜度(心中日復自思量),進退維谷(進退難為無定處,訴訟:進退兩難,姻緣(即與禮鈍的合約):分合無常),但點都好,未過安全檢測(時運未到),就千祈唔好為通車而通車(主張),否則只怕會「車毀人亡」(恐防患禍與災殃)。查實,之前投放咗的資金,已成為 sunk cost,不應為 meet deadline 而急就章(出行:暫緩行程)。車公之言,當局一定要聽啊!
***
參考資料:
百度百科:畫餅充飢
漢典:郎
***
伸延閱讀:
解車公靈籤(2018戊戌狗年)

46 則留言:

  1. 車公真係年年都Good show!

    回覆刪除
    回覆
    1. 魔兄將沙田簽聯想到沙中線又幾應景喎!

      刪除
    2. 沙田支簽, 我第一次聽就已經 vow 咗出嚟!

      刪除
  2. 三弟亂估:會否後主在求簽時不是諗緊香港,而是自己的鄉事皇朝,而令車公誤會了?即是支簽其實係講緊後主?而非腥港?(利申:後主論不是出自小弟,而屬另一位高人)

    回覆刪除
    回覆
    1. //即是支簽其實係講緊後主?

      劉公仔當時諗緊乜, 會唔會係AV女星, 就真係天知地知了.

      刪除
  3. 車公怕咗啲有青黃c等亂咁嚟解,一年比一年淺顯,又一年比一年貼題。不過硬都有人要拉埋明日大愚唻講⋯

    回覆刪除
    回覆
    1. 人通常是獲得了一畢意外之財, 不勞而獲, 才會「喜非常」的: 以土地為家業, 一係就係遺產繼承, 一係就係無端端找到一處荒地(石田), 任你「逆權侵占」. 點都好, 當你大鑼大鼓刻劃了日後發長藍圖之時, 才後知後覺發現是石田是不能耕作的, 到時便乞米了.

      明日大愚是做地填海, 不屬於不勞而獲的意外之財, 如何「喜非常」? 前設都唔對題喇!

      刪除
    2. 如果我估,我會認為“石田”是一些現有的東西,也不一定是粉領高爾夫球場,而是泛指一眾傷民所言的“既有優勢”、“核心價值”等;而車公就話,你班友成日恃住固有優勢,就空談(畫餅)前景,誰料靠食老本已經耕耘不了,落得“畫餅未能充飢”的下場。好在籤文的延伸解讀,都係話“並無寸進”而已,自身基礎並無太大損失;而投資,今年應該繼續好難玩了(自身平安,求財不遂)。

      如果“石田”是指實物,亦是現有粉領高爾夫球場、荒廢農地和棕地比大愚填海更符合。

      成段嘢全無典故,亦只是很顯淺的文言文,完全看不出“官府/朝廷需要百姓支持”的意味;咁都可以講到「政府施政需要得到市民支持,才會成功」,真的如魔兄所言是徹底的胡說八道。

      //尢幸無論是膠鐵通車,抑或是港豬噢大橋開通,起初雖有亂象,但也能很快 settle

      人若不信辛苦事,何能取得保安寧。
      自身:要勇敢果斷 財運:可有財運 訴訟:和談可解決
      行人:途中有阻 生育:不順但無礙 出行:合宜
      事業:起步難  姻緣:退縮則不成 家宅:先苦後甜
      搬遷:不宜   疾病:可痊癒

      套在高鐵同大橋,基本上車公去年預言都中的。

      尋日大橋成13萬幾日出入境,高鐵都破紀錄9萬6人,兩邊破晒紀錄但都沒有出什麼亂子,其實真的有啲喜出望外。

      令有青更激氣的,可能係我城出行新春短線蝗國旅行團,生意額竟然因為大橋同高鐵,比舊年翻咗三四倍!

