2019年2月16日 星期六

新聞雜評(二百二十四)

李指修改移交逃犯條例為堵塞漏洞 更新:2019/02/13 20:05

保安局建議修改移交逃犯條例,將單次移交的適用範圍擴展至大陸和台灣,並賦權行政長官啟動安排。保安局局長李家超解釋是要堵塞漏洞,但民主派質疑是「暗渡陳倉」,變相與內地達成移交逃犯協議。
香港女子潘曉穎去年於台灣被殺,其男友陳同佳涉嫌殺人後返回香港,但因為兩地無引渡協議,無法移交予台灣。目前香港跟無簽署引渡協議的司法管轄區,都可以有單次的個案移交,但條例寫明「不適用於香港與中國其他部分之間」。而且提出之後,要交由立法會審批,短則二十八日,長則三個月,才可以向法官申請臨時拘捕令,二十多年來從沒有用過。保安局就建議刪去地域限制,即內地、台灣都可以單次引渡,而且改為由特首簽署證明書啟動程序不用經立法會,以免驚動逃犯。
保安局只是發出文件交代修例,沒有召開記者會,局長李家超下午約見部分議員解畫,他強調是要堵塞漏洞,但民主派就質疑另有目的。公民黨見李家超時就提出反建議,將單次移交只擴展及台灣,不包括大陸,但局長不接納。

1. 睇見新西票王朱仔懶係 critical,侃侃而談個衰樣就想作嘔!
2. 「要交由立法會審批,短則二十八日,長則三個月,才可以向法官申請臨時拘捕令」咁講法,又可唔可以話現行制度有機會俾垃圾局故意拖延,專登俾時間個犯逃走呢?魔術師真係好「擔心」呀!
3. 雖然魔術師向來都唔同意「你唔贊成咁咁咁,一定係你自己身有屎」的說法,但由林基基到膠鐵通車到肥豬腱,販民不斷都係販賣「殺人政權會來我城拉人」的恐懼;但其實諗真吓,究竟邊啲人先至係最驚殺人政權派強力部門來拉人呢?應該不會是魔術師、摩摩、(去咗上海的)C嬸、妹頭、包青天上司等人掛?如果立例(或不立例)係有「利益衝突」的話,有關人等是否輕則申報,重則避席呢?
***
林鄭拒撤回提高長者綜援年齡門檻 更新:2019/01/30 14:07

提高長者綜援年齡門檻後日實施,行政長官林鄭月娥到立法會接受質詢時拒絕撤回,她重申有反省施政不足,會謹記要謙卑和擺脫精英主義。
長者綜援門檻收緊至六十五歲,實施倒數兩天,特首到立法會。長者綜援爭議加上派四千元風波,特首民望跌至新低。答問會上有五位建制派議員發問,都無提到綜援。
4. 在《解車公靈簽(2019己亥豬年)》一文中,有網友推介呢位趙博的評論,話都有幾分道理云云:

