2019年5月10日 星期五

限古

某日,魔術師一面寫 blog 一面讓 youtube shuffle 聽歌,點知竟然 loop 咗呢首歌出嚟:

乜話?又有新版《倚天屠龍記》?乜蝗國唔係有「限古令」嘅咩?唔係因為內銷唔到轉出口,轉下手就連古裝劇都變「逃犯」,要走嚟CCTVB播吓話!
魔術師上網查找「限古令」,只係見到類此以下的新聞報導:
限古令升級 禁播至6月 網絡影視平台古裝片銳減
明報 2019年3月24日
【明報專訊】內地廣電部門收緊古裝劇播出的限制。多名娛樂業人士前日表示,有關部門的新規,明確從即日起到6月,包括武俠、玄幻、歷史、神話、穿越、傳記、宮鬥等在內所有古裝題材網劇、電視劇、網絡大電影都不允許播出。已播出的撤掉所有版面,未播出的全部擇日再排。官方曾指要堅決反對歷史虛無主義、隨意戲說曲解歷史,古裝劇不能為增加娛樂性而胡編亂造。
【限古令或解除】網傳廣電總局容許古裝劇下月逐步上線
文章日期:2019年03月27日
日前內地網傳廣電總局頒布最新的「限古令」,在六月底前的古裝題材網劇﹑電視劇等,都不允許播出,據知受影響的古裝劇多達幾十部以上。有指這次「限古令」是因為第一季度的宮鬥調控各家執行力度不足,第二季度要嚴格執行。
「限古令」今日有最新發展,內地網指輿論反應強烈關係,廣電總局召集三家平台並簽署保證書,4月起各平台古裝劇可逐步上線,當中條件要每月15號前,各平台要通過地方局報廣電總局播出的計劃;控制古裝劇的比例,現實題材佔年度60%;未拿到上線許可的,不能提前排播和宣傳。
又「多名娛樂業人士前日表示」,又「網傅」,去廣電總局官網又見唔到官方發佈消息,唔通好似侵侵話齋係假新聞?如果係真,則幾乎所有金庸武俠小說都係「歷史虛無主義、隨意戲說曲解歷史」架喇!郭靖黃蓉邊有死守襄陽,亦唔係神雕俠用石頭掟死蒙哥,更唔會有韋小寶代表大清去同羅剎國交涉喇!咁講法,金庸小說戲劇根本不應再存在;大家一於都去讀《史記》,話說《刺客列傳》都幾好睇架!

講返呢套新版《倚天》,魔術師真係無時間追,只係在網上睇咗一啲片段(見伸延觀賞),只見班演員顏值高則高矣,但男演員大部份個樣都娘娘腔,張無忌個樣好似吸咗冰毒咁(魔術師對呢啲潮流真係識條鐵);另外樊少皇竟然做成崑,對比返「徒弟」謝遜演員嘅年紀,樊做師父實在是太「後生」了吧!

班囡嘅就個個都差唔多,輪廓較搶鏡的竟然係由周芷若升呢變滅絕師太的周海媚,同埋叫張教主抄唔到牌要食檸檬的黃衫姐姐...另外,呢個小昭,一眼就見到成浸港妹味...真心唔明點解蝗片無端端又要搵件蛋散我城囡上去「合拍」呢?

張無忌四條女中,魔術師覺得周海娼做芷若做最神似(高圓圓差半班)、對眼鬼鬼地嘅邵美琪做小昭都係無得頂、郡主就揀賈靜雯(電影版的張敏也不錯,男裝很英氣,但年紀不配合小說角色)...至於蛛兒,就真係無感:
(網上圖片)

張無忌嘛,秋官個樣唔夠純情,蘇有朋會好啲,但印象最深的竟然是吳敬華的「佬版張無忌」,可能真係「柒到盡頭便是型」吧!?
(網上圖片)
***
伸延欣賞:


11 則留言:

  1. 都唔知幾多人追。熱播呀!限奶令就有。香港太多巨嬰。
    C 嬸

    回覆刪除
  2. 四大奇書和金瓶梅都喺假架喎!莫非全部都要禁?

    回覆刪除
    回覆
    1. 禁西遊記? 過年開少幾套戲喎

      刪除
    2. //金瓶梅

      蝗片應該無呢個題材.

      //過年開少幾套戲

      周星星麻煩了.

      刪除
  3. 等出指引啦. 以家啲古裝劇, 亂九咁嚟.

    回覆刪除
    回覆
    1. 有經典原著應該好過自行亂咁創作的劇本吧?

      刪除
  4. //「限古令」

    蝗國廣電總局不嬲都好多傳聞的,如果從“社會主義經濟”嚟講,個個行業一窩蜂搞同質化既嘢,“有形之手”就要出手搞平衡,咁“限古令”都符合整體經濟政策的。

    我城好多人成日話蝗國因為意識形態限制,只能拍古裝片...其實這是非常無知的說法,近年由《北上廣不相信眼淚》《歡樂頌》,到上個月種大紅熱播的《都挺好》,都係現代時裝片,題材故事啱唔啱傷民係另一回事,但點能夠一般睇CCTVB既因為無引進自己唔知而話人地無拍?其實我城已經好多人網上睇蝗劇時裝片,只是比例上未令大台夠膽引進嗻...

    //樊少皇竟然做成崑

    如果俾佢老竇樊梅生知道,肯定棺材都激到跳返出嚟。由《力王》開始,樊梅生就力捧個仔上位,但老竇思想非常守舊,覺得自己個仔係靚仔主角之才,所有配角奸角丑角一律唔准接,搞到個仔好多年都無所事事...到個仔唔理老竇終於豁出去,做金山找好評如潮卻激到老竇生蝦咁跳,仲即刻返鄉下唔肯見個仔!個仔肯多元發展,工作越來越多,但好似話老竇都死嗰日都唔肯原諒佢...

    //對比返「徒弟」謝遜演員嘅年紀

    其實演謝遜一直有一個最好的人選,就係:秋生哥!不過先不論年紀,有生之年都可能見唔到佢演蝗劇...

    //對眼鬼鬼地嘅邵美琪做小昭都係無得頂

    但我覺得江欣燕江希文姐妹演母女都係經典之選。尤其江希文都有少少鬼鬼地。

    //電影版的張敏也不錯,男裝很英氣

    呢個係小弟首選!

    //秋官個樣唔夠純情,蘇有朋會好啲,但印象最深的竟然是吳敬華的「佬版張無忌」

    吳啟華最主要做到優游寡斷呢點。

    但點解無數埋偉仔?

    回覆刪除
    回覆
    1. //“有形之手”就要出手搞平衡

      殺人政權呢啲「計劃經濟」,真係比689的「適度有為」更勁, 係「大有為」就真!

      //其實我城已經好多人網上睇蝗劇時裝片,只是比例上未令大台夠膽引進嗻...

      我懷疑CCTVB如何去「察知」潮流呢?

      //個仔肯多元發展,工作越來越多,但好似話老竇都死嗰日都唔肯原諒佢...

      我城班有青就剛好調轉, 上一輩乜都肯做, 但班後生就要劃地為牢.

      //秋生哥!不過先不論年紀,有生之年都可能見唔到佢演蝗劇...

      哈哈, 學發哥話齋:「咁咪搵少啲囉!」

      //點解無數埋偉仔

      偉仔版啲女角太唔掂... 同埋偉仔個樣都係太精靈,唔似張無忌咁古板, 成個小老頭咁.

      刪除
    2. 咁馬景濤呢,這版令我印象最深。

      刪除
    3. //馬景濤

      男角又係太佬喇,淨係女角啱睇。

      刪除