      刪除
    3. 俾返個source先

      http://news.tvb.com/local/5c57c03ee60383f23a8bb72f

      刪除
    4. 摩兄,大橋我唔知,但高鐵真係好在有起。內地主要城市日後的新市中心全部都係響高鐵站附近。你唔駁入去,日後香港真係變孤島都似。當年高鐵開始營運時,有句流行語:「被高鐵了」,即是被逼買貴好多的高鐵票。今日內地人春運返鄉係話搶唔到高鐵票的。

      刪除
    5. //泛指一眾傷民所言的“既有優勢”、“核心價值”等;而車公就話,你班友成日恃住固有優勢,就空談(畫餅)前景,誰料靠食老本已經耕耘不了,落得“畫餅未能充飢”的下場。

      這也是解釋之一,不過有個細bug:就係食老本在過去一段日子係 work 嘅, 咁其實塊田並唔係完全不能耕作的石田,可能只係瘦田而已... :)

      //真的如魔兄所言是徹底的胡說八道。

      建制派(及販民)呢類睜開眼說瞎話的舉動, 才叫乞人憎.

      //兩邊破晒紀錄但都沒有出什麼亂子,其實真的有啲喜出望外。
      //往年一般去內地如果短線,即是去廣東省會坐巴士去,今次坐高鐵或經港珠澳大橋,與以往比較有三、四倍的升幅,是非常驚人。

      無辦法, 除非好似班巷蜀咁無得 return home, 否則身體就最誠實, 人就係貪方便. 唔係港鐵上蓋的樓盤就唔會賣得咁貴喇!好少人好似我咁,怕嘈怕人多,多過怕唔方便架!

      //日後香港真係變孤島都似。

      笨土巷蜀就係想我城變孤島, 巷中區隔吖嘛!

      刪除
    6. //尋日大橋成13萬幾日出入境,高鐵都破紀錄9萬6人,兩邊破晒紀錄但都沒有出什麼亂子,其實真的有啲喜出望外。

      好似我呢啲坐長途車會暈車浪嘅孱仔,膠鐵真喺大救星。當初話大白象冇人搭高鐵嘅人去左邊呢。

      刪除
    7. //當初話大白象冇人搭高鐵嘅人去左邊呢。

      戲子陳跟完膠鐵不果, 就走咗去跟蹋樹, 柒咗之後就要跟沙中線. 本來跟沙中線事件贏面好大,但佢下下都話要特權法, 係要搵啲無乜人 buy 的 proposal 來追住咬.

      刪除
    8. 佢肯追沙中線,證明仲有啲marketing sense,點都好過癡瘋仔曲高和寡剩係搞國歌法了.

      刪除
    9. 畢竟痴瘋仔係唔使出政府糧的...

      刪除
    10. //車公怕咗啲有青黃c等亂咁嚟解,一年比一年淺顯,又一年比一年貼題。 //

      車公可能會話: 你班粉皮, 平時又唔讀多啲書, 要我下下都用咁顯淺嘅簽文, 去講嚟年嘅運程. 好啦. 今年已經好淺架啦, 咪再亂咁嚟啦.

      刪除
    11. //今年已經好淺架啦, 咪再亂咁嚟啦.

      「裝睡的人永遠叫不醒」

      刪除
  4. 簽文好似好顯淺,無咩好野! 但係奇怪係中簽,而非下簽。今早聽趙博解簽,好似有點道理。不過,他引的典故,一時間揾唔到,要再找一下。

    石田那段,吳王原本兵力强大的吳國,想攻打越國和齊國。但係越王進貢臣伏,所以吳王就集中進行滅齊。 伍子胥就講石田.....,意指打贏齊國可能好威風,但係齊國在北方,就算赢了,也是得物無所用,應該指向南方的越國。

    Lawrence

    回覆刪除
    回覆
    1. 伍子胥諫曰:「夫越,腹心之病,今信其浮辭詐偽而貪齊。破齊,譬猶石田,無所用之。...」

      《史記:伍子胥列傳18》

      https://ctext.org/shiji/wu-zi-xu-lie-zhuan/zh#n7454

      伍子胥進諫吳王的話,後來成了一句成語「如獲石田」,用以比喻得到無用的東西。

      http://classweb.loxa.edu.tw/jsn9100/data1/story/012.htm

      刪除
    2. //趙博解簽

      邊度可以搵到呢?

      //打贏齊國可能好威風,但係齊國在北方,就算赢了,也是得物無所用,應該指向南方的越國。

      對我城有全面管治權其實無用, 其實要武力攻台 (笑)?

