又係金叵籮之屋

主持人話戶主２０１７年買入，樓價２,３００萬，呎價＄１７,０００，搬入郊區，可以等港孩親親大自然云云...梗唔係喇（３５：４０—４７：２０）！

樓盤傳真 2019/02/02 2019/02/02 23:37

一月份，一二手樓成交量均回升，重返去年年中、旺市之初的水平，部份大型屋苑之呎價亦略有反彈。加上美國暫緩加息，長遠私樓供應不足等，令近日各業界均重新預告樓市調整已到尾聲，甚至回升在望。但啟德商業地皮出乎意外地流標，而負資產個案重現都為樓市反彈，添上重重疑點。
上車盤樓價時光倒流至一年前，吸引上車家庭開始心動，農曆新年假期前，業主又表現得很有信心，是否已完成回調、找到平衡？
新地南昌站匯璽、向海單位，同時要正向長沙灣漁類批發市場，以及西九龍公路，開則如何破解車聲、異味兩大缺點？
滿名山接近一千三百呎、連九百呎花園的單位，四房雙套，但房間面積細，業主一家五口，包括兩位小朋友，怎樣重新分配空間才合理。

單位四房雙套，兩隻港孩一個剛出世，一個未夠三歲，又要同舅父一齊住...咁奇？舅父豈不是做戶主夫婦的電燈膽？

由於開門直入見客次，戶主便要求設計Ｃ將客次拆掉，亦將主次縮細，連同隔鄰的客房２和客房３，變成特大主人房連衣帽間及書房（左上、右上）。飯廳以土豪金燈飾為焦點，非常難頂（左中、右中）。旁邊圓鏡櫃和對面的企身櫃都係鞋櫃（左下、右下），一屋五個人住真係有咁多對鞋？唔怪得睇到記者妹變 poker face：

同飯廳的土豪金唔同，主人房睡床無乜花巧，係床頭板得幅晝（左上）；但係篤信風水的戶主竟然住由設計Ｃ整個假天花自整橫樑壓頂，認真唔明解（右上）。行入去衣帽間的走廊做滿衣櫃（左中）。女戶主的梳妝枱又係無乜花巧，得塊鏡同埋光管，不過土豪金又返咗嚟（右中）。書房以 cyber look 設計，書櫃又係用金鋼懶 grand 咁，電動書枱仲可以調校高度（左下、右下）：

港孩房燈飾係藍天白雲設計（左上），碌架床就裝上圓角籬笆圍欄「圈養」房設計，以免小魔怪撼親頭（右上）。咁大間豪宅港孩竟然要訓碌架床，床頭一隔隔係玻璃（左中），記者妹話呢個係設計Ｃ的「貼心設計」，好讓父母夜歸而港孩又訓咗，父母便可以隔住玻璃「探監」。港孩房亦少不了「一步到位」的滑梯，記者妹似乎都好得幾開心（右中）。魔術師最唔識欣賞的就係呢種圍住港孩做中心的設計。細路仔大得快，搞到成間幼稚園咁，絕對唔耐用，而且大咗就唔會一齊訓了。不過有錢就係任性，戶主肯科水做水魚就得喇。至於舅父，畢竟「唔係一家人」，設計Ｃ便將本來客房１的門口移入，將套次騰出來變成客次（左下）。舅父間房比較細，裝潢亦較平實，只係有啲層架可以擺下 kidult 模型（右下）。

書房同港孩房可以通向平台，而客廳的另一邊就可以通向花園。花園本來係草地，但因為戶主怕小孩在「污糟」的草地上玩耍，又或者會玩得興起ＰＫ，所以設計Ｃ便起咗個草坡，鋪上戶外木（左上、右上）。廚房保留交樓標準，只係改了門口方向，方便使用（左下、右下）。

ＤＫ，主持話「戶主可以讓港孩親親大自然，健康成長」，但實情連草地都怕，咁即係唔係咁鍾意囝囝親親大自然喇！滿名山毗鄰哈囉喂國際學校，戶主搬到入屯門，唔使問阿貴，都知點解喇！