但魔術師睇完條片之後,只癿一浸浸濃濃的笨土黃C味揮之不去。本來魔術師亦都十分唔認同因人廢言,不過近年黃C興起,經常以立場行先,再胡亂扭曲別人論點,用來 support 自己。果然,根據有時不太準確的維基百科,呢位趙博真係一條「好為人師」的黃C佔派(黃C有一個特別,就係通常都「好為人師」):
善軒曾創辦補習社「趙博教室」、亦曾任現代教育中文科補習導師及OurRadio「通識天地」節目主持。
趙善軒曾為明愛專上學院人文及語言學院助理教授,並同時擔任香港中國婦女會馮堯敬紀念中學校董及謎米香港節目主持。2015年7月,他在《蕭遙遊》節目中透露,因參與佔領運動,他任職的學校收到數十封投訴信,所以他決定辭去網台節目、所有公職及學術工作。[5]
2017年7月1日「7.1大遊行後」,學聯午夜在遮打道預演和平佔中,警方圍捕511人參與者,趙善軒是其中之一。[6]
在片段中老趙以三國時魏臣盧毓之諫言:
「名不足以致異人,而可以得常士。常士畏教慕善,然後有名,非所當疾也。愚臣旣不足以識異人,又主者正以循名案常為職,但當有以驗其後。故古者敷奏以言,明試以功。今考績之法廢,而以毀譽相進退,故真偽渾雜,虛實相蒙。」
— 《三國志 魏書二十二 盧毓傳
盧毓本來的意思係憑名聲只能找到「常士」(質素一般的人),而不能找到「異人」(精英);而老趙無故將「常士」跟「盛名之下無虛士」,再拉到19幾丈遠我城的「盛名」來自法治、廉潔,並謂如果無咗「盛名」(暗示跟蝗國融合的後果),就「畫餅不充腸」云云。老趙呢位「常士」明顯就係誤導群眾,以現時我城的「民主制度」並唔係講真・獨立思考,而係鬥人多的遊戲;老趙呢類胡言亂語,正好就係將中間派拉到自己陣營的「良方」矣!
5. 觀乎盧毓原文,其實係講緊現時的以風評為主的「360評核」(以毀譽相進退)只會「真偽渾雜,虛實相蒙」;解決方法是要重置考試制度,考驗佢地嘅能力(以循名案常為職,但當有以驗其後),才能找到真正的「異人」(精英)。
所以哪,過年前777話要「擺脫精英主義」;車公聽了,便馬上補飛,提示特衰正苦要引入精英,才能避免「畫餅充飢」。識唔識執生,就真係睇777醒唔醒水喇!不過...恐怕777似乎都係信主多過信車公...
***
圖斯克:「地獄留位俾脫歐派」 歐盟對文翠珊心已死?
撰文:葉德豪 2019-02-07 12:40 最後更新日期:2019-02-08 10:56

「我一直很好奇,那些心中連一絲執行計劃也沒有的脫歐派,在地獄裏為他們預留的特別位置是怎麼樣的。」歐洲理事會主席圖斯克(Donald Tusk)周三(6日)與愛爾蘭總理瓦拉德卡(Leo Varadkar)會面後如是說。
當記者會正要結束時,瓦拉德卡更被錄得對圖斯克說:「你這樣說,他們在英國媒體上會給你很多麻煩。」圖斯克點了點頭,兩人相視而笑。圖斯克及後更在社交媒體上重推他的「落地獄」言論,似乎恐怕外界未有足夠關注。
文翠珊周四(7日)將出訪比利時布魯塞爾,要求重啟愛爾蘭邊境問題的談判。在圖斯克言論的陰霾下,此行恐怕凶多吉少。
脫歐派地獄論 演變成神學笑話?
此等非外交性的言辭,當然惹來極大反響。唐寧街首相府就請圖斯克反思他的用詞,是否有助脫歐進程。保守黨疑歐派大老里斯莫格(Jacob Rees-Mogg)更指圖斯克在神學上並未到聖湯瑪斯阿奎那(St. Thomas Aquinas)的層次。