      刪除
  5. https://youtu.be/E20D-ef-9Ow

    回覆刪除
    回覆
    1. 說實話,我覺得佢有現成立場穿鑿附會的成份--例如“石田”,為何一定要解釋北面的齊國就等同現在的蝗國市場/政策?南方更夾硬,我城的“外國”從來在西方的啊!如果我要解釋,係車公用呢個典故叫你班反對派唔好掛住“攻擊”(抗拒)北面的蝗國,因為真正的心腹之患,是南方的小國--李家坡!!!!

      至於“畫餅”,明明簽文主打是魏王曹丕語“名如畫地作餅,不可啖也”,但佢卻帶去盧毓所言“常士畏教慕善,然後有名,非所當疾也”,再被帶去我城要繼續利用自己的名聲老本...

      其實,不論小弟、魔兄、或呢位趙博對簽文類比實物之言,都是憑空猜度,只是睇下從簽文前文後理能否解釋得通而已(小弟自問,“越國=李家坡”從語境來看比趙博之言靠譜得多);車公究竟想我地用字面解、定話要諗埋後面的典故,相信要到下年過年才能知曉。從最基本的解釋,簽文想講就不就係

      得到啲無謂嘢,就當係家業而開心死,然後用呢啲無謂嘢嚟吹水將來,不過啲無謂嘢根本無實效,先知到頭來得個桔!

      咁究竟“無謂嘢”係乜嘢?之後又點吹水?大家而家都估估下,真係要出年先知了。

      刪除
    2. 其實“無謂嘢”係咪“土地大便論”份報告????? XD

      刪除
    3. //得到啲無謂嘢,就當係家業而開心死,然後用呢啲無謂嘢嚟吹水將來,不過啲無謂嘢根本無實效,先知到頭來得個桔
      //其實“無謂嘢”係咪“土地大便論”份報告????? XD

      好容易捱過了11分鐘,感覺基本上同摩摩所說一樣。

      //你班反對派唔好掛住“攻擊”(抗拒)北面的蝗國,因為真正的心腹之患,是南方的小國--李家坡!!!!

      佢應該咁講:「同蝗國(北方齊國)融合(攻打?)係無用架,去佔領南海搞巷蜀才對(逆紅海行動)!」

      /佢卻帶去盧毓所言“常士畏教慕善,然後有名,非所當疾也”,再被帶去我城要繼續利用自己的名聲老本...

      明明「常士」係講 mediocre, 佢就話係「唔錯的讀書人」,然後就「盛名之下無虛士」,將件事倒轉來講。

      又,我係極之不喜歡呢類拍出上 youtube 的。成段片的影像根本毫無 value added,11分鐘的影片,如果化為文字,大概只需三幾分鐘便讀完吧?仲可以方便 copy and paste 添!

      總結來說,呢類網紅拍爛片只係因為懶寫作,就咁口噏噏算數,開頭幾分鐘完全不着邊際,浪費觀眾生命。

      趙善軒

      D,原來係佔派,怪唔得立場咁堅定。

      刪除
    4. //佢應該咁講:「同蝗國(北方齊國)融合(攻打?)係無用架,去佔領南海搞巷蜀才對(逆紅海行動)!」

      本來佢講典故係ok的,至少佢講出“石田”的典故;但點解無厘頭由“不值得打北方齊國而南方越國才是心腹之患”類比為“不值得遷就蝗國政策/攻占蝗國市場/融入蝗國而應將目標放眼海外”呢?點解唔可以解“北方是不值得對抗、南方才是心腹之患”呢?

      //明明「常士」係講 mediocre, 佢就話係「唔錯的讀書人」,然後就「盛名之下無虛士」,將件事倒轉來講

      中肯啲講,盧毓話“常士”(平常的人才)因為“畏教慕善,然後有名”,“非所當疾也”(並非應該討厭的);但盧毓之後仲有句“又主者正以循名案常為職,但當有以驗其後”,即是“常士”的能力是要被實際驗證的。成段對話根本就無講過“盛名之下無虛士”,穿鑿附會實在太明顯,目的就是要帶去“我城核心價值的名聲”是很重要的--但即使“畫餅”是指這個“名聲”,車公都話“未見香”、“不充腸”,阿趙博又點解引導到去“如果我地完全放棄名譽,畫餅就不能充腸了”(片內原話)?

