安安燒

這天魔術師忽然好似貓仔咁發牙癢，想搵啲嘢咬，於是收咗工便爆到去麥花臣匯附近的呢間西川串燒專門店吃過晚餐：

首先來到的是辣汁海蜆。雖然可能係預先製作，不過又真係非常惹味，又夠辣，搞到魔術師想問店員拎匙羹連汁都隊埋！

豬頸肉就一般咗少少，唔夠沙嗲味。魔術師熱捧的龍門居泰式齊齊串應該好味啲，又平啲。

雞翼嘅味道亦唔係咁夠，完全所謂的秘製醬唔知係乜味道：

由於魔術師唔食芝士，所以呢間嘢嘅招牌菜芝士撈丁魔術師都無緣一試。取而代之，重點就變成海鮮，呢兩隻蟶子雖然係細隻咗少少，但調味唔錯，尤其是係蒜蓉超多，魔術師就最鍾意了：

扇貝有４隻但都係 mini 版，同蟶子不相伯仲，都算唔錯；美中不足的是沒有粉絲底（串燒店畢竟唔係大排檔）：

埋單＄２４１（魔術師簽卡通常唔會俾貼士，亦唔明點解有啲人會俾），唔算抵食，可能去龍門居打包泰式串燒會更好味：