不過,有歐盟官員就向英國廣播公司(BBC)記者澄清,圖斯克所指的「地獄位置」是供脫歐派死後使用,而非現在就要用,似乎想澄清當中的神學誤解。
一向「鬼馬」的歐盟委員會主席容克(Jean-Claude Juncker)也加入討論打圓場,說他唯一知道的地獄,正是他的主席工作。
歐洲議會脫歐事務負責人費爾霍夫施塔特(Guy Verhofstadt)卻落井下石,指:「路西法也不會歡迎他們,因為見過他們對英國的所作所為,難保他們不會釀成地獄分裂。」
「花生事」不說,其實自上月29日英國國會通過「為愛爾蘭邊境補底方案(backstop)尋找替代方案」的修正案後,眼見文翠珊出爾反爾的轉軚,歐盟似乎已逐漸對英國脫歐進程心死,而且更有立場愈加強硬之勢。
文翠珊出爾反爾 歐盟堅守立場
一直支持英國留歐的圖斯克就指出,現實情況是英國執政保守黨及在野工黨都不容留歐選項,而且英國的留歐派也是一盤散沙,沒有有效領導。
另外,愛爾蘭總理瓦拉德卡雖然說對進一步討論持開放態度,卻是現有補底方案的脫歐協議已是歐盟可接受的「最佳方案」,堅持不改愛爾蘭邊境方案的立場。
其實歐盟自2018初以來的立場一直未改:任何脫歐協議都要有補底方案,以作避免愛爾蘭島上再起硬性邊境關卡的後備安排;而且,為確保補底方案的有效性,在另有更佳安排前,補底方案不能有限期,而英國也不能單方面退出。
文翠珊在去年11月向歐盟爭得將英國全境(而不只是北愛爾蘭)也留在英歐關稅同盟的安排後,就一直支持此方案;歐盟也壓下部份國家對英國的讓步要求,讓歐盟27國一致通過方案。上月29日,文翠珊卻為爭疑歐派支持而突然轉軚,如今離脫歐大限不足兩個月,歐盟當然大為震怒。
歐盟對脫歐不存希望?
在最近的一份為無協議脫歐作準備的歐盟立法案中,歐盟就特意稱位處地中海出口的直布羅陀(Gibraltar)為「英國皇家的殖民地」,完全漠視英國的主權。
另外,本周初歐盟代表在與疑歐派就愛爾蘭邊境的替代方案展開討論後,就指歐盟早在2017年底就為無協議脫歐開始準備實是明智之舉。其對英國脫歐心死之意,已是溢於言表。
雖然發表完「地獄論」的圖斯克仍表示希望文翠珊能在愛爾蘭邊境問題上提出「可實行」的保證,不過愛爾蘭邊境問題基本上是一個邏輯上不可解的死局,他此番言論似乎是出於「食花生」的好奇,多於對脫歐進展真的心懷希望。
文翠珊在「地獄論」的陰霾之下出訪布魯塞爾,預計只會重提早已被歐盟否決的替代選項,似乎只會是凶多吉少,甚至會自取其辱。
6. 哈,以魔術師跟米帝同事打交道的經驗,無論係米佬定米婆,佢地的確係只懂講願景,畫地成餅的「常士」,魔術師呢類「異人」基本上係好難同佢地溝通的:一諗多幾步,drill 落去執行的層面,佢地基本上係無能想像或預見到會有乜問題(未必係解決唔到的問題),更加唔好話 plan 定解決方案。講得愈詳細,就只會愈激死自己,有時真係想咒佢地「落地獄」架!
7. 「常士」的質素雖然係比較一般啲,但畢竟辦事能力或者都能夠在合格線上低空略過;不過一般「民智未開」(唔係人人好似瑞士糖咁有錢派都話唔要的)民眾隨時只會係豬隊友,米爆公投呢類訴諸「民主公投」,實際上只係鬥動員力鬥人多的遊戲。國家大事唔靠精英主持,反而訴諸民眾,呢啲咪叫做「反智」囉!
***
伸延閱讀:
維基百科:趙善軒
解車公靈簽(2019己亥豬年)

29 則留言:

  1. 犯民成日話大陸有強力部門在港捉人,就算要捉珠曖滴或割支旗,都可叫強力部門做,洗乜靠一次過移交囚犯法例呀!犯民簡直自打嘴巴。

    回覆刪除
    回覆
    1. //叫強力部門做,洗乜靠一次過移交囚犯法例呀!

      老美都可以叫楓葉國捉慢慢周喇!

      //FUD

      好鬼怕呢類匿名留言, 得一個字唔知佢想表達啲乜, 成旦要估估下. FUD = Fear, uncertainty and doubt?

      刪除
    2. eeeeericcc:

      睇見你個留言,我真係不禁要D了一聲...Fuck U Democracy 得唔得?