      //怪唔得立場咁堅定

      呢段片,令我完全體會到“先有立場、後有解釋”係點解。

      另外今日周顯大師一言,就令“石田”是“明日大愚”之說破功--因為求籤是求一年間之事,即是明年今日大家就知“石田”係乜,而“明日大愚”是否“石田”,是需要十年以上才能驗證的。

      https://www.am730.com.hk/column/%E8%B2%A1%E7%B6%93/%E7%95%AB%E9%A4%85%E5%85%85%E9%A3%A2%E5%92%8C%E6%AD%A6%E5%89%87%E5%A4%A9%E8%B3%9E%E8%8A%B1-160792

      刪除
    5. //“不值得遷就蝗國政策/攻占蝗國市場/融入蝗國而應將目標放眼海外”

      趙博話我城係「海洋觀」,所以向南(但南海有老解軍艦喎!)... 「海洋觀」甚麼的,是拾《河殤》口水尾。

      //即使“畫餅”是指這個“名聲”,車公都話“未見香”、“不充腸”,阿趙博又點解引導到去“如果我地完全放棄名譽,畫餅就不能充腸了”(片內原話)?

      由此路進,趙博認為自己腦補出來的「盛名之下無虛士」,而「畫出來的餅」,並不是完全是「虛的」,是有實際作用(可以吃飽)的。咁,就好似完全違反了「畫地為餅」的定義了;抑或趙博是 suggest 傷民食泥?

      //“常士”的能力是要被實際驗證的
      //令我完全體會到“先有立場、後有解釋”係點解。

      要驗證常士的能力,三國時代就是試考試。明顯,放諸現代,以這位趙博的「能力」來說,即使通過了考試,依然是「常士」

      //今早聽趙博解簽,好似有點道理。

      黃C最叻就係以高超技術忽悠港豬,旁徵博引,手段遠高於建制。黃C明明自己有學識,但卻唔用在正途,而去用來誤導他人,以達自己目的,可謂斯文敗類,有辱先賢。好似呢位匿名咁,中咗計亦不自知,好在有客席主持解惑,但唔係個個咁好彩,有幸睇到呢篇文也。

      //反而把此講為政府的土地和房屋政策無效,倒還有點兒靠譜。

      同感。

      刪除
  6. 祝魔術師兄及各位新春大吉、萬事勝意!

    一九九七年回歸寶鼎斷腳及二零零三年下下簽可並列為最靈驗。

    回覆刪除
    回覆
    1. //祝魔術師兄及各位新春大吉、萬事勝意!

      謝謝,大家咁話。最緊要係身體健康。

      //寶鼎斷腳及二零零三年下下簽

      真係不可不信邪。

      刪除
  7. //但其實粉嶺高而富球場周邊發長配套久奉,如果將「不能耕作」當成係「不能發展」解,球場自不然就係「石田」矣。//

    高球場o米又係一堆古樹/保育價值高生態, 炒作一輪, 朱西敵自己都過唔到自己

    最後:我都知係唔work,"郎知餅食不充腸"中晒

    回覆刪除
    回覆
    1. //朱西敵自己都過唔到自己

      明知係石田都要 sell,真係呃人之前先要呃到自己。

      刪除
    2. 高球場亦不是一年之間的事,應該不是石田所指的東西。

      刪除
    3. 高球場可唔可以一年內驗證係石田,關鍵是今年出唔出到環評同古樹保育報告。

      刪除
    4. 如果係以環評報告作準,咁明日大嶼都可以是石田。

      刪除
    5. 高球場是現有事物. 得到了石田(發展委員會認為發展高球場), 喜非常的是一群仇富人士, 便開始描劃願景, 如果「保育報告」是在今年內出籠, 「怎曉得不能耕作」就是說證實不能發展.

      明日大嶼是未有的事物, 現在的只是一片海水. 「得到了一片海水(現有事物)便開始描劃願景」, 這不乎現實情況; proposal 亦未通過, 也未曾有「喜非常」的人.

