2019年5月3日 星期五

小熊維尼結良緣

今次案例都幾特別,業主係星球人,設計C想呃佢做水魚唔係咁易,傾唔埋欄結果就係DIY,由星球人自己搵C父搞掂佢,究竟佢同啲老粗C父又是否能夠溝通呢(35:29—46:51)?
樓盤傳真 2019/04/13 2019/04/13 23:39

政府多番催迫發展商要釋放空置新盤單位,更開腔關注拖慢銷情的招標大法。發展商發起自律推盤,特別是豪宅盤,都紛紛重新部署,有意趕在第二季開展銷售,包括渣甸山皇第和新九肚山富豪.山峯。
新盤豪宅排隊出貨,特別是新界地區的豪宅供應勢必大增。如果想樓價保值,入市時最好是揀選一些傳統豪宅區,今集的放盤單位,就位於何文田,坐擁傳統名校網的一線豪宅地段。
南豐筲箕灣香島入伙,樓盤豪宅定位,即使 500 多呎也複式開則,營造罕有感。大單位針對家庭客,但部份裝置易生小意外,小朋友尤其要小心。
醫生業主,親身上陣設計家居,要求北歐風格、添上摩登元素,選料一絲不苟,為求效果符合心意,花費了不少時間、心力,但過程充滿成就感。
業主既然係星球人,佢都自認DIY所付出的 time cost 會俾搵設計C做會更多,呢啲就係 comparative advantage 了。計返條數業主自行DIY埋單要350萬,設計C報價就300萬,就算計埋裝潢時的追加撥款,兩者條數都差唔多,結果都係蝕咗時間值...「享受中間過程」呢啲咁自我感覺良好嘅說話免得過都唔好提了,做星球人唔同做 project management,先要搵畫圖公司畫立體圖,set deadline 俾C父,佢地真係睬你都有味,唔激死你都算好彩,否則星球人搞呢單裝潢又點會搞咗成年呢?

原來圖則為三房一套間局,另有兩個客次(左上);業主將兩間客房打通,變成BB房、衣帽間、和書房,再將走廊盡頭的客次縮小,騰出BB房的開門位(右上)。原來單位有私家電梯大堂,業主先就佈置了動水、綠化植物、與風水,看來星球人都幾信風水(左下)。在大門口隔離的細小客次雖然只係得洗水盤同埋馬桶,但裝潢卻有如酒店一樣,非常講究(右下):

客廳以北歐風格設計,都係實木傢俱、絨面梳化、與地毯(左上、右上)。飯廳延續北歐風格(左下),但好似百子櫃同埋圖書館的資料卡櫃桶就係由日本胡桃木製造,唔知係咪用來放病人的病歷(右下):

業主將廚房跟露台結合,造成半開放式設計,設有中島輕食區,而爐頭則因風水關係移到窗邊(左上、右上)。廚房對出設有「偽天窗」,裝上日光燈,令分層單位都可以扮到有太陽哂住(左下)。窗簾則是以西裝布造成,有防皺效果(右下);呢個設計值得觀眾學習,都幾肯定一般設計C唔會做得到:

書房牆以玻璃門分隔,櫃係以花梨木製成,設計寧靜優閒,可供信風水又信佛的星球人業主潛修(左上、右上)。業主因為習大大小熊維尼認識,所以全屋都擺滿各式各樣,有大有細的熊公仔掛畫、裝飾、和擺設(左下、右下):

星球人未出世的小魔怪叫 Hunny,係小熊維尼的 favorite food。BB房亦延續小熊設計風格,周圍都有圖畫,真係難以想像日理萬基的星球人會咁有童真去整件咁的設計出來;睡床又係雙人床在底,單人床在上,真係唔知點訓法(左上、右上)。BB房打開門隔離就係次所,但以企缸設計就有點費解,同BB沖涼應該係用浴缸方便一點吧(左中、右中)。客次隔離有展示櫃,俾女戶主用來放包包用(左下),展示櫃仲有幅仿埃及金字塔壁畫,顯示女戶主係個有包萬事足的港婦(右下):

一般設計案例的衣帽間都係被女戶主霸佔,但明顯本案男主人才是經濟支柱,所以衣帽間順理成章成為男戶主的私人空間,放滿星球人的西裝與皮鞋(左上)。主人房比較簡潔,都係黑白灰為主(右上);床尾通往套次,雙洗面盤設計,毛巾架就係張梯(左中、右中)。浴缸對上的掛畫就係大雄跟靜宜一起鴛鴦戲水,非常意淫(左下、右下):

***
伸延閱讀:
Wikipedia: Winnie the Pooh

8 則留言:

  1. 花咁多錢裝修,點解主人房浴缸咁Q簡單,無噴水式按摩,點樣鴛鴦戲水呀?

    回覆刪除
    回覆
    1. 個浴缸咁細, 要鴛鴦戲水一定要人疊人 XD

      刪除
  2. 頂,又有大公仔!!成三球嘢搞到咁kidult著幾多老西都冇用..不過有錢就是任性,呢啲藝術嘢我識條鐵

    //計返條數業主自行DIY埋單要350萬,設計C報價就300萬....set deadline 俾C父,佢地真係睬你都有味
    見佢成嗰斯文人咁仲唔恰到佢暈?

    回覆刪除
    回覆
    1. //成三球嘢搞到咁kidult著幾多老西都冇用..

      好快 Hunny 仔就會將爸爸的西裝布窗簾掹爛, 啲玩具又會擺到出廳搞到間屋無哂 elegance...

      //見佢成嗰斯文人咁仲唔恰到佢暈?

      唔知拍攝時星球人有無悲從中來, 話無搵設計C 的代價就係要帶埋LM去現場俾班C父D.

      刪除
  3. “浴缸對上的掛畫就係大雄跟靜宜一起鴛鴦戲水“

    點解可以咁bad taste?! 求其掛幅畢加索都好過佢...

    回覆刪除
    回覆
    1. 仲要叮噹躲在一角窺淫...呢啲都反映了戶主夫婦的慾望 XD

      刪除
    2. 戶主想同老婆cosplay大雄用隨意門入靜宜廁所睇沖涼,滿足晒細嗰時嘅慾望XD

      刪除