      刪除
  2. 我有個比較大膽的奇想,假如條友放出黎,改名換姓之前,有一日唔知幾時被人扑濕左,醒返就身在台灣某處,周圍有警察陪住佢,等佢起身,係咪好劇性呢?。唔知係咪睇得美劇Arrow多,諗多左。

    回覆刪除
  3. 《流浪地球》的原著小說,就點出了烏合之眾的反智行為。https://mp.weixin.qq.com/s/DVJE0d3MWYRclRbxU4nojQ

    又,有啲掛住C嬸,希望佢學會翻牆「國技」,重回谷糠。

    回覆刪除
    回覆
    1. //《流浪地球》的原著小說

      又咁大段嘢, 我的時間愈來愈不夠用了!! 有拖無欠喇 -_-

      //C嬸,希望佢學會翻牆「國技」,重回谷糠。

      我經FB教過佢, 但好似唔work.

      刪除
    2. 魔兄寄張香港data卡俾C嬸用啦~~
      https://www.datasimstore.com/4g-3g10--p0433.html

      刪除
    3. 我一直有睇。無咩特別就唔覆啦!我係用 ChinaMobile data hotspot 俾電腦。係咪好吊鑽呢?/ C 嬸

      刪除
    4. //《流浪地球》的原著...
      係咪個大結局?唔怕劇透就睇呢個,簡短好多:
      https://www.bilibili.com/read/cv1881421/
      最好有人同銀雄做個對比。
      C 嬸

      刪除
    5. //我係用 ChinaMobile data hotspot 俾電腦

      哈!呢個亦都係我用開的辦法。只是唔敢用嚟睇Youtube,因為流量好快爆...

      建議下次可用聯通,個plan抵啲,以前用CM經常月尾要買data,我而家一個月8.5G兩地共用一直無爆過。

      //《流浪地球》的原著小說

      呢個我等埋睇過套戲先睇。以前經常在萬達廣場食完晚飯就行過隔離戲院,而家份新工好少機會周中上面過夜,weekend又懶得上去剩係睇套戲(其實我未試過在深圳睇戲的),最快要等盒子上架先會睇了。順便會等埋《新喜劇之王》蝗版,因為據聞罕有地巷版係正面結局,反而蝗版係暗黑版。

      刪除
    6. //她重申有反省施政不足,會謹記要謙卑和擺脫精英主義

      要擺脫的是“純精英角度思考主義”。例如160就肯定無嘗試了解過智商100以下的人諗乜,但偏偏你服務的就是佢地,所以先會(被認為)講錯嘢。

      講到尾管治階層一定是社會精英構成的,“精英用『民智未開』角度諗嘢”某程度也是另一種帝皇之術嗻。

      刪除
    7. //魔兄寄張香港data卡俾C嬸用啦~~
      //我係用 ChinaMobile data hotspot 俾電腦
      //呢個亦都係我用開的辦法。
      //建議下次可用聯通,個plan抵啲

      大家真係好關心C嬸的去向...仲有啲蝗國data plan,我真係完全無發言權。

      //最好有人同銀雄做個對比。

      睇咗碟先再講...

      //呢個我等埋睇過套戲先睇。

      小說版讀後感應該今個月內會出, 希望唔會爆了摩摩的雷.

      //因為據聞罕有地巷版係正面結局,反而蝗版係暗黑版。

      咁唔通我都買兩隻碟?