      刪除
  8. 石田應該是指現有事物,而有得多人覺得有商機,例如bitcoin、大灣區樓、新經濟股都有符合這兩點定義。

    回覆刪除
  9. 補祝大家人人生日快樂!
    放左幾日假,走去珠海,旺一旺條港珠澳大橋。

    回説簽文,我係唔明點解係中簽,唔係下簽。刚才再睇一下,望梅止渴都唔係太差,衹是路途艱辛,往後如何,仍是未知,中簽也不錯。

    簽係代香港人求的,當然可以係車公講給黄絲自由派:覺得“田“係權貴擁有的高球場,終於被打下,要回吐,所以“喜非常“,但係往後没有多大用處,還要另找戰場。
    倚天梁,癡瘋仔有名氣,但係佢地名聲雖大,但個朵臭樣,搞唔起,無謂浪費時間。

    如果説給當權派的,就正正是大家“喜非常“的高鐵。 小弟家住西九,高鐵去東莞廣州,實在非常方便。用支付宝,網上訂票,深圳北站轉車,更可以再平一級,實在非常好用。 如果大家同時北伐,融入大灣區,怎曉田耕耘不得,比唔到香港食呀! 香港有得食,就要睇住南面。有建議開去南海,現在先建議一個大嶼南。 車公意思應該係咁。

    最後講多兩個見聞。

    第一係珠海公交,市内統一只收一元。以前話收三元都回唔到本,現時換曬空調電動巴士,QR乘車碼.... 以後多啲去珠海玩。

    流浪地球電影版,大陸春節破記錄大收。搞到我嗱嗱聲搵返本小說睇。原來只係超短篇,只有四章,同魔術師的小說差唔多。不過,劉慈欣的科幻小說格局,冇甜冇鹹,人物描寫平淡,就係比較破格,只有意想不到。
    Lawrence

    回覆刪除
    回覆
    1. //香港有得食,就要睇住南面。有建議開去南海,現在先建議一個大嶼南。 車公意思應該係咁。

      你咁講都有道理架!

      //市内統一只收一元。

      我城的公交真係貴到無倫。

      //流浪地球

      有黃C前同事恥笑《流浪地球》缺乏常識:在無氧氣的太空如何點火呢?


      刪除
    2. //小弟家住西九,高鐵去東莞廣州,實在非常方便

      Lawrence如果做我上手公司,真係可以日日七點起身即日來回東莞廠仲可以七點半返到屋企食飯...

      //有建議開去南海,現在先建議一個大嶼南

      車公buy孽瘤?其實我覺得孽瘤個填海地點係好過東大愚的。

      //現時換曬空調電動巴士,QR乘車碼....

      我仲記得十幾年前,有人話未試過坐公交俾人割褲後袋都唔係住深圳...十幾年間真係有啲滄海桑田...

      //以後多啲去珠海玩

      建議再移步去中山,石岐步行街好有呆灣老城區feel,被賣大灣區樓sell到爛的大信新都匯的確係幾好的購物區,著名食肆“石岐佬”就係隔離。

      //劉慈欣

      劉慈欣賣點係佢真係物理科研人員出身,書裡面的是硬知識。

      //在無氧氣的太空如何點火呢?

      佢應該先質疑美帝當年如何由月球送太空人返地球,事實是美帝長期有一幫人質疑人類上月球是否一個騙局...

      刪除
    3. //我係唔明點解係中簽,唔係下簽。刚才再睇一下,望梅止渴都唔係太差,衹是路途艱辛,往後如何,仍是未知,中簽也不錯。//

      呢支簽講既係中空寶, 期望落空
      往後如何? 簽有話你知唔得
      上唔到

      但係亦無大災難,唔太擔心會跌(呢度指經濟環境, 股市樓市無前景都可能會跌)

      中簽合理

      刪除
    4. //我係唔明點解係中簽,唔係下簽。刚才再睇一下,望梅止渴都唔係太差,衹是路途艱辛,往後如何,仍是未知,中簽也不錯。//

      周顯有講點解係中,而唔係下.

      刪除
    5. // 有黃C前同事恥笑《流浪地球》缺乏常識:在無氧氣的太空如何點火呢?//

      咁啲火箭上到太空咪全部都死哂火??!!

      刪除
    6. //事實是美帝長期有一幫人質疑人類上月球是否一個騙局...

      我睇過有關youtube,其中有話過月球無空氣,美帝旗如何會「乘風而起」?

      //但係亦無大災難,唔太擔心會跌

      簽文無講過石田係主人翁的唯一財產。

      //咁啲火箭上到太空咪全部都死哂火??!!

      火只在太空船內部發生。

      刪除
  10. Man少呢篇真係笑死我 XD

    http://www.linepost.hk/index.php/blogger/7623-yn190225b05

    回覆刪除