      //要擺脫的是“純精英角度思考主義”。
      //(被認為)講錯嘢。
      //精英用『民智未開』角度諗嘢”某程度也是另一種帝皇之術嗻。

      我都係成日犯一樣的「錯誤」,所以成日俾人話「唔係人人好似你咁叻」, 變成「唔夠貼地」... -_-

      刪除
    8. //我都係成日犯一樣的「錯誤」,所以成日俾人話「唔係人人好似你咁叻」, 變成「唔夠貼地」... -_-

      可以抄考侵侵同黃轆撚、甚至希魔的做法。除了希魔可議外,我絕唔相信前兩者真係全信自己所講的東西,而係迎合“市場需要”而已。

      不過亦有人話智商太高的確好難“迎合市場”,所以智商高最好投身純技術工作,市場策略就由智商中至中上、而情商有親和力的來包裝。

      刪除
    9. //我絕唔相信前兩者真係全信自己所講的東西,而係迎合“市場需要”而已。

      所以黃郁人俾689告恐襲,其實佢真係驚的(佢同平時的表現完全唔同)。

      黃C就真係深信佢地的「正義信念」的。

      刪除
    10. // 黃C就真係深信佢地的「正義信念」的。

      好人通係總是自以為是....

      刪除
    11. 朱仔的語氣,都係好鬼自以為正義 feel 的

      刪除
  4. 《流浪地球》原著小說除大背景和電影一樣,其他情節內容不同的。全文約2.3萬字,先收藏起,日後有時間才慢慢看吧。

    回覆刪除
  5. //保守黨疑歐派大老里斯莫格(Jacob Rees-Mogg)
    呢位仁兄出名真藍血超離地,佢第一次選舉"洗樓"時(嗰區喺開礦工人為主)好攪笑咁帶埋佢嗰褓姆一齊,仲要揸住架Bentley...呀sor唔喺,佢之後話只不過喺阿媽架Ben屎啫。

    //更指圖斯克在神學上並未到聖湯瑪斯阿奎那(St. Thomas Aquinas)的層次
    //似乎想澄清當中的神學誤解。
    使乜鬼澄清,喺一句氣話嚟無啦啦真心膠神學?即喺如果有人鬧DKLMCFH,唔通走去澄清研究佢老母喺唔喺真喺咁好D?有幾臭?

    //不過愛爾蘭邊境問題基本上是一個邏輯上不可解的死局
    最激死人喺day one大家就知道呢嗰問題,N年後原地踏步。

    //英國的留歐派也是一盤散沙,沒有有效領導。
    留歐派多數喺年輕一袋,暫時仲未有個癡瘋式佔領敦倫,畢竟冇幕後金主/外國勢力喺冇可能嘅。

    //預見到會有乜問題(未必係解決唔到的問題),更加唔好話 plan 定解決方案。講得愈詳細,就只會愈激死自己,
    我俾人話過啲假設性嘅嘢無謂講/諗咁多,到時先算--到時都死咗喇點玩條屍都冇用啦!

    //有時真係想咒佢地「落地獄」架
    「DKLM」!

    回覆刪除
    回覆
    1. //好攪笑咁帶埋佢嗰褓姆一齊

      Kidult 嚟架?

      //使乜鬼澄清,喺一句氣話嚟無啦啦真心膠神學?

      米帝的慣技是,一旦俾人D到無話可說,便捉字蝨企圖 distract 件事。

      //最激死人喺day one大家就知道呢嗰問題,N年後原地踏步。
      //我俾人話過啲假設性嘅嘢無謂講/諗咁多,到時先算

      米帝另一絕技就係扮唔知,扮諗唔到,「船到橋頭自然直」,實際上只係逃避現實;又或拖到件事唔掂為止,等有能者睇唔過眼走出來解決咗佢。

      刪除
  6. 睇見朱兜迪同反智峯個樣就唔開胃!二人都適合去拍周星馳D戲做騎呢怪! 係咪專登cap d咁嘅圖?

    回覆刪除
    回覆
    1. //係咪專登cap d咁嘅圖?

      係,順手幫佢地 sell 吓佢地個衰樣 XD

      刪除
    2. // 係,順手幫佢地 sell 吓佢地個衰樣 XD

      豬西的真係好L黑我憎. 樣唔係問題, 係個格. 好想打佢一鑊.

      刪除
    3. //係個格. 好想打佢一鑊.

      我最頂唔順佢講嘢的語氣。

      刪除